مشاهدة : 877
صفحة 1 من 6 123 ... الأخيرةالأخيرة
النتائج 1 إلى 3 من 16

الانحطاط الخليجي وقالو((سعودي))

الانحطاط الخليجي وقالو((سعودي)) لا اله الا الله عدد ماكان وعدد مايكون وعدد الحركات والسكون الهم ... هنا جميع المواضيع والمشاركات المحذوفه والمكررة والمخالفة ويتم حذف مواضيع هذا القسم بالتدرج كل فترة محددة

مقالات مشابهه موضوع على صله

  1. الفرق بين الزوج الخليجي والغربي لاحظو
    بواسطة الجـــازي البدويـــة في المنتدى نكت محششين طرائف مضحكة ضحك ترفيه تسليه مرح
  2. ليس بمقدور الخليجي أن يستغني عن البنغالي..!!
    بواسطة ღ♥ღ♥ღ THE WRQAYS ღ♥ღ♥ღ في المنتدى غرائب و عجائب اسرار حقائق غريبة علمية
  3. الفرق بين اللاعب الخليجي واللاعب الأجنبي..؟؟!
    بواسطة جيسيكا ايبس في المنتدى كورة رياضة كرة قدم Football Sports
  4. الفرق بين تعامل الرجل الغربي والرجل الخليجي مع الزوجة
    بواسطة انا حبك للابد في المنتدى نكت محششين طرائف مضحكة ضحك ترفيه تسليه مرح
  5. مقارنه بين الشباب الخليجي والاوربي>> هع هع لا يفوتكم
    بواسطة المشاغبه المطفوقه في المنتدى نكت محششين طرائف مضحكة ضحك ترفيه تسليه مرح
  1. #1
    الشرائع مكة غير متصل جاي معه ملفه
    تاريخ التسجيل
    Aug 2009
    الدولة
    k.....s....amecca......
    المشاركات
    34
    لا اله الا الله عدد ماكان وعدد مايكون وعدد الحركات والسكون
    الهم اصلح بناتنا واصلح بنات المسلمين
    مثل ماوصلني
    ملاحظه الكلام مو للسعوديات بس للخليجيات عامه
    الى الشعب السعودي لمحترم مع التحيه...اما بعد

    كان يا ما كان
    قبل 10 سنوات او حولها
    كنا لما نمشي في ديرتنا ونشوف اجنبيه فاتشه
    تطير عيوننا نقول وش هذي يا ساتر


    كان يا ما كان

    قبل ثلاثة ايام
    افتح ايميلي واشوف رساله من قروب مشهور.. صور لبنات ويتفاخرون انهم سعوديات



    السعوديه فخر بس للاسف ما يستاهلون يرفعون هذا المسمى على الصور الي كانوا طالعين فيها
    مثال
    صورتين
    ل 6او 7 بنات..صافين..عالجدار وملقينا ظهورهم..ومرفعين يدينهم كانهم معاقبات). ومنزلين البنطلون..ونص البتاع طالعه
    قله الحيا هذي مهيب مقبوله!



    __________10
    سنوات فتره موب قليله

    كيف وصلنا لهذي الدرجه من فراغ الاخلاق
    الصيف اللي راح. للاسف غلطنا ورحنا مصر وما ادراك ما مصر
    مع الحرص الشديد الحمد لله للابتعاد عن اماكن الفساد لان يوجد فيها فساد اكثر من الدول الغير عربيه صراحه!
    ويلومننا ليه نكره الدول العربيه

    رحنا لمطعم سقيم..طلع فيه واحد عالستيج. ومسك المايك وقال((احلى تحيه لشعب السعوديه)

    وتصفييييييق..!

    لحقونا بعد شوي الشعب الاماراتي والكويتي.
    بس السعوديه عادها يمكن 6 مرات.

    جلست افكر. ليه يعني حنا اكثر؟
    فكرو فيها شوي. لين يخلص الموضوع بعدين جاوبو.
    .....
    ارجع الحين لصلب الموضوع.

    ليش صرنا نشوف صور كثيره. وعناوين الصور((سعوديات..سعوديات..سعو ديات)
    لو نتفرج عالصور.
    نلقى رجول.




    نلقى جزم



    نلقى اساور خضرا<<يعني ترا حنا سعوديات
    والفيس بوك عاد..والهاي فايف. انواع الصور اللي مدري وش اقول عنها
    شفايف.

    عيون





    ونادر ما تلقى وحده حاطه وجهها.
    على فكره. اللي تحط صوره وجهها محترمه اكثر من اللي ترزز اشياء ثانيه!
    يعني عشانكم تتغطون..تروحون تصورون ذا الصور .


    تمنيت اني اطيح على بروفايل احد..والقاه حاط اسم كتاب حلو نقراه .خاطره حلوه من كتابته. موقف مضحك مر فيه..موقف مؤثر.
    او اذا كانت او كان. يعشق التصوير. ليه يصور هالاشياء السخيفه..؟ اللي ما تدل الا على سخافه تفكيره؟
    ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!.
    ليه كل اللي اشوفه..بربسه حكي. واحيانا قله حيا! لا صراحه. موب احيانا. غالبا.
    وش هالفضاوه في العقل لدرجه انكم تصورون يدينكم.رجلينكم. (شنطكم الماركه <_<.


    يمكن الفضاوه. اقدر اتقبلها. او ابلعها..لان احيانا نسويها حنا انفسنا. من كثر الفراغ اللي حنا فيه. او يمكن شكل الصوره حلو.
    بس ان الوحده تجي تصور مقفاها. هي وخوياتها. وكاشخه بالجي سترينق!




    والمنتديات والقروبات السعوديه تتسابق لنشرها
    الدال عالخير كفاعله. والشر بعد.
    بعدين انتي ياللي مصوره انتي وخوياتك
    يعني انتي همك الوحيد ما يشوفون وجهك عشان محد يعرفك.
    بس مقفاك. شفايفك. و . عادي يشوفونه!
    لان المهم عندك الناس. موب الله؟


    طيب صورتك قدام نفسك طيب؟ ما تهتز انك سويتي شي حقير ووضيع مثل هالشي؟
    اصلن اصلن. كيف صورتو صوره زي كذا. يعني ما استحيتو من بعض يا بنات؟
    عيب يعني..يعني عشانكم بنات مع بعض عادي تورون بعض يعني؟
    ولا اقولكم..انا نسيت انكم ناشرين الصور للشباب..فما يهمكم البنات.
    يعني صدق شي يضيق الصدر بنات سعوديات مسلمات في مجتمع مثل مجتمعنا يسوون زي كذا.

    ودي اعرف امك..وابوك..وش بينظرون لك بعد ذا الصور؟
    يعني حرام..اهلكم ربوكم احسن تربيه.
    بس انتم للاسف ما ربيتو انفسكم.
    فيه شي اسمه تربيه النفس. بس انتم تتبعون اهوائكم. او خليني اقول مخكم الفاضي!
    ولا قروب ثاني سعودي برضو..والصور اللي ناشرينها.
    ذوليك عاد. متبرقعات..وبعابياتهم..متكحل ات..ومسوين حركات غبيه ومصورين..
    طيب وبعدين؟ ابي افهم وش الهدف؟ مره وناسه؟ مره يضحك؟ مااااااااااره كووول انتم صراحه!
    طبعن ترا الكلام موب موجه للبنات فقط. لان يوجد عندنا وبكثره رجال عقول فاضيه
    .
    اللي همهم نوم واكل. وفلوس ياخذها من ابوه ولا امه

    تطورو شوي. ارتقو شوي..اطلعو بصوره احلى من كذا.
    انتم عارفين ان النت اكبر وسيله انتشار.
    قبل فتره. في ام بي سي فور. تدرون ان في برنامج من برامجها عارض بروفايلات لبنات سعوديات. باسماءهم. طبعن موب اسماء حقيقه.
    بس شوفو الصور انتم شفايف و ومدري وشو. علقو على هالشي باننا متكمكمين بعبايتنا عشان كذا نروح عن انفسنا بذا الطريقه.
    ما تستحون؟ قبل الغرب اصلن. صوركم قدام انفسكم! ما تهتز؟


    انشرو شي حلو,,حاولو تطلعون بشخصياتكم الحقيقيه. موب تصيرون مثل الامعه اللي يسوي شي عشان يقلد الفنان الفلاني. ولا البنت الفلانيه.
    ليه بس تنشرون الشي الشين
    انواع المقاطع الشينه تنتشر. انواع الصور الشينه.

    ليه وش استفدت؟ غير الذنب والاثم. انك خليت احد يشوفها. وانك نشرت شي مو كويس عن المسلمين
    اقولكم شي

    شفتو كتاب بنات الرياض قريته..صراحه كل اللي فيهواقع..اشياء فعلا تصير عندنا..طبعن لفئه معينه من الناس.
    بس تدرون ان الكتب تترجم لاكثر من 22 لغه؟
    تدرون انهم برا يدرسون الكتاب فيه دوله من الدول
    يدرسونه؟ تخيلو؟
    رجاء الصانع ما كانت تبي تنشر غسيل. كانت تبي تفتح عيون الناس على اخطائهم..وتصلح هالاخطاء..
    يا حلو الثقافه اللي يتثقفونها بس
    يعني الحين اللي برا..يدرسون الكتاب كنص سعودي ادبي يمثل حياة السعوديين كله سلبيات في سلبيات ,مثلا احنا الحين ندرس..روبنسون كروزو في الجامعه. على اساس انه نص انجليزي يمثل الحياة الدينيه والسياسيه الاجتماعيه في هذيك الفتره.
    هم يدرسون بنات الرياض لتمثيل المجتمع السعودي


    انا ما الوم رجاء الصانع على اللي كتبته. بالعكس انا عاجبني الكتاب من الى وكل اللي كتبته اشوفه بعيني عندنا.
    وكل اللي سوو عليه ضجه. هذولي يبون يعترضون لمجرد الاعتراض.
    ليه تعترضون؟ لييه؟ ما تشوفون بناتكم؟ ما تشوفون عيالكم؟ ما تشوفون مجتمعكم كيف!
    ليه تنكرون كل اللي بالقصه وانه موب موجود
    الا موجود ونص والدليل هاللي نشوفه بالنت والسوق والجامعه وكل مكان


    رجاء الصانع تبي تصلحكم وتفتح عيونكم على اخطائكم.
    لكن موب الغلط في اللي كتبته رجاء. لكن الغلط في مخ كل من يقرا الروايه!
    شلون الواحديصلح مجتمعه؟ بانه يكمكم على اغلاطه ولا يحكيها عشان ما ينفضح قدام الاجانب والناس
    بس عادي يدشرون ويخربون وكل شي. بس ما ينتشر عنهم شي
    ويستمرون بنكران كل قصص الدشاره والصياعه اللي عندنا بحكم اننا سعوديين. مدري يمكن قصدكم سعوددين= ناس طاهرين
    غلط كل دوله بالعالم فيها الصالح والطالح.
    البيت الواحد فيه الصالح والطالح.

    ما تحبون احد يحكي فيكم ابد. بالرغم من كل الاغلاط بحياتكم.

    قبل فتره سمعت انهم رحلو هشوم الرياض. الى ديرته الحقيقه(سوريا
    وانه لا يمت للشعب السعودي بصله
    كان ما عندنا سعوديين من هالجنس!




    ليه ما تصلحون ايميلات تعود لكم بالفايده؟وتحسن سمعتكم وتظهر الجانب الحلو في كل سعودي وسعوديه



    بقولكم مثال..لوحده اعرفها شخصيا. قبل ما ينتهي رمضان. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها. وبيروحون يشترون العاب..وحلويات. ويرسلونها لجمعيه الايتام..وفعلا جمعو. ووصل المبلغ لين 22الف. كله من بنات عشرينيات في العمر..كلهم تحمسو لهالشي. كلهم اتشغلو وشرو العاب..وحلويات. شرو ميك اب..وشرو اشياء ثانويه الجمعيات ما توفرها للمحتاجين والايتام. يعني البنات فكرو بتفكير مرررره حلو فكرو بالاشياء اللي يحتاجونها الفقرا..ويفرحون فيها بس ما توفرها لهم الجمعيات لانها مهيب ضروريه مثل الاكل والبيت والملابس يعني هالمثال صراحه اوقف واصفق له بحراره. هذولي هم السعوديات اللي نعرفهم!



    شله شباب..اعرفهم بعد. .طالعين لجده..في رحله بحريه..وصادو كميه لا باس بها من السمك.
    تدرون لو بيبيعون هالسمك. كم يبيجب لهم تقريبا 4 الاف.
    بس هم كانت نواياهم اهم من الفلوس.
    اخذو هالسمك وودوه لمنطقه فيها ناس فقرا. وتصدقو.

    برضو حمله تبرعات الراجحي.
    ترا اكثر من تبرع فيها شباب.
    ((المواقف مذكوره عشان ابين انو فيه ناس كويسه,,يعني ابين الجانب الايجابيه)
    يعني فيه ناس تشتغل. فيه ناس عندها اهداف.
    موب بس بالنت. حتى برا النت
    سواء بنات او شباب.


    نبغى جيلنا السعودي الجديد ينتشر عنه كل شي حلو.


    انا ما اقول انكم ما تنبسطون. ما تسوون هبال بس برضو بحدود.
    موب عشانكم ورا الشاشات يعني عادي؟
    (هياط ورا الشاشه = مرض






    الصور اللي من النوعيه اللي ذكرتها في البدايه. بطلو تصورونها اوحتى تحطونها بالبروفايل حقكم. ترا صدق يعني هالشي ما يبين الا فضاوه عقولكم..لان هالبروفايل يبين شخصيتك.



    اي احد يشوف هالصور..ولا يجيه ايميل من هالنوعيه. يبطل ينشرها. لانها يساعد على انتشار هالظاهره..لان التقليد عندنا اعمى




    وابي اتطرق لموضوع بيخش فجاه بس لازم اعلق عليه( فضيحه بنت الخ) هالنوعيه من الصور والفيدوهات...

    اولن نشرت شي حرام ثاني شي ما سترت على بنت او ولد الناس.
    ما تخاف ربي يفضحك بشي بعد سنه او 2 او 100!
    قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره

    اتمنى ان موضوعي هذا ينتشر بنفس الطريقة اللي انتشرت فيها هالصور.
    يهمني الموضوع ينتشر في المنتديات السعوديه. اكثر من المنتديات العربيه.
    لاننا نحاول نناقش قضيه سعوديه داخليه..ومافيه مجتمع ما يخلو من الاخطاء.
    ابغى اذا احد قال((احلى تحيه لشعب السعوديه) وعادها 6 او 10 مرات.
    اعرف ليه قالها. واقول معه حق.






    hghkp'h' hgogd[d ,rhg,((su,]d))

    من مواضيع الشرائع مكة :


  2. #2
    زوووياا الحلوة ^_^ غير متصل طالب متوسط
    تاريخ التسجيل
    Jul 2009
    الدولة
    جدة بس ليتني بحايل ^_^ بس يالبى جدة واهلها
    المشاركات
    154
    يسعدني اني اول وحدة ارد بهالموضوع الراقي
    اللي من جد يلامس واقعنا واشكرك على غيرتك على هالبلد الغالي
    ومعك حق بكل كلمة قلتها واتمنى من كل قلبي ان هالظواهر اللي طرات بمجتمعنا
    تزول ويوضع لها حد واتمنى ان الفكرة اللي طرحتها توصل لكل الشباب بنات واولاد
    ومو عيب اننا نذكر السلبيات التي تحصل بمجتمعنا بهدف الاصلاح والتغيير للافضل
    والله تعبنا من هالمناظر خلاااص ركزوا هالطاقات اللي عندكم بشيء يفيدكم ويفيد مجتمعكم
    ويساهم في رقيه وتنميته .
    وانا اضم صوتي لصوتك اخوي ومعاك حق بكل كلمة قلتها
    يسلموووو على هالموضوع المتميز من شخص راقي بفكره
    وتقبل مروري

  3. #3
    الشرائع مكة غير متصل جاي معه ملفه
    تاريخ التسجيل
    Aug 2009
    الدولة
    k.....s....amecca......
    المشاركات
    34
    يسلمو اختي على ؤدك الجميل واسعدني مرورك على جوانب صفحتي
    اتمنى نشر هذا الموضوع من خلال الايميلات من خلال المنتديات باي طريقة نبي نرجع مجتمعنا الاول والله تعبنا ياناس حنا اهل غيره ياناس تكفووووووووووون تكفوووووووووون غيرتنا اهلنا وناسنا اخواتنا بناتنا ديرتنا نبي نردها لسابق عهدها

صفحة 1 من 6 123 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران