مشاهدة : 60185
صفحة 8 من 35 الأولىالأولى ... 6789101828 ... الأخيرةالأخيرة
النتائج 22 إلى 24 من 103

(قلبي خذاه لي ساكن العين) قصه روعه >>>>> منقوله

المشاركة الاصلية كتبت بواسطة haaasasasa هلا حبيبتي ام ذوق كله في اختيار القصة.. اشكرك على ... اروع القصص احلى قصص طويلة اجمل قصه قصيرة

مقالات مشابهه موضوع على صله

  1. شيلة خذاه النصيب بصوت بدر الصابري
    بواسطة الهوى فضاح في المنتدى اجمل مقاطع يوتيوب احلى افلام Film clips YouTube
  2. وجــــد قلبـــي وطفــلي المتـــفائــل..!
    بواسطة ندوشه في المنتدى خواطر كلمات رومانسية كلام رومانسي عبارات ادبية
  3. لعيوووووووونكـ يا فرووســهـ قلبـــي
    بواسطة قوية الخاطر في المنتدى ممنوع - موضوع × مقالات × صور × برامج × العاب
  1. #22
    شعبونه غير متصل طالب ابتدائي
    تاريخ التسجيل
    May 2007
    المشاركات
    68
    Thanks
    0
    شكر 0 مرات في 0 مشاركات


    اقتباس المشاركة الاصلية كتبت بواسطة haaasasasa مشاهدة المشاركة
    هلا حبيبتي ام ذوق كله في اختيار القصة..
    اشكرك على تفاعلك معي .
    والكلمات اللي مافهمتها مثل: القفطه عنلاتك مفرووره طشونه )..
    وارجوا منك تكملين القصة لان ماعد فيني صبر..
    وتقبلي مروري..
    القفطه = يعني مثلا كلمتي حد ماعطاج سالفه ما اعار لج اهتاما فشلج
    عنلاتك = الله يلعنك
    مفرووره = طايحه بالارض
    طشونه = اشويه
    الغلا باجر بنزل بارتين

  2. #23
    شعبونه غير متصل طالب ابتدائي
    تاريخ التسجيل
    May 2007
    المشاركات
    68
    Thanks
    0
    شكر 0 مرات في 0 مشاركات
    الجزء(11)


    معقووله مغلطه كاتبه حادر !!!! انا لازم اعرف منو هذي خلوود
    وكتبت الرقم على الكتاب وعقب سارت عند وضحه وعطتها التلقون
    فطامي: مشكووووورة وضحه منو ترمسين وضحه كانت على المسن
    وضحه: ارمس ربيعتيه خلوود
    فطامي: حشى هذي واايد وياج اكثر عن هزاع كانت تسولف
    وضحه ارتبكت ها هيه هي وايد طيبه وحبوبه وترتاحليه وايد
    فطامي: اهاا زين والله بس كيف تعرفتي عليها انتي الا من شهر تقريبن تعرفينها؟
    وضحه ما تعرف شو تقول: هيه هي ربيعتيه من زمان بس ما كنت وياها الحين عاد علاقتيه فيها زادت
    فطامي: اهاا لا والله يحيج
    هزاع توه دخل وضحه
    وضحه: عوونك
    هزاع: عانج ربج بس تعالي ابغيج في سالفه
    وضحه تروعت سالفة شووو
    هزاع: شفيج تعالي بس ابا ارمسج بموضووع
    وضحه سارت عند هزاع اما فطامي شافت الايميل وكتبته على كتباها وظهرت من الحجرة
    وهزاع ماكان يباها فشي بس يبا يسولف وياها وعقب وضحه سكرت ايميلها وردت عند هزاع والفليل الساعه 12 تقريبن
    فطامي حدرت المسن وضافت خلوود عشان تتاكد منو هذي البنيه وتمت ترمس ربيعاتها وخلاف على الساعه 1 دشت خلوود
    ايميل فطامي بنت فلان
    ايميل خلوود خلوود
    فطامي دشت عليه
    بنت فلان: السلام عليكم
    خلوود: وعليج السلام
    بنت فلان: شحالج؟
    خلوود: بخير ونعمه وشحالج انتي؟
    بنت فلان: تسرج حاليه
    خلوود: بس انا هب بنيه انا ولد
    فطاااااااامي انصدمت وتمت صااااااااااااااخه
    خلوود: شفيج الشيخه انا اسمي خالد بس الدلع خلود
    بنت فلان: اهاا اوكي السمووحه منك عيل
    خلوود: ما عرفت منو الشيخه
    بنت فلان: السمووخه منك بس مغلطه بالايميل عباليه ايميل ربيعتيه
    خلوود: هذا من حسن حظي
    بنت فلان السموحه الشيخ بصكك بلوك ودليت
    خلوود افاا شله عاده البلوك والدليت خلينا نسولف قبل عقب
    وفطامي ما سوتله سالفه وامرررررة صكته بلوك ودليت بس كااااااانت مصدوومه بالقوو
    فطامي ما قدرت ترقد حتى كل ما تفتح الكتاب تفكر بوضحه وتفكر شو تسوي اوتخبر منو!
    فطامي فخاطرها: انا لازم اتاكد قبل لا اقول حق هزاع يمكن انا غلطت بالايميل لازم اخلي حد من اخوانيه يدق ويتاكد بس منو !!!؟
    واليوم الثاني على الساعه 8 فليل فطامي يالسه في الصاله ومبطله الكتاب وهي امرة هب وياه تفكر شو تسوي بسالفة وضحه
    هزاع: بوووووووووو
    فطامي: حشى روعتنيه
    هزاع: انتي اونج تدرسين وين كنتي في اي بقعه هاا قولي اعترفي بمنو تفكرين اكيد فينيه ههه
    فطامي: حشى كل هالاسئله تبغينيه اجاوبهن انزين صح كنت افكر فيك
    هزاع: اوووه منو قديه يوم فطامي بنت عبدالله تفكر فينيه
    فطامي فخاطرها وهي يالسه تطالع هزاع: مسكين حالك يا هزاع والله ما تستاهل هال****ة ما عندها مونه ولا ذوق يوم تحب او ترمس غيره
    هزاع: ايه انتي حووه شبلاج جذا تطالعينيه اول مرة تشوفينيه امبحلقة عويناتج عليه
    فطامي: هاا شو لا عادي بس على قولهتم كل فتاتن باخيها معجبه ههه
    هزاع: وشفيج جلبتي المثل احيده كل فتاتن بابيها معجبه لهدرجه الدراسه ماثره على عقلج
    فطامي: حتى بويه فديييته معجبه فيه .... والا اقولك وين وضحه عيل عنك هذي امرة ما تقعد ويانا
    هزاع: ما ادريبها ما يت هي عندكم اليوم؟
    فطامي: انا من العصر يالسه هنه وما حدرت تحت
    هزاع: اهاا يمكن مشغوله خليها على راحتها
    فطامي: اي شغل امحق طول الوقت يالسه على الكمبيوتر وحادرة المسن
    هزاع: عاده انتي اكثر منها الا لانج الحين عليج امتحانات خففتي طشونه
    فطامي: بس في فرق هي معرسة وماخذنها هب اي واحد غرشوب من غراشيب بوظبي وانا بعدنيه ما عرست يوم بعرس يصير خير ولا بتشوفنيه مجابلتنه الكمبيوتر شبابه يوم ريليه بيكون عنديه هههه
    هزاع: اونه طالعوا انتوا منو يرمس اووه والله كبر عقلج يا فطامي لا يحيج والله بس برايها وضحه خليها على راحتها يمكن هي متعودة على هاالاسلوب في بيتهم
    فطامي فخاطرها: والله ما تستاهل يا هزاع والله انك طيب ونيتك صافيه فقتها هال****ه
    وع الساعه 12 فليل فطامي: ما عنديه غير منوع عشان اتاكد اذا كان كان هذا واحد والا وحدة
    وراحت صوب حجرة مانع
    فطامي: اووووف هذا حتى في الاجازة ديايه لا حوول شسوي لازم اتاكد شو بعد هذا الي قاصر ترمس واحد وعندهاغرشوب بوظبي ... امم ما عنديه غير حمدان
    دقت فطامي الباب على حمدان وهو طبعن كان على الجات كالعاده
    حمدان: دخلي حياج فطامي
    فطامي: وخييييييبه تخيب العدوو ثرك ساحر انت شقايل عرفتنيه
    حمدان: من دقت الباب وثانين محد ايي هالوقت ويصدع راسيه غيرج
    فطامي سكتت
    حمدان: شبج فطامي هب من عوايدج تمين صاخه قولي شعندج
    فطامي: بقولك بس لا تعصب اباك تكون ريلاكس
    حمدان: ياعينيه على الريلاكس ان شااء الله
    فطامي: والله ماعرف شقولك بس مشكله عووده
    حمدان: شو مسويه بشو مسوده ويهنا
    فطامي: عنبوو من الحين انت معصب خلاص هونت ما بخبرك
    حمدان: عيل والله تخبرينيه
    فطامي: اوكيك اباك تتاكد من رقم اذا هو رقم واحد والا وحده
    حمدان: رقم شو انتي بعد ومن ضاوتنه هالرقم
    فطامي شوف انا ما بخبرك الين ما تتصل وتتاكد من راعي او راعية هالرقم
    حمدان: اوكي عطينيه الرقم ...... وعقب دق حمدان
    حمدان: السلام عليكم
    خالد: وعليكم السلام والرحمه
    حمدان: منو الريال عبدالله والا
    خالد: لا الشيخ هذا هب تلفون عبدالله
    حمدان: عيل منوو
    خالد: انت متصل خويه
    حمدان: انا حمدان
    خالد عاشت الاسامي انا خالد
    حمدان من وين انته خالد من بوظبي والا
    خالد: لالا الشيخ من دار الزين العين
    حمدان: ياحيهم هل العين والله
    خالد: يحييييك ويبقيك
    حمدان: عيل السمووحه منك خالد جان غثيتك
    خالد بالحل ما استوى شي فرصه سعيده انيه تعرفت عليك حمدان
    حمدان: تسلم يلا عيل في داعة الله....... وسكر عنه
    حمدان معصب: خبرينيه منو هذاا ومن وين ضاويه رقمه قولي يامسودة الويه
    فطامي اول شي خبرنيه ممنو هذا ومن وين وشسمه
    حمدان: لا والله حلفي انت بس بتقولين والا
    فطامي: عيل والله ما بقولك الين ما تخبرنيه
    حمدان: انتي من ويايبه هالعناد انزين بقولج هذا اسمه خالد من العين
    فطامي لا تقووووووول صدق الله ياخذها ياربي
    حمدان: شبلاج شومستوي منو تسبين
    فطامي: وياراسها حد يودر مزيون بوظبي الي كلهم يتمنون نظره بس منه
    حمدان: شسالفه شفيهم وضحه وهزاع
    فطامي: اوكي بخبرك بس يتم بينيه وبينك الين ما نشوف شو نسوي بالسالفه
    حمدان: تم السااع
    فطامي: هذ الي رمسك وضحووح ال****ة ترمسه على التلفون والمسن بعد
    حمدان مصدووم السبااااله عنلاتهااا هذي بتفشلنا جدام العرب وبتسود ويهنا
    فطامي: انت الحين لا تخبر هزاع خلاف بنشوف شو بنسوي
    حمدان: وحليله هزاع وربيه ما يستاهل اسميها من ضوت بيتنا اخترب البيت
    فطامي: هيه والله حتى هزاع هب شرات الاول ييلس عندنا ويسولف
    اليوم الثاني
    فطامي: وضووح منو ترمسين حشى عنبو بسج هزاع ينشد عنج في الصاله
    وضحه: اوكي فديتج فطامي دقايق بس عطينيه ارمس خلوود
    فطامي: عنبووها هالخلوود ما تعرف انج معرسة وما تحشم
    وضحه: شفيج فطامي شو فيها
    فطامي: انتي ادرى شفيها هالخلوود ... وخطفت عنها وسارت تحت
    فطامي يالسه عندهم كلهم في الصاله وراحت ويلست حذال حمدان وتمت ترمسه في اذنه
    هزاع: اقوول انا بظهر تامرونيه بحايه من براا؟
    حمدان: هزاع لا تظهر ابغيك بسالفه مهمه وااااايد
    هزاع: اوكيك وين تبغينا نرمس
    حمدان: نسير حجرتيه , فطامي يلا تعالي
    هزاع: فطامي بعد شسالفه !!!!!
    فطامي: وليش كد مرة استوى شي ما كنت انا فيه هههه
    هزاع: اقوول انا المشاكل ما تي الا من تحت راسج
    حمدان: فديتها فطامي والله عاده في هالسالفه بتشكرهاا وبتحب ايديها ويه وقفاا بعد
    هزاع: لا والله بشكرها يمكن بس احب يدينها تهبي ما لقيت الا فطامي هههه فدييييت اميه ما بحب الا يدينهاا ( طبعن هم يرمسون وهم يركبون الدري))))
    حمدان: انزين خلك من السوالف يلا هبط الحجرة
    حمدان: اامممم فطامي انتي بترمسين والاانااا
    هزاع: حشى روعتونيه والله ان ظهرت الساله مقلب والا ما تستاهل على هالزياغ والله بشوتكم
    فطامي: شفيك انت ماكل قرصك ني كل شي تباه دهديه .. لا حمدان انت رمس
    حمدان: اوكيه هزاع ما عرف شقولك بس والله نحن نحبك عشان جذا بنخبرك السالفه
    هزاع اوكيه يلا بسكم زياغ
    حمدان: لا تقاطعنيه انزين .... امم هزاع وضحه ترمس واحد غيرك على التلفون والمسن
    هزاع: فج عيونه: شوووووووو صددق وانتوا شدراكم
    فطامي: لحظه توقعت هالشي بيصير انك ما بتصدقناا ويت بييب التلفون وبخليك انته ترمسه بعد وبتلفون وضحه عسب تتاكد
    وسارت فطامي عند وضحه وخذت عنها التلفون هزاع شل التلفون ودق حق الرقم الي مسيفتنه وضحه باسم خلوود

    خالد: مرحبااااا الساااااع والله لو انج توج مسكره عنيه بس تولهت عليج
    هزاع انصدم ما عرف شيرمس وشيقول!!!!!!!!
    خالد: شفيج فديتج وضحه شعنه صاخه
    هزاع: اقووووول انت منو عنلاتك يا مسود الويه يالي مضيع المذهب
    خالد: انت منو وشعنه تسب حشم رمستك
    هزاع: والله الي هب حشيم طول عمره بيتم هب حشيم وانت هب ويه حشمه عشان احشمك يا السبال
    خالد: اييييييه يعلك العووق شعندك عليه وهذا هب تلفونك منو تكون انته
    هزاع: ونته شعنه ترمس وحده معرسة يال***
    خالد: ليش انت تقربلهاا
    هزاع: انا ريالها يالهررم
    خالد: انزين يوم هي هب مسنعه شو يخصنيه اناا رووح رمسها هي هب انا
    هزاع: انت وياها في الهوا سوا عنلاتكم بس ما عنديه شي اقوله غير الله يبلاك بحرمتن شرواها وادمر
    خالد: ايه لا تم تدعي عليه رووح سنع حرمتك عقب تعال ارمس هب ياي تسب وترمسنيه
    هزاع: بس اقولك الحشمه هب حق الجلب الحشمه لراعيه يالجلب انته وياهاا
    وسكر عنه هزاع وهو امررررررة خلاص معصب على الاخر وسار صوب وضحه الي كانت يالسه في الحجرة وفتح الباب وفر التلفوون على الارض وتكسر
    وضحه: هزاع شفيك وشعنه كسرت التلفون
    هزاع راح وعطاها كف على ويهها صدق انج لعووب يالجلبه
    وضحه وهي امرة تصيح والدموع ينزلن من عيونها هزاع شفيك شله تصفعنيه شو سويت لك اناا
    هزاع: ما سويتي شي بس انج هنتي كرامتيه وبعتينيه وارخصتينيه يالصايعه
    وضحه فهمت من رمست هزاع انه عرف انها ترمس غيره وتمت تصيح
    هزاع: بس اقوولج صدقينيه وربيه ان عقب هالسالفه ما بتمين عنديه يالرغيد بس تبين الصدق والله فذمتيه انج ما تسوين ثراها<<<< قصده الريم يالثرى انتي حتى يمكن الثرى اعلى منج ومن مستواج
    وضحه: والله انا احبك هزاع بس انت خنتنيه ورمست غيريه
    هزاع: عيل والله فذمتيه انيه ما رمست غيرج من خذتج اونج تحبينيه وترمسن غيريه حلوة هذي خلي غيريه يصدق الجذبه هذي ياللعووب
    وضحه: هزاع لا تم تجذب عليه عيل منو هذي الي مسيفنها في تلفونك قلبي
    هزاع وهو معصب ضحك: قلبي اااااااه ياويليه انا من قلبيه اسميه بيشتكي عليه يوم القيامه كيف بعتها وشريتج انتي
    وضحه: شفت وتحلف انك ما رمست غيريه
    هزاع: بقولج فذمتيه انيه ما رمست غيرج وقلبي الي مسيفنه في تلفونيه هذا ربيعيه هب شرات ما تقولين وحده يال****ه
    وضحه: خل وحده غيريه تصدق
    هزاع: انا بخليج تتاكدين هب عشان اباج تصدقينيه بس ابا ابين لج كيف كانت غلطتج . اندوج هذا تلفونيه وتصلي على قلبيه بخليج انتي بعد تتصلين عشان ما تقولين جذبت والا غيرت شي
    ودقت وضحه وهزاع حط سبيكر
    هزاع: مرحباا السااااااااااااع يا بوسنيده
    هذا ربيع هزاع راشد وهو وياه في الشغل واصلن الروحه مسيف اسمه قلبي في تلفون هزاع يعني هزاع ماله خص ولا غيره لانها كانت سوالف بس
    راشد: مرحباااا ملاييين يابو عوينات سود ووسااع
    اما وضحه فجت عيونها !!!!!!
    هزاع: شحالك يا بوسنيده ربك الا بخير
    راشد: بخيييير ونعمه ما نشكي باس ..... ومن صوبك؟
    هزاع: تسرك حاليه ولا تضرك
    راشد: عيل وينك ما ريناك كلنا هنه في القهوة عند الربع
    هزاع: اسمحليه مشغول شوي عند الاهل
    راشد: مسمووح وسعيد يسلم عليك
    هزاع: الله يسلمك ويسلمه من كل شر عيل يلا الشيخ رد السلام عليهم الحين اخليك
    راشد: سلامن يبلغ يلا عيل في داعة الله ..... وسكر عنه
    وضحه: والله يا هزاع اسفه هب قصدي والله عباليه انها بنيه وتحبها عشان جذيه ما تحبنيه ما كنت ادري انه ربيعك
    هزاع: ودري عنج هالرمسة وهب مسمووحه وانا قلتلج ماباج تصدقنيه بس ابا ابين لج غلطتج وانا صدقتي ما كنت احبج بس خذتج لان اميه قالت ليه خذ وضحه وصدقتي انا احب وحدة غيرج وليتنيه ما ودرتها عشانج
    وضحه: انزين هزاع والله اسفه هب قصديه اقولك ارحمنيه وهي تصيح طبعن
    هزاع: بتبطيييييييين اسميج لو تترينيه اسامحج حتى لو انا سامحتج فذمتيه ان هلج الي هو عميه ما بيسامحج وبتمين موخيه راسهم طول عمرهم على الي سويتيه
    ونتي الحين يا وضحه طاااالق وبالثلاث وردي بيت هلج ومن وين ما ييتي وخليهم يسنعونج قبل لا طيحين عند حد بعد والله يستر عليج وعلى هلج وورقة طلاقج بتوصلج جريييييب
    وفطامي وحمدان طبعن خبروا امهم وابوهم وكلهم عرفوا بالسالفه وخلاص طبعن ما يبونها لانها سودت ويهم والا ام خالد معصبه بالقوو منها حتى امرة ما رمستها
    هزاع ظهر من البيت وهو خلاص منهار لانه حس ان وضحه وطت راسه بين العرب وهانت كرامته وتم في السيارة وحط اغنية حربي اجرحتني

    http://www.6rbtop.com/library/resour...n/26917_hi.ram

    سعيد اتصل به بس هزاع ما رد عليه وعقب سعيد اتروع على هزاع لانه اول مرة ما يرد عليه والا ما يرمسه يوم كامل هب من عوايده ودق بيت قوم بو خالد
    فطامي شلته
    سعيد: السلام عليكوو
    فطامي: وعليكم السلام والرحمه
    سعيد: هزاع موجود
    فطامي: لا والله هزاع ظهر وما نعرف وينه دقله على تلفونه
    سعيد: ما يرد على التلفون
    فطامي تروعت شرات سعيد لحظه .... وسارت عند خوها حمدان وقالتله
    حمدان: هلا سعيد
    سعيد: هلا ملاييييين
    حمدان: يعني هزاع هب وياك
    سعيد: هزاع هب فيايا اتصل عليه ما يرد اول مرة يسويها قلت يمكن تعرفون عنه خبر
    حمدان خبر سعيد السالفه لانه يعرف ان سعيد ربيع هزاع وايد)
    سعيد: خلاص انا بشوف وينه وبرد عليكوو خلاف اذا عرفت خبر عنه
    حمدان: اوكي الشيخ بحفظ الرب
    وسعيد تم يتصل على هزاع وبعد مارد عليه وفكر سعيد ان هزاع دووم يوم يكون مضيج يا يكون عند البحر او فوق العرقوب وراح اول شي صوب العرقوب وما شافه وعقب سرا عند البحر وشااف سيارته وارتاح ولقااه يالس عند البحر الروحه
    (هزاع كان حاط تلفونه في السيارة)
    سعيد: وينك انته روعتنا عليك شحالك
    هزاع: ااااااه ياسعيد لا تتنشد عن احواليه امرررررة ما تسر لا عدو ولا ظالم
    سعيد: ادري خبرونيه الله يعينك ياخويه والله هالزمن خربان نادر تلقا فيه حد يحبك صقد والا يحترمك يثمنك
    هزاع: والله يا سعيد احس هذا الي صار حوبت الريم والله انيه ندمااااان اكبر ندم انيه ضيعتها من ايديه ياحساافه والله لو حتى الحين ابغيها خلاص اكيد ما بتعود حقيه ااااااه هي الوحيده الي كانت صدق تحبنيه وتغلينيه
    سعيد: والله يا هزاع ماعرف شقولك بس فذمتيه ان الريم ما نستك وبعدها تحبك واذا الله كتبلكوو نصيب بترجع لك وبتاخذها
    هزاع: ان شااااااء الله يا بو عسكوور والله انيه احبهاا ا احس انيه مضيج بلاهاا واليوم حسيت اكثر بقيمتهاا عنديه
    سعيد: ترا ما تحس بالشي الا يوم تفقده بس اذا الله راد بتعودون لبعضكوو
    وتم سعيد عند هزاع عند البحر الين الساعه 4 الفير يرمسون وعقب ساروا صلوا الفير وكل واحد رد بيته
    ومرن الايام وهزاع طلق وضحه وطبعن اهلها الي هم قوم عمهم علي موخي راسه ومفتشل منهاا ومستحي من اخووه وولد اخوه الي هو هزاع بس هزاع عادي كان وياه حتى بو خالد عادي لان الغلط هب منهم من وضحه
    وبدن امتحانات الثانويه العامه علمي كان عندهم رياضيات وادبي تاريخ
    بوزايد: ريماني يلا انقفضي
    الريم: شبلاك ابويه
    بوزايد: وشعنه ما تبغينيه اوصلج المدرسة ربج يباركلج يوم بوصلج وتسوين زين في الامتحان
    الريم: اووووووه من قديه يوم ابويه بيوصلنيه ولا بعد بيدعيليه اسمينيه اليوم ببدع في الامتحان فديت حمد والله علنيه افداه ياربيه
    ام زايد سمعتها من بعيد: ويدييه يالي ما تستحين شو حمد بعد جيه هوو خوج والا اصغر عيالج تقوليله حمد
    بوزايد: هاا امج غارت الحين وين الله بيوفقج وبيباركلج وبتبدعين
    الريم: فدييييت مريوووم والله فذمتيه محد يسواهاا يعلنيه ما ذووق حزنها وحبتها على راسهاا
    ام زايد: امييييين يابنيتي ولاحزنج يالله انك توفقها في الامتحان وتيسرلها وامررررة تخطف عن الامتحان وتظهر اول وحده
    الريم: اميه شفيج شو اظهر اول وحده ربج اكون ماعرف احل واظهر اول وحده
    ام زايد: لالا شو تظهرين اول وحده منو قال تمي امرة اخر وحده ظهري من القاعه
    بوزايد: اسميج يا ام زايد حفله شقايل اول شي تدعين انها تظهر اول وحده وخلاف تقولين اخر وحده ما يستوي
    الريم: صح ابويه بس حفله بدوون كيك
    ام زايد: ظك هنه خلنيه ارمس الريم فديتها شدي حيلج قري المعوذات قبل لا تبدين واهم شي اية الكرسي والسؤال الي ما تعرفينه خطفي عنه وحلي السؤال السهل قبل وخلاف ردي عليه عن تودرينه ربج تذكرين جوابه ولا تغشين موول ودريه عنج الغش ........................... الخ هههههههههه
    بو زايد: الريم يلا اسميها امج ما بتخلص بتبطين جانج بتتريينها تخلص رمستها وبيفوتج الامتحان والا ما بتضوين شي في الامتحان بتكتبين بدالها رمست امج
    الريم: هيه والله يلا يلا ابويه خلنا نسرح اميه انتي كملي الين ما رد البيت ههههههههه
    ام زايد: يلا ظكوو هنه انتي وبوج صدق انكم امرة ما تحشمون رووحي خلاص جان بتروحين اوين قال ما بتضوي شي
    الريم: وييييييييه فديت امييييه انا فذمتيه محلاج يوم تعصبين وحبتها مرة ثانيه على راسها
    وعقب سارت مع بوها وخطفوا على حمودة
    وفي المدرسة
    سلوم: اوبوووووووووب محلات ابوج يالريم ولا بعد بورش
    الريم: هيه فديت ابويه انا محد يسوااه والا اقول سلوم ها درستي والا شرات كل مرة
    سلووم: ويييييين درست يالريم اسمينيه اليوم ما بضوي شي في الامتحان بس ربج انجح يلا الله يوفق
    الريم: افاااااا انتي ثنويه عامه وشعنه ما درستي
    سلوم: وين ادرس وعيوزيه عنديه اسميها ما خلتنيه اصك الدعنه وادرس كل يوم اسرح فياها العزبه والا عند قوم اميه في بوظبي
    الريم: انزين وف بوظبي شعنه ما درستي شي
    سلوم: على قولت عيوزيه الحرمه مالها حايه في الدراسة الا اخر شي بتعرس وكل الي درسته بتعلقه شرات البرواز
    الريم: لا والله وانتي امرة صدقتيها اشوفج كانج ما صدقتي
    سلوم: لا والله ما صدقتها بس شسوي كل ما يودت كتاب فايديه تقوليه تعالي بنيتيه سلوم همزينيه والا سويليه قهوة وكذيه ههههه
    الريم: الله يعينج عيل اسميج ما بتضوين شي في الامتحانات دام هاذي حالج
    سلوم: لا ان شاء الله بنجح وبفتك من العباله
    وعقب الامتحان
    شميم: شو سويتن بشرن
    كلهن: زويييييين ماشي حاله
    سلوم: ابدن ولا ياه الزين امرة صعب بالقوو بعد شو هذاا من وين يايبين الاسئله عنبووهم حشى ما خلوا فينا اعصاب عنلاتهم الي حطوا الامتحان بالعاني هم الا يبون يرسبون حد
    ومرن الايام بسرعه وكان اخريوم امتحانات حق العلمي بس ادبي بعدهم
    سلوم: اوووووف شو هذاا والله انه صعب كان عليهم كيمياء
    الريم: هيه والله صدقتي واااايد صعب اسئله غريبه اول مرة نشوفهن
    شميم: سلووم تعودنا عليها تقول صعب بس الريم غريبه
    مريوم: صدق لان وايد صعب ما كدر شفتهن هالسئله
    وعقب يت سيارة قوم الريم الدريول ويا زايد
    الريم: اقوول شرايكن نسير كارفور
    سلوم: وين تبين صايعات قالولج نحوط رواحنا في الكارفور بلا محرم
    الريم: زايد خويه في السيارة
    شميم انتي رمسي اميه
    مريوم: بدق على امايه انا
    سلوم: ما ظن عيوزيه بطيع بتبطيييين وايد جان بتينها طيع
    الريم: انا برمسها افا علييج
    سلوم: على راحتج بس ما بترومين بتبطين وايد تتحرينها ام شميم هذي عيوزيه ما تنرام
    الريم: اوكيك اتحداج وان طاعت امرة الباسكن عليج
    سلوم: تم السااع اتحداج
    دقت الريم على يدت سلوم غبيشة على تلفونها اطورن العيايز هههه
    الريم: مرحباا السااااع
    غبيشة يدت سلوم: مرحب باقي ولا هان منو البنيه
    الريم: انا الريم ربيعة سلوم شحالج اميه ربج بخير
    يدت سلوم: ماشكي لا من باس ولا من ياس
    الريم: يعلها حالن مديمه . اميه بغيت اخذ رايج ان سلوم تي ويانا الجمعيه طشونه بس
    يدت سلوم: ويدييييييه لالا ماشي خليها تهضل هال****ه مسودت الويه تبا تفشلنا تهووم في الجمعيات
    الريم: اميه طوليه بعمرج زايد خويه االصغير ويانا ونحن الا بنسير الجمعيه والي تبغينه بنيبلج اياه انتي بس امرينا
    يدت سلوم: لالا ماشي منقوود .... عاد انزين شو بتاخذوليه من الجمعيه
    الريم شوي وبتنقع من الضحك: امرينيه انتي اميه بس وانا امرة فالشوفه
    يدت سلوم: اباج تاخذين ليه كركم حقيه رويحاتيه هذي الخدامه عنلاتها ما خلت حايه حتى الكركم ما سلم منها
    الريم: بس هذاا اميه من عيونيه ما طلبتي
    يدت سلوم: يسلمن عويناتج والا ما قلتيليه بنيتيه الريم بنت منو انتي
    الريم: انا بنت حمد بن هناد اميه
    يدت سلوم: ونعم فذمتيه وسبعه فوقهن
    الريم: ينعم الله بحالج
    يدت سلوم: عيل بنيتيه ما كد ريناج عندنا تعالي ويهي جدانا والا امرة تعالي الحين فيا سلوم ال****ه
    الريم: ان شااء الله بييكم خلاف
    يدت سلوم: عاده اقولج قولي حق سلوم هال****ه تحط وقايتها على ويها عن تعقها وترتغد في الجمعيه خذن حايتهن وامرة ظهرن
    الريم: ان شااء الله لاتوصييين اميه لازم الوقايه على ويهنا بتم
    ....... وسكرت عنها
    الريم: يلا سلوم الباسكن عليج
    سلوم: فذمتج انها طاعت غبووش
    الريم: والله فذمتيه انها طاعت
    سلوم: صدق انتي شومسويه ساحره ام شميم وحتى غبيشة عيوزيه ماسلمت منج
    الريم: احم احم عنديه طريقة خاصه حق الامهات والعيايز
    وطبعن الريم رمست ام شميم وطاعت ومريوم رمست امها وبعد طاعت وعقب كلهن ركبن السيارة
    الريم: زايد حط اغنية خلصن الامتحانات خلنا نخترش

    http://www.6rbtop.com/library/resour...n/31731_hi.ram

    وامرة شلن السيارة شل هههههههه
    مريووم: اسميه ميحد كسر تيم
    سلوم: ويدييييه هنه ريال مزيوون في السيارة تغشن بنات
    زايد ناقع من الضحك ههههه
    الريم: هذا سمي المرحووم زايد
    سلوم: الله يرحمه ويغمد روحه الينه
    كلهم اميييين
    سلوم: والا شحال الريال زايد ربه الا بخير
    زايد: بخييير وسهاله ربيه يعافيج
    شميم: ماشاء الله الريم كلهم خوانج مزايييين
    زايد غداا اشارة مروور هههههه
    الريم لازم هب ابووهم حمد بن هناد وامهم مريم بنت سلطان لازم يطلعون مزايين
    وخلاف وصلوا كارفور وتمن يحوطن تحت عقب راحوا فوق عشان ياخذوون باسكن على حسااب سلوم
    سالم كان هناك فوق بعد عند الكوفي وانتبه على زايد .. وزايد سار وسلم عليه
    سالم منو البنات الي وياك
    زايد: الريم وربيعاتها
    سالم: لا والله وكيف هلهن طاعواا وكيف الريم يايه بلا امها والا بوها
    زايد: عادي انا وياهم
    سالم: والنعم فيك ريال بس هن هب بنيه والا بنتين اربع
    الريم انتبهت على سالم واتقفطت وماعرفت شوتسوي وسالم سار صوبها
    سالم: مرحبا الريم شحالج
    الريم: مرحب باجي بخير وسهاله ومن صوبك
    سالم: بخير ونعمه اقوول شو تسون هني تحوطن في الكارفور
    الريم: ماشي سلامتك يايين ناخذ باسكن
    سالم: وامج وابوج يدروبج انج يايه كارفور ويا ربيعاتج
    الريم: اكيد يعرفون شو انا ما بظهر عن شورهم طوليه بعمرك
    سالم: انزين يلا بسكن ظهرن يلا اشوف شو تبون الشباب يقولون وهم يشوفون بنات رواحن
    الريم: وين رواحنا جيه شو تشوفنا رغيد ما تشوف زايد
    سالم: ونعم فيه بس الشباب مالهم الا الظاهر
    الريم: انزين الحين بنظهر بس بناخذ باسكن
    سالم: اكيد الحين بظهرن بعد تبن تمن يلا انا بوصلكم السيارة
    الريم: لا ربيعاتيه ويايا شو ما يستحن تتحراهن خلاص الروحنا بنسير ما يحتاي
    سالم: انزين خلاص بس دقي عليه يوم بتركبن السيارة
    الريم: اوكيك بس ماعرف رقمك
    سالم حز فخاطره ان الريم ماتعرف رقمه خلاص انزين انا بتصل عليج
    الريم سارت عند ربيعاتها
    سلوم: منو هذا المزيوون انا اشهد انه رحيييم
    الريم: ولد خاليه اسمه سالم
    شميم هاا الريم لا يكون هو سلب عقلج هههه
    الريم: لا فديتج خلي عنج هالرمسه هو بس شرات اخويه هب شي ثاني
    سلوم: بعد شو تبين كل هالرحامه وما تبينه فضل عنج لو اسميها غبيشة هنه ما بتخليج الا تاخذينه
    الريم: هههههههه الحمدالله محد
    مريوم: خلاص الريم دامج ما تبينه انا ابااه اسميها هب رحامه عليه
    الريم فخاطرها: يوم هذا عندهن مزيون وامرة ميتات عليه لو بس شافن هزاع شو بيقولن اسميهن ما بيعين خير ولا بيباتن اليل واكيد بلقاهن فمستشفى الميانين هذي كانت اول مرة الريم تذكر هزاع في الامتحانات
    وفي السيارة دق التلفون الريم
    سالم: ها شوو وينكن في البيت
    الريم: وين في البيت بعدنا في السياره
    سالم: هيه زين عيل خلصتي امتحانات
    الريم: هيه خلصنا اليوم بس نحن علمي حموده بعدها
    سالم: اهاا يحيج شو سويتي اليوم عساه زين الامتحان
    الريم: الصراحه صعب
    سالم: يالله بالتوفيييج ان اشاء الله ...... عيل يلا اخليج تامريني بحايه امارة
    الريم: سلامتك وبقاك في الدنياا
    سالم: هالله هالله بعمرج وردي السلام على هلج
    الريم: سلامن يبلغ
    وسكر وعاد اكيد سلوم وشميم ومريوم ما بيخلنها بحالها
    ومن ردت الريم رقدت الين العشاا <<<<<<<<< من التعب لانها ماكانت ترقد اوكي
    سلامة: الريم دقت فطامي
    الريم: صدق اووه من زمان ما رمست فطامي فديتهااكيد زعلانه منيه >>>>>>>> الريم ما تعرف ان هزاع طلق وضحه
    ودقت الريم حق فطامي وشلته ام خالد
    الريم: عيل خالتيه وين فطامي
    ام خالد: فطامي رقدت تدرين باجر عليها امتحان
    الريم: اهاا زين عيل خالتيه سلمي عليها وسلمي بعد على عوشة ووضحه
    ام خالد:؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟!!!! !!! !!!

  3. #24
    شعبونه غير متصل طالب ابتدائي
    تاريخ التسجيل
    May 2007
    المشاركات
    68
    Thanks
    0
    شكر 0 مرات في 0 مشاركات
    الجزء 12)


    ام خالد: فطامي رقدت تدرين باجر عليها امتحان
    الريم: اهاا زين عيل خالتيه سلمي عليها وسلمي بعد على عوشة ووضحه
    ام خالد:؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟!!!! !!! !!
    -----------------------------------------------------------
    ام خالد: يبلغ ان شااء الله
    وسكرت الريم
    سلوم دقت حق الريم
    سلوم: مرحبا بهالصووت وبراعيته
    الريم: مرحب باجي ولا هان علنيه افداج
    سلوم: شو الاجازة رقييييص والا
    الريم: وين رقييص كلها حفووز هالاجازة الين ما يطلعن النتايج والله يستر
    سلوم: ما عندج مونه يوم تفكرين بالنتايج خليهن عنج اهم شي تستانسين فحياتج
    الريم: انتي خلج على راي عيوزج البنت شو تباها الشهاده يوم انها بتعرس
    سلوم: هييييييه ذكرتينيه عيوزيه غبوش تبغيج تين صوبنا وتلفينا محترة عليه تقول لازم اشوفها بنت حمد والله كلتليه فواديه
    الريم: فالهاا طيب انا قلتلها بيي صوبكم وامرة اليوم انا فبيتكم عقب ماخذ راي ابويه واميه
    سلوم: وييييييييه فديتج الريم جان بتين بيتنا حياج يعلنيه افداج وان سدج الميلس امرةبحطج في الحوي
    الريم:ههههه انتي اونج تقربيبيه جذيه الله يستر عيل اخافج تقولين ان ما سدج الحوي بحطج في السكه هههههه
    سلوم: هيه والله احلى شي في السكه حلاص فالج طيب تعالي انتي بس
    الريم: شكليه بهون الا هههههه
    سلوم: يلا اتريااج اسميها عيوزيه يالسه تزاعج ما عرف شو تبغي برووح اطالعها مع السلامه
    وسكرت الريم عن سلوم وشاورت امها وابوها وخلاف تكشخت الريم وسارت بيت قوم سلوم ويا ابوها
    سلوم: انووور البيت مرحباا السااااااااع والله حي الله ذاا الشوف
    الريم: وييييييييه فديتج سلوم والله تولهت عليج
    وعقب دخلن داخل
    الريم: مرحبا السااع اميه شحالج
    يدت سلوم: مرحب باقي . بخير ونعمه ما اشكي لا من باس ولا من ياس وشحالج انتي؟
    الريم: تسرج الحال ولا تضرج
    يدت: سلوم تعلمي السنع من ربيعتج وييه يا محلات منوطوقها تعلمي الرمسه الغاويه منها امرة غاديه صبي
    الريم هههههههههههههه سلوم يلا تعلمي شعنه ما تتعلمين منيه هههه
    سلوم: اييييييه انتي وياراسج ما صدقتي العيوز توقف في صفج
    الريم: اميه طالعي تقول عنج عيووز ما تشوفج بعد شباب ماشااء الله عليج
    يدت سلوم: وين العصاا المحنايه ييبوها يلالا دهديييه خلونيه امرغها فيها عيزحيلج يا مسودة الويه
    سلوم: لا هدي اميه السمووحه اسولف بس محشومه عن العيز انتي امرة بعدج شباب
    يدت سلوم: ماشااء الله على بنيتيه الريم اسميها رحيمه شرايج سلوم نخطبها حق خوج سلطان
    سلوم: ويييين اميه سلطان الا في ثاني ثانوي
    يدت سلوم: وشو فيها يعني شو فرقت يعني الا سنه والريال ما ينعاب لا من سنه ولا من شي
    الريم: هيه صدقها سلوم خلاص انا موافقه باخذ سلطان خوج
    سلوم بصوت واطي حق الريم: اييييييييه انتي شو تقولين عاد عند غبوش صدقينيه انها اليوم بترمس اميه عشانج هههههه
    الريم: صدق هههههههههه يصير خير
    وتمن يسولفن الريم ماتت على سوالف يدت سلوم
    الريم: يلا عيل اميه اترخص عنكم انا
    يدت سلوم: لالا ماشي صكي الدعنه وقري بقعتج وين بتسرين
    الريم: السمووحه اميه بس ابويه خاري يتريانيه
    يدت سلوم: هيه عيل دام بوج خاري مسمووحه وسلمي علييه
    الريم: سلامن يبلغ حايه امارة من جدايه
    يدت سلوم: سلامت راسج وبقاج في الدنيا وردي السلام على هلج كلهو
    وظهرت الريم وتمت تخبر ابوها عن يدت سلوم وسوالفها وتم ناقع من الضحك عليها
    وخلصووا بنات ادبي امتحاناتهم
    فطامي الفليل دقت حق الريم وسلمت عليهاا
    الريم: هاا شو سويتي
    فطامي: الصراحه يعني الله يستر
    الريم: افاا مع انيه حسيت انج تدرسين وانا والله ما ادق لج عشان اخليج تدرسين ولا اشغلج عن دراستج
    فطامي: تسلميييييييييييين يعلنيه افداج صح انا ما قلت لج شو صار عندناا والسوالف والحشرة عشان جذيه ما قدرت ادرس اوكي اخر الايام
    الريم: خيير شو الي صار روعتينيه
    فطامي: تدرين ان هزاع طلق وضحه
    الريم منصدمه وفاجه عيونها افاا شعنه شو صارر حشى توهم معرسين شهرين تقريبن ما كملوا
    فطامي: هيه استوت سالفه <<< وتمت تخبرهاا
    الريم فقتها يعلهاا الويع شو هذي ***ه ما توقعتها جذا الحين شو نفسية هزاع عساه بخير
    فطامي: ياويليه على الحب هههههه الصراحه عنيه انا ماشوفها وايد واذا شفته شي نادر ما ييلس شرات قبل في البيت تعرفين هب شويه الي صار
    الريم: اهااا يعل الحزن في عدووه هب فيه
    فطامي: سمعو سمعواا الصراحه انا ما اقدر لازم احب حد ههههههه
    الريم: عيل ااسالج ليش يوم انا قلت حق امج من كم يوم سلمي على وضحه قالت يبلغ
    فطامي: صدق قلتيلها سلمي على وضحه
    الريم: يعني قلت سلمي على فطامي وعوشه ووضحه وياهم
    فطامي: هيه عادي لان اميه الروحها مضيجه منها وما حبت يمكن تفتح الموضوع وانتي كيف ما تعرفين في السالفه مع ان امج تعرف
    الريم:اصلن انا ماايلس وياهم في الامتحانات الا طشونه يعني ما اقدر اسولف مع حد من الخاطر
    فطامي: بس تبين الصدق يستاهل الي صارله هذي حوبتج ليش يلعب في مشاعرج
    الريم: فطامي شفيج هذا خووج لا تمين تقولين عنه جذيه ولا تخلينيه اندم انيه خبرتج الي صار من بينا
    فطامي: انزين خلاص بغير الموضوع ..... ابا ايي العين اشتقتلج فديتج والله
    الريم: حياج امرة قربي صوبناا
    فطامي: انزين شرايج عقب كم يوم بشاور الي فبيتنا وبني صوب المبزرة ويبل حفيت
    الريم: واااااااااااو يلا اوكي ارقبج ردي عليه واذا ييتوا انا امرة هناك برحببكم
    فطامي: خلاص ان شااء الله بشاورهم وبردلج خبر واذا الله راد بشوفج في المبزرة لحظه شوي الريم
    هزاع: انتي شو تسوين الحين هالوقت منو ترمسين
    فطامي: ارمس ربيعتيه وينك هزاع اشتقتلك والله مالك حس ولا شوف
    هزاع: لا تغيرين الموضوع منو ترمسين طالعي الساعه كم الحين
    فطامي: ليش الساعه ككم الحين
    هزاع: الساعه 2 حبووبه
    فطامي: والخيييييييييبه بس تعرف عادي ما ورانا شغله ولا مدارس خلصنا
    هزاع: انزين مبرووك بس يلا سكري عيب منقود شو بيقولون اهل ربيعتج وهي ترمس الحين
    فطامي: انزين الحين بسكر ..... ريماني اخليج الحيين
    هزاع من سمع اسم ريماني فز قلبه ياااااااااويل حاليه اناااا يا كثر ما شتقتلهاا فديتها والله
    الريم: هو عندج صح
    فطامي: هيه
    الريم: اوكي حياتي سلمي على هلج
    فطامي: والعررب ههههه
    الريم: عن المصاخه قلت هلج يعني كلهم وخص عوشه وامج
    فطامي: افاا بس يلا اوكي يبلغ في داعة الله
    هزاع: فطامي اخبارهاا
    فطامي: بخير وسهاله احسن عن قبل
    هزاع: امممم انزين فطامي هي ما قالت شي عنيه
    فطامي: ليش شو تبغيها تقول
    هزاع: اممم هي تعرف اني طلقت وضحه
    فطامي: هيه تونيه خبرتهاا
    هزاع: اهااا شو كانت ردة فعلهاا
    فطامي: زعلانه اكيد قالت حرام يطلقون توهم معرسين
    هزاع: صدق زعلانه اهااا هزاع فخاطره: يعني هي الحين خلاص ماتفكر فيه
    فطامي: ليش تبغيها تستانس لانك طلقت ترا خلاص احيد الي بينكم من زمان انتهى وولى
    هزاع: عنديه اناا لا ما انتهى ولا بينتهي الين ما امووت
    فطامي فخاطرهاا: ياويل حالك يا هزاع ليش انا جذبت عليه امممم هزاع
    هزاع: عوونج
    فطامي: عانك الرحمن اممم بقولك انا قلتلها هذي حوبتج لان هزاع ودرج وهي ردت عليه لا تمين تقولين جذيه عن اخوج لا تخلينيه اندم انيه قلتلج
    هزاع: صددق جذا قالت فدييييتها ياربي والله محد يسواها عنديه
    فطامي: يا عيني على الحب ههههههه
    هزاع: انزين خل عنج انا برووح ارقد
    فطامي: ليش بيك الرقاد عقب الي قلتلك اياه
    هزاع: هيه بحلم فيهاا
    فطامي: والله انكم طماشه ما عندكم الا سالفه وحب وغرام
    هزاع: وشو احلى من الحب صح انه عذااب لو كان من طرف واحد بس الحب حلى شي في الدنياا
    فطامي ونحن نتعلم منكم يا استاذ هزاع والله صرت معلم في الحب هههه
    هزاع: يلا هب فايج لج بسير ارقد باجر ورايه نشة
    فطامي: ويييين بتسرح باجر
    هزاع: الله يسلمج باجر بنرووح القنص ويا الشبيبه وبنبات في البر يا طويلة العمر
    فطامي: ابا اسير وياكم ابا اقنص غزال
    هزاع: وين انتي ووين القنص لو بنخليج تنقصين اسمينا ما بنضوي على شي
    فطامي: ماعليه ان ما خليت ابويه يعلمنيه كيف اقنص وامرة من عقبها وياك بلصق فيك شرات اللزق
    هزاع: صدق انج حفله والله لو بتم اسولف وياج الين الفير ما بتقولين لا
    فطامي: انزين متى بترووحون ومتى بعد وكم يوم بتمون
    هزاع: اييييه ترانيه ما بشلج
    فطامي: ما ابا اسير حشى بس اتخبر عشان ابا اسير المبزرة
    هزاع: هيه باجر انا بسير العصر وبنتم يومين في البر تقريبن يلا يلا محد يعطيج ويه يلا رقاد حشى ناشه من صباح الله خير وبعدج ما رقدتي شو بتحتفلين ويا الينون عشان انج خلصتي امتحانات
    فطامي: عاد تدري يسلمون عليك الينون ويتخبرون عنك يقولون وين ربيعنا هززاع من زمان ما رمسنا وياه
    هزاع: فضل عنج يلا والله محد يرمس وياج سميج ما بتخلصين الله يعيييييينه الي بياخج اسميه ما بيعين خير
    فطامي: شووف الي بياخذنيه بيحب ايده ويه وقفاا منو قده انه فطامي بنت عبدالله وافقت عليه
    هزاع: شفتي ان محد يعطيج ويه حشى صدق انج حرمه تونا في موضوع غير والحين غير صدق ان الحريم يرمسون في اليوم الواحد اكثر عن 40 موضوع
    فطامي: وين 40 قوول 100 وبعد 100 طشونه
    هزاع: اووووووف يلا يلا
    وسار عنها فوق
    اما الريم كانت تفكر بهزااع وهي كانت مستانسة ان هزاع طلق وضحه بس فنفس الوقت زعلانه خلاص حتى لو طلق وضحه شو بيصير يعني ما بيغير من الموضوع شي يعني مستحيل ارد حق حد ذلني ولعب فمشاعريه واذاا بعد هو يذكرنيه شكله خلاص نسا شي اسمه الريم
    اليوم الثاني العصر
    ام خالد: فطامي شلي كتبج من الميلس تخيلي حد يلفي عندنا شو بيقول
    فطامي كانت تشوف التلفزون وتاكل جبس اميه انزين عقب شوي
    هزاع يا ويا ربيعه سعيد ودخل سعيد الميلس لان هزاع يبا ييب شي ويتسبح وبيضوون رباعه صوب القنص
    هزاع: قرب يابوعسكور والسموحه شوي الميلس معتفس
    سعيد: لا عادي ما عليه ترانيه هب من الخطار من هل البيت والا انت رايك ثاني
    هزاع: لا الا من هل هل البيت عطنيه بس نص ساعه وبييك
    سعيد: استناك

    وسار هزاع وسعيد شاف كتب ممواطايات على الطاوله وفج كتاب التاريخ وتم يقراا وكان مترووس استكرات ولا تقولوون كتاب تاريخ تقوولوون كتاب السوالف اليوميه في الحصه

    (فطامي شوفي الابله شو لابسة اليوم والله تقلولين علم الامارات جيه البارحه شي مباراة وانا ما ادري
    (فطامي شو شاربه اليوم حشى اسميج هب صاحيه والاكل هذا عشان حبيبتج كويز
    (اقوول اخباار خوج هزاع الصراحه انا يغررم خوج يحظها الي بتضوي راسه وبتاخذه ههه
    (والله لتشووف بكفخها اليوم جدام البنات وفي السااحه تخسي الاهي ترمس عنيه بتشووف بتعرف منو سارووه
    (اييييييه طالعي جوتي الابله يشبه جوتي جحا هههه
    (اوووف هذي الحصه الي ما ادانيهاا يلا يلا خلينا نفتح موضووع اليوم لانيه ملانه ومافينيه اسمع شرحها
    (سمعي سمعي قصيدة اليوم تقول الشاعره سارة المريخي هه << جان تعرفينها

    شوفووا الابله وشووفووووووووا نويااااها
    وشالي حصل يانااااااااااااس بعد رويااااها
    كرهتلي حياتي وش اسوي دام هذي سوايااها
    الله يستر هالسنه ما نعرف وش بتكون ضواياها
    والسلموومه هههه
    (شو رايكم نلعب حيوان جماد وخطفوا الورقه على الربع
    (موضوع اليوم لو قالولكن ربحتن ثلاث عمليات تجميل وهو في الدين هب حرام شو بتسوون
    (يلا يلا فتحو موضوع الحصة اليومي
    (اذا خطبج واحد من اهلج وانتي ماتبينه
    (الوو الوو فطامي شحالج وين دارج ما عرفتيني انا سارووه
    ترى اقولج مشهووره و اصلن وايدين طلبوني من الكباريه لكن الشغل وايد شو اسوي
    (اقولج يا الرقاصة المغربيه سمعي واايد ترااج مصدقة عمرج
    اقوول فطامي متى رقدتي البارحه الساعه5 الفير .. اها اشوفج مسطله رقدي رقدي
    (لووو ردي عليه بسرعه شالحال وينج البارحه ادقلج ما تشلينه.... الو هلا وغلا حي الله ذا الصوت بخير وسهاله ومن صوبج هيه انا البارحه كنت اجهز هديت ملجتج
    اقوووووول شرايكن نشرد من الحصه عقب هذي حصة هذي ال****ة
    اقوول جب جب لا تمين تسبين دريولنا تره احلى عن ريولكم منيرووه هذا الخسف ودريولنا بعده هب معرس وقال انه معجب فيج هع هع


    وسعيد يقراا وميت من الضحك على سوالفهم وفجاءة يايه فطامي ووقفت عند باب الميلس وشافت الخدامه سعيد انتبه على فطامي بس ما شافهاا عدل بس انتبه ان بنيه يايه الميلس تخيلوا عاد الموقف وماسكه الجبس فايديهاا هع هع لكن حظها انها لابسه سكارف وشوي طالعه قصتهاا هب وايد: الله ينطبج من خدامه وشوو فايدتج في البيت يوم انج ما تنضفين الميلس ما تشوفينيه تعبانه وما فينيه هبه على ترتيب الكتب الحين شو في ماما يسوي لي قرقر كله منج يا مسودة الويه
    وسعيد يسمع وويضحك ودشت فطامي <<<<<< بعدها ما انتبهت ان حد في الميلس ووقفت متصنمه
    سعيد نفس الشي ووقف يوم دخلت وهو ماسك كتابها فايده فطامي امرة ظهرت من شافته
    سعيد: اااااااه يا ويل حاليه ولا عيوون الوضيحي نوع من الغزلان وتعتبر احلاهن وتتميز بكبر عيونها وحلاتهن من هذي البنيه خت هزاع اكيد شرات عيونه فديت عيونه ياربيه
    فطامي: الله ياخذج من خدامه وشعنه ما ترمسين ان حد في الميلس شو بيقول الريال عنيه الحين اكيد ما تخيل ولا تستحي داخله الميلس ولا بعد ماسك كتابيه حافظ عليه لايكون بس قرا سوالفنا ههههه
    وهي كانت هب وايد بعيده عن الميلس يعني سعيد سمعها ونقع من الضحك
    هزاع: اقوول نجمه وديتي القهوة في الميلس والا
    نجمه الخدامه لا مافي يودي الحين في يودي
    هزاع: فضل عنج ما تستحين كم مرة قايلج الشيبه يوم حد بيي تقرببه وتوطين القهوة والفواله
    نجمه: انا ما في يفهم انت شو في يقوول شوو يقول بابا
    هزاع: حافظ عليج انتي بس روحي عند فطامي خلها تعلمج رمستناا
    نجمه: جين >>> زين يعني هع هع
    هزاع: عاشواااا جين في تقدم في الموضووع هذي الكلمه اول كلمه فقاموسنا فضل عنج خربي رمستنا لا تعلمين يلا انقفضي وييبي القهوة مانبا فواله لان الحين بنظهر
    نجمه: جين بابا الحين في مناك ودي
    هزاع: السموحه منك بطيت عليك
    سعيد: سعيد عادي فخاطره >>>> زين يوم بطيت عشان اشوف الوضيحي
    وظهروا هزاع وسعيد من البيت وساروا صوب الشبيبه
    في البر فليل سعيد يفكر فالبنيه الي شافهاا ياويل حاليه على منطوقها ورمستهاا وسوالفهاا وخص عيونهاا
    كانوا سعيد وهزاع رواحهم يالسين والشبيبه راقدين
    هزاع: والا شفيه بو عسكوور حافظ عليك بمنو تفكر وسرحان
    سعيد: لا تخبر يا هزاع
    هزاع: لا يكون تصوبت ههه
    سعيد: لا يخوك الا تخشعت تخشيع
    هزاع: ابوووووووب يعني لحقتنيه
    سعيد الي يسامح الي خشعنيه ما توقعت انيه انا سعيد اتخشع
    هزاع: هيه والله اسمينا تخشعناا
    سعيد: الصرااحه الحين ما الومك على الي قبل كنت تقوله
    هزاع: الله يعين والله اسمينا ما عينا خير يوم تصوبناا هذا الحب عذااب هب شي ثاني
    سعيد: هيه والله اشهد انه عذااااب
    واليوم الثاني فبيت احمد بو سيف)
    روضه: ابوويه نبا نسير البر
    ميثة: اووف ماقالت شي فيه خير
    بو سيف: اسميه ان راي طيب وغاوي
    رووضه: ابويه شرايك كلنا نسير رباعه ويا قوم عميه حمد وعياله
    بوسيف: اسميه رايج طيب بنيتي تم الساع بتشاور وياه
    ميثه: اووووف عاد وياهم ما اداني الريم هذي اووف منها خقاقه ماعرف على شوو
    بوسيف: شهالرمسه ميثة بنت عمج هذي
    ميثه كالعاده بوزت
    روضه: بس بس طالعي وين ووصل البووز تحت
    ميثه: جب انتي يالياعده ويارايج الخسف شراتج وراحت فوق معصبه لووووووووول
    وعقب اتصل بو سيف على بو زايد وقاله الراي
    بوزايد: الراي حي اسميه راي طيب بس خلنيه اشاورهم خلاف برد لك خبر والاعنيه ما عنديه خلاف وتم السااع
    في البر
    والفليل الشبيبه يالسين ومورين الضوو >>> احلى شي ويالسين يرمسوون
    عبيد: والا شفيه بو عسكوور
    هزاع: خله ياريال اسميه انه تصوب الله يعينه
    عبيد: هيه والله يعينه ويعين اليميع
    سعيد: والمعووونه
    هزاع: الله يعيييييينك ولا يهينك
    فارس: عيل هزاع على هذا الجوو الغاوي والضوو والمورايه سمعنا شي طيب منك انت كريم ونحن نستاهل
    هزاع: تم السااع وفالكم طيب شو تبغونيه اسمعكم
    سعيد: سمعنا شلة غاويه الي هي شفتك ولا ضنيت بهواك جان تعرفها مالت الرميثي عبدالله
    هزاع هيه والله يا بو عسكوور شفته ولا ضنيت بهوااه
    فارس انتوا امرة متخشعين هههههه
    وتم يشل لهم

    http://uaefm.net/music/sh/sh03/alrom...hi_shiftik.ram

    شفتك ولا ظنيت بهوااك ما هو بكيفي غصب عني
    لا و الذي في الكون سوااك صدق المشاعر لك خذني
    حاير وسج وفكري وياك اقصد وشعري لك ااعنيي
    كان القمر طلعت محياك يالي جماااالك فاتنني
    حاولت اصبر عنك واااااانساك لكن روحي لك تحني
    اتخيلك في يوم لقياااك يوم الصدف فيك اجمعني
    اشتاق لك والشوق جدواك ونظرات عينك شووقني
    دايم عليه تمر ذكراك مالشوق قلبي متعبني
    ودي بشوفك لا عدمناك فالعمر تبقي ملازززمني
    شفتك ولا ظنيت بهواااااك ما هو بكيفي غصب عني
    هزاع:والسلومه
    كلهم صح لساااااااااااااااا اااااااانك
    عبيد: صح صووتك
    هزاع:صح بدنكم
    واليوم الثاني ردواا كل واحد سار بيته
    الظهر الريم اتصلت حق فطامي
    الريم:الووو السلام عليكم
    حمدان:وعليكم السلام
    الريم:موجووده فطامي
    حمدان: لحظه بطالعها فطامي فطامي
    هزاع توه حادر من فوق: شو بلاك
    الريم استانست من سمعت صوت هزاع
    حمدان ربيعتها داقه
    هزاع: فطامي راقدة ما تعرفها انها ما تنش الحين
    حمدان: فطامي راقده منو اقولها
    الريم:قولها الريم
    حمدان انزين اتصلي عليها العصر اكيد بتكون ناشة من الرقاد
    الريم:اوكي خلاص بتصل عليها العصر وسكرت
    هزاع: منو هذي اللي ما تستحي داقه الحين
    حمدان:هذي بنت حمد يارنا
    هزاع فز قلبه هزاع سمع حمدان يوم قال حق الريم اتصلي العصر
    عقب صلاة العصر تم هزاع يالس في الصاله عند ابووه وامه وخالد وعوشه ومانع وحمدان كان محد ظاهر
    فطامي توها حاده من فوق:السلام عليكم وحبت راس امها وابوها
    هزاع:حشى هب عيوون منتفخات من كثر الرقاد
    فطامي: عاد ما رقدت الا كم ساعة
    ام خالد:كل هذا ما رقدتي
    خالد:انا احيد اللي مخلصين الثنويه العامه ما اييهن رقاد ولا يغمض الهن جفن
    فطامي:عاد انا مرتاحه الحمدالله واللي ايي من عند الله حياه الله
    بو خالد:ونعم بالله صدقها حليلها شو تبونها ما ترقد عسب الدراسه
    فطامي يلست عدال ابووها:فديت ابويه هو اللي يفهم
    والساعه 5 دق التيلفوون
    هزاع نش يشل التيلفون وشاف الكاشف وتشقق من الفرحه
    الريم:الوو السلام عليكم
    هزاع فخاطره:من متى ما سمعت هذا الصوت ياني تولهت عليه ... وعلييييج السلام والرحمه
    الريم تبسمت موجوده فطامي والا بعدها راقده؟
    هزاع: والله تولهت عليج وعلى صووتج والله اني اااااااااسف يالريم
    الريم: منو انته؟>>>>>> تستهبل
    هزاع: افااا حتى صوتيه ما عرفتيه
    الريم: ليش لازم اعرفه ممكن فطامي والا
    هزاع: والا شوو شو بتسوين لو ما عطيتج فطامي
    الريم: هزااع لو سمحت ابا فطامي ضروري
    هزاع: يعني عرفتينيه وليش تقولين ما عرفتينيه ياويل حاليه فدييييت اسميه على لسانج
    الريم: شوف اذا ما تبغي تعطينيه بسكر
    هزاع: خلاص فديتج ولا تعصبين بس حبيت اسمع صوتج
    وزقر فطامي
    فطامي: انا اقوول اول ما دق التلفون ربعت شليته شي غريب هزاع يشل تلفون البيت
    هزاع: انا اذا ابا شي اسويه ... وظهر وهو يفكر بالريم ويوم رمسهاا
    فطامي: شووقالج هذا الخبيل
    الريم: ماقال شي
    فطامي: فديت خشمج هب عليه انا اعرفه اخويه عدل مستحيل ما يبدع برمسته
    الريم: انزين خليه عنج انا داقتلج عشان اسالج ها بتون المبزرة باجر
    فطامي: خلاص بقولهم اليوم انااا وبرد عليج خلاف والا بطرش لج مسج
    الريم: والااقولج انتي كيف راقده وعادي وماعندج حفووز وما تفكرين بالنتايج شرات بنات الثانويه العامه
    فطامي: وشله الحفووز شو باخذ من الدنيا ومن الدراسة
    الريم: والله انا كل ما يغمضن عيونيه اتم اتحلم بورقة الامتحان وبالنتايج ما يسوى عليه
    فطامي: ماعندج موونه تتحلمين في الدراسة
    الريم: انزين اقولج يلا الحين اخليج واترياج تردين هب تنقعينيه
    فطامي: ان شااء الله وسلمي على سلامووه ههههههه
    الريم: يبلغ هههه عاد هي محرمه تي بيتكم من ذيج السالفه هههههه
    وسكرت فطامي عن الريم
    في الصاله كلهم
    فطامي باابااتي
    خالد: وويع ان اشااء الله فقت هالراس شو باباتي بعد
    بوخالد: صدقه خووج ماحيد حد منا يقول باباتي انننف عليج
    فطامي: والخيبه تخيب العدوو انزين هذا دلع حشى ما قلت شي هبيتوا فينيه
    ام خالد: امحق دلع عاد فطامي ما يليقلها الدلع
    فطامي: اهي اهي طالعوا دموعيه حرام عليكم شو قالولكم اعرف الدلع اصلن انا الدلع كاسنيه منراسيه حتى موطاي
    مانع: الدلع يعرف ناسه ونتي الدلع مايعرفج سائلنه قبل اناا قال وين انا ووين فطامي حشى عليه تتخيلين حتى الدلع متبري منج هههه
    فطامي: والحين شو المطلووب اضحك اوكي بضحك عشان ما تزعل هه بس
    هزاع توه داخل عندهم
    فطامي: هزاع شووفهم يقولون عنيه هب دلووعه وماعرف الدلع حتى
    هزاع: منو هذا الي قاال
    فطامي: فديت اخويه الي بيدافع عنيه كلهم قالواا وخص هذا منوع يقول الدلع متبري منيه
    هزاع: انزين صدقه هههههههههه
    فطامي: انا بغيتك عوون صرت فرعوون معوفك حشى خلونيه في المهم ..... اقوول ماي فاذر ابا اسير المبزرة باجر تعبانه اابا اغير جوو
    هزاع: وانزين الحين ابويه شدراه انج زقرتيه
    فطامي: افااا ابويه تسمعه شو يقول اونك ماتعرف انجليزي
    بوخالد انزين وانا شعرفنيه بالانجليزي
    فطامي: شفيكم اليوم تفشلونيه حشى ..... ابويه قلت ابا اسير المبزرة باجر
    بوخالد: لالا مافينيه اضرب خط العين باجر مشغوول باجر ابا اسير المزرعه طالعي حد من خوانج
    خالد: انا عنيه عنديه زاام ونتي تعرفين هالي يعني السمووحه
    هزاع: لا تطالعينيه اناامررة تراااا ما بوديكم
    فطامي: افااا عاد انا متواعده ويا عررب خلاص عادي بسير ويا اميه ومانع والدريول والاحمدان
    هزاع منو هم العرررب
    فطامي غمزت له
    هزااع: خلااص والا اقوول بااجر ما عنديه شغل بوديكم
    مانع: عااشت فطامي فدييت ختيه هذي البنيه صح والله من زمان فخاطريه اسير المبزرة
    فطامي: احم احم عاشت اياامك ادري ادري بس مدح حقيه
    هزاع: ويا هالراس محد مدحج
    فطامي: عيل برووح ابشر عررب
    هزاع: بس لا تخبرينهم عنيه وغمزلها
    فطامي: اوك
    مانع: شو سالفتك انت وياهاا ومنو هم العررب اعترفواا
    فطامي: ونت شو لك سوالف كباار هع عرررب عييوووونهم سوود ووساع
    مانع: انا ريال غصبن عنج يالياعده
    هزاع: اييييه لا تسب ختيه قلتنالك اسراار
    مانع: والله عندكم شي لازم اعرف ماعليه ودلع لهم وراح هههههههههه
    فطامي: صدق انك ياهل هههههههه
    وطرشت فطامي حق الريم مسج وقالتلهاا انهم بييوون باجر المبزرة
    واليوم الثاني
    طبعن الريم نفس شي قالت حق اهلهاا وكلهم عزمواا يروحوون
    وفطامي وعوشة وام خالد ومانع وطبعن هزاع شالنهم
    وقوم الريم كلهم سارواا بعد مع ابوهم
    بوزايد: هيه صح ما قلتلكم شرايكم تسيرون البر مع قوم عمكم احمد
    الريم: لالالا وياهم لا اذا قوم خاليه راشد بيوون اوكي
    ام زايد: والله بعد هذا راي طيب خلاص عيل عزموا وبنقول حق خويه راشد عشان اييون ويانا
    سلامه: انا عنيه بسييير اكيد حد يفوت سيرة بر ودراجات نونو
    بو زايد: انزين ام زايد انتي شاوري قوم راشد بو سالم وردي خبر عليه عشان انا بعد ارد على بو سف
    ووصلوا المبزرة
    قوم هزاع وصلواا قبل قوم بوزايد <<<< لانهم بطواا يوم ظهرواا
    هزاع هناك يتمشى ويرمس سعيد ربيعه في التلفون
    وفطامي وعوشة وام خالد يالسين ومانع يتشمى بعد
    والريم يوم وصلواا شافوا قوم فطامي >>>>> طبعن دقولهم عشان يعرفون وين البقعه الي يالسين فيها
    وسلموواا عليهم ويلسوا عندهم وهزااع من بعيد يشوف الريم
    الريم انتبهت على هزااع وفجت عيونهااا
    !!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

صفحة 8 من 35 الأولىالأولى ... 6789101828 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران