مشاهدة : 1629
صفحة 1 من 2 12 الأخيرةالأخيرة
النتائج 1 إلى 3 من 5

قصيدة الأم.... الحميدي الشمري

قصيدة الأم.... الحميدي الشمري قصيده يدمع لها القلب قبل العين قصيده ابدع فيها الشاعر المبدع ... منتدى الشعر و القصائد العربية ابيات قصايد شعراء نبطية قصيدة شاعر عامية اجمل القصيد و الاشعار
  1. #1
    صورة الإستثنائيه
    الإستثنائيه غير متصل يحضر الماجستير بالشغب
    تاريخ التسجيل
    Sep 2010
    الدولة
    الا الرياض ماسامحك لو تشتكي لي منها
    المشاركات
    911


    قصيده يدمع لها القلب قبل العين



    قصيده ابدع فيها الشاعر المبدع الحميدي الشمري وسطر فيها اروع صور البر بالوالدين
    لله درك




    خايف عليها من الثرى غطاها...
    والا الحصى حافي..اخاف اذاها...
    اكرم عليها بالكفن يامطوع...
    بالبيت ظل فراشها وغطاها...
    اكرم عليها بالكفن هذي امي...
    واشهد عليها بما عطت يمناها...
    هذي الضحى والليل يتحرونه...
    هذي السماء ونجومها تنعاها...
    هذي السوالف مثلنا تبكيها...
    والارض تنشد عن اثر لخطاها...
    هذي الكبيرة كبر هذي الدنيا...
    هذي العظيمه جل من سواها...
    ابكي عليها مو نهار وليله...!
    ولا سنه تمشي واعد قضاها...
    ابكي عليها كثر ماشالتني...
    وكثر الحنين اللي اختلط بغناها...
    وكثر الاسامي..وكثر من سموها...
    وكثر النجوم..وكثر من يرعاها...
    ابكي عليها من القهر يادنيا...
    من لي انا من لي عقب فرقاها
    من فتحت عيني. ولا خلتني...
    شوفوا ولدها بالقبر خلاها !
    هل التراب بوجهها. ماقصر...
    شفتوا ولدها كيف هو جازاها
    لو انها مكاني ماسوتها...
    لكن اعز عيالها سواها...
    يالدود شفها ذابله جنبها...
    انا ولدها وحاضر وافداها...
    قطعني هاك اللي تبي من جسمي...
    بس الكريمه لا تجي بحذاها...
    واوصيك امانه قل لها تعذرني...
    وتكفى تروح تحب لي ماطاها...
    ابيها تغفر لي مثل ماكانت...
    كل خمله مني بطيبها ترفاها...
    يالله عساها بالنعيم الخالد...
    وعساها في جنة عدن سكناها...
    يافضو هذا الكون ياهو خالي...
    ياضيق هذي الدنيا يا مقساها...
    يامر طعم فراقها. يامره...
    ماني مصدق ارجع وما القاها؟!
    وشلون اجي غرفتها ماهي فيها
    وش عذري لسبحتها ومصلاها
    ش اقول انا لدولابها لشنطتها؟
    واذا سئلني مشطها وحناها
    وعباتها ومي زمزم ومصحفها؟
    والمبخره ورشوشها وادواها؟
    الكل في غرفتها متفقدها ..
    حتى الجدار مفطر ويرجاها...
    الكل يبكيها ماهو ناسيها...
    يالله صبرني شلون انساها...
    ياليتها ماراحت وخلتني...
    او وسعت لي بالقبر وياها


    الله يحفظ امهاتنا يارب




    rwd]m hgHl>>>> hgpld]d hgalvd

    من مواضيع الإستثنائيه :


  2. #2
    متلثمه بالشماغ غير متصل طالب ثانوي
    تاريخ التسجيل
    Oct 2010
    الدولة
    ــِِــــــْْْْمع الاجاويد
    المشاركات
    669
    لاهنتي وسلمت يمنااتس وانا اختس

    ويارب ان تحفظ امهااتنا وتمد باعمارهن على طاعه

  3. #3
    صورة الإستثنائيه
    الإستثنائيه غير متصل يحضر الماجستير بالشغب
    تاريخ التسجيل
    Sep 2010
    الدولة
    الا الرياض ماسامحك لو تشتكي لي منها
    المشاركات
    911
    امين يارب.........

    مشكوره على مرورك العطر ونورتي الصفحه

صفحة 1 من 2 12 الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران