صفحة 1 من 4 123 ... الأخيرةالأخيرة
النتائج 1 إلى 3 من 11

الموضوع: ما كل كسر الخواطر ينفعك جبره..

  1. #1
    مفاهيم الانوثه غير متصل جاي معه ملفه
    تاريخ التسجيل
    Nov 2009
    الدولة
    الشرقيه
    المشاركات
    34

    ما كل كسر الخواطر ينفعك جبره..



    ما كل كسر الخواطر ينفعك جبره..


    لا جيت اسولف عن الذكرى بماضينا
    يضيق فيني الكلام بسبة العبره

    ولا جيت اسولف عن اولنا لتالينا
    يضيق فيني المكان اللي على كبره

    يا فرحة العمر يا ذكراه نادينا
    من خلق ذيك السنين الموحشه الغبره

    اللي عليها رمينا كل امانينا
    حتى فقدنا الاماني بقلة الخبره

    واللي عليها معاني الشوق تدعينا
    صوت المعاني حزين ويحتوي نبره

    احلامنا اليخت والذكرى موانينا
    نرسي عليها مع الايام للعبره

    و الحاضر المر ضاقت به فيافينا
    بعيوننا الكون كنه سم هالابره)

    اخاف الايام لا مرت تنسينا
    حب دبور السنين العوج تختبره

    نعد الايام لكن ما تعدينا
    معها تعبنا ولا ندري وش الدبره

    على طريق الموادع تشر ايدينا
    واللي على خبرنا ما هو على خبره

    قلنا نتصبر عسى هالصبر يكفينا
    يا صبر ايوب في بلواه يا صبره

    هذي مواجع عليها الوقت ممدينا
    من يوم قدت قميص الصبر من دبره

    و الخافي اعظم عسى الله لا يورينا
    مكروه الاوجاع و الهوجاس من سبره

    (غول الماسي اذا ما مر يشقينا
    نحسب حسابه مع الايام نعتبره

    وما كل من صابنا بالكون يخطينا
    و ما كل كسر الخواطر ينفعك جبره

    احيان الاشواق لا قامت تمنينا
    من مهد الاحساس تاخذنا الى قبره)

    lh ;g ;sv hgo,h'v dktu; [fvi>>

    التعديل الأخير تم بواسطة عشق المحبين ; 14/12/2014 الساعة 10:47 PM

  2. #2
    فااارس المهره غير متصل جاي معه ملفه
    تاريخ التسجيل
    Jul 2010
    الدولة
    الرياض
    المشاركات
    1

    رد: ما كل كسر الخواطر ينفعك جبره..

    قصيدة جميلة بارك الله بيك

  3. #3
    ikr
    ikr غير متصل vip مشاغب
    تاريخ التسجيل
    Feb 2010
    الدولة
    الشرقيه
    المشاركات
    2,088

    رد: ما كل كسر الخواطر ينفعك جبره..

    نعد الايام لكن ما تعدينا
    معها تعبنا ولا ندري وش الدبره
    كلمات في قمة المشاعر والحساس والروعه مشكوره ياختي والله يعطيك مليار عافية000

صفحة 1 من 4 123 ... الأخيرةالأخيرة

Content Relevant URLs by vBSEO ©2011, Crawlability, Inc.