مشاهدة : 251893
صفحة 11 من 48 الأولىالأولى ... 9101112132131 ... الأخيرةالأخيرة
النتائج 31 إلى 33 من 143

قصه روعه بين بنات عم وعيال عم مضحكه

البارت السابع وائل: الحمد الله مافيها شي سلمان: الحمد الله وائل: ممكن اشوفها الدكتور تفضل ... هنا جميع المواضيع والمشاركات المحذوفه والمكررة والمخالفة ويتم حذف مواضيع هذا القسم بالتدرج كل فترة محددة

مقالات مشابهه موضوع على صله

  1. رواية بنات العم وعيال العم
    بواسطة بنت أبوي 1 في المنتدى اجمل روايات احلى رواية جديدة Novels Narratives
  2. تعالو شوفو وش بيصير لو كانت الدراسه خليطي بنات وعيال
    بواسطة ساره فهد في المنتدى ممنوع - موضوع × مقالات × صور × برامج × العاب
  3. شوفو.. المدارس بعد الخلطية بنات وعيال ... !!!
    بواسطة سـاليو في المنتدى مقالات منوعه موضوع عام منوعات مواضيع
  4. تعالوو شوفو شنو يصير لو صارت المدرسه خلط بنات وعيال
    بواسطة المـMAXـاكس في المنتدى نكت محششين طرائف مضحكة ضحك ترفيه تسليه مرح
  1. #31
    تاريخ التسجيل
    Jan 2008
    الدولة
    من دار ابو متعب
    المشاركات
    210
    البارت السابع
    وائل: الحمد الله مافيها شي
    سلمان: الحمد الله
    وائل: ممكن اشوفها
    الدكتور تفضل من هنا
    ودلهم على الغرفه
    دخل وائل بسرعه: مشاعل الحمد الله على سلامتك يالغاليه انشالله مايوجعك شي
    مشاعل: لاالحمد الله الله يسلمك
    سلمان: كان واقف عند الباب طبعا ذبحه الفضول يبي يشوف صاحبه الصيت العالي
    والتفت وتنح وقف فتره طويله على هل حال
    وائل: كان معطيه ظهره مايشوفه ومشاعل ماشافته
    وائل: مشاعل لا تقولين لابوي تكفين
    مشاعل: لاتوصي حريص ترى اللي بيجيك يجيني
    الا ماقلت لي وش اخبار ناديه
    وائل سكت وبعدين قال: والله انها متعبتني وتنهد تنهيده طويله
    مشاعل ضحكت بصوت عالي على حركات المراهقة
    مشاعل: طيب يافالح طلعني ابرجع المزرعه ورانا هبال وسهر
    سلمان: حس علىدمه وهو يقول بخاطره مايتوبون هالبنات
    انت وش قاعد تقول خلهم يستانسون حرام عليك وانت ماتستحي تناظر بنات الناس
    ولوها اختك ولو وحده من شوفاتك وش بتسوي لو شفت احد يناظرها يووه انا اطلع برى احسن
    وطلع وبعد دقايق جا وائل وقال بنطلعها
    سلمان: اقعد مع اختك شفها يمكن تحتاج شي وانا بروح اكمل الاوراق
    واءئل: الله يعافيك
    وراح وكمل الاوراق ورجع ولمى رجع طق الباب ولاحد رد طق مره ثانيه فتح الباب بهدؤ ولا مشاعل طالعه من الحمام وبيدها منشفه التفتت تحسبه وائل وهنا كانت الطامه الكبرى البنت تنحت رجليها ماشالتها والمنشفه طاحت من يدها
    وهو مستانس ومتفشل وبخاطر سلمان: والله انها مزيونه هالبنت من قريب احلى بواجد وكانه تذكر شي وطلع وخلها وهي تقول هذا اللي ناقصني الحين بيقول وش بيقول كشه ومجروحه جبهتي وحالتي حاله اكيد ارتاع<<<مسيكينه ماتدري ان الزين زين
    في المزرعه
    كانت جالسه على البلكونه وتفكر تفكير عميق هذا حالها من ساعتين وهي دايم اذا تعرضت للمشكله ما تنام الااذا لقت حل
    عرفتوها هذي نهى الحين هي فاضيه للنفسها وتفكر انا ليش حبيت حمد او انهوهمت لا انا توهمت ليش احبه وش هاذكاء هو ساعدني عشاني بنت عمه بس لااكثر انا لازم انساه انا احبه واحسبه علىكيفي الظاهر اني فاهمه السالفه غلط خلاص اللي راح راح وكملي حياتك طبيعي وهو مادامه واطي لاتوطين نفسك عشانه انسيه هو مجرد ولد عم لااكثر وقامت تنوم وهي تقريبا اتخذت القرار
    سلمان بسيب المستشفى وائل توه جاي
    سلمان: وين كنت
    وائل: ابد رحت لدوره المياه وانت بكرامه
    سلمان: زين ترى خلصت الاوراق ناد اختك خلها تطلع
    وائل:طيب
    ودخل وائل وشوي وطلع مهيب طالعه
    سلمان بخاطره اكيد مفتشله من موقف قبل شوي): ليش
    وائل: مامعها عبايه
    سلمان:ايش
    وائل: لما كنا بددسن ماتوقعناشي مثل هذا يصير وانا اخوها يعني ماكان لها داعي
    سلمان منقهر: طيب الحين لها داعي
    وائل حس بالاستهزاء: خلاص انا بروح اجيبلها عبايه واجي وراح وماخلي للحكي مجال
    سلمان حزبخاطره بس هذي حركه ميب تكانه
    وبعد نص ساعه جا وائل ومعه العبايه وطلعو مشاعل كانت تعبانه والدم اللي راح منها كثير وكان وائئل ماسكها0 سلمان رحمها ويوم ركبت
    سلمان: الحمد الله عاسلامه
    مشاعل بتعب: لله يسلمك
    وسكوووووووووت رهيييييييييييييييي ب
    حتىوصلو بالمزرعه
    وقبل ماتنزل مشاعل قالت: الله يعافيك
    سلمان حس انه حركه ابتسم ذيك الابتسامه الله يعافيك بركن السياره ونزل وهو يفكر وهوداخل الجناح دعم بنواف
    نواف: اعمى ماتشوف
    سلمان عرف السالفه فيها شي: لا اشوف بس الدننيا ظلام الا انت ليش مانمت
    نواف كان مستني احد يساله: بنت اخوك هذي يبيلها تكسير راس ماتحشم لا كبير ولا صغير
    سلمان يحسبها العنود: طول بالك بنات مهبل اذا عصبو يقطون خيط وخيط
    نواف: اجل تقولي انت ماعندك عقل ابد
    ويقاطعه صوت الجوال
    سلمان: هلا والله بالغلا كيفك
    لا انا الحمد الله
    ندى: عمي انا ضايق خلقي مرررره
    سلمان: افا ليش
    ندى ماتدري وش تقول
    بس في نهايه ماعندها فحد: من مهاوش اليوم
    سلمان: حتى انتي عندنا الاخو لولا ستر الله كان ذبحني
    ندى باستغراب: من؟؟
    سلمان: من غيره نواف
    نواف يطق سلمان ويسوي حركه يعني وش تقول
    ندى: وانت وش مقعدك معه
    سلمان: حظي الاقشر خلاني اقعد معه
    نواف عصب زياده: مالت عليك قول سعاده حظي اللي خلتك تقعد معي
    سلمان: اقول ندىوش اخبار بنت خالك
    ندى باستغراب: الحمدالل وش الطاري
    سلمان: ابديوم جت تركب السياره كانت يالله تمشي
    وهو يتكلم يسمع صوت يغني
    ندى:تضحك هذي هي تردح
    سلمان: ماشالله امداها الله لايضرها
    من جهه ثانيه نواف اللي كان يسمع بكل حواسه ويقول هين ان ماوريتك ماكون نواف
    نهاااااااايه البارت توقعاتكم
    نواف وندى وشس بيصير بينهم
    ناااااااايف وش بيصير فيه
    ومشاعل والبقيه هل هناك من جديد ترقبوو الجزء الثامن من حب في الجمس

  2. #32
    تاريخ التسجيل
    Jan 2008
    الدولة
    من دار ابو متعب
    المشاركات
    210
    وهذا الثامن كمان بس والله ثم والله اني اذا مالقيت اردود حلووووووووه اني مانزل اي شي لمدة شهره كامل اوكيه

  3. #33
    تاريخ التسجيل
    Jan 2008
    الدولة
    من دار ابو متعب
    المشاركات
    210
    البارت الثامن
    في الصبح في المزرعه قامت ناديه وراحت عند الحريم لان البنات كلهم نايمين..
    ناديه صباح الخير
    ام فهد: هلا والله صباح النور
    ام ناديه: غريبه وش مصحيك
    ناديه في خاطرها انا نمت: شبعت نوم
    ام ناديه: زين… تعالي ساعدينا بنصلح الفطور
    وراحت ناديه معهم ويوم جويفطرون دق سلمان على ام فهد
    سلمان: السلام عليكم
    ام فهد وعليكم السلام
    سلمان: امي عندك
    ام فهد: اييه هذي هي
    ومدت لها الجوال
    الجده ساره ماسكه الجوال بالمقلوب وتكلم ساره: مافيه ااحد
    ناديه: هههه امي ساره انتي قالبته
    الجده: اوص كاني اسمع صووت
    ام فهد: هههههه وخذت السماعه وعدلتها
    الجده: اي كذا
    سلمان: يمه وينك سنه تردين ولا تتغلين علينا
    الجده: اسكت عن الخرابيط وش عندك بذا الصباح داق
    سلمان: افا هذا وانا ولدك وتوتني جاي امداك تملين
    الجده: امل من الدنيا كلها الا انت
    سلمان: ايه خلك كذا زين يمه ابي افطر معك من زمان مافطرت معك
    الجده بعد تنهيده عجايزيه: اي والله تعال عندي هنا ما فيه احد غير حريم اخوانك
    سلمان والله البلشه: لا اجل مع السلامه
    الجده استخدمت السلاح السري: حلف حرج انك تجي ولا منيب فاطره
    سلمان الله يهديها ماتركت حركاتها: طيب
    وسكر وطلع من الباب الخلفي مايبي يتواجه مع نايف خلي كلامهم على رواق وتفاهم
    سلمان: ياااااااااولللد
    ام عبد العزيز: تفضل ماعندك احد
    سلمان وهو يدخل كل هذا ولا فيه احد: السلام عليكم
    الحريم: وعليكم السلام
    سلمان: شخباركم
    الحريم: بخير
    وقعدو يفطرون انتبه للبنت اللي قاعده معهم وشكلها صغيرة قال هذي اكيد حبيبه وائل
    ام حمد: ناديه بعد عمري جيبي جوالي خليني ادق على البنات يقومون قامت ناديه وجابته
    ام حمد وهي تدق
    ام حمد: الو
    فهده: هاه
    ام حمد: قومي قامت عصبك كل هذا نوم
    فهده:وشو << البنت مضيعه
    ام حمد قومو يلا
    فهده: طيب وصكتها وكملت النومه
    ام حمد: فهيده اعرفها ميب قيامه لو بزلازل
    ام حمد الو
    مشاعل: هلا
    ام حمد: هذي البنت الصح قايمه يلله قومي هل الشعب وانزلو افطرو
    مشاعل: ان شالله
    وبعد ربع ساعه من الانتظار نزلو البنات
    مشاعل: صبح الخير
    وراها رهف تتمغط: صباح النور
    ام عبد العزيز" انتي متى بتوبين عن هالنوم
    رهف: اذا حجت البقر على قرونها
    جلسو يفطرون ومشاعل مرتاحه لان اللحين محد عرف غير البنات بالجرح وبقلبه تشكر سلمان اللي جا وتغطت بجلالها وارتاحت من المناحه اللي ممكن تصير
    وسلمان ماسك كاس الشاي ويشرب ويناظر يمين ويسارويشوف بنات اخوانه قد ايش تغيرو
    سلمان وهو قايم: اكرمكم الله مع السلامه وباس راس امه وطلع
    في السيب اللي بين صاله الحريم وملحق الرجال سمع صوت الصيحات والادعيه وعرف انهم اكتشفو جرح مشاعل يقول مسيكينه الله يعينها
    ام وائل: اسم الله عليك يابنيتي وليش ماقلتي لي
    مشاعل: يمه جرح بسيط وخلاص لاتكبرينها
    وبدى الصياح
    نهى جالسه بجنب رهف وطايحه تطنزشف والله ههالحريم هوالات
    ت
    عند الشباب نواف معقد حواجبه وهذي يعني انه متضايق
    وشياب سوالفهم هي هي تنعاد وتنزاد
    مشعل: نواف ارحم حواجبك لاتطيح ترى والله معد تركب
    مروان: اعوذ بالله توني انتبه شوي شوي ترىوجههك بيتبرى منك
    نواف حاضن ترمس الشاي ويطالعهم
    رامي: والله انا من شفتك ماسك هالترمس وانا اقول البلا جاي
    نواف: اسكتوووو
    نايف اللي كان هاديء وساكت
    نايف: خير انتو وش تبون
    مشعل: اخص اللي يدافع عن اخوه
    نايف: انتم تطنزون على اخوي اجل كملوا
    نواف: رمى عليه علبه الحليب بس الحمد الله كانت مسكره
    نواف: هذا وانا شاد بك الظهر
    نايف: لا لا تشد كلها كم شهر واعرس واخليك
    مروان:تراك بتتزوج اختي لا تتكبر لا اخليها تكنسل السالفه هذي كلها
    ابو عبد العزيز: ياشباب ماودكم نستاجر دبابات
    رامي: يعيش عمي هذا الحكي ولا بلاش
    وائل: انا بجيبها
    انايف: خلاص خلوها على حسابي هالمره
    مروان: يعيش النسيب
    راحو الشباب يستاجرون

    عند البنات
    فهده: بناااااات فيييه خبر سعيد وبيفرح الا مه العربيه
    رهف: خيييييير وش السالفه
    نسايم: اكيدذابحه احد ولا مغتاله واحد من البزران مروعته
    فهده: انطمو يابنات عماني وخوالي العزيزات
    احم احم يوم الاربعاء الجاي عيد ميلادي وعازمتكم عندنا في البيت
    نسايم: وامي ساره
    رهف: والاستراحه
    نهى: والله ان يزعل علينا جدي لو مانروح
    فهده:ههههههه مساكين انا فهده مو حيالله
    ندى اللي كانت زعلانه من امس وضايق خلقها جاها الفضول وقربت
    ندى: وشلون؟؟؟؟؟؟؟
    فهده: هذا ياطويلين العمر ابوي قال للحمد احجز لنااستراحه لان عقد الاستراحه خلص وانا عاد قعدت اتذلل لحمد يخليها خميس رفض وبعدين طلع الاربعا اخر يوم للمستاجرين يعني محد رايح الا الخميس
    نهى:ايا ياسوسه عرفت تدبرينها
    فهده: شكرا مو شي جديد
    ناديه وهي داخله: بنات تدرون ان نايف مستاجر دبابات للشباب
    العنود: وووششششو خييير وهي قايمه تدور: ويييين جوالي بسرعه لقته واتصلت على نايف
    ومارد فاتصلت على نواف اللي كان يناظرهم مالعب
    نواف: الو
    العنود: صدق ولا اشاعه
    نواف: لافحوصات وش تبين؟؟
    العنود: انتم جايبين دبابات وانا مساكين قاعدين بها العشه تقول صيصان
    نواف: طيب وش تبيني اسوي
    العنود خافت على اخوها مو هذا اسلوبه عاده لازم طقاق ومناقر الامايجي احد يفكهم
    العنود: وطت صوتها نواف وش فيك
    نواف:..........
    العنود: نواف صدقي اتكلم وش فيك
    نواف: ولا شي
    وسكرها
    العنود هنا صخت نواف وش سالفته
    دقت على سلمان
    سلمان: الو
    العنود: هلا سلمان
    سلمان مستغرب هدؤها: هلا العنود
    العنود: نواف ايش فيهه
    سلمان: تستهبلين مطاقه معه امس ومخليته يطلع صوته وتقولين وش فيه
    العنودباندهاش: بس انا ماطقيت معه
    سلمان: الا هو قالي بنت اخوك رفعت ظغطي لا تستهبلين العنود بعين نواف ماعمره شال هم طقاقكم اكيد مو هاذي سالفه يله باي
    وسكر والعنود تبي تجمع بعد سكوت:\العنود: ندى
    ندى: هلا
    العنود: انتي مزعله نواف؟؟
    ندى ثارت وعصبت من دون ولا كلمه طلعت وصكت الباب بقوه
    العنود:ههههههه ضحكت
    البنات مستغربين وهي عيونها تدمع من كثر ما تضخك
    العنود اول م ره ن واف يزعل عشان كذا
    فهده: واالله هذي اللي بتذبحني كل هالسالفه عشان كذا اله يقطع وجهك اكيد ندى زعلت عاد الحين وش يراضيه هذيك
    نهى مستغرررررربه جدا:؟؟؟؟
    نسايم: وش صار على دبابات
    العنود: وانتي هذا اللي همك الدبدابت ولا اللي جايب الدبابات
    نسايم: سككتت ماعرفت ترد
    العنود تتصل بك كان هذا الا سم طالع على شاشه نايف
    نايف: هلا
    العنود: يجيلك قلب
    نايف: ؟؟
    العنود: يجيلك قلب تركب دباب وتستاجر للشله الانس وانا قاعدين
    نايف:هههههههه لا مايجيني قلب
    يلله تعالي
    العنود: بس فيه وحده كالت قلبي تبي تشوف اللي مستاجره
    نايف: ترى اللي جايبها هندي لاتعبين نفسك مهو زين
    العنود: لا موهذا قصدي اا اقصد اللي محاسب
    نايف:؟؟؟؟؟؟؟؟
    العنود: باختصار كذا نسايم تبي تشوفك قالتها ولا عد تدري الدنيا وش فيه من حال من المصارخ والازعاج وطق والعنودوضحك
    نساينم: اوريك ياحمااره هين
    العنود: يختي قلت شكلها مستحيه ماودي اثقل عليك قلت اختصرها
    نسايم وهي ترمي المخده والله لاوريك شغل الله زين
    تتوقعون وش ايصير باللي مزرعه

صفحة 11 من 48 الأولىالأولى ... 9101112132131 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران