مقالات مشابهه موضوع على صله

  1. رد على قصيدة شاميه اتصلت غلطانه
    بواسطة امير الابيات في المنتدى اجمل مقاطع يوتيوب احلى افلام Film clips YouTube
    مشاركات: 0
    آخر رد: 28/02/2013, 10:37 PM
  2. اكله شاميه فريكة مع اللحمة 2013
    بواسطة mayatemo في المنتدى عالم الطبخ والمطبخ طبخات اطباق وصفات اكلات شهية
    مشاركات: 0
    آخر رد: 29/01/2013, 03:31 PM
  3. نكته حلوه مرررررررررره
    بواسطة مالك لوا في المنتدى نكت محششين طرائف مضحكة ضحك ترفيه تسليه مرح
    مشاركات: 2
    آخر رد: 11/12/2007, 04:56 PM
  4. قصيدة غزل شاميه
    بواسطة شبح الليل. في المنتدى نكت محششين طرائف مضحكة ضحك ترفيه تسليه مرح
    مشاركات: 0
    آخر رد: 19/07/2007, 08:32 AM
  5. بطاقة انذار و بطاقة حب, لعبة مرررررررررره حلوه
    بواسطة ادشر المشاغبين في المنتدى اجمل العاب شباب بنات الغاز مسابقات اسئلة تحدي
    مشاركات: 9
    آخر رد: 27/06/2006, 04:57 AM
صفحة 1 من 4 123 ... الأخيرةالأخيرة
النتائج 1 إلى 3 من 11

الموضوع: أمثال شاميه مرررررررررره حلوه

  1. #1
    ابومشعل111 غير متصل يطلع بدون استئذان
    تاريخ التسجيل
    Jan 2008
    المشاركات
    346

    حصري أمثال شاميه مرررررررررره حلوه





    اصابيعك بايدك مو كلا سوا
    ادن من طين وادن من عجين
    ايدين دكك ورجلين سكك
    اكبر منك بيوم اعرف منك بسنة
    العاب بالمقصوص حتى يجيك الطيار
    الحجر مطرحو قنطار
    النار ما بتحرق ايد الا كاويها
    الحجر اللي ما بيعجبك بفجك
    المونة بدا ركونة ما بدا مرا مجنونة
    الرجل ما بتدب غير مطرح ما بتحب
    الحب مطب والعاشق اعمى
    اكل ومرعى وقلة صنعة
    الجواب بمحلو متل الذهب بمغلو
    السكافي حافي والحايك عريان
    اللي فيه مسلة بتنغزو
    الف قلبة ولا غلبة
    الف عين تبكي وعين امي ما تبكي
    الرجال عند غراضها نسوان
    العين ما بتعلا عالحاجب
    الدم ما بيصير مي
    الديك الفصيح من البيضة بيصيح
    الحكي صابون القلوب
    العين بصيرة والايد قصيرة
    العز للرز والبرغل شنق حالو
    العروس بعلقها وقلة اكلها
    الطبل بحرستا والزمر بمنين
    البحر ما بتعكرو ساقية
    اب اللهاب
    ايلول دنبو مبلول
    الرحمة مخصصة والبلا بيعم
    الف قولة جبان ولا قولة الله يرحمه
    الموت مع الناس رحمة
    الحية اذا جاعت بتعض بطنها
    الكلام بينداق متل الطعام
    اذا احتجت الكلب قوللو يا حاج كلب
    الله بيطعم الحلاوة للي مالو سنان
    القرد بعين امو غزال
    الضرف العايب نافخو تعبان
    الكلام اللي ما بينفد ياحسرة قايلو
    الحكي الك يا كنة اسمعي يا جارة
    الاخرة يا فاخرة
    الرايح بايدو والجاية بايد الناس
    الغايب حجتو معو
    ايمتا كنا والشمس ترقعنا
    اجا ليكحلها عماها
    الرمد اشوى من العمى
    العيرة ما بتدفي وان دفت ما بتوفي
    ايد واحدة ما بتصفق
    ان داقت عليك المخازن مخزنك عبك
    البخشيش بالدرهم والعطا بالقنطار
    ان كان حبيبك عسل لا تلحسو كله
    الله يطعمك حجة والناس راجعة
    الولد اللي ما بيبكي امو ما بترضعو
    اعزب دهر ولا ارمل شهر
    اذا الصغير انتشا الكبير باس ايدو
    الطرق ولو دارت والبنت ولو بارت
    الدهر يوم الك ويوم عليك
    الخبز والماء اكل العلماء
    الحارة ضيقة والحمار رفاس
    الله ما نشاف لكن بالعقل نعرف
    الخوف بيقطع الجوف
    الرطل بدو رطل ووقية
    الصاحب ساحب
    الجنازة حامية والميت كلب
    الاعور بين العميان ملك
    الخير بخير والشر بغير
    الجمل اذا بار بيحمل قنطار
    العين مغرفة الكلام
    ان عاب عليك اصلو دلايلو فعلو
    الجمل لولا الفزة لحمل المزة
    القط ما بيهرب من العرس
    الجار قبل الدار
    الولد ولد ولو صار قاضي بلد
    الجحشة بعليقها والاصيلة بعليقها

    ب

    بير مالو قرار

    بيعمل من الحبة قبة

    بيعمل من الزبيبة خمارة

    بدك تعمل جمال علي باب دارك

    بدوب التلح وببان المرج

    بيقتل القتيل وبيمشي بجنازتو


    بتموز بتغلي المية بالكوز

    باللعب والامزاح تشتفي الارواح

    بصلتو محروقة

    بالوش مراية وبالقفا صرماية

    بين النور مافي تكليف

    بيخطف الكباية من راس الماعون

    بتقولو تور بيقلك حلبو


    ت

    تاجرنا بالكفان بطل حدا يموت

    تعا علي وخلصني ولا تجي معي وتعلقني


    ج

    جارك القريب ولا اخاك البعيد

    جاي من البرية وبدو ياخد الاولية

    جدي بدو يلعب بعقل تيس


    ح

    حرد الدب عن الكرم زاد العنب قنطار

    حكى بدري وانشرح صدري


    حطوه عالمغتسل ودهنوه بالعسل

    حلاق فتح باقرع استفتح

    حمامي فتح بمتوضي استفتح

    حزيران طباخ المشمش

    حلة نيل تصبغ المعلم مع الاجير

    حط بطال وحط بيت مال


    خ

    خدوا فالكن من اطفالكن

    خل ببلاش ولا عسل بمصاري

    خلي العسل بكوارو لتجي اسعارو

    خيط بغير هالمسلة

    خود الاصيل ولو كان عالحصير

    خود الفرس من الفارس

    خبي فحماتك الكبار لعمك اذار


    د

    دخان يعمي ولا بردن يضني

    دود الخل منو وفيه


    ر

    رضينا بالبين والبين ما رضي فينا

    ربوط الحمار مطرح ما بقلك صاحبو

    راح الاعور وتبعور


    ز

    زيوان البلد ولا قمح الجلب

    زعنا اللو طلعت يا ريت


    س


    ساقية جارية ولا نهر مقطوع

    ست وجاريتين على قلي بيضتين

    سمك بالمي ما بينشرى

    سموك مسحر خلص رمضان

    سعد الدابح ما بيخلي كلب نابح

    سعد بلع السما بتمطر والارض بتبلغ

    سعد السعود بدفا كل مبرود

    سعد الخبايا بتفتل فيه الصبايا


    ش

    شعرة من دنب الخنزير مكسب

    شحاد ومشارط

    شو بتعمل الماشطة بالوش العكر

    شباط ما على كلامو رباط


    ص

    صام صام وفطر على بصلة


    صوته متل العرباية عالبلاط

    صبي حمام ايد من ورا وايد من قدام

    صابح القوم ولا تماسيهم

    صاحبي وحبيبي وناح الجيبة لا تقرب

    صرلو بالقصر من امبارح العصر

    صنعة باليد امان من الفقر


    ض

    ضايعة الطاسة

    ضروب الحديد هو وحامي


    ط

    طلعت الحشيشة على راس لساني

    طلعنا من تحت الدلف لتحت المزراب

    طالع عالسلم بقباب

    طلع القمر ودور ونسي زمانو الاول

    طحان ما بيغبر على كلاس

    طعمي التم بتستحي العين


    ع

    عطي الخباز خبزو ولو اكل نصو

    عقلك مو معك تنين بديروه

    على قد لحافك مد رجليك

    عم تتباها بضفاير بنت خالتها


    عيش يا كديش لينبت الحشيش

    عرق اس ولا شماتة الناس

    عطوا الدب حرير يكب

    عم يرش عالموت سكر

    على حظ الحزينة سكرت المدينة

    عم يفوش متل الزيت

    عيش كتير بتشوف كتير

    عود منيح واحكي صحيح

    عمر عطيني وبالبحر ارميني

    عين ما بتقاوم مخرز

    عند الكبرة جبة حمرا


    ف

    فخار يكسر بعضو

    فوتة الحمام مو متل طلوعو


    ق

    قبل ما تقلا كش اضربها وكسير رجلها

    قدا قد الفارة وصوتها ملات الحارة

    قتاية عوجة ان جلستا بتنكسر

    قدرة ولقت غطاها

    قطع الاعناق ولا قطع الارزاق


    قال يا قاعدين يكفيكن شر الجايين

    قط ما بيهرب من عرس

    قلبي على ولدي وقلب ولدي عالحجر

    قوم تساعدوا ما نغلبوا

    قللو اذا حلق جارك بل انت

    قتلني وبكى وسبقني واشتكى

    قللو ما متنا بس شفنا مين مات قبلنا


    ك

    كون ديب ما بتاكلك الدياب

    كتر الدلال بيهرب العاشق

    كل ممنوع مرغوب

    كل مين بيجر النار لقرصو


    كل عنزة معلقة من كرعوبا

    كترة الايادي بتحرق الطبخة

    كلام القاضي متل الفستق الفاضي

    كرمال عين تكرم مرج عيون

    كل جاجة حفرت على راسا عفرت

    كل طايفة والها بالوعة

    كل قمحة مسوسة والها كيال اعور

    كل مين شافني ارملة شمر واجا هرولة

    كسرنا الدف وبطلنا الغني

    كل ديك على مزبلتو صياح

    كانون الثاني الاصم عود ببيتك وانطم


    ل

    لا قيلي ولا تطعميني
    اللي بينشرى ما بينشهى
    اللي ما بتزينو عروقو ما بتزينو خروقو
    لبس المكنسة بتطلع ست النسي
    اللي بيدق الباب بيسمع الجواب
    اللي بشوفني بعين بشوفو بعينتين
    لا تاخد هاللبانة الا من هالحنك الاعوج
    لا تاخد صاحب الا بعد قتلة
    اللي بيخفف راسو بتتعب رجليه
    لا تعلم شحاد على باب دارك
    لا تتقل على امك وابوك بيكرهوك
    لا تقول عنب ليصير بالسلة
    لو رحنا بين القبور بيلحقنا الداقور
    اللي بيعرف اولتو بتهون عليه اخرتو
    اللي ببيعك بالفول بيعو بالقشور
    لباس مالو ودكتو باربعين
    لولا الكاسورة ما عمرت الفاخورة
    لا تقول للمغني غني ولا للرقاص رقص
    لا تاخد صاحب الا بعد خناقة
    لا تقول فول ليصير بالمكيول
    لبس العود بيجود
    لوما علبة مكي الاحوال بتبكي
    اللي ما بيخاف الله خاف منو
    اللي عندو فلفل بيرش عالمخلوطة
    لا مين عمر سكن ولا مين مون اكل

    م

    ما بعد الصبر الا المجرفة والقبر
    متل خازوق البحرة
    مشتراة العبد ولا تربايتو
    مين خلف ما مات
    مندق المي وهي مي
    ما بين السابق والمسبوق دقة خازوق
    متل الخنفسة بالطاسة
    مو كل مين قال بكره العيد دفعولو
    متل حمام مقطوعة ميته
    متل اللي عم يغني بالطاحون
    ما بيسلم الكرم من الناطور
    متل اللي جاب الدب لكرمو
    متل الحبلاس كل ما كبرت عم تحلى
    ما بيحك جلدك متل ضفرك
    متل الاطرش بالزفة
    ما بيعجبو العجب ولا الصيام برجب
    مجنون يحكي وعاقل يسمع
    مو رمانة لاكن قلوب مليانة
    ما في شجرة ما هزا الهوى
    محل ما ترزق الزق
    مابيحك جسمك متل ضفرك
    ماحدا بيقول عن زيتو عكر
    من طول عمرك يا تينة مجعلكة
    متل حية التبن بتقرص وبتخبي راسا
    ما في طلعة الا وراها نزلة
    مطرة نيسان بتحي قلب الانسان
    مادام النصراني صايم البرد قايم
    معك قرش بتسوى قرش
    ما بين تشرين وتشرين صيف تاني
    متل الاطرش بالزفة

    ن

    نص الكلام مالو جواب


    ه

    هاللي الو شعرة من الجمل بنخخو


    و

    وردة بتخلف شوكة

    وقت بتقع البقرة بيكترو سكاكينا


    ي

    يا شاري الهم من قلب صاحبو
    يا رايح كتر منايح
    يا لبنية بلا كبب يا عداوة بلا سبب
    يا شاري الهم من قلب صاحبو
    يا مسترخص اللحم عند المرق بتندم
    يلي بتجوز بالدين بيجوا ولادو بالفايز
    يلي ببيت اهلو على مهلو
    يلي مالو كبير مالو تدبير
    يلي مالو عتيق مالو جديد
    يللي الو طباخ ما بزفر ايدي
    يلي بيفوتك حصرم بتاكلو عنب
    وقتن كبر وشاب بعتوه عالكتاب
    يللي متلنا تعوا لعنا
    يللي اولو شرط اخرو شرط
    يللي انتهى عمرو ما بتهينوا شدة
    *المنحوس منحوس ولو علقوا على باب بيتوا فانوس وان شعلو بينطفي وان ازلو بنوس.
    *دايمة بالعز في شاي الا نفز.
    *هلي بتطبخ منه بتاكل منه.
    *حبسو في كيس مع ابليس طلع منه ابليس يستغيث.
    *ابن ادم نصو خلقة ونصوا خرقه.
    *ابنك صغير ربيه وان كبر خاويه.
    *الارض التي ربت حنطة وشعير ما بتربي ها الصغير.
    *دسنا الاراضي التي ما بتنداس وبسنا الايادي التي ما بتنباس.
    *الاستقامة عين الكرامة.

    *اخ على اكل مخاخ
    *يقبر امو لو فتح تمو كان اكل الحكيم وامو.
    *كول فول وامشي عا الاصول.
    *الله بطعمي اجاص لعالم ما لها اضراس
    *منو ما اخد امي بسميه عمي.
    *ما بروح عاشق الا بيجي مئة الف مشتاق
    *اللي بدق الباب بيسمع الجواب.
    *ست خدوج لبست البابوج باجريها العوج
    *البخل ما نزل من السما ولكن ناس تعلمت من ناس.
    *ثلاث اشياء بديعة: المرءة المطيعة والدار الوسيعة والدابة السريعة.
    *البقة تولد مية وتقول ياقلة ها الذرية.
    *كل جديد وله لذة وعا العتيق السلام.

    Hlehg ahldi lvvvvvvvvvvi pg,i

    التعديل الأخير تم بواسطة ][المستشـــار][ ; 21/01/2008 الساعة 01:53 PM سبب آخر: اعادة تنسيق

  2. #2
    ][المستشـــار][ غير متصل يمون على المشاغبين
    تاريخ التسجيل
    May 2007
    المشاركات
    1,036

    رد: أمثال شاميه مرررررررررره حلوه

    هههههههههه


    يسلموابومشعل بيك


    بعض الامثال مشابهه لامثالنا .



    شكرا لك

  3. #3
    ابومشعل111 غير متصل يطلع بدون استئذان
    تاريخ التسجيل
    Jan 2008
    المشاركات
    346

    رد: أمثال شاميه مرررررررررره حلوه

    المستشار سعدت بمرورك الكريم

صفحة 1 من 4 123 ... الأخيرةالأخيرة

Content Relevant URLs by vBSEO ©2011, Crawlability, Inc.