مشاهدة : 58459
صفحة 1 من 10 123 ... الأخيرةالأخيرة
النتائج 1 إلى 3 من 29

قصص بنات بشهر العسل تموت من الضحك ادخلو يابنات بس عشان تتعضو

مساكم/صباحكم ورد جووري وياسمين وربي وحشتووووني عشاان كذا جبت لكم موضوع يفرفشكم وتوسعوون صدوركم يالله ... اجمل نكت المحششين تموت من الضحك عالم الترفيه احدث الطرائف احدث نكته مضحكة اشياء تضحك funny jokes

مقالات مشابهه موضوع على صله

  1. الذ وأجمد خنائة بين طفلين زي العسل تموت من الضحك
    بواسطة لحن آلدنيا في المنتدى اجمل مقاطع يوتيوب احلى افلام Film clips YouTube
  2. قصص مضحكه للبنات بشهر العسل
    بواسطة $بنوته توته توته $ في المنتدى نكت محششين طرائف مضحكة ضحك ترفيه تسليه مرح
  3. مشاكل حساسه تواجه العروس بشهر العسل "الرائحه الكريه-الاتهابات"طرق الوقايه والحلول
    بواسطة امال 123 في المنتدى ليلة الدخلة العروس و الزواج تسريحات كوشات فساتين زفاف
  4. نكت تموت من الضحك .... ادخلو واضحكوا
    بواسطة ABO 07CAAD في المنتدى نكت محششين طرائف مضحكة ضحك ترفيه تسليه مرح
  5. مواقف عرسان بشهر العسل
    بواسطة دلع الحياة في المنتدى نكت محششين طرائف مضحكة ضحك ترفيه تسليه مرح
  1. #1
    دقايق انتظار غير متصل يمون على المشاغبين
    تاريخ التسجيل
    Jan 2008
    الدولة
    في قلب منولتي>>>ياقلبي آنت m
    العمر
    31
    المشاركات
    1,377
    Thanks
    0
    شكر 0 مرات في 0 مشاركات


    مساكم/صباحكم ورد جووري وياسمين

    وربي وحشتووووني
    عشاان كذا جبت لكم موضوع يفرفشكم وتوسعوون صدوركم يالله ماطول عليكم

    السلام عليكم
    كيفكم صبايا
    نغير روتين القسم ونلجا لل فرفشه < ياكثر ماتغيرين الروتين .

    تعالوا شووووفوا مواقف بعض البنات في شهر العسل
    والله ياهي تفشل عاد انتم اقروا من هنا واخذوها عظه وعبره من هنا
    <

    /


    وحده تقول زياراتها للمطاعم مع اهلها كانت قليله
    المهم اول ايام زواجها دخلت مع زوجها المطعم قال زوجها للجرسون جيبلي منيو وسالها وش تبين قالت مثلك ابغى منيو < الله يفشل العدو
    بس تكفى لايحط فلفل زوجها تسدح من الضحك وهي تقول احسبها وجبه او طبق معين هههههههاي


    --------------

    ولا وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
    وش سوت راحت على طاولت الكوي وانسدحت وهاتك يا كوي بهالشعر
    وبرضه زوجها سوالها صادوه يوم دخل واختنا في الله تكوي منسجمه
    الرجال انهبل على باله تزوج وحده ماهي صاحيه


    --------------


    وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
    وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه < الضعيفه توهقت
    المهم مير تطير الزيتونه وتصقع وجه الجرسون وهو ياخذ الطلبات
    قام قال عنا في لبنان ناكل الزيتون بايدنا
    عاد مير ما اسكت وانثبر
    قلت غريبه حنا عنا بالسعوديه نصيدها بالشوكه
    وماسكها زوجي علي للحين كل ما شاف زيتون قال هاه بالشوكه والا بيدك
    ههههههههههههاي


    -----------------


    ولا وحده تقول انا متزوجه ولد عمي
    و اول ما تزوجنا رحنا بريطانيا منها شهر عسل ومنها هو عنده دوره
    المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
    تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
    قلت ليش طايحه من عينك انا اعرف اختار المهم تقول اخترت طلب محطوط في اطار وحركات
    قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع اهلي
    تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة اطفال !

    وش جايهم هالعالم على هالفشايل في هالمطاعم


    ---------------


    ولا وحده تستحي من زوجها بالمرة تضايق الزوج وكلم خواته يكلمونها وكلم ام زوجته كذلك المهم ازعجوها امزحي مع زوجك امزحي والعبي واضحكي معه قالت ما اقدر المهم طولوا عليها بالكلام
    وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
    الدرج الا وهو في اخر الدرج متشقلب وقاعد يون ويصيح من الالم قالها وش فيك كذا جلست البنية تصيح وتقول كله من اهلك
    يقولون امزحي معه وهذي اخرتها
    طلعت البنيه جلفه حبتين هههههههاي

    -------------------


    ولا وحده اعرفها اول ايام زواجها تقول كنا طالعين واحتجت الحمام مرررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
    ابغى دورة المياه احسن من كلمة الحمام
    تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت ههههههههههاي امحق اتيكيت


    --------------

    هذي وحده تقول اول ما تزوجت كنت ادرس وكان يوديني زوجي للجامعه وياخذني
    المهم انا جالسه انتظره وكنت واقفه في الشارع واشوفه بعد كم سياره المهم جلست استناه
    يوم وصل عندي وانا امشي بغنج الا واطيح ذيك الطيحه طرااااااااااااااخ
    جلست على الارض ما يشوف الا راسي من عند شباكي جالسه اناظره ولا اتحرك
    وكان الشارع مليان رجاجيل وبنات
    واركب في السياره وهو ميت من الضحك واجلس اصيح قلت ما تعرف تسمي علي
    هههههههههههههه يانذلهم هالرجاجيل بدال مايسمي على حرمته يضحك عليها <

    ------------------


    ولا اسمعوا هالموقف علشان تعرفون ان هالرجاجيل يتصنعون في دلعهم لنا في اوقات الخطبه مالت عليهم <

    وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين
    ههههههههههههههههه هههههههه
    ههههههههههههههههه هههههههه
    قطيعه كان جامل طيب


    /

    يلا ان شاء الله وسعتوا صدوركم




    من مواضيع دقايق انتظار :


  2. #2
    هنادي z غير متصل مشرفه قديره سابقه
    تاريخ التسجيل
    Apr 2008
    الدولة
    قطر
    المشاركات
    8,756
    Thanks
    0
    شكر 1 مرة في 1 مشاركة
    شكرا لك على الموضوع

    ويشرفني ان اكون اول من رد على الموضوع

    مع تحيات
    هنادي z
    تقبلي مروري

  3. #3
    دقايق انتظار غير متصل يمون على المشاغبين
    تاريخ التسجيل
    Jan 2008
    الدولة
    في قلب منولتي>>>ياقلبي آنت m
    العمر
    31
    المشاركات
    1,377
    Thanks
    0
    شكر 0 مرات في 0 مشاركات
    اولا يسلموا وثانيا انا ولد مو بنت اوك فشيله صح تحققي من معلوماتي وتوقيعي ههههههههههههههه

صفحة 1 من 10 123 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران