مشاهدة : 1086370
صفحة 41 من 138 الأولىالأولى ... 213139404142435161 ... الأخيرةالأخيرة
النتائج 121 إلى 123 من 413
Like Tree1Likes

رواية توأم ولكن أغراب في الجامعة الامريكية

طلال كل يوم ينتظر جوجو على المسن بس مستغرب ليش ماعاد تدخل .. وقرر انه ... اجمل الروايات احلا روايات طويلة افضل رواية قصيرة

مقالات مشابهه موضوع على صله

  1. أشهر شخصيات الأنمي
    بواسطة الفارس750 في المنتدى افلام انمي كرتون رسوم متحركة Anime Cartoon
  2. Manhunt 2 ( الحل الأول عربياً وحصرياً )
    بواسطة محمد عبود سلوم في المنتدى احدث العاب اكس بوكس جديدة Games Xbox
  3. بإلغاء عقده مع وكيل أعماله , أحمد عطيف: الهلال والنصر رفضاني , وسأذهب إلى صاحب العرض الأفضل
    بواسطة مجنون الارسنال في المنتدى كورة رياضة كرة قدم Football Sports
  4. وأخيـــراً: الحـل الكامـل لـ Bully ; (تفضلوا)ارجو التثبيت
    بواسطة علي = the king في المنتدى احدث العاب اكس بوكس جديدة Games Xbox
  5. Harvest Moon: A Wonderful Life Special Edition
    بواسطة الحـــ النـــــــداوي ــــــر في المنتدى احدث العاب اكس بوكس جديدة Games Xbox
  1. #121
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جـــدة ..رقة وحــدهـ.. اليا ناظرت..شـــــــامخ تـهدهـ
    المشاركات
    2,219


    طلال كل يوم ينتظر جوجو على المسن بس مستغرب ليش ماعاد تدخل ..
    وقرر انه يسالها لانه كل يوم يشوفها مداومه ولا كانها مسويه شي
    او بينهم شي ..
    البنت عاادي وهو متردد يسالها ليش ماعاد تدخل المسن ...
    جوجو وسعد قوت علاقتهم تقريبا صارو مع بعض طول الوقت بالجامعه رغم ان هذا
    وتر جوجو من كلام الناس عليها وهي بنت محترمه فقررت تبتعد شوي عن سعد .
    طلال لاحظ القرب الكبير بين سعد وجوجو وهذا اللي قاهره اكثر بكثييييييير ..
    كل شي يصير بس تولين ماجت على باله ابدا ..
    عبدالمحسن تعب وهو يدورعلى ليان بس ماحصلها ...
    جينفر كل يوم تدق على فيصل بس مايرد عليها ..
    تبي تقوله شي ضروري من ذاك اليوم لما نادته بس قطعت عليهم سالفة وتين ولا كملت
    اللي كانت بتقوله ...
    راكان يداوم يوميا . بس مستغرب من تولين اللي صايره تتغيب كثير...
    ويفكر باربعة اشخاص في الجامعه وشاغلين له باله ..
    اميره وتولين ونارا وفيصل .
    ومستغرب الشبه بين تولين ونارا وفيصل .
    واللي محيره انهم مايعرفون بعض ..
    يعني مو معقوله هالشبه يكون بالصدفه في جامعه وحده ..
    راكان وده يكشف هالسر اللي محيره ..
    بس ترك كل شي للايام ..
    (في المستشفى ...
    نوف دخلت على نارا اللي منسدحه وهي توها قايمه ..
    نارا عصبت لما شافت نوف ..
    جلست نارا وهي تقول ~ انتي شلون تدشين .؟؟
    -عادي انا ناسيه الماضي وانتي بعد انسيه وخلينا بالحاضر لاني ندمانه
    وبقوه عالماضي ورفيجه مثلج ماتنتعوض ..
    -(ابتسمت ابتسامه فيها سخريه على كلام نوف ~ من صجج انا بنسى
    اللي ساويتيه عموما اطلعي بكرامتج احسن لج ..
    -نا....
    -(قطعت عليها ~ خلاص قلت لج ياريت تطلعين برا حد اسلوبي وياج بادب ..
    ((لفت نوف بتطلع بس صدمت بريان اللي توه داخل . ريان طالع نوف بكره وحقد
    وهو ذاكرها عدل .. ~
    انتي شعندج يايه عني .؟؟!!!
    (نوف رفعت عينها لريان وهي تطالعه باحتقار زي اللي وش دخلك ..
    ثم طلعت بدون ماتعبره . ريان لحقها وهو يقول ~ هيه انتي احاجيج شعندج يايه لنارا .!!
    -(نوف تاففت ~ وان تشكو بعد عني احسن لك صج ناس ماتنعطى
    ويه ..
    (لفت وراحت عنه .
    ريان رجع لنارا وهو كان حامل معاه باقة ورد مره انيقه وذوق ..
    حطها جمب طاولتها وهو يقول ~ الحمدالله عالسلامه ..
    -الله يسلمك ..
    -هاه كيفج اليوم انشالله احسن .؟؟
    -(بنفس برودها القاتل ~ اي ..
    -طيب ليش ماتاكلين اكلج .؟؟
    -(رفعت راسها له ثم قالت ~ ريان ..
    -(ابتسم ~ يابعد قلب ريان ...
    -شصار بالضبط لنا .؟؟ ومنو كان ويانا انا وانت بالحادث .! سمعت ان فيه شخص
    ثالث بس ماعرفت منو ؟؟
    شسالفه شصار بالضبط ؟؟
    -لا تشغلين انتي بالج وارتاحي الحين وبعدين اسالي اللي ودج _^
    -ريان ابيك تقولي كل شي الحين ..
    -(سكت شوي ثم قال ~ اللي صار . ااااا ...
    -ريان تحجى ..
    -(متردد شوي ثم قال ~ الحقيقه كل شي صار بعد مانكتمتي انتي بالجامعه
    وبعدها رحت انا و ... و.. ويزيد للمستشفى ..
    -يزيد .!!!!
    -اي يزيد بس هو السبب من البدايه بحالتنا هذي ..
    -شلون يعني .؟؟؟
    -الحادث تقريبا صار بسببه بس لا تسالين ليش ..
    -(رفعت حاجب ~ لا بسال شلون يعني انت تقول يزيد وبعدين تسكت .
    قول لي كل شي ولا تخبي علي ..
    -(ريان سكت شوي ثم وقف فجاه وهو يطالعها بغموض ..
    نارا رفعت عيونها عليه شفيه قام فجاه كذا .؟ بس ماحست الا اللي لف عنها وطلع من الغرفه .
    انصدمت من حركته .. ودها تقوم وتلحقه بس حافظت على هدوئها وجلست تفكر بالسالفه .
    طيب اذا كان معنا يزيد وينه الحين وشنو صار عليه وليه هو السبب .؟؟
    ((في جهه ثانيه ..
    يزيد منسدح بغيبوبته ومو حاس باي احد ..
    نارا ضغطت جرس للسستر ..
    لما جت السستر قالت نارا ~ اللي بالحادث ثلاثه صح ؟
    -اي ليش .؟؟؟
    -الثالث اللي اسمه يزيد وينه ووش صار عليه .؟؟
    -ااه يزيد من بعد مانزف كتير من دمو . هوي هلئ بغيبوبه . بس حالته الحمدالله مستقره
    -نزف كثير .!! غيبوبه .!! طيب باي غرفه هو الحين ؟
    -بالغرفه ياللي باخر الممر ..
    -جم رقمها .؟؟
    (لما قالت لها الرقم جلست شوي تنتظر السستر تروح عشان تنزل وتروح لليزيد ..
    طلت على الممرضه ولقتها راحت ..
    بسرعه راحت للباب وهي تطل . حصلت الممر تقريبا خالي ..
    طلعت وهي تدور رقم الغرفه باخر الممر ..
    لما وصلت . طلت من القزاز على يزيد ..
    وقفت تطالعه للحظات ..
    تطالعه بس بمشاعر جامده .
    وبعيون خاليه من اي معاني ..
    للحظات حست بيد على كتفها ..
    لفت تطالع مين ولقته مشاري ..
    دفت يده بقوه ثم لفت عنه وهي راجعه للغرفتها ..
    مشاري مسكها مع ذراعها بقوه وهو يقول ~ عبالج نسيت اللي ساويتيه فيني ؟
    لا ياحلوه انا لا يمكن انسى ابدا . والايام راح تثبت لج
    (ثم غمز لها بستخفاف
    (نارا لفت عنه بدون اهتمام وهي تقول له بصوت عالي وملقيته ظهرها رايحه ~ اعلى
    مابخيلك الركبه ..
    """"""""""""""""""""""
    $ الاحداث قد لا استطيع ان افصلها لكم تفصيلا بكل مايحويه $
    ولكن سوف نبتدا بيوم الاحد اول ايام الاسبوع الجديد .$$
    ((تولين فتحت عيونها بصعوبه وهي تطالع حواليها بالغرفه ..
    -ؤفففففف ياربيييي ه مليت مليت من الجامعه ..
    يعني ضروري الداوم ..
    (دخلت الخدامه وهي تقول ~ ماما تهت في قول تئالي فطور ..
    -طيب انقلعي وسكري الباب ..
    -بس ....
    -(قاطعتها من طرف خشمها ~ يالييل خلااااص قلت لج برا .. ؤفف ناقصه انا
    خدامات على ذالصبح . يالله ضفي ويهج ترى حدي موب رايقة لج ..
    (الخدامه تنرفزت من اسلوب تولين المعتاد. رغم انو تولين من زماان عن هالاسلوب
    بس لها اسبوع وهي صايره مثل كذا واردى ..
    لما نزلت الخدامه قالت للام ~
    ماما تولين مافي قوم ..
    -ااه منها هالبنيه ماادري شصاير لها ذالايام . لا يكون بعد ماتبي تداوم هالاسبوع زياده
    عن الاسبوع اللي طاف .؟؟
    (قامت ام تولين ورقت للغرفة تولين ..
    لما فتحت الباب لقت تولين متمدده وهي مغمضه عيونها بس مو نايمه ...
    سحبت المفرش وهي تقول ~ يالله قومي بلا دلع لج اسبوع ماداومتي بالجامعه ..
    -(تولين بملل ~ ماما بلييييز اليوم كمان مابي الداوم . خليني على راحتي .
    -لا مافيه اخليج على راحتج زياده عالاسبوع اللي طاف وانا مااشوف فيج شي يخليج
    تغيبين اسبوع كامل وتبين تغيبين بعد اليوم .
    -ماما انا لو علي سحبت عالجامعه بكبرها . تذكرت موقفها مع طلال وخنقتها العبره وهي تكمل ~
    ماما ان صج كارهه الجامعه وكل اللي فيها ..
    -(عقدت حواجبها ثم قالت ~ تولين فيج شي .؟؟؟
    -(لفت عنها تولين ونزلت دمعه وهي تقول ~ لا مافي شي . بليز ماما خليني على راحتي
    اليوم مابي اداوم ..
    (سكتت ام تولين وهي تطالع بنتها باستغراب وحيره . مياهون عليها تشوف دلوعتها وبنتها الوحيده واغلى انسانه على قلبها
    بهالحاله ضايق صدرها بدون ماتقول لها شي .
    وتولين اللي معروف انها متخبي اي شي عن امها ابدا لو مهما كان ..
    بالنسبه للبعض هم مثل الصاحبات ..
    $ ولكن على مايبدو بان بطلتنا اصبح لديها
    امور مالا يستطيع قلبها المتالم بالافصاح عن ذلك مهما كان الوضع &&
    ((وقفت امها وطلعت ...
    تولين ضغطت بيدها على المخده ودموعها بدت تنزل شوي شوي وهي متالمه من
    كلام طلال اللي ماقدرت تنساه ابدا ..))
    ((نروح للفيصل...
    وهو في المحطه كان يشتغل بسرعه في تصليح سياره ..
    -(واحد سوري ناداه من اللي يشتغلون مثله بالمحطه ~ فيصل . تعا شوف هاي السياره
    انا بدي روح دئيئه ..
    (تنهد فيصل طفشان وهو تعبان من صباح الله في الدوام وهو ناوي يسحب على الجامعه
    ومستقبله .. بس مافكر انه اذا سوا كذا راح يقعد على هالمهنه اللي ماتوكل عيش ..
    بس من الامور اللي حصلت بالاونه الاخيره .
    فيصل وصلت معه وماعاد يقدر يتحمل الاوضاع اكثر من كذا ..
    فيصل لما راح للسياره نزل منها شخص ..
    طاحت عينه على تركي ..
    نزل راسه بسرعه مايبي تركي يشوفه لانه اكيد ماراح يتركه بحاله
    وبيفضحه عند كل خلق الله بالجامعه ..
    لف بيروح بس صاحبه وقف قدامه وهو يقول ~ على وين شوف السياره وراك .
    (فيصل توهق بس ماعاد بيده اي شي لف على تركي واستجمع ثقته بنفسه .

    تركي التفت عليه بيقول شنو مشكلة السياره بس انصدم اكثر لما شاف فيصل .
    واقف وهو لابس هاللبس الميكانيكي .
    للحظات ابتسم بسخريه على شكل فيصل المبهذل ..
    فيصل حس بقهر شوي بس حاول يتجاهل الوضع وهو يقول ~ شنو مشكلة السياره ؟
    -(وهو يطالعه من فوق لتحت ~ ولله ولايق عليك هاللبس . هذا هو مستواك .
    -(تنهد بطفش وهو يقول ~ ماودك تخلص وتقول شنو المشكله بسرعه .؟؟؟
    -(تركي تقدم للفيصل ~ تدري انه الصباح احلى صباح بالنسبه لي وانا اشوفك جذي .
    -(فيصل لف عنه وهو يحاول يخلي نفسه بارد ومااهتم رغم انه مقهور جوات قلبه .
    لما راح .. تركي بسرعه قال للواحد من اللي يشتغلون ~ الحين هالولد
    اللي مشغلينه عندكم ياخذ راتبه .!!
    -اي اكيد ..
    -عيل ليش ينافخ على الزباين ولا يبي يشتغل اي شي محطه فاشله اللي مشغله واحد مثل
    هذا ...
    ((تركي ركب سيارته وراح ...
    ناصر نادي فيصل ..
    -(ناصر ~ الحين ممكن تقولي شنو مشكلتك مع الزبون اللي تو ؟؟
    -(منو تقصد .!!
    -اللي من تو راح بسببك وانت ماتبي تصلح له سيارته ..
    -هو اللي ماتحجى من البدايه . يستخف دمه وانا مليت ورحت ..
    -شلون يعني يستخف دمه ؟
    -مافي شي ضروري اقوله لك بس انا موب غلطان واذا بتحاسبني عشان اللي راح تو قول لي من الحين
    عشان اختصر لك الحجي واطلع ..
    -(سكت ناصر شوي ثم قال ~ طيب روح للشغلك ..
    (لما لف بيروح قال ناصر بسرعه ~ فيصل الا ماقلت لي ليش ماعاد تروح
    للجامعه ؟؟
    -مافي سبب...
    -(ناصر حس ان فيصل يعاني من مشاكل عشان كذا قال ~ فيصل صدقني ترى
    مافي شي راح يعوضك عن مستقبلك بالدراسه . انا من رايي تترك كل الاسباب مهما كانت
    وترد للجامعه قبل لا يطردونك بهالغياب اللي ماله داعي موليه ..
    تقدر تروح الحين اتوقع الحين دوامات الجامعه . روح واذا انتهيت تعال ..
    انا مقدر ان عندك دراسه . فيصل روح .
    (فيصل متردد . بس قال واخيرا ~ انا مرتاح جذي ..
    (ثم طلع يكمل شغله
    ((بالج امعه )
    جوجو وهي تمشي رايحه لكافتريا ..
    قابلت بالصدفه الدكتور طلال ..
    كانو جمب بعض وهم بيشترون من الكافتريا . جوجو اختبصت شوي من قرب
    طلال عندها ..
    طلال حاس بالشعور نفسه وهو مرتبك من قربها جمبه ووده يسالها ليش ماعاد تدخل المسن
    مثل قبل ..
    لفت جوجو بتروح بس بوكها طاح ..
    طلال دنق بياخذ البوك ويعطيها . بس بنفس الوقت جوجو مدت يدها .
    بالصدفه جت يدها على يده ..
    بسرعه سحبتها بتوتر . طلال وقف ومد لها البوك وهو يقول بابتسامه ~ صباح الخير__^
    -(بابتسامه متوتره ~ صباح النور ..
    -شحالج .؟؟
    -ب . ب بخير ..
    -(سكت شوي ثم قرر انه يسالها ...
    بس بالصدفه سعد دخل الكافتريا وهو يقول ~ جوجو ماقلتي لي تولين ليش ماعاد تد.....
    (قطع كلامه لما شاف طلال يطالع جوجو وماشال عينه عنها ..
    جوجو كانت منزله راسها مستحيه ..
    سعد حس بقهر في قلبه من هالمنظر اللي يشوفه قدامه ..
    تقدم لجوجو وهو يقول قاصد يقطع عليهم اللي كان بينهم ~ جوجو مارديتي علي
    ليش تولين غايبه لها اسبوع واليوم بعد ..
    -(رفعت راسها ~ مدري ماترد علي من اسبوع تقريبا ..
    (طلال توه يتذكر تولين انها غايبه كل ذيك المده . بس برضو مااهتم وهوباله مع
    اللي قدامه ..
    وبنفس الوقت متنررفز حده من سعد ..
    ( التفتت جوجو عليه وهي تقول ~ يالله عن اذنك دكتور عندي محاظره الحين ..
    ( لما طلعت هي وسعد ..
    -سعد ~ الحين انتي تحبين الدكتور طلال صح ..
    (قالها من قهر وماقدر يكبت في نفسه اكثر من كذا .
    جوجو لفت عليه مصدومه هذا وش دراه .؟؟ بس سكتت وماردت .
    -(سعد عاد وهو يحاول يكون عادي ~ انتي تحبينه واظح عليج ..
    -منو قال لا عادي هو ولد عمي وبس .
    -(يبي يتاكد ~ صج .؟؟؟
    -اي صج ولو فيه شي كان صار شي من زمان وليه كل هالانتظار ..
    -(ابتسم براحه ~ ؤكي خلينا نروح للمحاظه ابتدت ..
    لما دخلو المبنى اميره كانت جالسه ومدده رجولها تطالع اللي رايح واللي راد ..
    لما شافت راكان جاي من بعيد بيدخل المبنى اشرت له وهي تقول بصوت عالي
    وهي تحاول تنسى فيصل كليا بما انه يحب وتين ..
    -ركوووووون .
    (راكان عقد حواجبه مستغرب بس لما شافها اميره ابتسم علطول ..
    وقف عندها وهو يقول ~ طيب قولي صباح الخير .
    -يعني تبيني اقول صباح الخير كذا وبعدين الكل بيرد علي صباح النور .
    -هه طيب شمقعدج هني .؟؟
    -ابد بس انطر محاظرتي بعد نص ساعه ..
    -(رفع حاجب بمزح ~ متاكده ..
    -شلون يعني .؟؟
    -لا ابد سلامتج . يالله انا رايح لمحاظرتي .
    (لما لف بيروح صدم بليان ..
    تقابلت عيونهم مع بعض ..
    راكان فتح عيونه بقوه ...
    من هذي بعد ..!!!!
    (ليان بسرعه نزلت راسها بخوف كالعاده من اي رجال . لفت عنه وراحت وهو واقف مصدوم يحاول يستوعب .
    اميره لما شافتها تحسبها تولين فقالت بصوت يسمعه راكان ~
    ويييييع هالبنت كرييييهه غريبه ماطولت لسانها عليك يوم صدمتو ببعض بالعاده ترى عليها
    لسان وقسم بالله طول شارع عام ..
    -(راكان ساكت بس يوم سمع كلمة شارع عمومي ضحك ثم التفت عليها وهو يقول ~
    حلوه شارع ذي من وين يبتيها .؟
    -مدري اسمع بها من اخوي .
    -هههه بس تعالي انتي تعرفين اللي تو .
    -اكيد اعرفها هذي اكثر وحده شايفه نفسها بالجامعه كلها خل عنك هالاشكال بس .
    صح انها حلوه بس انصحك لا تحبها ترى بتكره روحك منها ..
    -طيب تعرفين اسمها ؟
    -لا ولا ابس اعرف بعد من حلاة وجهها عشان اعرف شنو اسمها .
    (راكان مو مقتنع انها تولين رغم ان اللي يشوفهم لا يمكن يفرق بينهم من بعد الحجاب .
    بس راكان شك انها مو تولين وبنفس الوقت مو متاكد انها مو تولين .
    يعني يمكن تكون تولين ..

  2. #122
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جـــدة ..رقة وحــدهـ.. اليا ناظرت..شـــــــامخ تـهدهـ
    المشاركات
    2,219
    ((ليان وهي تمشي رايحه للمحاظره ..
    صقر كان واقف مع ربعه ..
    التفت على ليان ..
    يحب هدوئها وخجلها وهي دووم تنزل راسها ولا تطالع اي احد ..
    ابتسم وراح لها بسرعه وهو يقول بصوت واطي ~ صباح الخير يااحلى بنت بهالدنيا .
    (ليان انصدمت من جراته .
    هذا لا يكون صدق اننا الحين ازواج .!!!!
    طنشته وكملت طريقها ..
    ((صقر كان واقف مقهوووووور بس يحاول يضبط اعصابه .)
    $ حسنا فلنذهب الى شخص قديم...
    وليس بشوارع دبي ولا حتى بالامارات .$$
    بالسع وديه ....
    بندر جالس على مكتبه في الشركه ..
    دق جواله وهو كان مررره منشغل باوراق الشغل ..
    بسرعه رد بدون مايطالع الرقم ..
    سمع صوت وحده من الخدم وهي تقول بخوف ~
    بابا بندر . هازا بابا مهمد في تئبان واجد .
    -شن و . ابوي ..!! شفيه .؟؟
    -انا مافي اعرف ايش في .؟؟
    (بسرعه سكر الخط وركض للسيارته برد للقصر يتطمن على ابوه اللي مايدري وش صاير .
    لما وصل . دخل بسرعه بالقصر وهو ينادي بصوت عالي ~ يوبه .
    سيلا وين بابا محمد ؟؟
    -فوق جواغرفه هوا .
    (بسرعه وهو ينقز درجات الدرج وهو خايف على ابوه ..
    لما دخل بالغرفه مرتاع ..
    لقى ابوه منسدح على السرير بدون اي حركه ..
    بسرعه جلس عند سرير ابوه وهو يقول بخووف ~ يبه انت بخير يبه تسمعني يبه .
    (حط اذنه على صدر ابوه يحاول يسمع اذا فيه دقات او لا .
    بس الحمدالله سمع دقات القلب ..
    بسرعه دق على دكتور ..
    ((نرجع للدبي .
    بالمستشفى ..
    الساع ه 4 العصر ..
    اهل نارا محد جي ياخذها ..
    حاسه بقهر منهم بس ماتدري وش تسوي .
    الحين المفروض تطلع من المستشفى بس محد مهتم من اهلها ومر ياخذها .
    انتظرت ربع ساعه ودخل احد بغرفتها ..
    لفت تطالع مين بس ارتبكت لما شافته ريان ..
    ريان ابتسم وهو يقول ~ يالله شرايج انا اللي ارجعج للبيت ..
    -(هزت راسها بالنفي .)
    -(قرب عندها ثم قال ~ يالله بلا دلع قومي وياي انا ابي اوديج بما ان مافي
    حد للحين يى وخذج .
    -احم لل لا ماله داعي انا بروح بنفسي بتاكسي ..
    -لا مستحيل انا بوديج مستحيل اخليج تردين بتاكسي .
    (سكتت ولا عارضت اكثر رغم انها من النوع اللي اذا قالت لا يعني لا
    بس هالمره مع ريان غير هي تكون ..
    وقفت ثم لحقته برا .
    لما طلعو . نارا التفتت على جهة غرفة يزيد ثم وقفت وهي تفكر .
    ريان التفت عليها مستغرب وش تطالع بذيك الجهه .
    -نارا فيه شي ؟؟
    -(التفتت عليه وهي ساكته وتطالعه . شوي وهزت راسها بالنفي ثم كملت معاه الطريق
    .. لما ركبو السياره ..
    وهم بالطريق ساكتين ..
    مد يده ريان وفتح المسجل على هالشعر ..
    انا جيت اعشقك نبض ومشاعر ..
    ماعشقك تمثال .
    انا جيت ازقنك وحياك وبقي فيك
    وابقا لك ..
    انا جيت بضمى عاشق ..
    تعب يطرد سراب اللال ..
    انا جيت استفز رضاك من فرقاك ..
    والجا لك ..
    انا ماهنت بك عاقل . انا كنت اعشقك بخبال ..
    انا ماكنت اعشقك حي ..
    انا كنت اعشقك هالك ..
    تخيل من كثر ماخاف تلقى للزعل مدخال .
    اخاف اخطي على طيفك وادوس برجلي ظلالك ..

    نارا كانت ساكته وهي تسمع الاغنيه وتفكر بكلماتها ..
    لف ريان عليها يطالعها ..
    حست بنظراته بس مالتفتت عليه ..
    (ابتسم ريان ثم لف يطالع الطريق وهو يقول ~ نارا اللي كانت صغيرة غير .
    كانت بنت مرحه وبريئه وحلوه .
    بس انا الحين اشوف نارا وحده ثانيه موب نارا اللي اعرفها الضغيره ..
    لو اعرف شنو سبب تغير نارا الحين .!!!
    ودي اسالها بس اخاف ماتجاوبني وتتضايق كعادتها وانا ماودي اضايقها .
    (نارا ساكته وهي تسمع كلامه وعارفه انه يلمح لها انها تجاوب على اسالته
    اللي غير مباشره لها ..
    -(ريان حس انها ماراح تتكلم ~ احلى لحظات حياتي لما كنت وياج واحنا صغار
    ماكان بيننا اي مشاكل او شي ثاني .
    ولا حتى بيننا .......... اا . ولا كان بيننا شخص يتدخل بكل كبيرة وصغيرة .
    -(التفتت عليه ~ من تقصد ..!
    -اقصد شخص وانتي عارفته عدل . ااااه بس لو هو موب موجود الحين بحياتنا كان قدرنا نعيش
    ببساطه وسعاده وبدون هم ..
    -(نارا سكتت وهي توها تتذكر يزيد . بس بسرعه نست موضوع يزيد
    اللي مايعني لها شي وقالت ~ ريان بسالك سؤال ..
    -تفضلي ..
    -صحيح في بالي اسئله كثيييره . بس راح اقول اهم سؤال عندي ..
    ليش لما كننا صغار فجاه اختفيت من حياتنا بالبنايه واذا سالنا عنك يقولون ماندري
    شصار عليه او وين راح ..
    فجاه اختفيت وحتى بدون ماتودعني بدون ماتقول اي شي ..
    ليش ساويت جذي .؟؟؟
    -(ريان سكت وهو يسترجع ذكرياته القديمه . ذكرياته المؤلمه وهي اسوا ذكريات عنده .
    بس اكيد ماراح يقدر يقولها السبب ..
    لان السبب يتعلق بمرضه وبعدين راح نعرف السبب ..
    -(التفت عليها ثم قال ~ انسي الماضي وماعليج الا من الحاظر ..
    (سكتو للحظات ونارا ماقتنعت بكلماته وهي مصره تعرف ليش ..
    ماحست الا بريان وهو يلف بقوه عند الرصيف لما وقفو وهي مرتاعه من حركته
    الغريبه . الفت عليها بغضب مفاجئ وهو يصرخ بوجهها ~ نزلي .
    (بلعت ريقها مصدومه منه . هذا شقصته .!! شسالفه .!!
    اول مره تحس بالخوف . ظغطت على كفها بخوف وهي تطالعه مصدومه .
    -(ريان عاد بنفس النبره الحاده ~ ماتسمعين قلت لج نزلي ..
    -(نارا نزلت وهي تحاول تستوعب اللي صار فجاه ..
    تحاول تتذكر اذا هي قالت شي خلاه يعصب لهدرجه وينزلها بنص الطريق ..
    لما سكرت الباب بسرعه راح وتركها بالشارع لوحدها ..
    نارا تطالع سيارته اللي شوي شوي واختفت بعيد عنها ..
    لفت حواليها تطالع اذا فيه تاكسي تركب معه .
    بس مافي اي احد ..
    قررت انها تمشي على رجلينها رغم ان البنايه بعيده ..
    ((راكان كان بالسياره وهو مشغل اغنيه اجنبيه من اغاني انريك ..
    وهو بالطريق شاف نارا تمشي بالرصيف ..
    هد السرعه عندها وهو يطالعها ..
    فتح الدريشه ثم قال بصوت عالي تسمعه ~
    اقدر اوصلك اذا حابه .؟؟
    -(التفتت تطالع مين اللي يكلمها .. لما شافته علطول عرفته ..
    وقفت شوي وراكان وقف سيارته ..
    للحظا ت وهم يطالعون بعض ..
    راكان يشوف اول مره يدقق بملامحها عدل ..
    هذا هو جمال تولين مره ثانيه ونفس جمال البنت الثالثه .!!!!
    شبههم مو طبيعي ..
    وبرضو فيصل يشبههم ..
    ليش محد لاحظ غيري كيف .! ولا اتوهم .؟؟
    ( صحى من افكاره ثم قال مره ثانيه ~ ماتبين تركبين واوصلك للمكان اللي
    حابه ؟؟
    -(نارا لفت عنه وكملت طريقها مطنشته وهي تفكر انو لو كان احد ثاني يمكن تركب معاه
    لان البيت مره بعيد ..
    بس ماتدري ليشه الولد ماتبي تركب معه هو بالذات ..
    راكان لحقها بسيارته وهو يقول ~ خليني اوصلك بدل ماتمشين وتتعبين . بعيدن الطريق عام
    يمكن اي احد يسوي لك شي . الركبي احسن لك ..
    -(لفت عليه ثم قالت ~ محد طلب مساعدتك وياليت تروح من ويهي ..
    -(راكان عارف هذا هو اسلوبها اللي واظح من مظهرها بس هو مصر الا وتركب معاه
    فقال ~ بس انا ماراح الروح من هنا الا اذا ركبتي ووصلتك بنفسي للمكان اللي حابه .
    -(طالعته بسخريه وهي تقول ~ ليش مشتغل توصيل للناس روح دور لك على تاكسي وبعدين افكر
    اذا الركب او لا .
    -(راكان ابتسم ابتسامه جانبيه بخبث وهو عارف كيف يتعامل مع اللي مثلها ..
    وقف السياره ثم نزل بهدووء وتسند على سيارته وهو يطالعها .
    تكتف وابتسم وهو ماشال عينه عنها .
    نارا تنرفزت من حركته لا ويطالعها بعد بكل وقاحه بهالطريقة .
    لفت عليه ~ شوفا ذا تبيني الركب صدقني ماراح الركب اقولك من الحين عشان ماتتعب نفسك .
    -(بصوت يحاول يوظح لها انه باارد ولا هامته ~ طيب براحتك وعموما انا متاكد انك ماتدرين
    شحصل بالحادث وقبل الحادث ..
    اذا تبين تعرفين تقدرين تركبين وانا اقولك كل اللي صار وعموما الحمدالله على سلامتك .
    (لف عنها ثم ركب السياره وهو بداخله مبتسم لانه واثق انها راح تركب ..
    يطالع عقارب ساعته وهي تتحرك .
    1
    2
    3
    4
    5
    (بهاللحظه حرك ببطيئ يوهمها انه بيروح ومافي مجال يرجع ..
    نارا تنهدت بقهررر منه . بس بسرعه فتحت الباب وركبت بدون ماتشاوره ..
    -(بدون مايطالعها قال ~ زين ركبتي لاني مستحيل الرجع مره ثانيه ..
    -(لما مشو قالت ~ قول لي شصار .؟
    -(وهو يطالع الطريق قال بابتسامه جانبيه ~ موب مضطر اقولك ..
    -(التفتت عليه بقهر ~ تتغشمر وياي ولا شلون .؟؟
    -ليش انا اعرفك عشان امزح معاك .؟؟؟
    -(لفت عالباب ثم قالت بسرعه ~ نزلني ..
    -(وهو يطالع الطريق ولا وقف ~ يعني تبين تقنعيني انك ماركبتي الا
    عشان اللقافه . ياسبحان الله بس ..
    عالم فيهم لقافه مو طبيعيه ..
    -(التفتت عليه بقهررر ~ انت هيه منو تظن نفسك عشان تقول لي جذي .؟؟
    وقف قلت لك وقف ..
    -تبين تنقزين انقزي بس لا يمكن اوقف عشانك ..
    -(ضغطت على قبضتها ودها تقوم عليه وتظربه اول مره احد ينرفزها
    عن قصد .
    فعلا فتحت الباب وهم يمشون بطريق العام ..
    العجي ب ان راكان ماهمه حتى لو البنت تطيح .
    وهو على نفس هدوئه وحتى مالتفت عليها ..
    نارا كانت ماسكه الباب بس مافتحته بقوه ..
    حست بقشعريره تمر بجسمها كله وهي تتذكر الايام اللي قضتها بالمستشفى .
    بس هالمره يمكن ماتقضيها بالمستشفى يمكن بمكان ثاني لا يمكن ترجع للحياه مره ثانيه .
    سركت الباب والتفتت عليه وهي تقول بصوت واظح انها معصبه بس تحاول تضبطه
    وماتبين غضبها ~ شلون يعني قاعد تختبر صبري ولا كيف .؟؟؟
    -قلت لك تبين تنزلين محد رادك بس مسالة اني اوقف عشانك .
    (هز راسه بالنفي وهو مبتسم يبي يقهرها ..)
    -(فعلا نارا ماعاد قدرت تتحمل القهر اكثر من كذا ...
    مدت يدها للدرقسون تبي تلفه على الرصيف ..
    راكان بهاللحظه مسك يدها بقووووه للدرجة الالم ودفها بقوه بعيد عنه وهو يقول
    بلهجه حاده ~ لا تتعدين حدودك . اذا انتي تبين تموتين فيه ناس مايبون يموتون .
    نارا ماعاد تحملت راكان . التفتت على الباب وفعلا فتحته ..
    راكان وكانه فاهمها زيييييين لانه بهاللحظه هدى من سرعته ولف شوي للرصيف
    نارا بسرعه رمت حالها من الباب ..
    طاحت عالارض بس تحمد ربها ان راكان هدى من سرعته ولا كان صار لها غير كذا .
    نارا وهي عالارض متمدده وماسكه ذراعها اللي يعورها بقووه ..
    وبقلبها تلعن وتسب راكان ...
    راكان نزل بكل هدوء وراح لها وهو مبتسم ~ زين بس تعورت يدك مو شي ثاني ..
    (وهي تحاول ترفع نفسها وتنفض الغبار اللي عليها التفتت عليه ~
    انت صج مينون .
    -يمكن بس مو لدرجتك اني ارمي حالي من السياره الى الشارع ..
    -(وهي تطالعه بنظرات ودها تقوم وتظربه بس ضابطه روحهها ماتتهور
    ( بهاللحظه راكان حس انها مقهوووره منه فضحك بقوه وكانه يبي يقهرها
    اكثر ...
    نارا حاولت تتجاهل ضحكته ولا تعبره . بس مسكت يدها وهي متعووره ..
    راكان جلس على الرصيف وهو يتنهد بصوت عالي ~
    انتي الحين بس ايدك اللي تعورك . اجل يزيد وش تقولين عنه .؟؟
    -(نزلت عيونها له وهو جالس .)
    -(راكان كمل ~ مااتخيل شكل الولد كذا يصير فيه وانتي ولا على بالك ورايحه للبيت
    بدون ماتحسين ان فيه احد في المستشفى بسببك انتي واللي كان معاكم ..
    ناس ماتستاهل اللي يصير فيها بس هذا المكتوب ومافي احد يعترض على قدر ربنا ..
    (كمل بهدوءه المعتاد ~ ياليتك شايفه شكله وهو مرعوب عليك لما كنتي بين
    الحياة والموت ماتقدرين تتنفسين ..
    -(قاطعته ~ وانت شلون عرفت اسمه .؟؟
    -(ماعطاها وجه وكمل كلامه ~ صراحه هذا يزيد ماقد شفت رجال بمعنى الكلمه مثله ..
    بس ماادري اللي سواه لك هذا عن رجوله ولا ثم رفع عيونه وهو يطالعها ~ حب ..
    (ثم لف راسه للشارع وكمل ~ اكيد الجواب عندك وانتي اخبر اذا الولد يحبك او لا لاني مااعرفكم
    وبعدين ريان على مااظن كذا اسمه . هذا يقرب لك ولا شقصته .؟؟
    (وقف ثم طالعها وهو يقول ~ ياليت تنتبهين لنفسك من ناس وتصحين لعمرك
    وتعرفين الناس اللي تهتم لك والناس اللي ماادري شنظامهم !!
    (ثم رجع للسياره . بس نارا وقفته وهي تقول ~ وانت شعلاقتك بكل اللي صار .!!
    لف يطالعها للحظات وهو ساكت بتفكيره .. ثم قال بهدوء ~ انتي ..
    (لف عنها وراح ..
    لما ركب السياره ضرب بوري لها يعني اذا تبي تركب او لا ..
    بس نارا تحاول تستوعب كل كلامه اللي مافهمت منه شي ..!!
    حست بروحها انها واقفه لحالها بسرعه ركبت معاه السياره وهم ساكتين ..
    راكان مالتفت عليها ~ وين بيتكم ؟
    لما وصفت له ..
    مشو بس بدون اي كلمه بينهم ...
    لما وصلو لفت بتنزل ...
    التفتت عليه ~ انت من وين .؟
    -(ابتسم لان هالسؤال حفظه من كثر اللي يسالونه بس قال ~ من السعوديه ..
    (سكرت الباب بدون ماتقول اي شي ثاني ..
    راكان واقف يطالعها وهي رايحه بتدخل ..
    لما دخلت مشى بطريقة .
    التفتت نارا وراها ولقته راح ..
    وقفت شوي تحاول تستوعب كل اللي قاله لها ..
    لما دخلت البيت لقت ابوها جالس بالصاله ..
    لفت عنه ودخلت غرفتها بس ابوها لحقها وفتح الباب عليها بقوه وهو يهاوش ~
    انتي منو راده معاه .؟؟؟
    -........................
    -(قرب منها وشدها مع بلوزتها ~ ردي علي احسن لج . منو كنتي وياه .!!!
    -(ماتحركت وتركته على راحته وهو شاد على بلوزتها بس ماترعف غير الصمت هو جوابها
    -(دفها بقوه على سريرها وهو يقول ~ انا موب ناقص بنت تفضحني على تالية عمري
    موب كفايه اللي ساوته امج الجلبه .
    (ثم طلع من عندها .. نارا بلعت ريقها اللي جف لما سمعت كلمة امج
    ماتدري هو من يقصد . امها الحقيقيه ولا امها اللي هي زوجته ..
    نارا وهي على سريرها متمدده وعقلها المشوش بكلمات ~

    :~ مااتخيل شكل الولد كذا يصير فيه وانتي ولا على بالك ورايحه للبيت
    بدون ماتحسين ان فيه احد في المستشفى بسببك انتي واللي كان معاكم..
    .........
    بس ماادري اللي سواه لك هذا عن رجوله ولا حب
    ..........
    :~ ياليت تنتبهين لنفسك من ناس وتصحين لعمرك
    وتعرفين الناس اللي تهتم لك والناس اللي ماادري شنظامهم !!
    ...........
    :~ وانت شعلاقتك بكل اللي صار .! ......... انتي ..
    ............
    انا موب ناقص بنت تفضحني على تالية عمري
    موب كفايه اللي ساوته امج الجلبه
    ...............
    (غطت وجهها بالمخده .)
    $ نارا . بطلتنا هذه بالذات .. فلو اتكلم عنها .$$
    من اليوم الى غد .. فلن اكتفي بوصف ماهي عليه من ظلال $
    لهذا سوف نتركها الان ونذهب الى تولين
    تولين وهي جالسه تحت بالصاله وتطالع التلفزيون ..
    فتحت على موفي شو تايم . لقت لها فلم رائع ..
    وهو توايلا ..
    جلست تطالعه وهي كانت طفشانه ..
    شويات بس وحست نفسها خاشه جو بالفلم ..
    لما وصلت مقطع رومانتك شوي علطول تذكرت طلال ..
    حست بالحزن لما تذكرته بهاللحظه وهي تطالع مقطع رومانسي خيالي ..
    البطل والبطله فوق اعلى شجره ..على منظر جدا رائع ..
    عاشت جو مررره بس فجاه الرتاعت لما سمعت صوت التلفون يدق ..
    طاح الريمونت من يدها من الروعه ..
    وقفت وهي معصبه وماودها يروح عنها اي مقطع من الفلم ..
    بسرعه رفعت اسماعه من طرف خشمها وهي تقول ~
    نعم ..
    -الله ينعم عليك ..
    -(حست انه صوت رجال فقالت بطفش ~ خير شتبي ..!!
    -الخير بويهك .
    -احلف عاد . تتغشمر انت ولا شلون اخلص علي شبغيت .؟؟
    -هههههه تولين شدعوا ماعرفتي صوتي .
    -(سكتت شوي وعلطول تذكرت مايد هذا هو صوته ~ ؤه سوري مانتبهت
    -شقاعده تساوين ..
    -ابد ولله قاعده اطالع فلم وداخله جو بس الله يهديك انت دقيت بوقت غلط...
    -يؤ يعني اسكر هذي طرده ولا .
    -هه مدري . المهم اذا تبي امي تدري انها بهالوقت في المشفى .
    -لا ومنو قال اني ابي خالتي...
    -عيل ..!!
    -خلاص بما انو مافيه الا انتي خلاص احاجيج انتي ..
    -ايه قل من الاول انك تبي تحاجيني عشان اقولك موب فاضيه وراي فلم ..
    -ههه الحين بدل ماتقولين وراي مذاكره تقولين فلم .!! بعدين انا موب مسكر ابيج تعطيني علومكم كلها انتي وخالتي .
    -ابد اذا تبي العلوم دق بالليل واكيد راح تحصل امي بالخدمه .
    -للهدرجه موب فاضية لي .؟؟
    -اي قلت لك موب فاضيه وراي فللللم يالله تسكر ولا اسكر انا ..
    بعدين تدري انك قطعت علي احلى جو كنت عايشته ..
    -ؤه لا يكون فلم نص كم ..
    -هاهاها لا بس شوي خيالي على رومااااانتك روعه ..
    -طيب شنو اسمه بروح اطالعه بالسينما ...
    -امممم على مااعتقد اسمه توايلا ..
    -طيب شقصته اخاف اذا دخلته الاقيه فلم كارتون ..
    -هاهااي ؤما كارتون لا هو رومانسي على خيالي شوي بس صج مره خيااال .
    وبطله يخقق مدري ليش ..
    -ؤه استحي على ويهج يابنت ..
    -هه لازم نقول الحقيقه ..
    -بس اكيد موب احلى مني ..
    شف عشان مانكون جذابين هو موب لذاك الزود حلو بس مدري ليش انا خاقه عليه .
    بس احلى منك هاهااي .
    -هه طيب روحي كمليه قبل لا تاكليني ..
    -ؤكي يالله بس لا تنسى صور لنا بريطانيا مدري ايطاليا ..
    -حاضر اي اوامر ثانيه يابنت العم .
    -تستهبل علي خلاص طيب موب لازم تصور بشوفها من النت عادي ..
    -ههه خلاص يالله عيل فمان الله ..
    (سكرت وبسرعه راحت للفلم . بس راح نصه عليها ..
    -(بصوت واطي ~ ويعوه مايد راح نصه علي بسببك ..
    ( نروح لليان ..
    وهي جالسه على المكتب وتذاكر ..
    شوي جي على بالها عبدالمحسن وامها ..
    حطت القلم وهي تفكر فيهم ..
    سمعت صوت جوال ..
    استغربت ! هي ماعندها صوت جوال ..
    قامت تدوره من صوته وهو يرن ..
    واخيرا لقته على الطاوله بالصاله ..
    رفعته وهي مو عارفه اصلا شلون يستخدم ..
    ضغطت على الزر الاحمر وتسكر الخط ..
    حطت يدها على فمها ~ يؤ سكرته .
    (للحظات دق مره ثانيه ضغطت على الزر الاخضر ثم ردت .)
    -(الطرف الثاني ~ الو ..
    -ااا . الو ..
    -(بمرح ~ شفيج مارديتي لا وسكرتي بويهي تو هه . اخبارج ليان .
    -م ممم . منو وياي .!!!
    -افا بس افا . صوتي هالزين ماعرفتيه . له له له جذي لي حق ازعل ولا .
    -.........................
    -ليووونه صج عاد ماعرفتي هالصوت الكناري هههه ..
    -لا ...
    -يالبا اللي يستحون .. ثم قالها بدون قصد ~ خطيبج افا ماعرفتيه صقور انا .
    -(لما سمعت كلمة خطيبج حست بقهرر وضعف قدامه عشان كذا سكرته بوجهه
    وهي حاسه بقهررر وبشعور كيف ان الوحده مغصوبه على زواج ماتبيه ابدا ..
    ( صقر طالع الجوال وهو حاس بقهر ليش سكرت بوجهه ..
    شوي ودق عليها مره ثانيه بس ماردت ...
    بقلبه . صقور مايخالف انت بعد الله يهديك هذا وقته تقول خطيبج ..
    البنت اصلا ماتبيك وانت قايلها بكل جراه جذي ..
    ((بسرعه طلع من غرفته ونزل تحت بالصاله طالع ..
    عبدالمحسن كان توه داخل بالبيت ..
    تقابلو عند باب الصاله الكبير ..
    عبدالمحسن ابتسم ~ شفيك مستعيل !!
    -(ابتسم ~ احلى استعيال ياشيخ بسرعه تبي شي ولا اروح ..
    -سلامتك بس دير بالك على روحك ..
    (لما جي بيطلع صقر التفت على عبدالمحسن وقال بتردد ~ عبدالمحسن ..
    -(التفت عليه ~ هلا ..
    -اليوم الليل هابي احاجيك بموضوع ..
    -خلاص انشالله بس قبل الساعه10 لاني بنام اليوم بدري شوي ..
    -(ابتسم وهو فرحاان ~ ؤكيشناااااات يااحلى اخو بالدنيا ..
    (بسرعه راح وباس يد اخوه اللي يحترمه وكانه ابوه مو اخوه الكبير ..
    عبدالمحسن حط يده على شعر صقر وهو يضحك:~ انت مستانس بس وش سر هالوناسه ماادري
    -(وهو يغمز له ~ انشالله الليله بتعرف ..
    (ثم طلع وهو حده طاااير من الفرحه ..
    عبدالمحسن يضحك على اخوه اللي مهما كبر يظل بعيونه طفل صغير ومدلل وكل طلباته اوامر
    لف عبدالمحسن بيرقى للغرفته بس سمع التلفون يرن ..
    راح ورد ~ الو ..
    -....................
    -(استغرب عبدالمحسن لان هالحركه منزمان اللي يرن ويسكت . فقال بحده ~
    بترد ولا اسكر وابلغ عنك الاتصالات انك مزعجني .!!
    -(صوت انثوي ~ عبدالمحسن ..
    -(عقد حواجبه مستغرب مين وبعدين هالصوت موب غريب عليه ابدا
    بس مايتذكر متى سامعه ..
    -اي نعم عبدالمحسن وياج بس منو معي .؟؟
    -ااااا . بتردد . ااا . انا م ... مايا . بتتزكرني .؟
    (الدنيا صارت وقفت قدامه ..
    بلع ريقه اللي جف فجاه ..
    -ا .. اي . وكيف انساج ..!!
    -(مايا كانت مرره خاايفه ~ كيفاك هلا .؟
    ( للعلم مايا لبنانيه )
    -(عبدالمحسن بهدوء وهو موب مستوعب هذي اللي يدور عليها اخيرا طلعت ~
    بخير . توج تتذكرين ان عندج واحد كان بيوم من الايام زوجج ..؟؟؟
    -(مايا وهي خانقتها العبره وتتذكر لحظاتهم الحلوه مع بعض وهم زوجين واحلى زوجين
    بس نهايتهم تطلقو للاسباب مجهوله من ناحية عبدالمحسن ..
    مايا طلبت الطلاق وهو بيموت عشان يعرف ليش سوت فيه كذا ..
    كان يحبها ويعشقها بس هي مايدري ليش سوت كذا وطلبت الطلاق .))
    -ع . عبدالمحسن ااا . انا بدي شوفاك ضروري ..
    -(سكت شوي وهو حاس بقلبه نار بدت تشتعل مره ثانيه بسببها ~ انتي بالامارات من زمان .؟؟
    -لاء . من ابل كم يوم وصلت للدبي ..
    -يعني . يعني افهم انج كنتي بلبنان بدون ماادري من بعد ط . طلاقنا .؟؟
    -(سكتت شوي وهي خاانقتها العبره . ثم قالت بسرعه ~ عبدالمحسن بليز
    انا لازم شوفاك ضروري ..
    -(يده بدت ترتجف من القهررررررر ~ بس انا ماعندي استعداد اشوفج ..
    كنت ادورج كل ذيج الايام ولا طلعتي لي او رحمتي قلبي اللي بسببج عذبتيه للسنوات .
    وانتي ولا على بالج رحتي للبنان وتوني ادري ..
    خلاص ماعندي اي استعداد اسمعج او اشوفج ..
    -(جت بتتكلم وتترجاه بس قطع عليها صوت ..
    طوط طوط طوط طوط ...
    (نزلت السماعه شوي وبدت دموعها تنزل بدون رحمه ..
    التفتت على طفل صغير يلعب جمبها ..
    وقفت وراحت له ثم ضمته بقوووه لصدرها وهي تبكي ..
    الولد مافهم عليها وتقريبا عمره خمس سنوات ..
    $ الم اقل لكم بان حياة ابطالنا معقده جدا ..$$
    وليس على مايتمنونه ابدا ..$$
    حسنا للنذهب الى فيصل .$$

    ( فيصل طلع من المحطه والساعه كانت سبع المغرب ..))
    وهو توه بيركب سمع صوت بوري وراه يضرب بشكل مززززعج ..
    لف معصب مين هذا اللي يبيه يعبي له بنزين ..
    رفع راسه للسياره وهو يقول بصوت عالي وياشر انه خلص دوامه ~ دور لك حد ثاني .
    ( بس انصدم لما نزلت منه بنت حافظها زين ..
    اميره وهي نازله من السياره بعصبيه وترفع يدها بهواش بس ماتشوف فيصل لانه بعيد والدنيا ليل ~
    هيه انتش نو شغلتك عيل .. بسرعه عب بنزين وراي مشاغل فوق راسي .
    -(كان مصدوم بس يوم سمع هبالها ابتسم ~ ؤحلى يامشاغل . وين ياعمتي بزنس ويمن
    وانا مدري .
    -(قربت من عنده وهي حاسه ان الصوت موب غيرب عليها ~ اقول لا يكثر و....
    (سكتت لما شافت فيصل قدامها ..
    نغزها قلبها بشكل يعور لما شافت وجهه قدامها وهي لها اسبوع وكم يوم ماشافته ..
    -(ابتسم فيصل ~ شفيج اخترعتي ..!! شايفه يني جدامج ولا شلون .؟؟؟
    -(ساكته وهي تطالعه بشووق . بس شوي عاتبت روحها بداخلها
    انها ماتستسلم للحبها له ابدا او توضح له فقالت وهي رافعه خشتها ~
    اقول اكسر الهرج وعب لي هالبنزين اللي مايمديكم تعبونه لينا الا وينتهي علطول .
    (ثم لفت عليه وهي تطالعه مسويه ذكيه ~ بس الله والعالم ان ماخاب ظني انكم تعبون لينا
    ماي موب بنزين ..
    -(سكت شوي ثم قال ~ ماي !!! ههههههههههههههههه ههاااااي .
    اقول قصري صوتج لا يسمعج نصور ولله يتوطى فيج .هههههه ..
    -هيه هيه شكلك من زمان ماضحكت وماصدقت احد ينكت لك اقول عب لي بسرعه ترى
    صج موب فاظيه ..
    -ههههه يارب انتي جذي طبعج دوم .؟؟؟
    -طبعي ولا مو طبعي انت شكو اقول اخلص علي قبل لا تطنقر معي واحوس بمحطتكم ..
    (شوي الا واستوعبت الفتت عليه وهي مطلعه عيونها ~ انت تشتغل هني !!!!!
    -لا هناك . والمشكله لجساعه تقولين روح عب لي وتوج تسالين يارب على مخج اللي
    مدري كيف يشتغل ..
    -(ناظرته من طرف عينه ~ لا احسن خش بمخي اقول يالله عب لي ترى بديت
    اعصب ...
    -هههههه عصبي حد ماسكج .!!
    -(لفت وهي تقول بصوت عالي ~ فيه هني حد اسمه ناصر ..
    (لف عليها واحد وهو يقول ~ هذاك هو ناصر ..
    (التفتت عالمكان اللي اشر لها عليه . ثم قالت بصوت عالي للناصر ~
    انت ناصر تعال تفاهم مع هالولد اللي رافض يعبي لي بنزين ..
    (التفتت عليه وهي ترفع حاجب وتنزله وتقول بصوت واطي له ~ يالله نشوف شلون بتتافهم معه ..
    (فيصل عض شفته وده يطقها لانه هذي ثاني مره من بعد تركي يصير له نفس الوضع .
    ناصر لما جاهم اميره التفتت عليه وشهقت بسرعه مرتاعه ..
    لان ناصر اسمرررر بقوه ويخووف شكله وضخم مره ..
    بلعت ريقها بخووووف من شكله ...
    ناصر وهو يطالعها قال بصوته الخششن ~ شقلتي اختي .؟؟؟
    -(اميره فاتحه فمها وهي تطالعه بررووووعه ..
    فيصل نزل راسه وهو ماسك ضحكته على شكلها اللي واظح انها بتمووت من الخوف ..
    -(ناصر عاد كلمته بلهجه صاارمه ~ نعم اختي فيه مشكله ..!!!
    -(ارتجفت شفتها ماتدري وش تقول حست ان لسانها فجاه بلعته ..
    فيصل يحاول مايضحك ثم قال ~ لا نصور بس هي شوي مشكلجيه . بس مدري شصار عليها .
    يوم شافتك الظاهر ال وهو يغير صوته باستهبال الميااااو بلع لسانها ..
    (ناصر يطالع اميره اللي صاير نمله عنده ~ تحجي لا تخافين ..
    -(اميره صحت شوي وانقهرت لما قال لها لا تخافين كنها بزر عنده ..
    استرجعت لسانها وقالت بنفخه ~ يعني انت الحين بجسمك تبي تخوفني خلاص درينا انك
    تلعب حديد روح الله وياك . مسوي يستعرض ذا ..
    (فيصل ماقوى اكثر يمسك ضحكته . بسرعه انفجر ضحك عليها لف عنهم للجهه الثانيه
    وهو ماسك بطنه من الضحك عليها ..
    ناصر حس ان اميره خايفه منه . عشان كذا حب يستهبل عليها شوي ..
    تقدم لها وهو يقول مسوي معصب ~ نعم شقلتي ..
    -(حسس برجفه من اعلاها الى اسفلها . رجعت ورى شوي وهي تقول بابتسامه
    مصطنعه ~ لل لا سلامتك خلاص الله وياك مابي شي منك ..
    -المره اليايه لا تناديني ترى موب فاضي لج .
    (ثم لف عنها وابتسم وبقلبه يضحك على شكلها وهي مرتاعه ...
    اميره لفت على فيصل اللي غااشي من الضحك للحين ..
    راحت له وشاتت رجله بقوه وهي تقول ~ ضحكت من سرك بلا ..
    -(التفت عليها ووجهه احمرر من الضحك عليها . ثم قال بصعوبه وهو يضحك ~
    الحي الحين بس ابي افهم شي واحد . عبالج بتشكيني عنده ويوم شفتيه قلتي مسوي تستعرض .!!
    ابي افهم وش دخل هالسالفه يعني هههههههههههههه ..
    خلاص يرحم ؤمج المره اليايه لا تسوين روحج قويه ترى ولله مايليق عليج .
    -(انقهررت منه ثم قالت تطنز كنها تصيح:~ لا يرحم ؤمك تكفى ابي اصير ظريفه لا تكفى
    (دفته بخفيف وهي تقول بجديه ~ اقو لانا الغبيه اللي يايه بهالمحطه السخيفه ..
    ( بهاللحظه دق جوالها لما ردت سمعت تهزيئ للدرجة ان فيصل سمعه ~
    -(صوت امها بصراخ معصبه ~ انتي وينج طالعي جم الساعه وانتي للحين برا
    ردي الحين قبل لا اوريج اشغل واقول للاخوج جراح ..
    اميرووووووه ردي بسرعه ..
    (اميره من الروعه في صوت امها طاح الجوال منها ...
    فيصل جلس وهو يضحك عليها وهو يردد بصوت واطي ~ خلاص تكفين روحي
    بموت وربي بموت من الضحك . وربي انج نكته بكبرج . روحي قبل لا تتصفقين ..
    (اميره رفعت الجوال وهي ودها تتوطى بفيصل اللي ماخذها من البدايه مهزله قدامه
    او مهرج . ردت وهي تقول بخوووف وادب ~ انشالله يومه كلها دقايق وانا بالبيت .
    (لما سكرت راحت للفيصل وبقوه وطت رجله وهي تقول ~
    تراني مانسيت الاعتذار وهالمره بتكون الاعتذارات ثلاث مرات ..
    (لفت عنه وراحت للسيارتها بعد ماعبى لها واحد ثاني البنزين ..
    فيصل يطالعها وهو للحين جالس ويضحك عليها .
    وقف وهو ينفض جنزه ويقول بصوت واطي ~ ياربيه عليها هالبنيه وربي مهبوله
    مينونه ..
    (ركب سيارته وراح

    انتهى البارت والقاكم بالبارت القادم قريبا ..
    تعاليقكم حول ماحصل بالبارت ..
    واارائكم ..
    اعلم باني ساشتاق لكم ..
    تحياتي ومودتي للجميع ...
    دم حبيبي يرويني
    NoNy. xoxo. xoxo
    SlMlM…………………

  3. #123
    rezanof-99 غير متصل جاي معه ملفه
    تاريخ التسجيل
    Aug 2009
    الدولة
    السعودية
    المشاركات
    47
    يوووووووووووووووو ووووة واللة فلة هالقصة معجبتني

صفحة 41 من 138 الأولىالأولى ... 213139404142435161 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران