مقالات مشابهه موضوع على صله

  1. ملف شامل عن دوله الكويت‎
    بواسطة SALEH9694 في المنتدى السياحة و السفر سفاري رحلات حول العالم مدن سياحية
    مشاركات: 5
    آخر رد: 13/05/2010, 05:28 PM
  2. [ تقديم - الكويت × عمان ] - تصفيات كأس آسيا 2011 بـ الدوحة
    بواسطة امير خطير في المنتدى ممنوع - موضوع × مقالات × صور × برامج × العاب
    مشاركات: 2
    آخر رد: 03/03/2010, 03:50 PM
  3. من الرياض الى الكويت
    بواسطة بنت الحمرا جدة في المنتدى الاخبار السعودية والعربية والعالمية اخبار اليوم
    مشاركات: 0
    آخر رد: 12/02/2010, 07:18 PM
  4. عاجل يا اخوان / الشيخ محمد العريفي حفظه الله ممنوع من دخول الكويت ....
    بواسطة عـا Romansiah لـم في المنتدى مواضيع دينية اسلامية عن دين الاسلام
    مشاركات: 10
    آخر رد: 16/01/2010, 06:46 PM
  5. ياسر والشلهوب في مناهج الكويت
    بواسطة مــــاريا في المنتدى كورة رياضة كرة قدم Football Sports
    مشاركات: 3
    آخر رد: 19/10/2009, 04:14 AM
صفحة 1 من 5 123 ... الأخيرةالأخيرة
النتائج 1 إلى 3 من 13

الموضوع: قصة بويات الكويت

  1. #1
    صورة عالمة إجرام
    عالمة إجرام غير متصل جاي معه ملفه
    تاريخ التسجيل
    Feb 2010
    الدولة
    أحلى بلاد {الكــــويت}
    العمر
    19
    المشاركات
    28

    قصة بويات الكويت




    هااي شلونكم انا الصراحه قريت القصه في احد المنتديات وعجبتني وحبيت انقلها لكم

    وهاذا البارت الاول اذا شفت في تفاعل بحط البارتات


    الفصل الاول (الشلة))

    وقفت جدام المنظرة تظبط اللوك.. عدلت الكاب...الساعة....رشتين جاكوار...كل شي تمام.. الجينز لو ويست عليه حزام جلد عريض.. مع تي شيرت اخضر.. حطت البوك في جيبها الي ورا . خذت تلفونها n93 و طلعت من الغرفة.. نزلت على الدرج...((هوب هوب هوب كانت تنافس اخوانها فيصل و خالد في الدفاشة حتى في نزلة الدرج...اسمها دلال بس دايما كانت تحب انه ينادونها باسم طلال.. مثل ما توقعتوا...كانت بوية...
    كان السايق ينتظرها برع...في لاند كروزر سوده.. فتحت الباب و ركبت يمه...اي لا تستغربون مهما البنات الي يركبون ورا صح؟؟
    ما كان في داعي يسالها السايق وين بتروح...لانه كان عارف انها بتروح الستي سنتر...اهيه و ربعها كانو كل ويك اند يتلاقون هناك.. وصلها السايق...نزلت...دخلت المجمع.. ركبت الدرج الكهربائي... (طير الحمامي هيج غرامي. هايم.......) رن التلفون...يا ترى رنة منو؟؟؟...((الو هلا حياتي..لا اكاني وصلت...ثواني بس..) وصلت للكوفي شوب الي متواعدين فيه...
    حنين طلول ساعة ننطرك!!
    ورد: طولتي عاد!!
    وله يه شفيكم كلتوها..حياج حبي قعدي!!!)<<<<<حبها؟!؟!؟!؟! ويييييع!! ادري الموضوع مقرف....و في اشياء مقرفة اكثر!!! سوري اذا لوعت جبدكم خخخ بس ترا هذا الواقع!!!)
    دلال: مشكورة الغلا..الحمد لله و الشكر شفيكم كلتوني؟ و انت حمود و يا ويهك ساعة؟؟ انت كله تحلطم!!!مو جذي فهد!!!
    فجر(فهد): خلاص المهم انك ييت طلول.. ها شتشربون؟؟
    دلال: لحظة. لحظة. وين ريم؟؟
    فجر: انسيها زعلانة!!
    دلال: افا فهود شله مزعلها بعد..حشا ما مداك تراظيها الاسبوع الي فات!! يبه عاد مشي السالفة!!
    فجر: شامشي فيها...ذبحتني! حشا تغير علي من الهوا الي اتنفسه!!!<<<<<< تغير عليها؟!؟! وييييييع!!!)
    وله الغيرة دليل المحبة!!
    فجر: اي عاد بس مو جذي!! بلييز خلاص صكوا على السالفة!! !!<<<<<< خل يحلفون!!!)
    دلال: على راحتك! ها شتشربون؟
    ورد: انا ابي كبتشينو!
    وله: انا قهوة بدون سكر...حق الرجيم!
    دلال: اي رجيم؟ اذا سويتي رجيم بعد بتختفين الحب!!
    وله: ها تطنزين؟!
    دلال: لا حشا..بس انا خايفة عليج!!!
    وله: عبالي!!
    دلال:ههههه
    حنين: انا بطلب اسبرسو..و انت فهد شتامر عليه؟؟
    فجر: نفسك!!
    حنين: يلا انا الي بطلب لكم!!
    دلال: وايد مصدق عمرك! كانه الي بتسوي اكثر من انك تنادي الهندي و تقوله الاوردر..مسوي روحك جنتلمان؟؟!!
    حنين: مالت عليك زين. و خلك مثقف شوي...ما يسمونه هندي!!!
    دلال: انته المثقف حمود؟؟!!
    فجر: اوهو سندرتونه انتو!!!
    دلال: لا كل شي ولا فهود يعصب...بالعدال يبه هدي اعصابك!!!
    حنين: شباب شرايكم نروح سينما؟؟
    ورد: ايييييه في فلم يديد توه نازل...كل البنات يتكلمون عنه..خل نجوفه!!!
    وله: اي امبله!
    فجر: لا انا كلش مو خلق سينما شباب..خلوها مرة ثانية!!
    وله: خاطري اجوف الفلم!!
    دلال: افا معقولة الحب خاطرهم في شي و ما يحصلونه؟ باجر نيي انا و انتي و نجوف الفلم. ؟
    وله: ايه عليج!
    فجر: وين بتعشون شباب بموت من اليوع انا؟
    حنين: سمله عليك فهود..امري انتي بس وين تبين؟؟
    فجر: في مطعم ايطالي يديد توه فاتح..خل نجربه!!
    وله: مالت عليكم لاني اسوي رجيم!!!
    دلال: عشوة وحدة ما بتخرب الرجيم!!!
    وله: ما ابي!!
    دلال: و اذا قلتلج عشان خاطري!؟!
    وله: وااي منج...تعرفيني ما اقدر على هذي الكلمة!! خلاص ايطالي . ايطالي!!

    ************************************************* *************************************
    ودام الشلة يتعشون.. خلوني اوصف لكم اشكالهم شويي...دلال...17 سنة و نص ..شعرها اسود قصير..دايما سبايكي.....بيضة شوي..عيونها سودة وواسعة..و عليها نظرات..تحطيم..حتى ربعها يسمونها..((الاخ بو نظرات او (بو نظرات خطيرة) تحب جميع انواع الرياضة و تلعب سلة. سبورتيه و قوية.. فجر 18 سنة . سمرة شوي... شعرها بني غامج. وايد قصير..... عيونها بنية على عسلية . صايرة نوع الناعسة شوي...نظراتها خبيثة و فوكسي...و هي كابتن فريق السلة...تعشق الرياضة و جسمها رياضي...وعندها عضلات..تخرع!! حنين.. 17 سنة وجم شهر اقصر من فجر و دلال.. شعرها بني فاتح قصير و ناعم. (يشبه شعر شجون في عديل الروح) خخ...عيونها بنية...حنين بعد تحب الرياضة.. و تلعب في فريق السلة...وله 16 سنة...بيضة و شعرها اسود..طويل لي نص ظهرها...عيونها سود...طويلة .اقصر من دلال بشوي.. رقة ودلع...بمعنى اخر..(بنوتة!) و اخر شي.. ورد...17 سنة.. ورد شعرها لي جتفها..بني فاتح (ترا صابغته مو طبيعي..خخ) سمرة شوي...حنطاوية يعني.. عيونها بنية غامجة.. طول حنين.. وهذي الشلة ربع من زمان..حنين وورد و دلال وفجر من الابتدائية و تعرفوا على وله بالمتوسطة.. وراحو ويا بعض للثانوية.....

    ************************************************* *************************************

    تعشو شلتنا...خذولهم فرتين في المجمع...و الساعة 11 و نص تقريبا رجعو بيوتهم...دخلت دلال دارها..رمت روحها على السرير تفكر في الدنيا..في الي قاعد يصير..((شهالافكار السودة!؟!) قامت بسرعة بدلت ثيابها..لبست بجامه..يا زعم بس في الواقع كانت عبارة عن توب حفرة و بوكسر!!!!!اي لا تستغربون!!!
    قعدت على الكمبيوتر شوي( افا الحب ليحين اوي! صج ملل خل اجوف المنتدى شعندهم!!) و الساعة 1 و نص تقريبا حست بصداع في راسها..((خل اقوم انام احسن لي!!) انبطحت على سريرها و تلحفت..توها بتسكر عينها الا مرة وحدة.....
    (طق طق طق
    دلال: منو؟
    ؟ انا خالد..
    دلال: حياك اخوي..دش!
    خالد: ليحين قاعدة؟
    دلال: توني كنت بانام!
    خالد: دلول امي سافرت..راحت دبي!
    دلال: هه...عادي و شنو اليديد في الموضوع؟!؟
    خالد: الصراحة دلول انا وايد متضايق!!
    دلال: من شنو؟
    خالد: يعني دلول عاجبج الوضع في بيتنا؟ حشا مو بيت هذا فندق!!!
    دلال: يا معود..خلود صارلك عشرين سنة عايش في البيت ليحين ما تعودت؟؟؟
    خالد: اي بس..خلاص ولا شي. تصبحين على خير..
    دلال: وانت من اهله. و خلود يا اخوي لا تعور قلبك! يبه تاقلم و عيش حياتك..
    خالد: ان شاء الله...

    خالد طلع من غرفة دلال...دلال نامت.. و دام اهيه نايمة خلوني اكلمكم عنها شوي...عنها و عن عايلتها. دلال اصغر وحدة في اخوانها..قبلها صبيين..خالد و فيصل..فيصل اكبر واحد...عمره اربع و عشرين سنة...يدرس كمبيوتر ساينس. اخر سنة له و ان شاء الله يتخرج...انسان متهور و جرئ..عنيد ولا احد يقول له لاء...بس ترا اهو قلبه ابيض و طيب...فيصل طويل..و جسمه رياضي...شعره اسود..غزير..و الزلف طويل...شوي ابيض..عيونه سوده. عنده قفل على شنب خفيف.. وايد وسيم...و الشبه بينه و بين دلال واضح...
    خالد..الوسطي...واحد و عشرين سنة...يدرس بزنس..يعشق الموسيقى و الشعر...يالف اغاني و يلحنها على الجيتار...و صوته بعد وايد حلو...انسان حساس و رومانسي.. و اكثر واحد متاثر من الوضع في بيتهم...اهو بعد شعره اسود و غزير و عيونه سودة.. عنده قفل بدون شنب.. اقصر من فيصل. و بعد جسمه رياضي.. في ملامح الويه...ما في وايد شبه بينه و بين دلال و فيصل...
    الاب..ناصر..رجل اعمال كبير...حياته كلها اجتماعات و بزنس . و كله مسافر...ولا يدري شي عن عياله. بس يترس لهم حساباتهم في البنك فلوس.. و لا يدري شلون يصرفونها....
    و الام...حياة...كله هايته في العروس...و السفرات الي ما تخلص...لبنان حق عمليات التجميل..دبي معارض المجوهرات فرنسا و لندن ثياب صيف ما ادري ثياب شتا.. و جان عندها عيال ما تدري.. و كل الي فالحة فيه تترس لها شنطتين ثلاث هدايا حق العيال..كانه هذا هو الي محتاجينه...و الديرة ما فيها عطورات و لا ثياب!!
    ************************************************* *************************

    الفصل الثاني (كل شي يتلخبط))

    في ذي الفصل. راح يصير شي ممكن يغير حياة بعض الناس للابد!! خلونا نجوف..

    الساعة 12 الظهر..قامت دلال من النوم على صوت تلفونها..((وليييه مسج هالحزة من ذي المتفرغ؟!) فتحت دلال المسج..((افا الحب خخ ايه عليج وله شنو صباح الخير و الورد..يا حبي للابد..ايه عليج فديتج والله!!))
    قامت دلال من سريرها ووقفت على الدريشة..شافت اخوها فيصل ينزل من سيارته همر صفرة! بس شكله كان كلش مو طبيعي. (امبي هذي فيصل؟ من وين ياي هالحزة؟ و شفيه جذيه شكله مو طبيعي؟؟))
    طلعت دلال بسرعة من الحجرة و راحت حق فيصل..تلاقت معاه على الدري...
    دلال: فيصل خير ان شاء الله؟
    فيصل: ها شنو؟
    دلال: من وين ياي؟
    فيصل: لا..بس امس كنت بالشاليه..و تاخر الوقت..فنمت هناك...
    دلال: ريحة شنو هذي؟
    فيصل: شنو ما اشم شي؟
    دلال: من صجك في ريحة امبلا!!
    فيصل: م..ما ادري! (و راح بسرعة لغرفته!!))
    هني خالد طلع من غرفته. و شاف دلال واقفة على الدري...و سرحانة شوي...
    خالد: صباح الخير يا اختي العزيزة!!!
    دلال:............(سيييييين!)
    خالد: قلنا صباح الخير!!
    دلال: خلود فارج..كلش مو خلقك!!
    خالد: افا..شله الحلوين زعلانين من صباح الله خير؟؟؟
    دلال: خلود ترا ملاقتك تخطت الحدود!!
    خالد: يه شفيج عصبتي؟!! بو انا ما ادري شمرظعينج وانتي ياهل..فلفل؟؟؟
    دلال: و بعدين معاك انت؟؟!!!!
    خالد: بو هذوله من صجهم معصبين؟؟ خير دلول شصاير ترا انا قمت احاتي!!!
    دلال: فيصل يا خالد..فيصل!!!
    خالد: شفيه تحجي؟؟!!
    دلال: ما ادري..امس طلع و توه راجع و شكله مو عاجبني...كلش مو طبيعي!!!
    خالد: شلون يعني؟؟
    دلال: ما ادري خلود..كانه مريض!!!
    خالد: شنو؟! يا معودة خل نروح جوفه!!!
    دلال: اي خلود تكفه!!!

    دلال و فيصل و خالد...دايما قلوبهم على بعض..يمكن بسبب الظروف الي عايشينها بالبيت..خلتهم يحسون انهم لبعض . و ما يقدرون يعيشون من دون بعض.. يعني امهم و ابوهم لو يسافرون اسابيع كلش عادي. بس اذا واحد منهم سافر . يظلون متلخبطين. و مو قادرين يعيشون من غيره.. يعني بمعنى اخر علاقتهم ببعض..عوضت نوعا ما الحرمان من حنان الام و الاب الي حاسينه....

    و راحت دلال مع خالد لغرفة فيصل.. طقو الباب و دخلو فيصل ما كان في الغرفة. بس صوته في الحمام..خالد طبعا ما فيه صبر..فطق الباب عليه...
    فيصل:ها؟!؟!.. لحظة..لحظة..دقايق و اطلع!!!يه شفيك؟!؟!؟!



    يلا ابي ردودكم الحلوه
    واكممممل



    rwm f,dhj hg;,dj


  2. #2
    صورة عالمة إجرام
    عالمة إجرام غير متصل جاي معه ملفه
    تاريخ التسجيل
    Feb 2010
    الدولة
    أحلى بلاد {الكــــويت}
    العمر
    19
    المشاركات
    28

    رد: قصة بويات الكويت

    هذي التكمله
    و طلع فيصل من الحمام.. وحاط فوطة على جتفه...
    فيصل: شعندكم .اجتماع مجلس الامة؟؟؟
    دلال: لا فيصل بس مساعة خرعتني...شكلك كان كلش مو طبيعي!!
    فيصل: دلول ويا ويهج! واحد سهران للفير و توه قايم..شلون شكله بكون؟!؟
    خالد: لا فيصل انت صارلك فترة متغير..السواد تحت عيونك زايد..و عيونك صايرة كله حمرة!!
    فيصل(قاطع خالد ترا انتو وايد مكبرين السالفة..
    دلال: زين منا انحاتيك يالكريه!!
    فيصل: اوه في احد مفتكر فيني في هالبيت! زين..زين!!
    خالد: من صجك انت جم اخو عندي انا!!!
    فيصل: ايه عليكم..فديتكم والله..انا ما اسوى شي بدونكم!!
    فيصل هني حط يد على جتف خالد و يد على جتف دلول. و حب راسها..و قال((ايه عليج اختي..فديتج والله!!) دلال تخصبقت و تخرعت و ما عرفت شتسوي...و صادتها رعشة بكل جسمها...و ابتعدت شوي عن فيصل..

    فيصل: شفيج يبه؟!؟
    دلال: م..م..ما..ما .ما فيني شي.!.!
    خالد: ما فيج شي و تخرعت جذي؟؟؟
    دلال: انا لا لا. ا.ان..انا بر..بروح داري..!!!!

    وطلعت دلال بسرعة من غرفة فيصل..ركظت لغرفتها...صكت الباب و تسندت عليه...((يا ربي شنو ذي الي صار؟ ليش هالاحساس الغريب و الرعشة الي في جسمي؟؟؟...فيصل ليش حب راسي؟؟غريبة اول مرة يسويها؟!!!))

    و في دار فيصل...
    خالد: فيصل ما لاحظت شي على دلول؟
    فيصل: هه شفيها جذي تخرعت يوم الي حبيت راسها؟؟
    خالد: ما ادري ولله؟؟
    فيصل: يمكن تستحي!!!هههههه!!!!
    خالد: يمكن.. فيصل دام انا نتكلم عن دلال...ابكي اقولك شي مهم يخصها..
    فيصل: خير ان شاء الله؟
    خالد: فيصل انت ما تلاحظ شي على تصرفات دلول قصة شعرها..لبسها حركاتها..يبه مشيتها..يعني والله ما ادري شاقولك..جنها صبي مو بنية..جنه معانا اخو ثالث في البيت! مو جنها بنية كلش!!!!
    فيصل: خلود ويا ويهك..الحين هاي الموضوع المهم الي تبي تكلمني على شانه؟ يبه دلول سبورتيه و تحب الرياضة..عادي يعني...ما اجوف فيها شي...مجرد لوك..ولا تنسى انها بنت وحيدة ورابية مع صبيان..و ما عندها خوات..احس الوضع كلش طبيعي!!!
    خالد: فيصل..بس انا خايف عليها. تبي الصراحة..انا خايف انها تكون........
    فيصل: جب! قص لسانك لا تكمل! خلود بلخك بكف!! من صجك انت؟ هذي اختك الي قاعد تتكلم عنها!!!!
    خالد: فيصل الله يهداك..شفيك عصبت جذي...دلال اختي الوحيدة و اخاف عليها..
    فيصل(قاطعه): مو اختي انا بعد خلود خيالك صاير وايد واسع هاليومين..اسمعني..اياني اياك تعيد هالحجي مرة ثانية!!فاهم.؟؟؟
    خالد: على راحتك..لا تعصب..كيفك يبه!!!!
    وطلع خالد معصب من عند فيصل...قعد فيصل على السرير (معقولة لا لا خلود هذا مو صاحي!!!))
    رن تلفون فيصل...فيصل جاف الرقم..تخصبق...
    فيصل: الو...........................................

    ************************************************* ************************************************ ***


    دلال بغرفتها منبطحة على السرير...تطالع السقف..الا((طير الحمام. هيج غرامي. هايم هيامي......) رن تلفونها...رنة وله طبعا.. (الو .هلا حياتي..لا ما فيني شي...اكيد عند الوعد..بنروح سينما اليوم..اي ساعة؟ خلاص الساعة ست امرج...يلا في امان الله...) قامت دلال بدلت ثيابها..لبست برمودا جيشي لي الركبه باجي مع توب اسود...و زبيرية سودة..و قعدت على مكتبها..تبي تنسى بعض الافكار من راسها..((خل اجوف شنطة المدرسة...صار لي اسبوع ما فتحتها!!!)) قعدت دلول تدرس و بعد نص ساعة بالضبط..((بو لاعت جبدي! صج الدراسة عذاب...شا سوي الحين؟ خل اشبك نت احسن!!) و قعدت على الكمبيوتر..و بعد شوي طق..طق...طق..!!))
    دلال: منو؟؟
    فيصل: انا!!
    دلال(تخصبقت): ه..ها؟ دش..دش فيصل الباب مفتوح!!!
    فيصل: دلول وين امي سيارتها تحت بس اهيه مو بدارها؟؟
    دلال: امي محد..مسافرة..في دبي الله يسلمك!!!
    خالد: شنو؟؟
    دلال: شفيك يبه شنو الغريب في الوضوع؟؟
    فيصل: اي صاجة هذي عوايدها! (و طلع و اهو معصب حييييييل!!))
    دلال: شفيهم خالد و فيصل صايرين وايد حساسين..شفيها يعني لو امي مسافرة..عادي..من يوم ييت هالدنيا و اهيه مسافرة!!!!

    ************************************************* ************************************************ ***



    الساعة ست الا عشر في بيت وله..وله قاعدة تجهز روحها عشان طلعتها مع دلال..الا تدخل اختها رنيم الحجرة...
    رنيم: شهالحلاة. و شهالزين!!! على وين ان شاء الله؟
    وله على الدريسر و من غير ما تلتفت عليها: بطلع!!
    رنيم: ادري بتطلعين..عيل بدشين؟
    وله: رنيم يصير اقولج شي و ما تزعلين؟؟
    رنيم(بكل ثقة افا انا ازعل..لا..لا..تحجي يبه..كلي اذان صاغية!!
    وله: الصراحة رنيم ما ادري شا قولج..بس ترا انت انسانة و ايد مليقة. و سخيفة. و غبي...
    رنيم(قاطعتهاو رمت عليها الكوشن مالت السرير مالت عليج زين..كل هالمقدمة عشان تقولين هالكلمتين الي يغثون؟ امحق اخت!!!!
    وله: مالت عليج انتي يالدبة خربتي شعري..ا وهو لازم اسويه مرة ثانية...يا ربي...ملييقة!!!!!
    رنيم: هي هي احترمي الاكبر منج يبه!!!
    وله: حلفي بس..
    رنيم رمت روحها على السرير و قعدت تلعب بتلفونها...
    رنيم: لا من صجي دبو..وين بتروحين؟؟؟
    وله: بروح سينما مع دلول..ارتحتي محقق كونان؟؟
    رنيم قطت تلفونها...و رفعت روحها.. و قالت...
    رنيم: دلال ما غيرها؟؟؟
    وله: اي ما غيرها..فديت قلبها انا!!!!
    رنيم: وله من صجج؟ انتي مقتنعة بالي تسوينه؟
    وله: ..............سييييين!! قاعدة تسوي شعرها. مو فاضية الاخت...
    رنيم: ردي علي!!!
    ابي رودود مو على الخاصه ردودكم

  3. #3
    صورة عالمة إجرام
    عالمة إجرام غير متصل جاي معه ملفه
    تاريخ التسجيل
    Feb 2010
    الدولة
    أحلى بلاد {الكــــويت}
    العمر
    19
    المشاركات
    28

    رد: قصة بويات الكويت

    وهذي التكمله
    وله: شتبين؟؟؟
    رنيم: سالتج سؤال... جاوبيني!!!
    وله: شنو؟ ما سمعتج!!
    رنيم: وله!
    وله: اوهو خير؟؟ نعم؟ امري!!!
    رنيم: اوكي ما سمعتيني؟ بعيد سؤالي.. مقتنعة بالي تسوينه؟؟؟
    وله التفتت على رنيم. و طالعتها بعيون كلها تحدي...
    وله: طبعا مقتنعة...و 100 بعد!!!
    رنيم انصدمت من طريقة وله.. بس كملت كلامها...
    رنيم: انزين..و شنو النهاية..لي وين بتوصلون؟؟؟؟
    وله:...................
    رنيم: ردي لا؟؟؟
    وله: و بعدين معاج..ذبحتيني..ان ما يزتي عني بقول حق امي عنج!!!
    رنيم: لا وله!!!
    وله: والله بس شاطرة تنصح الاوادم...يبه روحي نصحي روحج قبل!!!!
    رنيم: وله انا وضعي غير!!!
    وله: لا والله شلون غير؟ تحبين واحد!!!
    رنيم: واحد مو وحدة!! ما فكرتي شنو بتكون نهاية علاقتكم؟؟؟
    وله: ..........................
    رنيم: ردي لا؟
    وله: اوهو ممكن تفارجين؟؟ الساعة صارت ست وانا ليحين ما برزت و دلول الحين بتوصل!!!!!!!
    رنيم: على راحتج!! امي تدري انج بتطلعين؟؟
    وله: تدري في شي بعد؟
    رنيم: سلامتج!
    وطلعت رنيم من الغرفة مقهورة........
    وله كملت لبسها....وطلعت!!!!

    ************************************************* *****************

    في السينما بعد ما خلص الفلم...
    وله: وااااااي ايا على البطل شلون دخل السجن وضحى بكل شي بس علشان حبيبته!!!! دلول بتضحين يوم من الايام عشاني؟؟
    دلال:...................
    وله: هلو دلول وين رحتي؟؟؟
    دلال: هلا ما رحت مكان حياتي!!!
    وله: ما جاوبتيني...
    دلال: على شنو؟
    وله: هل ممكن انه تضحين في يوم من الايام عشاني؟؟
    دلال: افا و هاي بعد سؤال يسالونه؟؟؟
    وله: .................
    دلال: شله ساكته ولوه؟؟؟
    وله: دلول انتي احلى شي صار لي في حياتي.. و الله لا يفرق امبينا!!!
    دلال: اميييييييييين! يلا الحب خل نتعشى!!!
    وله: اوكي!!

    يا ترا هل راح تتحقق امنية دلال و وله؟؟؟

    ************************************************* *********************

    في السيارة....
    دلال: وله....
    وله: عيونها!
    دلال: تسلم لي عيونج غلاي!! اقول...تروحين معاي البحر؟؟؟
    وله: شنو الحين؟!؟
    دلال: اي خاطري اروح!!
    وله: دلول شفيج؟؟
    دلال: انا لا ما فيني شي؟!!!
    وله: قصي على غيري! من صجي دلول شفيج؟؟؟؟
    دلال:......................
    وله: هي طلول نحاجيك!!!!
    دلال: هلا!
    وله: لا و تقول ما فيها شي!! اني وي..خلاص نروح بحر!!!شورانا؟؟
    دلال: راجو ودينا البحر...
    راجو: ان شا لا!!!!

    راحو يتمشون و اهمه ماسكين ايادي بعض...
    وله: طلول حياتي شفيك؟؟
    دلال: ما فيني شي غلاي!!!
    وله: شلون ما فيك شي؟!
    دلال(تكلم روحها اه يا وله لو تدرين شفيني!!!!
    وله: طلول احاجيك انا!!!
    دلال: مسامحة الحب..الظاهر سرحت شوي انا!!
    وله: مو شوي واااايد!! يعني ما بتقولي شفيك؟؟؟

    دلال مسكت وله من جتفها..و حطت عينها بعينها.. و قالت لها..
    دلال: وله..انتي اغلا انسانة على قلبي...و تعرفين شكثر احبج و اعزج و اغليج.. لو كان فيني شي تاكدي انج الوحيدة الي ممكن افتح لها قلبي. فلا تخافين يالغالية!!
    وله: ايه عليج..فديتج والله!!
    و رمت روحها بحضن دلال...دلال لمتها و حبتها.. و قالت لها...
    دلال: يلا الحب خل نرجع..تاخرنا واخاف هلج يحاتونج الحين!!!
    وله: اي كلش...اصلا لو في وله في البيت ما يدرون. ولا بحسون انه انا محد!!!
    دلال: شوفي البحر في الليل شحلوة..هادي و غامض مثلج!!!
    وله: اي غيري السالفة!!
    دلال: ههههه يعني ابي اغير المزاج..عقب هالطلعة الفن..شله نعفسه؟؟؟
    وله: دلال شنو بيكون شعورج و انتي عايشة في دنيا محد يحبج فيها؟؟
    دلال: افا وله و انا؟
    وله: دلول اليوم رنيمو السخيفة اسالتني سؤال و ما عرفت اجاوبه!!
    دلال: خير؟
    وله: سالتني اذا انا مقتنعة بالي اسويه؟
    دلال انصدمت: انزين يعني من صجج ما عرفتي تردين عليها؟؟؟؟؟
    وله: لااااا من صجج يعني؟؟ طبعا قلت لها اي. بس سؤالها الثاني وهقني!!!
    دلال: شنو سالت؟
    وله: شنو بتكون نهاية علاقتنا؟
    دلال:...........!
    وله: ردي دلال لا. لوين بنوصل؟؟
    دلال: لا تحاتين..خير..ان شاء الله خير!!!
    رن تلفون وله...
    وله: ولييييييه هذي النزقة رنيمو...شاقولها احسن شي...ما برد عليها!!!
    دلال: لا وله..ردي عليها و قولي لها اكانا راجعين...يلا عشان خاطري!!!
    وله: انزين....الو!
    رنيم: جان ما رديتي؟؟
    وله: تعال كفخيني!!!
    رنيم: ما اوصل! مالت عليج..هههه اقول ولوه..انتي في وين؟؟؟
    وله: في هالدنيا .......
    رنيم رنيم عصبت): وله ردي علي..انتي في وييييييين!!!!!
    وله: وجع بطيتي اذني!! ما لج شغل انا في وين!!!!!!
    رنيم: وله انا خايفة عليج!!
    وله: انا مو صغيرة عشان تخافين علي!!
    رنيم: يا ربي عمرها 16 و مو صغيرة..عيل العيايز شيقولون؟؟؟
    وله: و بعدين معاج.. الحين انتي متصلة شتبين بالضبط.....تغثيني؟؟
    رنيم: حسبي الله و نعم الوكيل!!
    وله: رنيم باااااي!

    و صكت التلفون....
    دلال: شتبي رنيم؟
    وله: شدراني فيها؟
    دلال: بس خلاص خل نرجع..
    وله: من صجج؟
    دلال: اي خلاص ما نبي مشاكل...
    وله: اوكي......................

    ************************************************* *****************

    في بيت وله كانت رنيم حايسة.. رايحة رادة على الدريشة...((وينهي هذي؟ اراويها لما ترجع!!) و قعدت على طرف سريرها تبي تدق على وله..الا وله داشة الغرفة...
    رنيم: جان ما ييتي..و لا بتي برع بعد...و لا بتي عند دلال احسن...
    وله: يا لييييييييييييييت!
    رنيم: صج انج ما تستحين على ويهج!!!
    وله: و بعدين معاج انتي..تراج وايد غاثتني!! شتبين مني؟؟؟
    رنيم: وله انا اختج العودة و خايفة عليج!!
    وله: خايفة عليج خايفة عليج..تراج مللتيني..خايفة علي من شنو؟
    رنيم: دلال...
    وله: شفيها؟
    رنيم: يا ربي تقول شفيها!! من صجج انتي حابة بنية؟!؟
    ووله: احبها و اعشقها و اموت فيها. ولا اتخيل حياتي من غيرها!!!
    رنيم: من صجج؟ لا حول ولا قوة الا بالله..هذي الي بتذبحني! ادفع كل عمري و اعرف هالبنية شمسويتلج!!!
    وله: كفاية اني احس معاها بالامان..اهيه الوحيد الي تحبني..اهي الوحيدة الي احس معاها اني بنت!!
    رنيم: وله من صجج؟؟
    وله: رنيم خلاص..سكري الموضوع..ما ابي اتكلم فيه مرة ثانية!!!!!!! بلييز تكفين..خلج بعيد عن حياتي..يبه لا تدخلين فيها!!!!!!!

صفحة 1 من 5 123 ... الأخيرةالأخيرة

Content Relevant URLs by vBSEO ©2011, Crawlability, Inc.