مشاهدة : 171512
صفحة 1 من 6 123 ... الأخيرةالأخيرة
النتائج 1 إلى 15 من 79

اه يا دنيا عيال عم ولا يتعارفون .. ( قصه باللهجه الاماراتيه )

اهليييين كيفكم ان شا الله كلكم بخير وصحه وعافيه ومبسوطين ومرتاحين جبت لكم قصه مره ... منتدى الامارات خاص لكل اماراتي وكل بنت اماراتية ومايتعلق بامور الاماراتيين والاماراتيات فقط

مقالات مشابهه موضوع على صله

  1. يا عيال الهايلوكس وصلت يا عيال >>> يالبيه بسس يالتغبير
    بواسطة وليد في المنتدى سيارات دراجات تطعيس تفحيط درفت Cars Motorcycles
  2. شاهدو اجمل صوره وفاء من جماهير العين الاماراتيه عيال زايد تجاه الهلال ((في موقعهم))
    بواسطة زين الشباب في المنتدى كورة رياضة كرة قدم Football Sports
  3. مسلسل مكسيكي باللهجه الخليجيه
    بواسطة الــولــهــان في المنتدى مقالات منوعه موضوع عام منوعات مواضيع
  4. فلم تايتنك باللهجه الجيزانيه ((خبال)).
    بواسطة مطلع على سكوتر في المنتدى نكت محششين طرائف مضحكة ضحك ترفيه تسليه مرح
  5. قصيده باللهجه المصريه
    بواسطة مخرب الطلاب في المنتدى خواطر كلمات رومانسية كلام رومانسي عبارات ادبية
  1. #1
    صورة ام سلوم
    ام سلوم غير متصل صعب اننا نوصفه
    تاريخ التسجيل
    Nov 2004
    الدولة
    احلى مكان في الدنيا (( الرياض ))
    العمر
    24
    المشاركات
    6,010
    Thanks
    0
    شكر 0 مرات في 0 مشاركات


    اهليييين
    كيفكم ان شا الله كلكم بخير وصحه وعافيه ومبسوطين ومرتاحين

    جبت لكم قصه مره خطييييييره انا قريتها قبل سنتين والى الحين وهي عاجبتني ومتاثره فيها
    بس قلت ما ارح اقراها اللا بعد كم سنه لين انسا الاحداث

    بس قلت لازم تشوفونها وتقرونها لانها من جد تجنن
    وهي اماراتيه للكاتبه نفسي عزيزه )
    20 جزء القصه بحط الجزء الاول واذا شفت تفاعل منكم نزلت الباقي

    اتمنى لكم اوقاتا سعيده مع القصه




    ااه يالدنيا عيال عم ولا يتعارفون
    للكاتبة: نفسي عزيزة

    الجزء الاول
    حمد وحيد ما عندة اخوان وهو ماسك شركات ابوه. وابوة مسكه الشغل وهو صغير عشان يتعود على الشغل ويتحمل المسؤولية.
    حمد عمرة 24 عاش طيلة حياتة في لندن ودرس فيها الابتدائي والاعدادي والثانوي وحتى الجامعة درس فيها جامعة قيونالدهال تخصص ادارة اعمال.
    حمد من نوع الرجل اللي يحب الشغل وعندة الشغل شغل وهو مجد في عملة وهو من النوع المرح وينحب من اول مرة تشوفه والتعامل معاه سهل وحلو..
    كالعادة فتح باب المكتب ومشى لين مكتبة ويلس على الكرسي وبعد شوي دخلت السكرتيرة.
    السكرتيرة: صباح الخير..
    حمد صباح النور..
    السكرتيرة: استاذ حمد الوالد طلبك على التيلفون ويريدك اسويلة تيلفون ضروري..
    حمد: اوكية...حد غير الوالد طلبني؟
    السكرتيرة: دق المحامي تيلفون وقال يريد يكلمك بموضوع ضروري. ووصل فاكس من لندن بخصوص شركة المقاولات .
    حمد: اوكية. دقي حق الوالد. وقولى حق المحامي ايي الشركة وهاتي البريد..
    السكرتيرة: حاضر. تريد شىء ثاني
    حمد لا مشكورة .
    بعد دقايق خذ حمد تنهيدة طويلة ويلس يقرى ملفات .
    السكرتيرة: استاذ حمد الوالد على الخط..
    حمد: اوكية شكرا.
    حمد: السلام عليكم..شحالك الوالد؟. عساك بخير؟
    الوالد: هلا ولدي. شحالك؟. انا بخير وسهالة. شو اصبحت اليوم. عساك بخير
    حمد: بخير وسهالة ..يعلني افداك ..شو اصبحت انت اليوم ؟
    الوالد: بخير وسهالة...امممممم..الا حمد بغيت منك خدمة..
    حمد من عيوني..اااامر بس انت وتدلل وفالك طيب..
    الوالد: فالك ما يخيب..حمد بغيت اسالت تقدر اسير بدالى لندن؟
    حمد: ليش ابوية خير شو هناك؟..
    الوالد: ما شىء بس بغيتك اسير بدالى .وتفتح فرعنا وعندي كم اجتماع هناك. وما فيني هبة اسير
    حمد: فالك طيب ابوية ما طلبت. انزن متى تباني اسير؟
    الوالد: فالك ما يخيب. يوم اليمعة فليل.
    حمد خلاص فالك طيب. تامر بشىء غير؟؟
    الوالد: سلامتك..والحين ما اريد اخرك فداعة الرحمن..
    حمد: مع السلامة والله يحفظك..
    بعد شوي السكرتيرة تدق الباب: استاذ حمد المحامي وصل..
    حمد اوكية دخلية. وقطعي كل التيلفونات..
    حمد هلا والله شحالك استاذ خالد؟
    خالد:بخير شحالك انت عساك بخير..
    حمد: بخير يعلك الخير. خير استاذ خالد من الصبح طالبنى؟؟
    خالد: انا والله اريد اكلمك بموضوع مشروع الفندق .
    حمد: اي مشروع
    خالد: مشروع الفندق اللي طلبنا من شركة عبد الكريم للمقاولات تبنية لنا..
    حمد اهاا .شو فية خلاص نحن اتفقنا علية وعطيناهم صلاحية لبنايته. وعلى ما ظن الحين يبنونه..
    خالد:استاذ حمد بقولك شىء. عرفت ان هي الشركة اتفقت على بناية مشروع لخالد مطر
    حمد انزين شو يعني؟
    خالد: هاي الشركة استخدمت نوعية رديئة في بناية مشروعه وبعد كم من سنة اضطر خالد مطر يعيد بناية مشروعه مرة ثانية. ويوم خلصت من بناية هذا المشروع اختفت هاي الشركة كم من سنة والحين ظهرت .
    حمد: بس يا استاذ خالد..انت قلت لي انها شركة معروفة ومظمونة كيف الحين تقول هذا الكلام؟
    خالد:انا هذا الى سمعتة. انها شركة ممتازة وزينة ومعروفة بس بعد الاتفاق وياهم سمعت العكس
    حمد:انزين الحين يمكن اللي قالك يجذب عليك ما يريدنا نستخدم هذي الشركة؟
    خالد: لا انا تكلمت ويا محامي خالد مطر واكدلى هذا الكلام..
    دام الهدوء لمدة خمس دقايق ..يلس حمد يفكر شو يسوى..
    حمد: اوكية الحين ما نقدر انكنسل الاتفاقية؟
    خالد:نقدر بس الحين هم يبنون من تقريبا اسبوعين
    حمد:انزين........؟؟
    خالد: نقدر نوقف الاتفاقية بس منخسر شو .ويتوقف المشروع الفندق ولازم ندور شركة ثانية تبني لنا هذا المشروع ويبالنا وقت .
    حمد: نخسر شوي احسن ما نخسر المشروع كلة. خلاص دق حقهم وكنسل المشروع وخبرني على اللي بصير..
    خالد:اوكية .عاد الحين انا بترخص منك. شىء في خاطرك
    حمد: سلامتك..
    يوم ظهر استاذ خالد سار حمد وخذ كوب ماي بارد ويلس على الكرسي يفكر في الشغل ويفكر في المشروع وفي السفر وفي ..وفي. وبعد شوي دخلت السكرتيرة كانت يايبة الملفات والبريد.
    السكرتيرة:استاذ حمد استاذ محمد على التيلفون ولد عمة..(
    حمد اوكية حوليه.
    السكرتيرة:حاضر..
    حمد هلا وغلا وين هالغيبة هالايام ما تنشاف......؟
    محمد:والله الا في الشركة ماسرت بقعة..
    حمد:علومك ؟وين ليش ما تزورنا؟؟
    محمد:انا من يومين واصل .
    حمد:ليش وين كنت؟
    محمد:والله كنت في فرنسا.
    حمد:حتى انا يوم اليمعة فليل بروح لندن..
    محمد:حليلك الله يوفقك.وترد بالسلامة...حمد اقول..
    حمد: هلا امر .خير شو..تراك ما تييبلى غير الاخبار الشينة؟هههههه.
    محمد:خلاص عيل برايك .
    حمد:افا. ههه..شو غديت شرات البنات ما حد يروم يكلمك الا تمد البوز شبرين..
    محمد:ما تشوف رمستك عيل انا من متى اييب لك الاخبار الشينة بس مش منك من اللي يفكر فيك ويريد يظهرك من الجو الى عايشنة..
    حمد:اهاااااا .عرفت شو تبى .اقوال محمد ما لي بارض على حفلاتك ومشاكلك. فكنى من الصدعة.
    محمد:انزين انا بعدني ما قلت شو ابا..وبعدين قول الى تبا تقولة..
    حمد:خير شو عندك .يا بو المشاكل؟؟؟؟؟؟؟؟ههههه..
    محمد: تراني والله ما اقول .
    حمد:افاااااا.......خلاص بسكت يالله قول
    محمد:ههههه..هيه جيه اباك..والله انا ويا الشباب منروح رحلة شو رايك تخاوينا؟
    حمد:مالى خاطر على سيرات برى.
    محمد:هههه ..لا رحلة في دار بوخليفة.
    حمد:والله وين تبون ايسيرون؟؟
    محمد:والله نبا نسير العين..
    حمد:ليش شو فيها ؟ما احيدها تغيرت!!
    محمد:لا بس ياينها امطار من يومين ويقولولك امطار والبقعة روعه شو رايك؟
    حمد:انزين شو يعني انت اول مرة تشوف الامطار؟؟
    محمد:لا نحن نريد انسير نقنص. يعني نريد نتحوط ونصيد من زمان ما صدنا..
    حمد: وما تذكر ذيج المرة كيف سوالنا الوالد مشكلة ليش انت تحب تروح عند المشاكل اجلها بعدين منسافر تنزانيا ومنصيد هناك
    محمد: وبعدين انت ليش تقارن صيد الدار بصيد برى؟؟وبعدين ما حد بيدري
    حمد: ليش الربع ما بسيرون ويانا؟؟
    محمد:لا تخاف ما بشل حد من الربع بس الاهل. والى بسيرون مكلمك وانت وحمدان واخوية سعيد..
    حمد:عيال عمومتية؟؟
    محمد:هية ليش شو ما تباهم يسيرون؟؟لا تخاف بس يومين يالله عاد بسك من الشغل. الشغل يسير ويرد الا العمر ما يرد...
    حمد:انزين شو بتقول حق الاهل وين بسيرون؟؟
    محمد:لا تخاف منقولهم انا منسافر يومين ومنرد؟ انت بسير ولا لا لا ظيع الفرصة يالله شورايك؟
    حمد:والله انت تعرف ان الصيد وحدة من هواياتي بس ؟
    قطعة محمد في كلامة: لا بس ولا شىء يالله خلنا نروح..عنبوه ارتاح من الشغل
    حمد:خلاص فالك طيب انزين متى بتروحون؟؟
    محمد:والله قررنا نروح اليوم الساعة اربع العصر..منوصل المغرب في العين ومنبات في بيتنا لانة ماحد فية هم الحين في بوظبي .والفير منروح البر ومنبات ليلة هناك..وظاوين دبي باليوم الثاني
    حمد:اوكية خلاص .بترياك اليوم.
    محمد:اقول هات سيارتك الرنج .وشل ملابس وياك والى تباه
    حمد:لا والله عيل شو تباني اروح جيه بدون ملابس..
    محمد:ويا ويهك بدال ما تشكرني .بس مش منك
    حمد:اوكية .ههه .مشكووووووووووور..وال له يمرر هالايام بخير
    محمد:هب منك من الى يفكر فيك..
    حمد:هههه...كلة الا زعل الحلوين ..يالله فداعة الرحمن
    محمد:فمان الله..
    يلس حمد يشيك على الملفات والى لازم يشوفهن عشان بروح ولازم يخلص شغلة. فطلب السكرتيرة
    حمد:لو سمحتى تعالى شوي..
    السكرتيرة:نعم استاذ حمد..
    حمد:الغي كل المواعيد..انا بروح الساعة 3 واجلى كل الاجتماعات لين اسبوع الياي لاني بسافر يوم اليمعة الفير لندن..
    السكرتيرة:حاضر. تامر بشىء..
    حمد:لا مشكورة..
    ومضت الساعات ويت الساعة 3 شل حمد الاوراق الى يباهن من المكتب عشان في البيت براجعهن ..ركب السيارة ورد البيت..
    في البيت .
    الوالدة:هلا والله بوليدي حمد. شحالك ابوي شو اليوم وياك
    حمد: بخير امايا انتي شحالج؟؟
    الوالدة:بخير. الا اقولك؟؟ شىء فيك ابوية؟اشوفك اليوم ياي من وقت شى يعورك؟
    حمد:هههههه يعنى حد ايي بسرعة شىء فيه؟؟والله بخير...ما فيني شىء اشوفج متلبسه وين بسيرن؟؟
    الوالدة:والله اليوم يت خالتك فطيم وبروح ازورها..
    حمد:هيه حليلها متى ردة من السفر..والله اني اشتقتلها؟؟
    الوالدة:انزين يالله تعال .ليش ما تخاوينا انا وابوك..
    حمد:والله انا الحين ما اقدر بسير
    الوالدة:ليش وين بسير ؟
    حمد:ما بقعة .بس بغيت اقولج؟
    الوالدة:هلا وليدي خير شو فيك..
    حمد:ههه..لا امايا مافيني شىء والله بس انا الحين بسافر ويا عيال عمومتية..
    الوالدة: برايك ولدي بس دير بالك على عمرك .وما وصيك دق تيلفون حقي يوم بتوصل..وان شاء الله توصل بالسلامة .بس متى الرجعة؟
    حمد:والله برجع بالسلامة يوم الخميس..
    الوالدة:عيل ما بتبطي .وين بسير
    حمد:والله الا هنية مش بعيد.
    الوالدة:الله يحفظك..يالله الحين بسير مع السلامة..
    بعدين سار الغرفة ويلس متلوم وحس بالذنب عشان ما قالها الصدق لانة لو قالها الصدق بتم تحاتيه..شل ملابسه واللابتوب ونزل وسار وزقر البواب عشان يفتح القراج الرنج..وركب السيارة وبعد شوي يو عيال عمومتية. سارو في سيارتين حمد ومحمد في سيارة حمدان وسعيد في سيارة..وسارو العين..ووصلوا العين الساعة7 تقريبا المغرب ساروا البيت وغيروا ملابسهم..
    محمد: شو رايكم انسير انراوي حمد العين لانة حليلة في حياتة ما سار العين ولا مرة شافها
    حمد: شو نشوف الحين فليل..وبعدين انا ما لي خاطر.
    محمد: منسير العين مول وبعدين يوم منرد من البر منراويك البقعة كلها..
    حمد:ما لي خاطر اسير مول..وبعدين انا ما احب المولات
    فيلسو يقنعوني على انه اسير وياهم
    حمد: بس منرد بسرعة جان تبون اسير وياكم..
    الجميع: حشة نحن يايين عشان نستانس مش عشان نيلس في البيت..ويلسو يتحرطمون على حمد .
    حمد:خلاص عنبوه كلتونى..ياله انسير .
    محمد:دواك عيل شو ميلسنك في البيت..
    شو تتوقعون يستوي في العين موووووووووول؟؟؟؟




    من مواضيع ام سلوم :


  2. #2
    قمــاري غير متصل اداري سابق
    تاريخ التسجيل
    Dec 2005
    الدولة
    في دار بومتعب
    المشاركات
    4,955
    Thanks
    0
    شكر 0 مرات في 0 مشاركات
    عرفت القصه صراااااااحه رووووعه

    بس النهاايه >>>اقول انذلفي بتخربين عليها خخ

    مشكووووووره يا عسل على القصه الحلوه مثلك


    قموووره

    من مواضيع قمــاري :


    • #3
      صورة الدكتوره مصرقعه
      الدكتوره مصرقعه غير متصل ادارية قديرة سابقة
      تاريخ التسجيل
      Nov 2006
      المشاركات
      4,153
      Thanks
      0
      شكر 0 مرات في 0 مشاركات
      هلا ام سلوم




      كمليهااا وش صااار

      من مواضيع الدكتوره مصرقعه :


      • #4
        صورة ام سلوم
        ام سلوم غير متصل صعب اننا نوصفه
        تاريخ التسجيل
        Nov 2004
        الدولة
        احلى مكان في الدنيا (( الرياض ))
        العمر
        24
        المشاركات
        6,010
        Thanks
        0
        شكر 0 مرات في 0 مشاركات
        اهليييين قماري
        صح القصه مره خطييييييره <<< والله مو قصدي اسوي دعايات ولا شي بس فعلا خطييره

        العفو حبيبتي وشكرا على مرورك القمييييييل زيك

        من مواضيع ام سلوم :


      • #5
        صورة ام سلوم
        ام سلوم غير متصل صعب اننا نوصفه
        تاريخ التسجيل
        Nov 2004
        الدولة
        احلى مكان في الدنيا (( الرياض ))
        العمر
        24
        المشاركات
        6,010
        Thanks
        0
        شكر 0 مرات في 0 مشاركات
        هلا دكتوره مصرقيعه الحين بنزل وش صار هعع
        وشكرا على ردك ومتابعتك


        الجزء الثاني
        حمد:خلاص عنبوه كلتونى..ياله انسير .
        محمد:دواك عيل شو ميلسنك في البيت..
        في العين مول
        يلسو في الكوفي وطلبو كبتشينو..وكيك..وقهوة..
        حمدان:شباب بترخص بسير اشوف شو الفلم الى بعرضونة اليوم وبييكم..
        محمد: صدق والله انا في خاطري اشوف فلم من زمان ما شفت فلم.
        حمد: والله انكم متفيجين ساحبيني من البيت عشان اشوف فلم بس مش منكم من اللي ايي وياكم؟؟؟
        محمد: عنبوه حمد شو بلاك انت اليوم ؟؟؟
        وفي نفس الوقت سعيد:حمد عاد والله تراك مصختها..شو هذا؟؟؟؟!!
        حمد: انتو ما قلتولى انكم بتشوفون فلم ..ولا والله ما شبرت..
        سعيد: حمدان سير انت ويا محمد وانا بيلس وياه ما عليكم منة انا بقنعة..
        سار حمدان ومحمد ويلس سعيد ويا حمد...
        سعيد:حمد شو بلاك اليوم؟؟؟؟؟؟؟؟شو فيك؟؟؟؟؟؟؟شو الى مضايقنك؟؟؟
        حمد: ما ادري بس انا ما احب هالمكان ..
        سعيد: اوكية فالك طيب الحين منغيرة شىء في خاطرك بعد..
        حمد: يا اخي افهمنى انا ما احب المكان يعنى اريد اظهر من العين مول ممكن؟؟؟؟؟
        سعيد: ليش خلنا شوية نيلس وبعدين منروح. وبعدين حمد عيب عليك والله اضيج بالواحد شو بلاك حليلهم يبونك تسلى وانت كل شىء ما تحبة. بس عاد اصطلب .
        حمد: اوكية .
        سعيد: اقولك حمد قوم وياى..
        حمد: وين تبى تروح ؟؟؟؟؟؟
        سعيد: تعال يالله براويك المكان ومنتمشى .
        حمد: لو الحين ما طعت بتاكلني .......خلاص ياللة شىء بعد؟؟؟
        سعيد: هههههههه والله انك سالفة..خلاص عاد اضحك
        حمد:هههههه شىء بعد..
        سعيد: بسم الله الرحمن منك..
        حمد: تراني والله ما بسير..
        سعيد وهو يضرب ظهر حمد:يالله عاد الى ناقص احب ريولك.وسارو يتمشون في العين مول عشان حمد كان مضايج .وفجاه!!
        سعيد: حمد .......
        حمد: خ ير؟؟؟؟؟؟
        سعيد: احس شىء يمسكنى من كندورتى من عند الركبة..
        ولتفت حمد وسعيد ..و شافو......
        يوم التفت حمد وسعيد لورى شافو بنت صغيرة تريد تمسك كندورة سعيد..
        سعيد وحمد انصدمو من وين هالبنت ؟؟؟؟؟؟منوين يت؟؟
        وبعد شوي صاحت ويلس سعيد وحمد يطالعون عمارهم ليش صاحت؟؟
        سعيد: حبيبي ليش تصيحين؟؟؟؟
        البنت:.........
        سعيد: وين ماماه؟؟؟؟
        البنت:.........
        سعيد: وين باباه؟؟؟؟؟
        البنت:........باباتي .ومسكتت يده..ويلست تصيح
        سعيد: الحق تتحراني ابوها......
        حمد وهو ناقع من الضحك:..........حليلها تتحراك ابوها ما كنت اعرف ان شكلك شكل واحد عندة عيال. ويلس حمد يضحك على سعيد...
        سعيد: والله انك خايس عنبوه بدال ما يالس تسكتها يالس تضحك...
        حمد: والله عاد ما عندي خبرة باليهال طوووووووووول.
        سعيد: عيل ظك عنى. يالس يضحك والبنت تصيح..
        حمد:ههههه..شو تبى اسويلك شلها وخلنا نمشى في المول واكيد اهلها بشوفونها وبيون وبشلونها..
        سعيد: هزرك؟؟؟؟؟؟
        حمد: عيل شو تبانا يالسين هنيه ونطالعها وهيه تصيح؟؟؟؟
        سعيد: اوكية.. وشل البنت على كتفة .
        من شل سعيد البنت على كتفة سكتتة البنت وبعد شوي يلست تضحك..
        حمد: اقول سعيد عنبوه كيف اهلها يخلونها اسير بعيد عنهم ولا بعد ما يسالون عنها ولا يدورون عنها؟؟؟؟
        سعيد: وانت شدراك يمكن الحين اهلها مرتبشين يدورونها؟ وبعدين من شكلها ولبسها تنشاف من عائلة محترمة وغنية..
        حمد: عنبوه وانت شدراك بكل هذا؟؟؟
        سعيد:شوف شكلها وايد حلوة وبعدين لبسها وايد انيق وحلو وريحتها دهن عود..
        حمد: لا يعنى الحين كل الى شكلة حلو ولابس ملابس حلو وحاط دهن عود من عائلة غنية؟؟
        سعيد: اشدراك انت به لامور
        حمد: خلاص محطي العلم والمعرفة لك .اوكية يا شارلك هومز عيل دور اهلها..
        سعيد: اقول امسك شوية البنت انا بسير اشتري العاب وكافى لها..
        حمد: حوووووو انا شدراني باليهال؟؟؟؟
        سعيد: ما يباله علم بس شلها وكلمها وقولها الحين بتى ماماه وباباه وبتسكت..
        حمد: هزرك..
        سعيد: يالله عاد امسكها ما ببطى..
        حمد: الله يعيني منك ومن مشاكلك..
        سعيد: يالله باااااااااااااااا اي..
        شل حمد البنت وسار وياها لين الكوفي ويلسها على الكرسي..يلست البنت تشوف حمد وهي ساكتة وبعد شوي صاحت .
        حمد: يا هالبلشة شو الله بلشنى فيها .الله ينطب محمد هو الى قالى حمد شورايك نروح رحلة الا لازم يقول شو رايك اخليك بيبي ستر..الله ينطبة..والله خاطرى افرها من الدري صدعتنى من كثر ما تصيح حشة بالعة مكرفون. شو اسوي الحين كل الناس تشوفنى .
        شل حمد البنت ويلس يحوطبها في المول وشاف محل اطفال مذركير)دش حمد المحل ويلس يشوف الملابس والا وشوية سكتت البنت شافت لعبة ويلست طالعها .سار حمد وشترا كل الالعاب الموجودة في الرف عشان تسكت..وخطف وشترالها بعد ايس كريم .
        حمد:الحمد لله افتكيت من الصدعة .حبيبتي وين تبين تسيرين ؟تبين اوديج عند الالعاب.
        ولا وشوية يحس شى بارد على كتفة .حثرها الحبيبة خيست كتفة من الايس كريم..
        حمد: هذا الى نا قصنى الله ينطب سعيد..الحين وين انا اروح عشان اغسل الكندورتى .
        حمد:الوو سعيد والله لو ما يت الحين والله لخليت البنت تنفد بنفاد الى يشلها .عنلاتك زاد والله ما تيني المشاكل الا من تحت راسك.
        سعيد: حشه كلتنى .هيه الا دقيقة قتلك تمسك البنت لين ما اشتري..
        حمد:هيه دقيقة لو تشوف شو سوتبي بهالدقيقة على قولتك..تعال يالله بروح اتغسل..
        سعيد: حمد انا الحين مخلص وبحاسب خمس دقايق وبكون عندك..
        حمد:لا تتاخر ولا تراك بتشوفنى في مستشفى الميانين..
        سعيد: حشة حليلها تراها عمرها يمكن بس ثلاث سنين
        حمد: يعلها سنة بسرعة خلصنى .
        سعيد:اوكية .الحين ياي اهتم فيها بااااااااي
        حمد:لا توصي....باااااااااي
        يلس حمد يطالع عدالة الا وشوية ما لقا البنت..خيبة وين سارة ويلس يدور عليها وهو خايف لا اييها شىء ولا حد يشلها ويلس يدور عليها وهو مش في حالة .خيبة شو بقول حق اهلها؟ شو بقول حق سعيد؟ حليلها هية ما تفهم انا شو سويت اكيد زعلت وسارت عنى .الله ينطب هالحالة ...ولا وشوي ويشوفها نازلة من دري المتحرك .ويربع حمد يريد يمسكها ويوم مسكها يلست تضحك تتحرى حمد يلعب وياها .و حمد حضنها وهو فرحان انها ما ياها شىء .وكان متندم على كل كلمة قالها لها وانة كان يذمر منها. بس حمد عمرة ما مسك ياهل وعمرة ما شل ياهل وعمرة ما يعرف كيف يتعامل مع اليهال. بس الحمد الله على السلامة .
        شل حمد البنت ووداها الكوفي ويلسها ويلس يلعب وياها مع الالعاب الى اشترالها..
        وشوية والا البنت تمط حمد من كندورتة وتودية عند الالعاب ويلس يلعب وياها وهو يضحك على حركاتها وشوية يت الساعة تسع .يت البنت عند حمد ورقدة على كتفة. شلها على ايدة ويلس يشوفها .صدق هالبنت تقول مثل ملاك .الله يخلى اهلها لها .ويحظهم بها...وشوية دق تيلفون حمد
        حمد:هلا..
        سعيد: هاه بشر و الوضع وياك؟؟؟
        حمد: لا الينية رقدت..
        سعيد: ههههه حليلها ..الا اقولك الحين شو نسوي ؟؟
        حمد: والله ما اعرف يعنى وين اهلها ؟؟؟؟معقول جيه هم ما يدورونها؟؟؟
        سعيد:والله ما اعرف شو اقولك بس انا الحين بروح عند شرطى الامن وبقولة..
        حمد: يعنى انا بتم عندها لين ما اتي وتبلغ عنها؟؟؟؟؟؟؟
        سعيد: انت ما تقول انها راقدة ؟؟كيف بتم شالنها ؟حليلها خلها راقدة وبعدين انا بيي ويا الشرطى وبياخذها من عندك..
        حمد: خلاص انا بكون في الكوفي ..
        سعيد: خلاص عيل..
        حمد: اقولك...وين حمدان ومحمد؟؟؟؟؟؟؟؟
        سعيد: يايهاه الحين هم في السينما..
        حمد: شووو والله مش منهم من الى اييبهم ليش سارو عنا؟؟؟
        سعيد: تراك ما تبى تشوفه وبعدين انا قتلهم عن سالفة البنت وقلت لهم انهم يسيرون ويشوفونة
        حمد: الا مخوة بوش انتو....خلاص انا عيل بترياك..مع السلامة
        سعيد:مع السلامة..
        وشل حمد البنت صوب الكوفي والا يشوف في الدرب وحدة ياية صوبة وياها بشكارة. استغرب هاي شو تبى؟؟؟
        ....:انت كيف تتجرا وتشل البنت؟ وانا من ساعة ادور عليها؟ خسفت المول ادور عليها. وما خليت شرطى الا وقلتلة مواصفاتها..وعثرها عندك؟؟؟منو تتحرى عمرك؟ شو تتحرا الا تعال وشل ؟؟شو تتحرى مالها ولى؟؟صدق والله سخافة..هات البنت. جودي شلى شمة ويالا نروح السيارة .
        حمد وهو متغيض:خيرا تفعل شرا تلقى. هذا الكلام الى قالها لها لا زاد ولا قل وسكت ما قالها كيف لقاها ولا فهمها باللي استوى وانها ظلمتة بكلامها. وعطى البنت للبشكارة وكل الى اشترا لها وسار صوب الكوفي وهو يحس بضيق في صدرة .ما كان عارف ليش هو مضيق يمكن عشان الكلام الى سمعة منها؟؟ولا يمكن عشان انة خلاص ما بشوف البنت ؟ولا يمكن انها ظلمته بكلامها..وشوية يه سعيد...
        سعيد: ول الخيبة شو سويت بالبنت؟؟وين خليتها؟؟؟
        حمد: بعد لو وحش ؟جيه شو تتحراني ؟..
        سعيد:لا صدق وين البنت؟؟؟؟؟؟؟
        حمد: شلوها اهلها..
        سعيد: والله ؟؟
        حمد: والله..
        سعيد:الحمد لله اخيرا افتكينا من الامانة..
        حمد: بس لو تعرف شو استوى ؟؟
        سعيد: شو استوى؟؟؟؟
        وخبر حمد سعيد شو استوى....ويلس سعيد ناقع من الضحك ما قدر يسكت..
        حمد: والله مش منك من الى يخبرك...
        سعيد: في ذمتك قالتلك هالكلام؟؟؟؟
        حمد: هيه شو تشوفنى اتمصخر؟؟؟
        سعيد: وانت ما قلتلها شىء؟؟؟
        حمد: لا بوك ما قدرة اقولها شىء..استحيت اقولها شى
        سعيد: بس هيه عطتك من هالبارد والله لو كنت مكانك لهزبتها ووقفتها عند حدها. تخسى الا هية منو تكون هيه عشان تقولى هالكلام؟؟؟..
        حمد: عيب عليك شو بتحطى عقلك وعقل بنات ؟؟
        سعيد: يوم البنات ما لهن مذهب شو اسوي؟ لازم تادبهن وتعلمهن كيف يثمنن كلامهن.ويكلمن الرياييل.
        حمد: انزين لو كنت مكانها ما بتخاف على البنت وبسوي شراتها؟ حرام كل واحد وعندة ظروف صح ولا لا؟؟
        ويقطع سعيد كلام حمد:بس عاد مش انها جيه تتكلم وجنك خطفت البنت؟؟؟
        حمد: خلاص عاد انسى السالفة ..والكلام الى انقال حقى مش حقك؟؟
        سعيد: حتى ولو ؟
        وياه حمدان ومحمد عند سعيد وحمد..
        حمدان هاه شو رديتوها البنت؟؟؟
        سعيد: هيه..
        محمد: عيل خلاص يله نروح البيت..
        سارو الشباب صوب البيت ورقدو عشان باجر وراهم رحلة قنص..بس واحد منهم ما ياه الرقاد..اللي وهو حمد شال في خاطرة على البنت الى كلمتة بهاي اللهجة ومستغرب من اللي استوى له اليوم . ويلس يفكر لين ما ياه الرقاد ورقد..

        الجزء الثالث
        في السيارة
        موزة:شموه ؟؟شموووه؟ قومي...يالله وصلنا البيت..جودي شلى شموه غرفتها الظاهر ما بتقوم..
        جودي اوكية مام..
        موزة: حيدر نزل السامان وعطى ميرى وخلها تودية الغرفة..
        وسارت موزه صوب امها..
        موزة: هلا والله باغلا ام في الدنيا .فديتج والله.وتلوي على امها وتحبها على راها.
        ام موزة: عن اللواتة وينج لين الحين؟؟؟
        موزة: امايا تعرفين لين ما سرت وشليت بنات خالاتي وخالاتي ولين ما سرنا العين مول ولين ما تشرينة يبالة وقت .
        ام موزة: عنبوه بس واايد تاخرتو .
        موزة: امايا فديتج وين تاخرنا الساعة بعدها تسع وبعدين انا ما سرت بروحي كل خالاتي وبناتهن موجودات عندي مش بروحي...وبعدين ما قتلج؟؟
        ام موزة:هاه شو خير رب ما شر؟؟؟؟؟
        موزة:لا ماشىء امايا بس هالسبالة شموه شردة عنا ويلسنا ندورها وخسفنا المول ولا خلينا شرطى ما خبرناه..والله بغيت اموت يوم ما لقيناها..
        ام موزة: ياويلى على بنيتية. وينها الحين ؟؟؟بخير الحين؟؟
        موزه: هيه امايا بخير..
        ام موزة: وين لقيتوها؟؟؟
        موزه:والله امايا سرت انا ويا جودي ندور عليها وكل وحدة شلت حد وياها وندور عليها. بس انا لقيتها. تعرفين وين لقيتها؟؟؟
        ام موزة: وين لقيتيها؟؟
        موزه:لقيتها راقدة وواحد من الشباب شالنها .جان اهزبة وخليت جودي تشلها..
        ام موزه:وهو كيف لقاها؟؟
        موزه: ما اعرف بس لقيتها عندة؟
        ام موزه: وانت كيف تهزبين خلق الله مب عيب عليج. حليلة يزاه انة شالنها ومخلنها عنده
        موزه:امايا والله من الزيغة عليها هزبتة..
        ام موزه: ان هزبتى حد ما تعرفينة يا ويلج فهمتى..شو بقولون الناس بنتهم تهزب الناس في السوق؟ اصلا البنت عيب ترفع صوتها على الريال ولا انها تقولة شىء .كم مرة اقولج؟؟؟
        موزه: انزين امايا...انا اسفة .خلاص عاد لا تزعلين
        ام موزه:ان عتيها بخبر عليج ابوج ..وبخليه يهزبج..
        موزه خلاص امايا الى يسمع مسوية جريمة؟ يالله عاد خلاص لا زعلين .فديت عيونج والله وفديت احلى ام في الدنيا.وتلوى عليها.
        ام موزة: يالله سيري عنى .باجر ورانا سفرة..
        موزه: امايا تصدقين اني ميتة من الفرح اول مرة اسافر اوروبا...ويا بنات عمي
        ام موزه: شو اسويبج يوم انقولج ما تبين اسيرين ويانا؟ تبين ايسيرين ويا بنات عمج..
        موزه: والله امايا انتو يوم ايسيرون ما حد يسير وياكم بنات انا شو يسيرنى ؟
        ام موزة: انزين عاد الحين بسيرن وياج عمومج وعيالهم وبعد يدتج..
        موزه: امايا احس انها بتكون احلى رحلة في العالم..يا ويلى اسميني بموت متى بيي باجر. يا فرحتى...
        ا م موزه: سيري رقدي وزهبى قشارج ولا تنسين شىء وبعدين تيلسين محتشره...
        موزه:امايا حليلى والله تراني طيبة ..وما اقول شىء..
        ودخل ابو موزة واخوها سلطان ..
        ابو موزة:اشوف العرب بعدهم ما رقدو؟؟
        وتروح موزه وتلوي على ابوها ويلس على الكرسي وسير وتحطى راسها على ريولة وهو يالس يمسح على راسها...
        بو موزة: هاه بنيتية اشوفج ما رقدي ؟؟
        سلطان: ليش ابوية ما تعرف ليش ما راقدة ؟ تراها باجر بسافر...ههههه
        موزه: انزين كل الناس جيه يوم بسافرون ما اييهم رقاد....
        سلطان عاد الناس مش متخبلين شراتج....
        موزه: ابوية تشوفة سلطان؟؟؟
        بو موزه: شو تباها تحطي عقلك وعقلها؟؟؟؟؟؟؟هههههه
        موزه: ابوية خلاص انا زعلانة .احسن لي اروح ارقد وراية سفر .واحسن عن مجابلة بعض الناس
        سلطان ما علية بتشوفين بتين تقوليلى سلطان دخيللك ودني السوق ولا ودني اتحوط.
        موزه: عادي بسير ويا بنات عمى وحريم عمومتية ما اريد منيتك..
        سلطان ما علية منشوف..
        موزه: يالله تصبحون على خير .وتحب ابوها وامها على راسهم..بااااااي اخي العزيز
        بو موزه وام موزه: وانتي من اهلة..
        سلطان جلبى ويهج.
        وسارو بعد هم يرقدون عشان باجر فليل بسافرون لندن وبصيفون هناك ويا وعمهم خليفة وعمها منصور وعمهم على وهم اول مرة يسيرون مع بعض كلهم ويا يدتهم...
        موزه شخصيتها مرحة وهيه راعية سوالف وحبوبة..عمرها 18 سنةوالسنة الياية بدش الجامعة من شهر خلصت الامتحانات .وهي بنت شاطرة. موزة بنت حلوة وكلمة حلوة شوية عليها عيونها كبار ولونهن عسلى فاتح وفيها غمازات واحلى شىء فيها يوم تظحك ويضهرن غمازاتها..وهي البزية الدلوعة في البيت وبزية ابوها..وهي عندها اخو واحد وهو سلطان..سلطان عمره 20وهو يدرس في الجامعة الامريكية الى في دبي كلية اداة اعمال..وهو شخصية يحب يغايض وهو مرح .وعندها اخت الى وهي شمة الى عمرها ثلاث سنين ونص سنين وهي في كيجي وان نسيت بعد عندها اخو وهو حمدان اكبر اخوانها بس هو دوم في الشغل نادر ما ييلس في البلاد دوم مسافر وعمرة25 سنة يشتغل في شركة ابوه
        سارت موزه غرفتها ولا وشوية يدق تيلفونها..
        موزه: مرحباااااااااااااا اا ملايييييييييييين ولا يسدهم...
        سلامي(بنت عمها سالم): ههههه كل هذا لي .....؟؟؟؟؟؟
        موزه: هيه ليش شوية؟؟؟؟
        سلامي: اقول شعندج اليوم مستانسة؟؟؟؟؟هههه مش العادة
        موزه: ليش خلينا نستانس خلاص خلصنا الامتحانات...
        سلامي: صدقج والله ..الا اقولج الخايسة ليش ما قلتيلى انج روحتى السوق ويا بنات خالاتج وخالاتج؟؟......نسيت خلاص انا زعلانة كنت اريد اسير وياكم.
        موزه: فددددددددديت والله الزعلانين
        سلامي: لا انا خلاص زعلانة لا تكلميني...
        موزه: انزين ليش عيل انتي سرتى دبي ولا قلتيلى وشليتى بنات عمي وياج وحريم عمومتى؟؟
        سلامي: تراج انتي كنت عند خالتج هند .
        موزه: لا والله تراهم اخترعو تيلفون..وانزين والله افتكيتى يوم ما سرتى......
        سلامي:ليش!!!؟
        موزه: والله لو دريتى شو سوت هالسباله شموه؟؟
        سلامي: شو بعد سوة؟؟؟!ههههه
        موزه:لا بعد تضحكين؟؟؟!!...حضرتها ضاعت في العين مول تصدقن؟؟ويلسنا ندوها وبعدين..
        وتقطع سلامي كلام موزه:هيه وبعدين .
        موزه: انزين شعندج محتشرة بتيج السالفة..
        سلامي:انزين؟؟؟
        موزه: اقول بعد دقيقة بدق لج الحين بروح البس بجامتى وبييج ...اوكية دقيقة..
        سلامة:لالالالالالالالالال لالالا حرام عليج ابا اعرف شو استوى..
        موزه: سلامي السالفة وايد طويلة وبعدين بسولف وياج ما اروم بعدين اسير والبس بعدين...اوكية
        سلامي: خلاص بس بسرعة..
        موزه: اوكية
        سلامي:بااااااي
        سارت موزه تسبح ولبست بجامتها وراحت المطبخ ويابتلها كوب عصير وسارت صوب غرفتها ويلست فوق شبريتها ودقت حق سلامي..
        موزه: الووووو
        سلامي: اخيرا........
        موزه: فديتج لا زعلين بس انا والله سرت اسبح.......فديتج لا زعلين
        سلامي: اصلا انا مش زعلانة...بس اغايضج..هههههه
        موزه:سبالة ...............ههههههه
        سلامي:اوكية كملى وبعدين؟؟؟؟؟؟
        موزه: تصدقين نسيت وين وصلت.........؟؟؟؟؟
        سلامي:كيف لقيتيها......!!!
        موزه: هيه ....انزين..
        سلامي: انزين.........
        موزه: تعرفين وين لقيتها؟؟؟؟
        سلامي:وين؟؟؟؟
        موزه: لقيتها راقدة على كتف واحد من الشباب...تصدقين ؟؟؟
        سلامي:والله....انزين وبعدين؟؟؟
        موزه: لو شفتى شو قتله؟؟؟؟والله هزبتة؟؟؟هههه
        سلامي: في ذمتج؟؟؟
        موزه:هيه والله تصدقين قتله الكلام وانا ما اعرف كيف قتلة لة؟؟؟!!
        سلامي قوليلى شو قتيلة بالضبط...يالسبالة..
        موزه: قتلة... انت كيف تتجرا وتشل البنت؟؟وانا من ساعة ادور عليها؟؟؟خسفت المول ادور عليها..وما خليت شرطى الا وقلتلة مواصفاتها...وعثرها عندك؟؟منو تتحرى عمرك؟ شو تتحرا الا تعال وشل؟ شو تتحرى مالها ولى؟؟صدق والله سخافة..هات البنت. جودي شلى شمة ويالا نروح السيارة ..هذا الى قتله..
        سلامي: الله ينطبج يالسبالة.........انتي ما تستحين تقولين حق الريال جيه
        موزه:والله انا الصراحة ما اعرف كيف قتلى جيه ..بروحي مستغربة
        سلامي: انزين شو قالج؟؟؟؟؟
        موزه: هذا الى قاهرنى تصدقين بس قال خيرا تفعل شرا تلقى وبس وعطى جودي البنت وسار..
        سلامي: حمدي ربج انة ما كان مثل الشباب ولا والله غسل شراعج وعلمج كيف تكلمين الرياييل
        موزه:افففففف .انت وامايا تراكن سويتنها سالفة..خلاص السالفة استوة وخلاص ..
        سلامي: بس والله انة ريال طيب وراعي معاني ..
        موزه: اف خلاص..خلينا منة اقولج هاه شو جهزتى لسفر؟؟؟
        سلامي: هيه..كل شىء تمام اتصدقين والله وناسة كلنا منروح..
        موزه: اقولج هناك بتلبسين عباة ؟
        سلامي: والله ما ادريبج..شو رايج؟؟؟
        موزه: اف حتى هناك عبي والله تراني مليت .
        سلامي: موزه شو فيج انتي اليوم ..انتي صاحية ولا لا..
        موزه: اتمصخر ..شو بلاج..ههههههه
        سلامي: هيه تحسبت..
        موزه: اقولج باجر متى منييكم؟؟؟
        سلامي: باجر يدوه بتى بيتنا..
        موزه:فديتها........متى بتيكم؟؟؟
        سلامي لين ما حد اييبها من بوظبي يعنى الساعة11 بتكون في دبي .
        موزه: عاد انا بكون هناك عندكم..اقول سلامي بس عاد متى تبينا نرقد شوفي الساعة 2
        سلامي: ويه الصدقين الوقت خطف ولا دريتبة
        موزه: عيل يالله باااااااااااااااا ااي باجر منكمل
        سلامي:باااااااااااا ااااااااااي..
        في بيت عم حمد خليفة..
        الساعة خمس الفير .ظهر حمد من غرفته وساير صوب غرفة عيال عمومتة...
        حمد:محمد...محمد...محمد...يالله بوية قوم خلاص بسك رقاد...
        محمد قايم وهو زايغ: هاه..هاه منو مات؟؟؟؟؟؟؟؟
        حمد:هههههه...الله يهديك منو بعد مات؟؟؟؟؟؟ ماحد ..قوم يالله منرووووح..
        محمد: حم د والله زيغتى شعندك؟؟؟؟؟؟؟؟؟؟ورد يرقد
        حمد: سلامتك......ماتبى تروع القنص؟؟؟؟؟؟؟؟؟؟يالله هبابنا منتاخر.......
        محمد: هيه .قول جيه من الاول؟؟؟؟؟؟
        حمد: يعنى ما بتقوم؟؟ ويروح حمد وييب ماي بارد من الثلاجة ويجب علية الماي
        محمد:خيييييبة .ما علية والله بتشوف....ويقوم محمد وييب دبة ماي ويربع ورىحمد وحمد يدش غرفة سعيد وحمدان ويقفز فوقهم ومحمد جب الماي على حمد بس حمد شرد من الغرفة والماي يه على سعيد وحمدان..
        سعيد وحمدان: خيبة شعندكم من فير الله تضاربون؟؟؟؟؟؟ عن الله تكم زاد
        محمد: والله انا كنت اريد اجب الماي على حمد مش عليكم..
        حمد:هههههه...والله فكيتنى كنت بسير اوعيهم عاد الحين خلاص قامو؟؟؟؟؟؟؟
        محمد: والله الا بردها وبتشوف........
        حمد: ههه حشة الا ماي....يالله عاد قومو وراكم صلاة وبعد سيرة ولا ما تبون اسيرون؟؟
        محمد: اجلب ويهك .ويالله سير سولنا ريوق..
        حمد: انا حمد ولد على ال.....ي اسويلكم ريوق؟؟جيه شو بشكاركم؟؟؟؟؟؟؟
        محمد: هههههه سوري الشيخ ولد علىال.......ي انزين من بونا ما مناكل ريوقك بس قصدي سير وقول حق البشكار ههههه.
        حمد: هيه تحسبت الحين بسير ويوم برد اباكم تكونون مخلصين .........اوكية
        محمد وحمدان وسعيد: ان شاء الله الشيخ...تامر بشىء بعد طويل العمر؟؟؟
        حمد:هههههه هيه جيه اباكم تزقرونى............هههههه
        سعيد وهو يفر المخدة على حمد: زوووووووووول . والله انك متفيج..هه
        سار حمد عند البشكار وقالة يسويلهم ريوق ورد صوب غرفتة.. وبعد شوي ياه سعيد مسرع
        سعيد: حمد........حمد...
        حمد: هاه شو شعندك........!!!!
        سعيد: اقرا شو مكتوب........
        ويراوي سعيد حمد تيلفونة..
        حمد: شو تباني اقرا مسج وحدة من المعجبات .......والله انك متفيج .
        سعيد: لا اقرا .
        حمد: خبيبة ليش شو يبون ؟؟؟؟؟؟؟؟
        كان مكتوب في المسج " سعيد وينك ليش كل تيلفونك مغلق دق حقي بسرعة ضروري" و6مرات مطرشين نفس المسج وكان من عند ابو سعيد...
        حمد: اللهم اجعله خير .......دق حقهم بسرعة
        سعيد: الحين ادق يمكن راقدين؟؟؟؟؟؟
        حمد: دق . شو تتحرى الناس مثلك رقود؟؟ الشواب من الفير يقومون .دق يالله
        سعيد انزين الحين بدق..
        ويدق سعيد حق ابوه ويكلمة ويخبرة بالسالفة..ويوم سكر من عند ابوه سار صوب حمد عشان يخبرة بلى كان يباه ابوة منة
        حمد: هاه بشر خير.........
        سعيد: خير ان شاء الله
        حمد: شبلاك معصب؟؟؟؟
        شو تتوقعون ؟شو الى معصب بالسعيد؟؟ شو بيستوي لموزه ؟؟

        من مواضيع ام سلوم :


      • #6
        قمــاري غير متصل اداري سابق
        تاريخ التسجيل
        Dec 2005
        الدولة
        في دار بومتعب
        المشاركات
        4,955
        Thanks
        0
        شكر 0 مرات في 0 مشاركات
        ام سلوووووم

        وينك......!!!!!!!

        كملييها1111 >>>ما ملت بتقراها ثاني مرره

        قمووره تنتظر.....

        من مواضيع قمــاري :


        • #7
          قمــاري غير متصل اداري سابق
          تاريخ التسجيل
          Dec 2005
          الدولة
          في دار بومتعب
          المشاركات
          4,955
          Thanks
          0
          شكر 0 مرات في 0 مشاركات
          ويين ام سلووم ؟؟؟

          انتظرك .......على احر من الجمر .


          قمووره

          من مواضيع قمــاري :


          • #8
            قمــاري غير متصل اداري سابق
            تاريخ التسجيل
            Dec 2005
            الدولة
            في دار بومتعب
            المشاركات
            4,955
            Thanks
            0
            شكر 0 مرات في 0 مشاركات
            ام سلووم ؟؟


            ام سلوووووووووووووووو ووووووووووم


            لا حياة لمن تنادي .....


            ويينك بلييز نزلي الباارت الجدييد

            من مواضيع قمــاري :


            • #9
              صورة ام سلوم
              ام سلوم غير متصل صعب اننا نوصفه
              تاريخ التسجيل
              Nov 2004
              الدولة
              احلى مكان في الدنيا (( الرياض ))
              العمر
              24
              المشاركات
              6,010
              Thanks
              0
              شكر 0 مرات في 0 مشاركات
              ههههههههههه سوري مره سوري قماري
              ما قدرت ادخل الايام اللي فاتت خخ

              الحين بنزل كم جزء واعوضك لوول
              لا تزعلين مني بلييز


              الجزء الرابع
              ويدق سعيد حق ابوه ويكلمة ويخبرة بالسالفة..ويوم سكر من عند ابوه سار صوب حمد عشان يخبرة بلى كان يباه ابوة منة
              حمد: هاه بشر خير.........
              سعيد: خير ان شاء الله
              حمد: شبلاك مضيق؟؟؟؟
              سعيد: الوالد يباني اسير ويا الاهل واودي بعد امايا شيخة لانها عندها موعد وطالبتنا كلنا انسير وياها..
              حمد: وين تبانا انسير؟؟؟؟
              سعيد: لندن......
              حمد:هههههه ..ليش ؟؟الحمد لله انا بعيد عنكم
              سعيد: هيه اضحك شعليك انت مش انت الى بطفرونك انا الى بطفرونى وعاد الى بطفرنى العيوز عاد ما استحلالها الموعد الا يوم بسير القنص؟؟؟!! وبعدين على فكرة كلهم بسيرون حتى محمد وحمدان..
              حمد: وحليلكم .ليش الشواب ما يسيرون؟؟
              سعيد: ابوية عنده شغل..ويقول ما عنده هبة
              حمد: هههههه ..انزين عادي شو فيها والله بتتسلون
              سعيد: امحق تسلية بسلاها .......
              حمد: انزين متى السفرة؟؟؟؟؟
              سعيد: اليوم فليل.......
              حمد: اصدق حتى انا اليوم بسافر فليل..
              سعيد وهو فرحان: صدق والله؟؟؟؟
              حمد: هيه حتى انا الوالد مطرشنى عشان افتح الفرع وعنده كم اجتماع. عشان جيه اضحك. انا الا مثل حالتك
              سعيد: هههههه .زين عيل بسير ويانا؟؟؟
              حمد: شوووووو ؟؟وياكم لا حشى
              سعيد: ورفجة الغالى عندك .اسير ويانا ..
              حمد: لالالالالالالالا ما اقدر اسير
              سعيد: عنبوه نحن ترانا اهل وبعدين كل بيوتنا مع بعض وصدقنى والله منستانس..
              حمد: ايلس في فندق ابرك لي من حشرت امايا شيخة واهلنا........
              سعيد: ههههه حليلها صح انا شوية ملسونة بس والله تراها طيبة....هههه
              حمد: هيه شوية ملسونة...هههههه...ما تذكر اخر مرة شو قالتلى؟؟؟
              سعيد: هههههههههه والله انت شو تباها انت كنت تدور الهزبة..
              حمد: عاد اسمنها هزبتنى جدام الناس والله اني ما انسى الموقف..وهي عادي ما عندها ناس غرب ولا لا .
              سعيد:هههههه .عادي انا مرة كنت راكب السيارة ومنزل الدريشة وهي كانت خاطفة وزقرتها..فيلست اتمصخر وياها ما سوتلى سالفة فرتنى بحصاه وكسرت جامة السيارة من الضيجة..
              حمد:ههههههههه صدق انها حارة...ليش عاد ؟؟؟
              سعيد: عشان قلتلها دورتلها معرس..
              حمد: ههههههه والله دواك .عيل هيه وين والعرس وين ؟
              سعيد: اتمصخر وياها عاد انا..
              حمد: ما تحيد العيايز ما يحبن حد يتمصخر وياها كل شىء عندهن صدق؟؟؟
              سعيد: اوكية .الحين شو قلت؟ حرام والله تخليني بروحى والله صدقنى بتكون الرحلة حلوة..
              حمد: لا حول الله يالله ما نروم نقول لا..
              سعيد: فديتك والله. اقولك خلاص ترانا ما منسير القنص منرد البيت .
              حمد: ليش ؟ حرام انا في خاطري
              سعيد:ابا اسير اييب امايا شيخة من بوظبي وبعدين ابا اسير السوق اتشرى اغراض وملابس ما بواحي متى منسير القنص ومنرد..
              حمد: اوكية برايك..
              سعيد: فالك طيب يوم منرجع منسير مرة ثانية .
              حمد: حمدان ومحمد بزعلون..
              سعيد: ليش يزعلون تراهم هم بعد بسيرون .
              دخل محمد وحمدان الصالة ..
              محمد: اشوفك المحتشر ما زهبت شعندك؟؟
              حمد: خلاص كنسلنا السيرة .
              محمد و حمدان: ليش؟؟؟؟؟؟؟؟
              سعيد:ابوية قالى اليوم فليل الاهل بسيرون لندن ويبونا نسير وياهم لانة الشواب عندهم شغل وما فيهم هبة..
              محمد وهو يشهق: لا والله انا ما بزر شبر
              سعيد: هههههه مب بشورك العيوز طالبتنا انسير وياها .
              محمد: خيبة الله يعينا منها .
              حمدان: حليلها عاد كله ولا عيوزي..
              حمد: اشعليك انت تراه الدلع كلة لك وانت الغالى .والى ساكن وياها
              حمدان:ههههههه شو اسوي يوم كل الناس يحبونى حتى العيايز؟؟؟
              محمد: جب..جب انت اخر من يتكلم ..
              حمدان:تراني بخبرها ........هههههه
              سعيد: بس عاد .ياله الحين منروح
              حمدان ومحمد:ويييييييييييي يين؟
              سعيد: منروح انييب العيوز من بوظبي..
              حمد:اصدقون من زمان ما سرت صوب بوظبي والله اشتقتلها .
              سعيد: يالله انسير..
              سارو الشباب اول شىء يتريقون وبعدين سارو صوب بوظبي عشان حمد وحمدان اييوبون يدتهم وسعيد ومحمد اييبون اهلهم من بوظبي وبعدين كلهم بسيرون صوب دبي..
              في بيت عائلة موزة..
              الساعة ست الصبح..دقت ساعة المنبه..قامت موزه بسرعة من رقادها وسارة بسرعة صوب الحمام عشان تسبح وسارت تصلى الصبح..ويوم خلصت سارت صوب المطبخ..
              موزه:ميري سوي لي ريوق بسرعة .
              ميري:شو يريد مام؟؟
              موزه:اي شىء؟
              ميري: اوكية مام..
              وسارت موزه صوب امها وابوها كانو بارزين برع في الحوش..
              موزه:السلام عليكم..وصباح الخير يا اغلى واحلى ابو وام في الكون..وتحب ابوها وامها على راسهم..
              ابو موزه وام موزه: صباح النور..
              ابو موزه:موزوه شعندج اليوم قايمة من غبشة؟؟؟
              ام موزه:ليش ما تعرف ليش قايمة؟؟؟
              موزه:اماااااااااااا ااااااااااايااااا اااا .
              بو موزه: لو قلتيلنا بتقومين الصبح جان كل يوم منسفرج...ههههه
              موزه: ههههه ..ابوية عاد الى يسمع اني امرة ما اقوم لين الظهر..
              ام موزه:موزوه خلصتى قشارج ؟؟
              موزه: هيه امايا كلة جاهز ..
              ام موزه: عيل سيري وعى اختج واخوج عشان يزهبون لانا منسير الساعة 9 صوب دبي..
              موزه: ليش منسير من وقت السفر تراه فليل؟؟؟
              ام موزه: تراه اخوج الى بودينا وبعدين منقيل في بيت عمج خليفة..
              موزه: ليش ؟ ابوية انت مش ساير ويانا؟؟؟
              بو موزه: يا بنيتة مالى هبة لسيرات الحين وبعدين انا عندي شغل في العين ما اروم اقفي عنة..
              موزه: الله يلعن الشغل عيل انا ما بسير..
              بو موزه: كم مرة قتلج مب زين اللعنة؟ وبعدين كل عمومتج ما بسيرون كلهم عندهم شغل .
              ام موزه: هالمرة الشواب ما بسيرون بس الحرمات وعيالهم .
              بو موزه: انا الحين شيبة ؟
              ام موزه: هيه ولا شعندكم ما بسيرون ويانا؟؟
              بو موزه: ما عليلة ما شفتى الحرمة الثانية في البيت بارزة يوم تردين من السفرههه
              ام موزه: تراني ما بسير وبيلس في البيت.
              موزه:هههه من بونهن الحرمات يوم تطرولهن العرس يكنسلن كل شىء ويلسن عندكم مثل السوبر قلو......
              ام موزه: ما عليلة منشوفج يا ام لسانين يوم بتعرسين شو بسوين..الله يعينة هالمعرس .
              موزه: والله عاد الى بظويني لازم يصلى ركعتين شكر لله كل يوم..
              بو موزه: بختة يوم بيلقى موزتى
              ام موزه: هيه كبر راسها . هيه بروحها ام لسانين .الا الله يعينه هو..
              موزه: ما عليلة امايا بعدين بتقولين حليلها موزه كانت مسلية البيت علينا والحين سارت عنا..
              بوموزه: ما عليج منها تراه الا جدامج والا هيه ما تروم على فراقج..
              ام موزه: بسج من الهذربة سيري وعي اخوانج..شوفي الساعة كم الحين..وبعد سيري وقولى حق ميري وجودي يزهبن عشان بسيرن ويانا..
              موزه: ابوية صدق والله ما بسير ويانا ؟
              بو موزه: هيه يا بنيتة ما فيني على السفر..
              موزه: ابوية تراني والله زعلانة .
              بو موزه: ليش تزعلين كل اهلج وبنات عمومتج بسيرون واخوج بعد..بس ما وصيج لا سوين حشرة وغدي ذربة ولا تحشرين امج واخوج..
              موزه: لا افا عليك بكون احسن وحدة .بس والله انا بتكون السفرة نا قصتنك.
              بو موزه: ما علية ان شاء الله جان الله حياني بسير وياكم..
              ام موزه: ان شاء الله بسلامة..
              موزه: عاد انا الحين بسير اوعيهم .
              بو موزه: الا اقولج..وين حمدان .بعدة ما رد من السفر احيدة قايل برد اليوم ؟
              ام موزه:والله ما ادريبة وهو من متى ايقول متى يرد؟ ما ايي الا شوي ما ييلس الا عند يدتة .والله ان هالولد بطفرنى من كثر ما احاتية..
              بو موزه: حليلة تراه وايد متعلق بيدتة وهيه عاد الى مربتنة .
              ام موزه: عاد مب جيه ؟ما نعرف احوالة الا بس بتيلفون وما ايي غير اخر الاسبوع..
              وشوية والا تيلفون بو موزه يرن..
              بو موزه: الووووو
              حمدان:الو هلا ابوية .
              بو موزه: هلا والله بوليدي وينك الغالى تونى يالسين نطريك
              حمدان: هاه منو يالس يقرض فيني من غبشة؟؟
              بو موزه: انا وامك .
              حمدان: ما دام انتو عادي .
              بو موزه: الا انت وينك؟؟الحين؟؟
              حمدان: انا الحين ساير صوب بوظبي ويا حمد ولد عمي على..
              بو موزه: ابوية شو مسيرنكم هناك؟؟؟
              حمدان: والله ابوية انتو مش اليوم بسيرون لندن؟؟
              بو موزه: هيه وانت شدراك؟؟
              حمدان: سعيد قالى .
              بو موزه: ولدي انزين شو مسيرنك بوظبي ويا حمد؟؟
              حمدان ساير اييب امايا شيخة ومن هناك بسير دبي عشان بسير وياهم..
              بو موزه وهو منصدم: بسير وياهم؟؟؟
              حمدان: هيه ليش منصدم؟؟؟
              بو موزه: لا ما شىء بس ما احيدك تحب اسير ويانا بقعة كله الا عند يدتك وشغلك .
              حمدان: بسير عشان امايا شيخة بسير وياكم..
              بو موزه: زين عيل ما اوصيك على اهلك وعلى يدتك .
              حمدان: ابوية لا توصى .الا اقولك ابوية وين امايا؟؟
              بو موزه: هذية عندي..
              حمدان ابوية عطنى اياها بسلم عليها والله ولهت عليها..
              ويعطى بو موزه ام موزه التيلفون
              ام موزه: هلا ولدي فديتك وينك ؟؟عنبوه لا تدق ولا تسال؟؟
              حمدان: ههههه هلا والله امايا شحالج والله اشتقتلج؟؟فديتج والله..
              ام موزه: اسمنك صدق لوتى الا مثل ابوك..
              حمدان: هههههه هاه شو ياج علية .اكيد طره العرس؟؟
              ام موزه: هلايام ما حد يثق بالرياييل .خوفي من اسير يحطى الثانية .
              حمدان: هههههه عنبوه؟؟؟افاااااااا انت شيخت الحريم كلهن .
              ام موزه:اقول ولدي؟
              حمدان: هلا والله امري..فديتج
              ام موزه: ولدي انت بسير ويانا لندن؟؟
              حمدان: هيه امايا.
              ام موزه: والله هاي الساعة مباركة يوم بسير ويانا .
              حمدان امايا حمد ولد عمي على يسلم عليج وعلى ابوية..
              ام موزه: الله يسلمة من الشر...فديتة شحالة ؟وشحال اهلة؟؟
              حمدان: بخير وسهالة امايا بقولج شىء بعد وبيصدمج
              ام موزه: هاه خير رب ما شر؟
              حمدان امايا بعد حمد بروح ويانا..
              ام موزه: صدق اقول عيالى شو ياينكم اليوم؟ معقولة انكم بسيرون ويانا؟؟
              حمدان: ليش امايا منصدمة ؟
              ام موزه: اول مرة ايسيرون ويانا بقعة!!
              حمدان الحين بتلقونا كل ما سيرون بقعة نحن وياكم..
              ام موزه: هيه جيه اباكم. اباكم ايسيرون ويانا مب كلة بس الشغل حتى اهلكم وما تشو فونهم..
              حمدان: عاد امايا الى يسمع امرة ما نيلس وياكم..
              ام موزه: هيه عيل شو
              حمدان: امايا الحين بسكر عنج شىء في خاطرج؟؟
              ام موزه:سلامتك ولدية .بس وين منلقاكم ؟
              حمدان:في بيت عمى خليفة..
              ام موزه: هيه حتى نحن منقيل هناك عندهم ..
              حمدان: عيل منلقاكم عندهم...صح امايا اباج تجهزيلى شنطة .
              ام موزه: ان شاء الله .
              حمدان: فديتج يعلني ما اخلا منج..
              ام موزه: عيل الحين مع السلامة...وساير وسوق بذهن
              حمدان: ههه مع السلامة .
              ام موزه: الله يحفظك..
              سكرت ام موزه من عند ولدها .
              ام موزه: حليلة والله ولدي بسير ويانا..
              بو موزه: انا انصدمت من قالى انة بسير..
              ام موزه: زين يوم انة بسير ويانا
              بو موزه: حليلة وايد علية ما عندة وقت. كل الشغل ماخذ وقته..
              ام موزه: عاد اللانسان شو بييدة ؟
              بو موزه: كل هذا منى انا الى محملنة مسؤولية اكبر منة..
              ام موزه: يوم الولد ما بساعد ابوة في شغلة عيل منو الى بساعدة؟؟
              بو موزه: يالله ان شاء الله يوفقة..
              ام موزه: ان شاء الله.
              بو موزه: عاد انا الحين بترخص بسير العزبة شىء في خاطرج...؟؟؟
              ام موزه: سلامت راسك ..
              سار بو موزه العزبة وسارت ام موزه تزهب شنطة ولدها لسفر..وموزه وعت اخوانها وسارت غرفتها عشان تتاكد ان كل الى تباه شلتة..كانت واايد فرحانة عشان انها بسافر وكل اهلها بسافرون وياها وخصيصا البنات بسافرن..بعد شوي حد دق باب موزه...
              موزه: منو؟؟؟؟
              جودي:مام سلامي يريد انت في تيلفون..
              موزه: خيبة انا نسيت افج تيلفونى ..اكيد الحين سلامي بتجتلني..
              وسارت موزه تربع صوب التيلفون الى في الصالة.......ولقت امها في الصالة
              ام موزه: موزوه خلصتى ولا بعدج؟؟؟
              موزه: يعنى؟؟؟
              ام موزه: ما اريدج تنسين شىء ..الا ما قتلج يسلم عليج اخوج حمدان
              موزه: فديتة متى دق؟؟
              ام موزه: اليوم الصبح..وبعد تراه بسير ويانا لندن
              موزه وهي فرحانة:صدق والله..يافرحتى اخيرا اخوية بسير ويانا مكان وبييلس ويانا..اااووووه امايا اسمحيلى سلامي تترياني في التيلفون..بااااي ..بعدين بييج
              سارت موزه صوب التيلفون..
              موزه: صباح الخير والنور لاحلى بنت عم في الكون....
              سلامي: لا انا ما ييبنى دهان السير ..عنبوه ليش مسكرتنة تيلفونج؟؟؟
              موزه: والله نسيتة وبعدين انا كنت عن ابوية وامايا نتريق وبعدين سرت اوعى اخواني.........لانة ابوية ما بسير واخوية سلطان بشلنا..
              من سمعة سلامي طاري سلطان سكتت ولا تكلمة..
              موزه: سلامي شبلاج ساكتة؟؟؟؟؟
              سلامي:.......................هاه شو؟؟؟؟؟؟؟
              موزه:هههههههه خلاص عرفت ..سلطان لاه؟؟؟؟
              سلامي: اقول..
              وتقطعها موزه في كلامها: هيه سلطان بسير ويانا ..ارتاحي..
              سلامي: صدق والله يفرحتى..
              موزه:ههههههههه صدق هبااالة ..الا اقولج شو شايفة في سليطان هذا؟؟؟؟؟؟؟
              سلامي: وانت شدراج بالجمال والمعاني؟؟كل الحلا متخرج من حلاتة.......اااااااااه بس شو اقولج؟؟؟
              موزه: الله ان شاء الله يعطيج العقل .........
              سلامي: منشوف بعدين.....
              موزه: شو بتشوفين؟؟؟؟؟؟؟
              سلامي: ما شىء سلامتج..
              موزه: اقولج تراني منسير بيتكم الى في دبي..متى ان شاء الله بتشرفون دبي؟؟
              سلامي:والله ما ادري قالتلى امايا سعيد ومحمد هم الى بشلونا من بوظبي عشان هم بعد بسيرون ويانا..
              موزه وهي منصدمة: والله محمد وسعيد بسيرون؟؟؟؟
              سلامي: انت الا شراتي حتى انا منصدمة ولا وبعد الصدمة الكبيرة تعرفين حمد ولد عمي على بسير ويانا.
              موزه:وبعد ما خبرتج حتى اخوية حمدان بسير..
              سلامي اقولج شياهم رجال الاعمال بسيرون ويانا هالمرة؟؟؟
              موزه:شدراني؟؟؟؟
              سلامي: اصدقين الرحلة بتكون واااااااااااااااا يد حلوة انا حاسه جيه..
              موزه:صبري الا اقولج منو حمد ولد عمى على؟؟؟
              سلامي: ليش ما تعرفين ان عمى على عندة ولد واحد بس؟؟؟
              موزه: هيه ادري بس انا في حياتي ما شفتة من كنت صغيرة لين الحين. ولا اذكر شكلة..
              سلامي: ليش ما تعرفين انة طول حياتة عايش في لندن ودرس من الابتدائية لين الجامعة؟؟؟
              موزه: لا ما ادري؟؟؟؟؟؟؟صدق والله؟؟
              سلامي:هيه....حليلة .
              موزه:اوكية يعنى شو مدارسنا ما ينفعن؟؟
              سلامي:والله انا ما ادري بس في ذيج الفترة كان عمى عندة وايد شغل في لندن وبعدين دخل ولدة مدارسهم وستانس من مدارسهم فقرر انة يخلية هناك لين الجامعة..
              موزه: سلامي كد شفتيه؟؟؟
              سلامي: ااااااااااااااااه لا ذكريني بذاك اليوم...
              موزه: ليش قوليلى ..صدق انت سبالة ليش ما قلتيلى؟؟؟
              سلامي: ليش ما قتلج؟؟؟
              موزه: لا ..يالله عاد قولى حرقتى اعصابى...
              سلامي:عاد الحين صدق بينحرقن اعصابج..
              موزه: اف قولى عاد..
              سلامي: يوم كنت في الصف الاول الثانوي..
              موزه: انزين .
              سلامي: لا تقاطعيني ولا والله تراني ما اقول.......ههههه
              موزه: شو في عاد والله انج مصختيها قولى لا الحين افرج بتيلفون..
              سلامي: اوكية .انزين..كان في عيد الصغير كنت لابسة هندي ويالسة في الصالة. سمعت صوت سيارة وسرت صوب الدريشة اشوف منو الى ياي .والا واحد والله يا موزوه انة من حلاتة يشل الدعنة الى يمشى عليها من كثر ما هو حلو ما رمت اشل عيني عنة ولا وشوي يزقر ما حد كان في البيت قوم ابوية سارو ويا عمومتية يسلمون على الاهل وامايا فوق. ودق الباب وهود ما حد رد علية جان يدش وانا ماقدرت اتكلم من حلاتة بس فاجة ثمى واطالعة. يوم جافني جان يقول: وين بابة؟ عاد انا قلت شو بقول له والله فضحة بقول بناتهم يالسات على الدرايش قلت ما علية بخلى عمري البشكارة .جان اقولة بابا روح ويا بابا سالم..جان يقولى وين ماماه؟جان اقولة:ماماه فوق. قالى:سيري زقري ماماه..قلتلة: انزين باباه..وانا اكلمة مبهتة فيه ومن حلاتة مستحيل يكون هذا الجمال على واحد من البشر..ما شاء الله علية شو اوصفلج الى اوصفلج ..
              موزه وهيه ناقعة من الظحك غرب الله تج ..عاد محطية عمرج البشكارة؟؟؟؟
              سلامي: والله عيل شو تبيني اقولة انا سلامة بنت خليفة؟وبعدين هو عاد ما يعرف يفرق بين البنات والبشاكير؟ وبعدين والله استحيت شو بقول عنى بناتهم عند الدرايش وعاد لو تشوفين شكلى يالسة متبهتة بالريال...والله فشلة..
              موزه:انزين كملى...
              سلامي:انزين ..في هالحظة امايا نزلت وشافتة .وجان تقولة يامرحبا والله بوليدي وشحالك ويلست ترحبة وهو نفس الشىء وانا يالسة اشوف الموقف ومنصدمة .ولا وشوية تقولى امايا سلامي ليش ما تسلمين على ولد عمج حمد..تقول حد صب علية ماي بارد..ويلست مستحية .وهو احمرن خدودة واستحى..جان اقولة شحالك عيدك مبارك. وهو نفس الشىء قالى..وبعدين سارت امايا تزقر البشكارة اتيب الفوالة لان حمد يلس في الصالة .جان يقولى سلامة اسمحيلى عشان تحسبتج البشكارة والله ما كنت اعرف..والله لو تشوفينة صدق انسان محترم ولو تشوفينة يوم يكلمج صدق ذويق وراعي معاني..جان اقولة لا عادي حصل خير..وسرت عنة ويلسة امايا تسولف وياه وبعدين سار..
              موزه: هههههه صدق والله وشوقتيني اشوف هالانسان..
              سلامي:والله بخت حرمتة..وبعدين تراج بتشوفينة في السفر وبكون ويانا..ماعلية بعرفج علية ..فالج طيب..
              موزه:انزين اقولج ..كم عمره؟؟
              سلامي: هااااااااااااااااه اشوفج تسالين عنه شو عندج؟؟
              موزه: لا والله لا يسير تفكيرج بعيد بس حبيت اعرف لانة اول مرة اعرف عن ولد عمى هذا..
              سلامي شو رايج في الطيارة اخبرج عنة..الحين بسير وازهب قشاري واساعد امايا
              موزه: عيل خلاص برايج..سلمى على اهلج .والقاج في دبي
              سلامي: خلاص الحين فداعة الله
              موزه: فداعة الرحمن
              سكرت موزه من عند سلامة وسارت صوب امها تشوفها لو تبى شىء ولا لو تبى حد يساعدها..

              الجزء الخامس
              سكرت موزه من عند سلامة وسارت صوب امها تشوفها لو تبى شىء ولا لو تبى حد يساعدها..
              في سيارةحمد .
              حمد: الا اقول حمدان شو الشغل وياك؟؟؟
              حمدان:لاباس .
              حمد: الحمد لله..
              حمدان: وانت شو الشغل وياك؟
              حمد:الحمد لله .
              حمدان:اقول حمد ؟؟
              حمد: هلا امر ..
              حمدان: شو ما نويت تعرس...
              حمد وهو مبتسم لا والله ليش انت ناولى على المشاكل ليش؟؟
              حمدان:لا يعنى الحين الى بعرس ناوي على المشاكل؟؟
              حمد:انا الصراحة حرمتى وياها اربع وعشرين ساعة وهي ما خذه كل تفكيري..
              حمدان منصدم ويطالع حمد: عنبوه سويتها ولا قلت حق احد؟؟؟
              حمد وهو يظحك حوووووووو لا يسير تفكيرك بعيد..
              حمدان: علينا هالحركات؟؟؟
              حمد: اقصد بالحرمة الشغل..احس ان الشغل مثل الحرمة مشاكل ومصايب ولا اتيب غير صدعة الراس..
              حمدان:هههههه عاد مش كل الحريم نفس الشىء..
              حمد: انا اخر شىء افكر فية هو العرس ما لي خاطر على شىء..انا جيه مستانس
              حمدان: اااااااااااااااااااااه..
              حمد:هاه اسمع اه .هاه شو وراها؟؟؟
              حمدان ..............
              حمد:حمدان شبلاك؟؟؟
              حمدان: ماشىء بس افكر...
              حمد وهو مبتسم: لا الظاهر شىء وراك هاه هات شو تحت راسك؟؟
              حمدان: شو اقولك الى اقولة؟؟
              حمد: ياله قول . وصدقنى لو بيدي شى بساعدك.
              حمدان:هههههه والله انك متفيج جيه شو هيه ذبيحة .
              حمد:هههه شدراني فيك؟؟
              حمدان:.......
              حمد: يالله قول يا ريال تراك ذبحتنا شو بلاك؟؟؟
              حمدان:انا من اول ما شفت هالانسانة وانا ميت فيها .
              حمد وهو يقاطعة: هههههه عرفت ان تحت راسك بنت...هههههه
              حمدان: بس مش منك من الى يخبرك...
              حمد:ههههه عنبوه شو هزعل ؟؟خلاص ما بتكلم ياله قول منو هبنت؟؟؟
              حمدان:بنت يرانا...
              حمد وهو ناقع من الظحك:بنت يرانكم..هههههههههههه ههه شو غدينا زنمات ههههههه مايحبون غير بنات يرانهم هههههه
              حمدان: والله انك مسود ويه عنبوه انا اخبرك وانت يالس من الصبح تظحك علية.
              حمد: والله السموحة بس انا ما قدرت اسكت والله السموحة
              حمدان وهو معصب ما طاع يتكلم .
              حمد: حمدان والله خلاص السموحة منك دخيلك .صدقنى ما بعيدها السمووووووحة.
              والتفت حمد لحمدان ويشون لون ويهه تغير وصار احمر والا وشوية دمعة تنزل من عيونة..حمد انصدم من الى شافة ووقف السيارة..
              حمد: حمدان شبلاك..والله انا ما كان قصدي شىء والله انا ما قصدي اضايقك ..حمدان تكلم تراك والله خوفتنى شبلاك..
              يلس حمد يطالع حمدان اول مرة يشوفة بهالموقف شو فيه عنبوه اول مرة يشوف ريال بلحيتة يصيح وخصيصا حمدان وحمدان معروف الراكز والرزين ومب شىء صغير يهزة اكيد شى مستولة وكان يريد يقولى وانا يلست اتمصخر علية ولا عاطنة اهمية الله ينطبنى شو سويت .
              حمد: حمدان الله يخليك قولى شو بلاك؟؟وغلات البنت الى تحبها قولى شو بلاك ويلس حمد يبى يعرف شو الى استوى؟ ظهر حمدان من السيارة ولحقة حمد .
              حمد: حمدان شو بلاك تراك والله زيغتنى؟؟
              حمدان وهو يشوف السما: البنت الى اقولك عنها ماتت..
              ويوم قال انها ماتت نزلن دموعة
              حمد وكانة حد مسك فوادة: ماتت؟؟؟؟؟؟؟؟؟؟
              حمدان:.................
              حمدان: هيه ماتت ......
              حمد سكت ما يعرف شو يقول: انا لله وانا الية راجعون ..الله يرحمها..ووقف جدامه
              حمد: كيف ماتت؟؟؟
              حمدان:................
              حمد: حمدان قدر الله ما شاء فعل ..هم السابقون ونحن اللاحقون..
              حمدان وهو ما سك كتف حمد: انت ما تعرف كيف ماتت؟؟؟
              حمد:..............
              حمدان: كانت نازلة من الباص وانا كنت في الصوب الثاني من الشارع وهي كانت ماشية جدامي عشان تشوفنى والا ايي واحد ودعمها ونطرت على جامت سيارتى ويلس يصيح تخيل حمد كانت جدامي والبسمة على ويها وكلها دمان ومن قوة الدعمة الى دعموها تنطش الدم على الجامة كلها وانكسرت الجامه. والى داعمنها كان سكران. ما قدر يكمل كلامة..سكت وبعد شوي)..تعرف حمد ما قدرت اتحرك من شفتها حسيت ريولى ما قادرات يشلني ما مصدق الى شفتة حسيت عمري كاني في حلم. ومن الصدمة ما قدرت اتكلم ولا اكلم حد ولا خبرت حد من الاهل ولا كيف ماتت..(ويالس يتكلم ودموعة على خدة ينحدرن)..حمد ما قدرت ايلس في البيت اتخيلها في البيت. اتخيلها يوم كانت تزورنا في البيت ويوم كنت العب وياها يوم كنا صغار واسمع صدى ظحكتها في كل مكان وصايحها يوم كنت اظايقها واظارب وياها ويوم كنا نسير وياهم العزبة..
              ما قدر حمدان كمل السالفة ولا قدر يتكلم ويلس على رصيف الشارع .وتنهد تنهيدة طويلة ومن بعدها نزل عيونة على الشارع .
              حمد سار وقعد عدال حمدان:حمدان من متى مستوية هالسالفة؟؟
              حمدان: من ثلاث سنين..
              حمد: حمدان الى اسويه بعمرك مب زين البنت ماتت الله يرحمها. الدنيا بعدها ما توقفت
              يقطع حمدان كلام حمد:اخاف انا المسؤول عن موتها..حمد كانت هيه ماشيه من هذاك الدرب عشان تسلم علية. حمد انت ما تعرف شو يعنى انا بدونها ماشىء انا احبها من كنت صغير..ما تفهم شو يعنى انا ما اقدر اعيش بدونها..ما اقدر انسى شكلها ولا اتخيل عمري خلاص ما اقدر اشوفها
              حمد وهو يقطع كلام حمدان: لا تقول انك انت المسؤول عن موتها..الله كاتب هالشىء وبعدين الى داعمنها هو الغلطان والشرطة اكدة هالكلام صح ولا لا..وبعدين انت قلت انة كان سكران..كيف تحمل عمرك شىء انت مش مسونة. شوف حمدان الى استوى استوى وانتهى ولازم تعيش حياتك خلاص..لازم تنساها..انت جيه تعذب عمرك..الحين عرفت ليش انت عايش ويا يدوه .اسمع الى اسويه ما بينفعك وبضرك .شو انت مش امن بقدر الله .ولا انت معترض علية. عيل شو الى يقولون الى ماتت امهم ولا ابوهم وهم صغار ؟..لو كنت مكانك بدعيلها وبصدق عليها وبذكرها بالخير مابتم جيه مسوي بحالي .
              ويلس حمد يكلم حمدان..ومن سمع حمدان كلام حمد حس عمرة شوي مرتاح. ومسك حمد حمدان ووداه صوب السيارة وركب حمد السيارة ويلس يهدي حمدان ويكلمة طول الدرب..حمدان حمد ربة انة قال حق حمد لانة كان يبى حد مثل حمد عشان يكلمة ويواسية ويخبرة همومة..
              حمد انصدم من الى سمعة من حمدان ما كان يتوقع انة هذا كلة مستوى لحمدان وهو ما يدري عن شىء معاد انهم يوم كانو صغار وايد مع بعض لدرجة ان الناس يتحسبونهم اخوان مش عيال عم .ااااااه يا الدنيا ولد عمى وكل هذا مستولة وانا ما عندي خبر. معقولة انا الحين لهالدرجة ما ادري شو مستوي على اللي احبهم واعزهم. الله ينطب هالحالة. كان حمد يواسي بحمدان ومن داخلة متلوم. ووصلو بوظبي عند بيت يدته. نزل حمدان وحمد من السيارة ودخلو بيت يدتة ولقوها عند الصرم يالسة تخرف رطب..
              حمدان وحمد: السلام عليج امايا شيخة شحالج؟ عساج بخير؟ وسارو يحبونها على راسها. وهي ما عاطتنهم ويه .
              حمدان: هاه امايا شو بلاج ؟؟؟
              ام سالم ...........
              حمد: الظاهر انها زعلانة؟؟؟؟؟
              حمدان فديت عيوزي والله يعلني بلاه اللي مزعلنج...
              ام سالم: عن اللواتة عنبوه حشة من متى وانا اترياكم اتون تشلونى ؟
              حمد: فديتج ما استوى شىء .ما تاخرنا الا شوي..
              ام سالم: هيه شوي عنبوه الحين النص النهار وتقولى شوي!!!
              حمد وحمدان: ههههههه الساعة بعدها توها تسع..
              ام سالم: جيه شو تحسبونى ما اعرف الوقت شوف الظلة وين واصلة الحين الساعة 2 ولا 3
              حمد: ههههههههه والله وبذمتى انها الساعة 9
              حمدان وهو يضحك ويلوي على يدتة: فديت عيوزى الى ما تعرف كم الوقت.....هههه
              ام سالم: ظك عنى ..
              حمد: انزين يدوه خلاص عادة تاخرنا شوي. ليش شو تتحسبين العين فرت حصاة بعيدة يبالها ساعتين. وهو يغمز حق حمدان..
              حمدان: هههه حرام عليك حمد لا يبالها 3 ساعات. شو يدوه تبينا انييج طايرين ويستويلنا حادث..
              ام سالم:اكفانا الله شر الحوادث..لا تطرولى الحوادث يوم تشوفونى يالسة عندكم..
              حمد: امايا شيخة اشوفج عند الصرم شو تخرفين؟؟؟؟
              ام سالم: هيه والله ولدي .اخرف حق السيرة...انا ما اعيش بلا رطب
              حمدان: امايا انا بخرف عنج .
              ام سالم: لا فديتج خلاص خلصت. وبعدين قلت حق البشكار يخرف .
              حمد عيل امايا شو خلصتى زهبتى قشارج؟؟؟
              ام سالم: والله بعدني ما سرت اشوف البشكارة خلت العيش القهوة والسمن واليقط والزعتر والحلول وينزبيل.......................
              ويقطعها حمدان: حشة يدوه جيه شو بتاخذين المطبخ كله؟؟؟؟؟
              ام سالم: عاد انا ولدية ما اعيش بلاهن ولا اعرف اكل غير اكلى ..
              حمد: امايا تراهم عندهم اكل .
              ام سالم: حشة بوك لو يلسنا على اكلهم متنى .بعد شو اكلهم هم..
              ودخلو ويا يدتهم الصالة ويلسو يساعدونها في لم قشارها .
              حمدان: يدوه حشة ما خليتى شىء ما شليتية؟؟؟
              ام سالم: والله ما احيدة بشلة فوق راسك..
              حمد وهو يظحك على حمدان هههههه ويقول حق حمدان بصوت واطى: حليلة هزبوه..
              حمدان: يدوه حمد يقول انج وايد شاله قشار..
              ام سالم: اقول والله ما احيد بتشلونة فوق روسكم..يالله ودوه السيارة لا الحين اخبر عليكم ابوكم..
              حمد: امايا حمدان يجذب عليج اناما قلت..
              ام سالم: صدق انه ما فيكم مذهب .وين التيلفون عشان اقول حق ابوكم
              ويسير حمدان عند يدتة: يدوه والله نتمصخر..
              حمد يحب فوق راس يدتة: فديتج يدوه انتي دوم جيه تعصبين بسرعة عنبوه نتمصخر وياج..
              ام سالم: اشوفكم تراكم مضيعين المذهب .عيل شو يخصكم شليت قشار وايد ولا لا.
              حمد:خلاص امايا كلة الا زعلج ولو تبين انشل البيت كلة منشلة
              حمدان: يدوه خلاص عاد لا زعلين..
              ام سالم: تراكم صدعتو راسي .وين عباتي ياللة هبابنا نسير دبي..توكلنا على الله..
              وركبو كلهم السيارة وسارو صوب دبي. ويلسو يسولفون ويا يدتهم طول الدرب لين ما وصلوا دبي..
              في بيت موزه..
              الكل مرتبشين..كل واحد يشل الى يباه ويشوفون عن ما نسو شىء. والساعة 10 الضحى
              سلطان: امايا يالله منتاخر .. عنبوه تراكم والله خبلتوبي .
              ام موزه: صبر يا ابوية اخاف انسى شىء وبعدين اتلوم..
              سلطان: امايا انا من امس اقولج زهبى الى تبينة ؟؟والله تراكم طفرتوبي..
              ام سلطان: سير عنى لا تصدع راسي خلني اتذكر الى اباه من المطبخ..
              سلطان: مووووزووووووه وصمخ متى بتشرفين والله تراني ما اسير ..
              موزه: هااااااااااااااه انا تراني في السيارة.....
              سلطان: الحمد لله ظويت راس..شموووووووووه وينج؟؟؟؟
              ام سلطان: صه شو عندك الناس بسمعونا .
              سلطان: امايا والله حرام عليكم انا من ساعة مشغل السيارة واترياكم..
              ام سلطان: اقول ابوية سير شوف اختك شموه وهاتها..فكنى من صدعتك.
              سلطان: شموووووووووووه..وصمخ وينج؟؟؟؟؟
              شموه وهو تصيح: هاه..
              سلطان: الا جان هالقطوه ما يباله كل هذا الصايح..لا تخافين بخلى الدريول ياكلها ويخليها عنده..
              شموه:........
              سلطان وهو يشل اختة ويبوسها: فديتج والله..لا تصيحين..نحن الا اسبوعين ولا ثلاثة ويايين..ما منبطى...ويشل اختة السيارة .
              سلطان: امايا خلاص الكل في السيارة ناقصة بس انتي..
              ام موزه: جودي وميري ركبن؟؟؟
              سلطان هيه يالله امايا عاد والله مصختيها..
              ام موزه وهي تلبس عباتها: والله تراك كلت فوادي شو عندك هناك محتشر جذيه؟؟
              سلطان: امايا حمدان دق تيلفون وهم وصلو دبي وكلهم يتريونا .
              ام موزه: فديتهم وصلو ؟ الا اقولك يابو يدتهم؟؟
              سلطان:هيه من زمان الا نحن بعدنا ما ظهرنا من البيت..
              ام موزه: الله يعينا الحين بطيرنا..
              وظهرو من البيت سايرين صوب بيت عمة خليفة الا هو في دبي..
              في بيت خليفة دبي(
              الساعة ثنتين كل الاهل كانو موجودين. وصل حمدان وحمد ويدتهم الى كانو يايبينها من بوظبي .وسعيد ومحمد يابو اهلهم من بوظبي..وسلطان ياب اهلة من العين. الرياييل في الميلس يتغدون..والحريم في ميلس الحريم يتغدن..اما البنات ما بغن ياكلن ويا الحريم ويلسن في الصالة عشان يتكلمن براحة بعيد عن حشرت الحريم..والا وشوية دخلت سيارة ويلست تصيح. ربعت سلامة وموزه صوب الدريشة يوايجن منو الى ياي..
              سلامي:لالالالالالالالالال لالا. سارت موزه صوب سلامة عشان تعرف الى ياي...
              موزه: هاه منو الى ياي؟؟؟
              سلامي: عمى منصور..
              موزه: عمى منصور بعد بسير ويانا؟؟..يااااااااااا ااااااااي كل الاهل بروحون لندن..
              سلامي: الظاهر جيه؟؟ الله يعينا من بنته مي..
              موزه: هههههههه عشان جيه تقولين لالا.
              سلامي: انا ما احبها طول وايد بزية ومتكبرة..غير عن اختها نورة..
              موزه: حرام عليج هيه جيه من كانت صغيرة..والى يشوفها يقول عنها بزيه ومتكبرة. بس هيه وايد طيبة وتدخل القلب .
              سلامي: انا عاد ما اطيقها.. الله يلعن هالحال..
              موزه: عيب عليج هاي بنت عمج. الصراحة انا فرحانة وبعد اختي شموه بتستانس عشان بتكون حد عندها كبرها ؟
              سلامي: هيه ساروه .صدق كبر اختج شموه..
              موزه: بسير اسلم على حرمة عمى وعلىمي وعلى نورة .
              سلامي: دقيقة بسير بسير وياج..
              ولحقة سلامة موزه وسارن يسلمن على حرمة عمهن وعلى نورة ومي..
              مي كبر سلامة وموزه. اما نورة اكبر عنهن وعمرها 25 سنة وهي مهندسة معمارية وهي وايد حلوة وحنونة وطيبة .وهي اكبر عيال عمهن منصور وعمهن منصور ما عندة اولاد بس هالبنات الثلاث..اما اختهن سارة كبر شمة اخت موزه عمرها مثل عمرها ثلاث سنين ونص..
              يلست موزه عندهن تسولف وياهن بس سلامة ردت عند الدريشة عشان ما تحب تيلس ويا مى. سلامة كانت يالسة عند الدريشة وهي مضيجة. تشوف الحديقة والا وشوية يظهر حمد من الميلس وكان يتكلم في التيلفون..
              سلامي: موزوووووووووه ..مووووووووزوه.
              موزه ما عطتها ويه..ويلست سلامي تزقرها.
              موزه: اسمحولى الحين برد.. وسارت عند سلامي..
              موزه: صدق ما تستحين على ويهج . عنبوه تشوفيني يالسة وياهن ..شو عندج؟؟ وتضربها على كتفها..
              سلامي ما بصدقين؟؟؟
              موزه شو الى ما بصدقة؟ الله ينطبج..
              سلامي: ولد عمى على ......حمد...
              موزه:حمد؟؟؟ والله وينه؟؟؟.. وسارت عند الديشة..وينة وينة؟؟
              سلامي: هناك عند الحديقة. يالس يقص الوردة من الحديقة..ولا بعد يالس يظحك من الخاطر..حد عندة في التيلفون..
              موزه: لالالالالالالا .عطاني مقفاه .ما اشوف شىء..
              سلامي: شو في شقايل يضحك ..فديييييييييييييي ييييته
              موزه: لالالالالالالالالالالا .ما اشوف شىء .
              سلامي: تعالى هنيه مكاني..
              موزه: لالالالالالالالا سار صوب القراج..
              سلامي: قومي اشوف ..لالالالالالا شو في النحاسة ركب سيارة .
              موزه: لالالا حرام علية وين يبى؟؟؟؟؟
              سلامي: من درى انج بتشوفينة شرد منج...هههه
              موزه: سباااااااااااااااا االة..
              سلامي: لا نزل .اكوه شال شنطتة من السيارة..شوفي شقايل يضحك ...منو يالس يكلم هالكثر؟؟؟
              موزه: خوزي ابا اشوفة. لالالا دخل الميلس من الباب الثاني....لالالالالا ما اريد لا زم اليوم اشوفة. اكوه ظهر مرة ثانية ..لالالا وين سار اختفى؟؟؟؟؟؟؟
              سلامي: حوووو ؟؟شعندج .ما يهمج اليوم براويج اياه في المطار ولا في الطيارة..
              موزه: ما اريد اريد الحين..
              سلامي: شو تبيني اسير الميلس واقول حمد موزه تبى تشوفك؟؟؟؟
              موزه: انا اتكلم جد...
              سلامي: ما فيني على محمد وسعيد والله بياكلونى .
              موزه: انا عندي فكرة ..
              سلامي: الله يعينا من الفكرة ؟هاه قولى شو فكرتج؟؟؟انا اليوم احس ان حد بيهزبنى واكيد هالهزبة بتكون من تحت راسج...
              شو رايكم؟؟موزه شو خطتها؟؟؟؟وبتشوف حمد ولالا؟؟؟

              من مواضيع ام سلوم :


            • #10
              صورة ام سلوم
              ام سلوم غير متصل صعب اننا نوصفه
              تاريخ التسجيل
              Nov 2004
              الدولة
              احلى مكان في الدنيا (( الرياض ))
              العمر
              24
              المشاركات
              6,010
              Thanks
              0
              شكر 0 مرات في 0 مشاركات
              الجزء السادس
              سلامي: الله يعينا من الفكرة ؟هاه قولى شو فكرتج؟؟؟انا اليوم احس ان حد بيهزبنى واكيد هالهزبة بتكون من تحت راسج...
              موزه:فكيني من الصدعة. سمعي. شو رايج نقول حق امايا شيخة ان عمى منصور ياه. واكيد بتقولنا ودني عندة لانها ما تروم ترقى الدري وجذيه مندخل الميلس ولا حد بروم يكلمنا عشان يدوه ويانا ومنشوف ملك الجمال الى من كثر ما تمدحينة..بس والله لو انة ما كان مثل الى تقولين لاكسر البيت فوق راسج..
              سلامي: خلاص تم...وسارن فوق عند يدتهن لانها كانت راقدة تعبانة من درب بوظبى. دقن الباب ودخلن الغرفة..
              سلامي: يدوه يدوه..
              ام سالم: خير شعندج تباغمن؟؟ عنبوه ما تشوفيني راقدة؟؟
              موزه:هلا يدوه شحالج؟؟والله اشتقتلج؟؟
              ام سالم: الا اقول انت شعندكن ما تشوفنى راقدة بسابع نومي..يايات بس عشان تقولن شحالج يدوه؟ ظهرن ابا ارقد يسد اليوم ما بنرقد .
              موزه: السموحة امايا بس بغيت اقولج ان عمى منصور وصل. الحين عيل مع السلامة والسموحة غثيناج..
              ام سالم من سمعت طاري منصور قامت: فديتة ولدية وينة يعلني ما اخلا منة..جان قلتن جيه من الصبح..
              موزه: نحن بغينا نقولج بس انت ما عطيتينا فرصة..
              ام سالم:اقول بنياتي ساعدني لين ما اقوم وبعدين قودني لين عندة..
              غمزة موزه لسلامي ويلسن يظحكن..
              ام سالم: الا شعندكن تظاحكن. وابوية عليكن..وعلى صوط تبنة كم قتلكن انة البنت عيب تظحك ؟شو يظحكن؟؟
              موزه: هاه؟؟ امايا حليلنا حرام يعنى نظحك؟؟؟
              ام سالم: بعد حق شو تظحكن ؟
              سلامي: اسفين امايا السموحة..
              ام سالم: ودني عند منصور بدال ما يالسات تظاحكن.لا الحين ارقد عليكن بهاي العصا. الله يعينا من بنات اليوم.
              سلامي: قتلج حاسة حد بيهزبنا .الله ينطبج..
              موزه: عادي خطفي مش اول مرة .
              وسارت موزه وسلامة صوب يدتهن وساعدنها .لين ما نزلنها من الطابق الثاني وصلنها باب الصالة..وكل البنات سارن وسلمن على يدتهن لان يدتهن ما سلمت على حد عشان كانت ياية تعبانة من بوظبي وسارت ترقد لين ما يتيمعون وبعدين مرة وحدة بسلم عليهن. وبعدين سارت يدتهن صوب الميلس وياها موزه وسلامة...
              اول شىء دخلت يدتهن وبعدين هن دخلن..
              موزه: سلامي قلبي يدق بسرعة وريولى ما تشلني..
              سلامي: حتى انا ..احس ان حد بيهزبنا اليوم وكلة من تحت راسج..
              موزه: ما يهمنى المهم اريد اشوفة..
              سلامي: يالله دشى بسرعة..
              موزه: لا انتي اول...دشت سلامة اول وبعدين موزه..
              في الميلس .
              ماحد كان موجود غير عمهم منصور وعمهم خليفة .كل الشباب كانو ظاهرين. يعنى خساره ما شافن الى يبون يشوفونة..سارت موزه وسلامة وسلمن على عمهن خليفة ومنصور..وتمن واقفات عند الباب ما هبطن داخل الميلس..عشان بردن داخل خلاص وصلن يدتهن
              موزه: سلامي .سلامي بصوت واطى(
              سلامي: هاه .شو .الله ينطبج .ما حد في الميلس .ما لت على خططج..
              موزه: ما يخصنى ابا اشوف حمد اليوم؟؟؟
              سلامي: ما علية في الطيارة براويج اياه؟؟خيرها في غيرها..
              موزه: ما اريد..بعد كل اللي سويناه عشان نشوفة تقولين في الطيارة..اريد اشوف حمد الحين ما يخصنى؟؟؟. حمد كان واقف وراهن عند الباب لانة توه ياي من برع وسمع كل الى قالنة..ظحك عليهن ورن تيلفون وظهر مرة ثانية .يوم ظهر انتبهت سلامي له .
              سلامي:الله يغربلج .اكوه توه كان ورانا وظهر.. اكيد سمعنا..
              موزه: لا ما اظن ..وبعدين وينة انا ما شفتة؟؟؟
              سلامي:كان ورانا. اكيد سمعنا .
              موزه: لالالا صدقيني ما سمعنا .
              موزه وسلامة:عاد الحين برخصتكم بنسير..
              منصور:وين تبن يلسن ما حد غيري انا وعمكن موجودين يلسن قصرن الدوب ويانا..
              خليفة:سلامي. موزه يلسن وين تبن الا توكن يايات..
              موزه وسلامة:منسير عند البنات .والحريم .منيلس عندهن. نحن يايات بس نوصل يدوه..
              منصور: على راحتكن..
              خليفة مع السلامة..
              موزه وسلامة: مع السلامة..
              وظهرن من الميلس .وهن يمشن صوب البيت. شافت سلامة حمد عند السيارة ويتكلم بتيلفون..
              سلامة: موزوووه .موزووووه اكوه حمد عند السيارة .
              موزه: وينة ؟؟وينة؟؟
              سلامة: شو احوليتى عند سيارتة الرنج يالس يتكلم في تيلفون..
              موزه: عنبوه هب رمسة هاي ؟؟
              سلامي: وانت شعليج؟؟شو شفتيه؟؟
              موزه: هيه اشوفة..بس ما اشوفة بوضوح..الميلس بعيد عن القراجات والقراجات مسكرات يعنى ما كان مفتوح الليتات القراج عشان ينبان حمد بوضوح
              انتبه حمد لسلامي وموزه فزقر سلامة وياشر لها بايدة انا اتية..كان يبى يعرف شو تحت روسهن..
              سلامي: الحقى يالس يزقرنا...يالله منسير عنده.
              موزه: استحى ما بسير عنده .
              سلامة: الحين تستحين؟؟؟
              موزه: لا والله استحى..
              سلامي الحين ما بسيرين ؟عيب يزقرنا تعالى .
              موزه: لا لا استحي سيري انت..
              سلامي: برايج انا بسير والله بتفوتين عليج شوفة؟؟
              موزه: انا ما اتجرا .سيري انت .سيري وانا بترياج هنيه .ويلست موزه في الكراسي الى عند الحديقة..وطالعهم..كان في خاطرها انها اسير عندة بس خانتها جراتها .وحست وكان شىء يمنعها اسير عندة وسلم علية.
              حمد يلس يطالع سلامة والبنت اللي عندها. يقول في خاطرة منو هاي البنت؟ معقولة لو تظهر بنت عمى وانا عنبوه ما اعرف عيال عمومتيه؟ حمد ما شافها بوضوح ولا يلس يدقق في شكلها
              حمد: مرحباااااااااا ملايييييييييييين بالهنود..ههههههه
              سلامي وانها تستحى: لالالالا والله انك ......
              حمد: اني شو ؟؟
              سلامي:.........
              حمد: شحالج سلامة؟ رب بخير؟؟سمعي تراج تنفعين تمثلين ويا الهنود..ههههه
              سلامي: شو تطنز حضرتك؟؟؟زاقرنى من هناك عشان تطنز ؟؟
              حمد:افاااااا الحين انا قلت شىء يزعل؟ وبعدن على ما اضن كل البنات يحبن الهنود وجمالهم صح ولا انا غلطان؟؟
              سلامي سكتت وفي خاطرها تقول انت احلى من الهنود واحلى واحد شفتة .سبحان ربي الى خالقنك..
              حمد: السمووووووحة سلامة ما كان قصدي ازعلج..
              حس بذنب عشان قال جيه لانه يمكن سلامة زعلت ولانة ما يعرفها ويعرف طباعها..
              سلامة:لالالا انا ازعل؟؟؟انا اخر شىء افكر فيه الزعل..الزعل امرة ما ايي صوبي..
              حمد: يعنى انت مش زعلانة؟
              فرح من قالتلة انها مش زعلانة..
              سلامي: الا اقولك .غريبة هالمرة بسير ويانا لندن؟؟
              حمد: ههههه .انا من بونى ما بسير وياكم بس سعيد اخوج طفرنى الا اسير وياكم. وبعدين انا عندي شغل هناك..يعنى ما بيلس وياكم..
              سلامي:لا تقول حراااااام قلت بتيلس ويانا..وبتحوطنا. ومنرمس وياك. ومنتعرف عليك زين ومنطفرك..
              حمد: ههههه .لالالا انا عاد الحواطة ما احبها وخصيصا ويا الحريم...؟؟؟
              سلامي:ليش عاد وشيفيهن الحريم؟؟؟
              حمد:لا فديتج ما فيهن غير العافية بس انهن يوم ياخذن فرة على السوق على الاقل يبالهن 6او 7 ساعات..ولا بعد وايد يتشرطن ويدلعن وبعد يزعلن لو ما وديتهن مكان الى يبنه..ولبيت طلباتهن..
              سلامي: هيه وانت شدراك يوم انك ما تودي حد السوق؟؟؟؟فهمنى؟؟
              حمد: عادي كل واحد يعرف هلمعلومة..
              سلامي:والله انت الى بتخسر ..
              حمد: شو بخسر؟؟؟
              سلامي: بتخسر مرافقتى .وسوالفى..
              حمد: انزين شو رايج اشلج صوب الاماكن السياحية ؟
              سلامي: صدق والله بتشلني؟؟
              حمد: هيه بس بشرط؟؟
              سلامي: شو ؟
              حمد: ما شىء سوق.
              سلامي: خلاص تم. عاد متى بتشلني؟؟
              حمد: والله يوم بتكون عندي فرصة..
              سلامي: يعنى متى؟؟؟
              حمد: انا الصراحة لين الحين ما اعرف متى بكون فاضي..
              سلامي: ليش؟؟
              حمد: انا بسير في طيارة خاصة بس اخوج قالى يباني اسير وياه. ولو سرت وياكم بتاخر. فعشان جيه انا ابا ادق حق السكرتيرة واباها تاخر الاجتماعات .فمن الصبح يالس ويا اخوج اتكلم وياه ما راضى اسكر عنة متفيج يالس يخبرنى عن الى استواله ويا واحد من الربع .
              سلامي بدون حاسية: عشان جيه من الصبح يالس تتكلم وتضحك من الخاطر..
              حمد من سمع سلامي تقول جيه ابتسم..اما سلامي ما عرفت شو تقول او شو اسوي عشان جيه احمرن خدودها..
              حمد: تعالى انت شدراج؟؟؟
              سلامي:.............
              حمد بخبث:انزين ليش انت واختج ادورن علية شو تبن منى ؟؟
              سلامي تقول حد صب عليها ماي بارد ما رامت تتكلم..
              حمد:هههههههه والله سمعتكن صدفة..
              سلامة:.........
              حمد: شو فيج؟؟؟؟
              سلامة: لا ما شىء .بس منصدمة...كيف سمعتنا؟؟
              حمد وهو يظحك: قولى ما شاء الله .
              سلامةبصوت واطى ومنزله راسها: ماشاء الله..
              حمد: لاني يا الذكية كنت وراكن بس انتن كنتن ادورنى وما كنتن منتبهات..
              سلامة وحمرن خدودها وتتلفت يمين ويسار:.........
              حمد: ليش ما يت اختج ما دام تبى تشوفنى وشو تحت راسكن؟؟
              سلامة: هاي مش اختي..
              حمد والله ؟عيل منو؟؟؟
              سلامة: هاي بنت عمى سالم اخت حمدان وسلطان..
              حمد: هييييييه لا تقولين هذيج البنت الى دومها تصيح ودوم عمى كان يشلها وياه وبزية وبعد...
              سلامي: بعد شو؟؟؟؟
              حمد:هههههه لا ماشىء
              سلامي: لا شىء قول..
              حمد يتهرب بنظرات عيونة: لا ماشىء والله
              سلامي: لا بتقول
              حمد غير الموضوع...
              حمد: انزين ما خبرتنى شو تحت راسكن؟؟؟؟
              ما رامت سلامي تتكلم .فغيرت السالفة..
              سلامي: اقول ما مليت الشغل؟؟؟
              حمد:حد يمل حلالة؟؟
              سلامي:قصدي ما مليت حياتك؟؟؟
              حمد:فديت حياتي شو فيها؟؟؟
              سلامي: انت يعنى وايد عايبتنك؟؟
              حمد: هيه..
              سلامي: عايبنك انت تيلس ويا اوراق ومكتب واجتماعات وسفر ؟؟ولا تيلس ويا اهلك حتى ما تعرف شو الى صاير وياهم واخبارهم؟؟؟
              حمد انت عاد مخليتنى ما اعرف عن اهلي امرة؟؟؟ولا ادري بهم؟؟
              سلامي: اوكية يدوه ليش بسير لندن؟؟؟
              حمد ما عرف شو يقول لانة صدق ما يعرف ليش؟؟؟
              سلامة:شفت؟؟؟
              حمد: بس انا هالحياة عايبتنى...
              سلامي: طبعا عايبتنك لانك ما جربت حياة ويا الاهل .وما جربت انك تيلس وياها وسولف وياها وتخليهم شىء اساسي في حياتك..بعدين بتعرف معنى الاهل ومعنى الحياة..
              حمد:............
              سلامي: حمد لا تزعل
              حمد: لا ليش ازعل؟؟؟
              سلامي: بتعرف المعنى اللي اريد اوصلك اياه من هالسفرة .مب انت حتى حمدان ولد عمىسالم مثلك ما يعرف شىء عن اهلة والله اصدق انا في المناسبات بس اشوفة ومرات يوم اليمعة كلة الا مسافر ولا عند يدوه..جنة الشغل عندكم ياخذكم عن اهلكم ولا انكم انتو ما تحبون انكم تيلسون ويا اهلكم ولا انكم انتو ما سكين مراكز عالية وتريدون تثبتون مكانكم وانكم قد المسؤولية ولا عندكم وقت. والحين اخوية سعيد لاحقنكم لانة بعد ابوية يريد يمسكة الشركات. بس انا احس ان السفرة بتغير اشياء في العائلة..
              حمد: كيف؟؟
              سلامي: ما اعرف بس جيه احساسي..
              حمد دق التيلفون عندة شاف الرقم: سلامة السموحة الحين بترخص عندي شوي شغل. سلمى على بنت عمى وان شاء الله بشوفها بعدين وبسلم عليها..
              سلامة السموحة طولت عليك...مع السلامة..
              حمد:اااااافااااااااا والله الصراحة سليتيني..فمان الله..
              سارت سلامة صوب موزه. ويلست ويا موزه في الحديقة .ويلست تخبرها عن الكلام الى قالها لها حمد..
              سلامي: صدق والله سمعنا. ولا وبعد عرف انا كنا نراقبة وانا نحن سرنا الميلس عشان نشوفة..
              موزه: والله...يالفضيحة والله كيف بكون لي ويه اكلمة .والله فشلة .شو بقول عنى ؟
              سلامي:اااااااااه والله يا موزوه اني في خاطري ايلس وياه واتكلم وياه سوالفة ما تمل..
              موزه: هاه ؟سو الى اسمعة؟؟ لا يكون؟؟
              سلامي:حوو لا يسير تفكيرج لبعيد..انا ما احب واحد اكبر منى بتقريبا 4سنين بس والله صدقيني غير عن الناس راعي سوالف وخاطرة طيب.
              موزه: انزين شو بعد قالج؟؟
              سلامي: ما خبرتج؟؟؟
              موزه: شو ؟
              سلامي: قالى بحوطني في لندن...
              موزه: جذابة...
              سلامي: والله بس قالى ماشىء سوق..
              موزه:هههه شليني وياج..
              سلامي: امممممم بفكر..
              موزه وصدة ويها عن سلامة: ويه هالوية خلاص انا بروحي بقولة ما بذل عمري لج..
              سلامي:اقول شو رايج اسيرين وسلمين عليه؟ والله هو يريد يسلم عليج..
              موزه: استحى ما فيني..
              سلامي:ما يفيد بعد الفوت صوت ما دام يالس هنيه يالله خلينا نروح.
              موزه: لالالالالالالالالالالالال الالالالا استحى
              سلامي:صبري..وين سار؟ ويلست ادور علية وبعدين سارت تشوف سيارته ما لقتها ظهر). خسارة سار...شفتى اقولج من الصبح يالله يالله ما سمعين الكلام.
              موزه: اقولج نحن ليش وايد مشتطات علية؟؟
              سلامي: اصدقين صدق ليش؟؟؟
              موزه: اشدراني بج؟؟؟
              سلامي: اصدقين والله الى يشوفة لازم يفكر فية وباخلاقة...
              موزه: الله يعيني منج ومن هلي تدمدحينة..والله في خاطري اشوفة بس ما علية اليوم بشوفة وبشوف هالتمدحينة من الصبح..
              ودخلن موزه وسلامة داخل.. ويلسن في الصالة ويا بنات عمهن..
              نورة(بنت منصور): هلا سلامي وموزوه..وينكن وين سرتن؟؟


              سلامي: الا في الدار. بس سرنا نودي امايا شيخة الميلس عشان تسلم على عمومتية.
              نورة:هيه منو عيل في الميلس؟؟
              موزه: ما حد غير عمى منصور وعمى خليفة...وامايا شيخة..
              نوره:شو رايكن نسير عندهم؟؟؟
              مى وهي تصفح المجلة: ماروم انا تعبانة..
              ويالسة سلامة تطالعها بنص عين ودها تجتلها..
              نورة: شورايكن نسير عندهم؟؟؟
              سلامي وموزه: يالله منسير..
              نوره: شو مي ما بسيرين؟؟؟
              مى نزلت المجلة:لا والله انا بسير الحديقة اتحوط شوي والله ضايج خلقى شوي..
              نوره: برايج عيل نحن منروح الميلس..
              سلامي تقول حق موزه:اكرها هالانسانة وخاطري ادوس في بطنها..
              موزه: ههه حليلها هيه عثرها شو قالت لج؟؟
              سلامي: كل شىء فيها يضيجبى..
              موزه: خلج منها يالله نروح .عيب نورة تتريانا..
              سارت نورة وموزه وسلامة الميلس..عشان نوره تبى اسلم على عمومتها ..وسارت مي الحديقة..
              في بيت حمد
              توه ياي حمد وشاف امة يالسة برع ..وسار ويلس وياها..
              ام حمد: هلا والله بوليدي..
              حمد: هلا امايا اشحالج؟؟
              ام حمد: بخير يعلك الخير..
              حمد: هاه امايا اشوفج اليوم بروحج وين عيل ابوية عنج؟؟
              ام حمد: فديتة سار عند المحامي شي عنده وياه..
              حمد: هيه بسبت الفندق..
              ام حمد: اي فندق هذا بعد؟؟
              حمد: فندق شوية فيه مشاكل بعدة ما بنوه.
              ام حمد: والله يا وليدي وانا اشدراني بهشغلة؟؟
              حمد:هههههه والله فاكة راسج من الويع..
              ام حمد: الا اقولك ؟؟
              حمد: هلا امايا ؟
              ام حمد: هاه متى بتروحون لندن؟؟
              حمد: الحين بعد شوي..
              ام حمد: الله يحفظكم..
              حمد: عاد الحين تامرين بشىء ؟
              ام حمد: سلامتك . احفظ عمرك ولا تنسى ادق تيلفون..
              حمد: ههههه فالج طيب..
              ام حمد: هب تظحك تراني ايلس احاتي لا تنسي..
              حمد: ما يهمج...عاد الحين بروح اجهز الشنطنه.سلمى على ابوية وايد وايد.وقوليلة ان شاء الله بدقلة اليوم فليل خليه يترياني اريدة ضروري.
              ام حمد: ان شاء الله ....برايك عيل الله يحفظك..
              وحب حمد راس امه وسار صوب الفلة عشان برتب شنطتة..وشل شنطتة وسار الشركة لانة نسى بعض الاوراق لازم يشلهن وياه لندن.. ويراجعهن..
              في بيت عمهم خليفة..
              سارن البنات صوب الميلس عشان ايلسن ويا عمهن خليفة وعمهن منصور ويدتهن..
              منصور اقول سلامة انت في اي صف؟؟
              سلامة: عمى شو هذا ليش تصغرنى؟؟انا الحين بسير الجامعة..
              منصور: مشاء الله .والله وكبرتى..وانت موزه؟؟
              موزه: عمى انا مثلها بسير الجامعة...
              منصور: وحليلكن يابنات اخوية والله انكن كبرتن..والله احيد موزه يوم كانت صغيرة امرة ما تفارق ابوها ولا عندها مونة كلة الا الصيح كانت معذبتنة ولا بعد بزية....ههههه
              موزه: حليلى عمى .صدق كنت جيه؟؟
              ام سالم: يالله كيف كنتي امرة ما سكرينة ثمج .
              موزه وهي مستحية: حليلى..
              سلامي: عاد انا كنت وايد مؤدبة..
              خليفة:ههههه وين مؤدبة؟ مرة احيد ياينكم الظحى والا حرمة يرانكم ياية تهاد. تعرفين ليش؟؟
              سلامي وهي واثقة من نفسها: ليش؟؟
              خليفة: لا سلامتج بس فالعة ولدها..
              وكلهم ناقعين يظحكون عليها..
              سلامي: والله عمى يوم الواحد الى ما فيه ادب منادبة....ههه
              خليفة: ههههه الله يعين وانت تادبين ؟؟ انتي تكسرين..
              ام سالم: تذكرها خليفة يوم شردة من المدرسة يوم كانت في الروضة وسارت بيت يرانهم اونها مندسة من اهلها؟ هههه
              خليفة:ههههههه هيه اذكرها.اسمينا ما خلينا مكان ما دورناها فيه...
              موزه:عمى بس عاد حليللللللللللللى..
              خليفة:وين حليلج..ماكنتي محطية حد في حاله حتى انا ما سلمت .تذكرين يوم كسرتى جامة سيارتى؟؟
              ام سالم: زين بوك يوم سلمت انت ذيج المرة..
              نوره: وانا؟؟
              منصور:فديتج عاد انت شيختهن البنات.
              نوره وهي مستحية: شكراااا. وتغايض موزه وسلامة...
              موزه وسلامة وهن معصبات: وش معناااااااااا؟؟؟
              منصور وهو يظحك: لا كلكن ما فيكن شىء ينعق عليك. انتن شيخات البنات .
              خليفة: فديتهن بنات اخوية بعد يتغلن حليلهن..
              ام سالم:خليفة..
              خليفة: عونج؟؟
              ام سالم:عانك الله ..سرت العزبة ؟
              خليفة:هيه امايا.
              ام سالم: شخبارهن بقري؟؟
              خليفة: اسرج حالهن..
              ويلسو يسولفون في العزب وفي الهوش والبوش .
              موزه وسلامة نحن منترخص عشان انساعدهم جان يبون شىء..
              وهن ظاهرات من الميلس شافن مي يالس في الكراسي الى عدال القراجات وكان يالس وياها سلطان...
              سلامي: خاااااااااااامة عنلاتها .ولله الا بصفعها..
              موزه وهي تمسكها من كندورتها..
              موزه: حوووووووووو وين تبين؟؟ شو تخبلتى؟؟
              سلامي وهي ميتة من الضيجة ليش سلطان يالس وياها؟؟؟
              موزه: يمكن شافها يالسة بروحها ويلس وياها .
              سلامي: لا والله..هيه من بونها اسويله حركات .والله الا براويها. ما حد غير سلطان في هدنيا..
              موزه: سلامي عن الفضايح .الهبلة..والله تراه سعيد ومحمد بجتلونج .عن الخبال.
              سلامي:والله الا براويها..واسمنها ما بتنسا هاليوم ..ولا بتنسى الى بسويلها اياه..وسير عن موزه وموزه وراها..
              موزه: الله يغربلج تراج بتفضحينا ما فيني على المشاكل.
              سلامي: خووووووووووزي .بس شوفي شو بسوي؟؟
              شو بسوي سلامة؟؟؟؟وموزه شو بكون حالها؟؟؟؟

              الجزء السابع
              سلامي:والله الا براويها .واسمنها ما بتنسا هاليوم ..ولا بتنسى الى بسويلها اياه. وسير عن موزه وموزه وراها..
              موزه: الله يغربلج تراج بتفضحينا ما فيني على المشاكل..
              سلامي: خووووووووووزي .بس شوفي شو بسوي؟؟؟
              وسير سلامي عند فوز الماي الى يغسلون فيه السيارات وتندس ورا وحدة من السيارات وترشهم بالمااااااي..وربعت هي وموزه لين المطبخ لان المطبخ عدال القراجات. الحبيبة اونها ما سوت شىء..
              سلامي: هههههههههه والله بموت من الظحك .هههههه
              موزه:ههههههههههه والله انج ما تنغلبين...ههههه
              سلامي: شفتى شقايل صرخت؟؟؟
              موزه:ههههههه ..والله حرام عليج..
              سلامي ويالسة توايج من الدريشة: سكتى سلطان ياي المطبخ..
              موزه: الله يغربلج والله لو عرف انج انتي الى رشتيهم بالماي لبياكلج..
              دخل سلطان المطبخ الله ينطب الى رشنى بالماي .يعلة ان شاء الله حمى ما يثور منها.
              موزه:هههههههه هاه سلطان شو عندك اشوفك متخرس ماي من وين ياااااي؟؟
              سلطان ما من بقعة بس في ناس قليلين الادب رشونى انا ومي بالمياي..
              موزه وهي تظحك: عاد منو هالمتفيج الى برشكم؟؟؟
              سلطان ويصد صوب موزه: واااايدين .
              ويخز سلامة بعين ويظهر من المطبخ..وهو معصب..والله الا بتشوف ما راويتها نيوم الظهيرة ما اكون سلطان ولد سالم .وخليتها شقايل تحترم الرياييل..حشة هالحريم ما يتفاهمن..الله يعيني .عاد انا سمعت عن الغيرة بس مب جيه اما خليتها اتيني وتخبرنى عن كل اللي في قلبها .ما اكون سلطان ولد سالم...
              سلامي هي خايفة: خيييييييييييييييي يييبة اصدقين عرف اني انا اللي رشيتهم ؟
              موزه: دواج يوم قتلج ما سمعين الكلام..
              سلامي: الحين انا شو اسوي؟؟؟
              موزه: لا سوين شىء بس خلى عمرج كانج ما سويتى شىء..
              سلامي:هزرج؟؟
              موزه: هيه .عيل شو تبين اسوين ؟؟
              سلامي: ما ادرى؟؟
              موزه: مثل ما قتلج سوي وبس .والحين يالله خلينا نروح داخل..
              وسارت موزه وسلامة داخل ويلسن ويا امهاتن لين العشى..والحين بقي ساعة ونص عن الطيارة والكل مرتبش وشلو القشار في السيارات .
              ام سالم: موزه..موزه..
              موزه: هلا امايا .
              ام سالم:وين اخوانج وعيال عمج؟؟
              موزه: والله ما ادري عنهم ؟هم من الظهر ما حد..
              ام سالم: وحمد وينة؟؟
              موزه:والله ما ادري به؟؟
              ام سالم:تعالى دقي حقهم وقوليلهم ايون متى منروح ما بقي شىء؟؟
              موزه:يدوه انا ما اعرف غير ارقام اخواني .
              ام سالم: انزين ساليهم كم ارقام عيال عمج..قوليلهم انا اسال عنهم..ياله بسرعة..
              موزه: ان شاء الله..
              ظهرت موزه من عند يدتها وسارت عند سلامة .
              موزه: هاه شو سوين؟؟
              سلامي: بعد شو اتريا الساعة تخطف عشان نسير الطيارة..
              موزه:تبين تكلمين سلطان؟؟؟
              سلامي تفز من سمعة طاري سلطان: هيه كيف؟؟
              موزه: انتي تبين ولا لا؟؟
              سلامي: هيه اكيد..
              موزه:امايا شيخة قالتلى اسير ادق حق عيال عمى واقولهم ايون بسرعة...
              سلامي صدق والله..
              موزه:هيه .
              سلامي: يالله بسرعة..
              موزه:شو بتعطيني؟؟؟؟؟
              سلامي:طلبى الى تبينة يالله الحين هبابنا......
              موزه: يالله نروح غرفتج...
              سلامي صدق والله عن تسمعنا مسودة الوية..
              موزه: خييييييييييبة .حليلها
              سلامي: حلها حلول..
              موزه: هههههههه الله يعينها..
              وسارت موزه وسلامي صوب غرفتها عشان يكلمون الشباب وايون بسرعة لانهم تاخرو..
              في مركز الفردان..
              يالسين الشباب كلهم في الكوفي....يسولفون .ودق تيلفون سعيد..
              حمدان: مرحباااااااا
              موزه: مرحباا..
              حمدان:هلا خير ؟
              موزه: اقول اخوي تقولك امايا شيخة متى بتون لانة ما بقي غير ساعة وربع عن الطيارة.
              حمدان وهو يشهق:خييييييييييييي ييييييييييييبة..
              موزه: خير شو فيك؟؟؟
              حمدان:يالله ياي باااااااااااااااا ااي ..وسكر من عند موزه..
              حمدان: الله ينطبكم شوفو الوقت..
              سعيد: خيبة ..ماشىء وقت .
              محمد: عنبوه بقي ساعة وربع..
              سعيد: لا والله ماشىء وقت لين الاجراءات ولين ما نسير يبالنا وقت وبعدين مش نحن بروحنا الاهل ويانا.........يالله وبعدين العيوز محتشره..
              محمد: الله يعينا من العيوز..
              حمدان: حوووووو حليلها ..والله ما حد بياكلها غيرك؟؟
              سعيد: يالله كملو سالفتكم بعدين في السيارة الحين يالله..
              ظهرو من المركز سايرين صوب البيت .
              موزه: الحين يا الحلوه دقي حق سلطان وقوليلة..
              سلامة: يالله بسرعة ما اروم اتريا...وشلت التيلفون من عند موزه ودقت حق سلطان...
              سلطان: مرحبااا .ملايين
              سلامة: مرحباا
              سلطان من سمع صوت سلامة سكت:........
              سلامة: سلطاااااااان
              سلطان: خير .شعندج؟؟؟
              سلامة: شو فيك بسم الله ؟؟
              سلطان: سلامتج ..ليش ما تعرفين؟؟
              سلامة تغير صوتها: لا ما اعرف؟؟
              سلطان: بس حركتج واااااااااااااايد بايخة تعرفين هالشىء؟؟
              سلامة ما رامت تتكلم استحت منة ولا تعرف كيف ترد ...........
              سلطان: هاه اشوفج ما تكلمتى؟ لانج تعرفين انج غلطانة.وعيب الى سوينة ببنت عمج
              سلامة وبدة تصيح من كلام سلطان: السموحة. وسيدة قالتلة انه يدتة تباه لانه ما شىء وقت وسكرت التيلفون حتى مع السلامة ما قلت له..يلس متلوم على الكلام الى قاله لها واتمنى انة ما قالة وتمنى انة يموت الف مرة على انه يسمعها يوم تصيح. الحين ما ينفع اكلمها بس لازم اكلمها وتاسف منها..
              ويلست تصيح عند موزه...وخبرتها شو قالها..
              موزه: قتلج يا سلامة الله يسامحج بس انتي ما سمعتى الشور..هذيلة ما حد يعطيهم ويه..
              سلامة:ليش هو ما يحس؟؟؟
              موزه:شوفي الشباب من بونهم ما يحسون بلى يحبونهم..والله لو كنت مكانج اني ما حفلتة وبتشوفين انة برد لج. سمعي الحين شو بقولج ومرة وحدة سوي اللي اقولج وصدقيني ما بتندمين..
              سلامة: شو؟؟؟
              موزه: الحين منسافر صح؟؟؟اباج ما تعطينة ويه امرة .ويوم تشوفينة كانه مش موجود. وبعدين خلى عمرج مش مهتمة له..يعنى حقريه .وما اكون موزه بنت سالم ما تاسف عن كل كلمة قالها..ويلست تخبرها شو سوي ..
              سلامة: خلاص تم..
              موزه: وووووووووووه نسيت حمد ما دقيناله..
              سلامة: انا عندي رقمة .وتروح وظهرت تيلفونها .وعطتها الرقم .
              موزه: واااااااااااو رقمة وايد حلو..
              سلامة: لازم هذا حمد..
              موزه:هههههه والله متفيجة..ودقت حق حمد بس ما يشلة .وبعد شوي دقت حقة مرة ثانية..
              حمد: مرحباا .
              موزه لسانها انقبض ما رامت تتكلم لانها اول مرة تكلمة:...........
              حمد: انا ما عندي وقت حق السخافات ؟؟منو وياي؟؟
              موزه من سمعت الى قاله ما رامت تتكلم وزاغت ................
              حمد: سيري لعبى باااااااااااااااي..
              موزه بسرعة: حمد..حمد..
              حمد:هاه شو الحين تكلمتى ؟خير شو تبين؟؟
              موزه: عنبوه انت ليش جيه تكلم الناس؟؟
              حمد:وانت منو تكونين عشان تعلميني كيف اتكلم؟؟
              موزه بصوت حزين: السموحة اخوي بس بغيت اقولك ان يدوه تقولك تعال بسرعة عشان نحن منروح..
              حمد من سمع الكلام الى قالتة ما قدر يتكلم هاي وحدة من بنات عمى:........
              موزة: السموحة مرة ثانية اخوي مع السلامة..
              حمد: صبري .صبري. السموحة ما عرفتج منو انتي؟؟؟
              موزه: ما في داعي . مع السلامة...
              حمد يرد عليها بسرعة: اكيد انتي موزه؟؟؟ماحد غير موزه خطرت في باله
              موزه من سمعت انه عرفها وقف قلبها ما رامت ترد:..........
              حمد: السموحة موزه والله اني بروحي مضايج عشان اني ما خلصت وظهرتلى مشكلة من شوي..السموحة..
              موزه: لا عادي .انا اسفة عشان ما رديت من الاول الحين السموحة لاني غثيتك مع السلامة..
              حمد: لا انا اسف السموحة .
              موزه: ما في داعي للاسف مع السلامة..
              حمد ما رام يطول المكالمة حس انها وايد اضايقت من كلامة: عيل مع السلامة..
              يلس حمد متلوم على الكلام الى قاله. بس قال يوم بشوفها بيتاسف منها..اما هيه وايد خذت في خاطرها من حمد لانها اول مرة تتعامل وياه وتتكلم وياه وكيف كلمها..
              موزه: في وحدة تقول ان حمد..واااايد طيب وراعي سوالف...زين بوج ما ظربنى.
              سلامة:الحين اقولج كل الرياييل نفس الطينة الله ينطبهم..
              موزه: يعلني بلاهم..
              سلامة: خلينا نروح ابرك لنا من الرمسة عنهم...والله ما يستاهلون..
              نزلن تحت ويلسن شوي ويا بنات عمهن وحريم عمومتهن ويدتهن وشوية كل الشباب يو البيت
              سارت موزه وسلامة يلبسن عبيهن .وسارت موزه وامها وسلطان في سيارة..وسعيد وسلامي وامها في سيارة..وعمهم منصور ومي ونورة وسارة وامهن في سيارة .اما يدتهم يلست تتريا حمد لين ما ايي لانة شوية بطى..وبعد شوية ياه حمد ولحقهم..
              في المطار..
              كلهم سبقو حمد ويدته .
              حمد: امايا شيخة يالله .بسرعة..
              ام سالم: شو تبى تطيرنى؟ وبعدين ما حد قالت تتاخر؟؟؟
              حمد: امايا عاد الحين ما يفيد اللوم..
              ام سالم حشة ابوك هب مطار هذا عيزت..
              حمد: هههههه عاد الى يسمع جنج تمشين؟؟
              ام سالم: حتى لو ما امشى بوك الدرب بعيد..
              حمد: امايا يالله نزلى .
              ام سالم: هاه وين؟؟
              حمد: يالله الحين بسوي الاجرائات وندش الطيارة.
              ام سالم: ماوره عليهم..
              حمد: ههههه . امايا ليش ما تعودتى ؟
              ام سالم: والله لو مش الحاية جان ما شبرت بلادهم.من حلاتها .يحافظ دار بوخليفة اسمنها ما تتعوض
              حمد: صدقج والله..انزين امايا يلسى وانا الحين بخلص ومنروح..
              ام سالم: انزين فديتك.
              وخلص حمد كل الاجرائات وركبو الطيارة.
              في الطيارة..
              دخل حمد ويدته في الدرجة الاولى ولقى سعيد واهلة كلهم. اما بنات عمهم كلهن يلسن في درجة الاولى ما عدا موزه وسلامة عشان سلامة ما تحب تقابل بنت عمها مي طول الدرب وعشان بعد تريد تاخذ راحتها ويلسن وياهن شمة وسارة في الدرجة البزنس. اما حمدان ومحمد تاخرو ا لان ظهر لهم شغل مستعجل ما قدرو ياجلونة فتاخرو وبلحقونهم باجر .
              ام سالم:حمد.. حمد؟؟
              حمد: هلا امايا..
              ام سالم: وينهم اهلك؟؟؟
              حمد: امايا كلهم هنية بس محمد وحمدان ما يو باجر بلحقونا..
              ام سالم: شعنه؟؟؟
              حمد: والله امايا ما ادري؟ قالى سعيد عندهم شغل..
              ام سالم: حليلهم .الله يحفظهم..
              حمد: امايا الحين منطير..
              ام سالم وتحطى صبوعها على اذنيها ولدية سو شراتي..
              حمد:ههههه ليش بعد اسوي جيه؟؟؟
              ام سالم: عشان اذنك ما تنصم..
              حمد: هههه امايا انا اكل البان..
              ام سالم: انت شعليك من البان سو الى اقوله لك وبس..
              حمد: ههههه فالج طيب..ويسوى مثلها. وبعد شوي خلاص هم في الجو فبطل الحزامه وحزام يدتة..
              ام سالم: ولدية..
              حمد: هلا..
              ام سالم: ما تبى ترقد؟؟
              حمد: لا امايا انا الحين اريد ادور سعيد عشان عندي شغل وياه واريد اخلصة قبل ما نوصل .
              ام سالم: الله يعينك..
              حمد: تامرين بشى امايا؟؟
              ام سالم: سلامتك..
              وكان عمة منصور وسلطان عدالة .
              حمد: اقول عمى وين سعيد؟؟
              منصور: والله ما ادريبة يمكن سار ورى..
              سلطان:حمد يمكن بتلقاه في اخر كراسي مال الدرجة الاولى..
              حمد: مشكور.. شو فو امايا لو تبى حالية انا عند سعيد زقرونى..
              منصور: لا تحاتي انا موجود..
              حمد: مشكور عمى..
              سار حمد عند ولد عمة سعيد..كان يالس بروحة والكرسي الى عدالة فاضي. فشافة يشتغل على الابتوب فسار حمد وياب الابتوب مالة عشان يشتغل وياه..
              حمد: ماء شاء الله على الشغل..
              سعيد: لا تطنز والله عندي وايد شغل ما خلصتة .
              حمد: ليش ما مخلنه لين الحين؟؟؟
              سعيد: يوم عندي هالغبية شو تبى اسوي؟؟
              حمد:ههههه وانا من متى اقولك تغيرها؟ حرام عليك عيوز شو تباها؟؟
              سعيد: والله انا ابا اغيرها الا ما عندي حد غيرها..ولو تيب وحدة بتيلس سنة لين ما تكون سكرتيرة على حسب ما تباها..
              حمد: دور وبتحصل .
              سعيد: ما فيني على التدوير..
              حمد: والله كيفك
              سعيد: وانت اشوفك بعد يايب كمبيوترك هاه ما من شر؟؟
              حمد: عيل شو تبى ايلس اقابلك عندي شغل..
              سعيد: هههه ليش ما مخلنا لين الحين؟؟؟
              حمد: يالذكى انا كل الشغلى مخلصنة بس الحين اجيك على الملفات وعندي شوية مشاكل اريد احلها بس..
              سعيد: حمد شو سويت في الاسهم ؟
              حمد: اي اسهم ؟
              ويلسو يتكلمون في الشغل والاسهم والبورصة والشركات .وشوية ويلاحظ سعيد حد يندس بين الكراسي ويوايج علية ويشرد. سعيد طنش وبعد شوية يلاحظ ان حد يراقبة بين الكراسي وشكلها بنت صغيرة ولا بعد مب وحدة ثنتين. طنش. والبنت بعدها ما سارت توايج علية من كل صوب وتضحك وتربع في الممر .وياها بنت صغيرة ويالسات يتراوغن في الطيارة..وتى صوب سعيد وسوى حركات بويها وبشعرها .
              سعيد: حمد .حمد..
              حمد: خييييييير؟؟؟
              سعيد:تلاحظ هابنتين الى يالسات يوايجن علية؟؟
              حمد:هيه. هذيلة يهال يعنى ما يحبون يلسون في مكان واحد لازم يتحركون..
              سعيد: خلاص بوك ما حد يقولك كمل شغلك...
              حمد: لا انا تعبت ابا ارقد شوي
              سعيد: والله حتى انا ياني رقاد.

              من مواضيع ام سلوم :


            • #11
              صورة ام سلوم
              ام سلوم غير متصل صعب اننا نوصفه
              تاريخ التسجيل
              Nov 2004
              الدولة
              احلى مكان في الدنيا (( الرياض ))
              العمر
              24
              المشاركات
              6,010
              Thanks
              0
              شكر 0 مرات في 0 مشاركات
              [align=center]ورقد سعيد وحمد. وبعد شوي يحس سعيد شىء يلعب بعيونة وبويه وبشعرة بس من العيازة ما فيه خاطر يفج عيونة. وبعدين تكرر نفس الشىء حد يلعب بويه وبعيونة وبشعرة ويضحك. ففج عيونة بسرعة وشاف بنت يالسة تلعب بوية .
              سعيد وهو فاز: حمد..حمد. ويقوم حمد وهو زايق..
              حمد: خيييييييييييييييي ر شعندك؟؟؟
              سعيد: شوف ؟؟
              حمد وهو يشوف يدور منو الى ياهم خييييييييييييييبه هاي شو يايبنها عندنا ؟
              سعيد: شدراني جنها تتبعنا عثرها هي البنت الى تناقز في الطيارة وشالتنها على راسها؟
              شمة: بااااااااااااااابا اااااااااااااااتي وهي تضحك..
              حمد: هههههه والله انها متفيجة..ويلس حمد يدقق عليها. اقول سعيد مش هاي بنت العين مول؟؟
              سعيد: اشوف صدق والله .مب هاي شمة؟؟
              حمد: سبحان الله شو هالصدفة؟؟
              سعيد: الحين هاي شو تبى منى ما يسد ما خلتنا نتهنا في العين مول من حشرتها؟
              شمة: اريد العب وياك. وتيلس في ثبان سعيد..
              سعيد: والله انج متفيجة .ولا وبعدها مصرة على اني ابوها..
              حمد: هههه حليلها. تعالى عندي انا بلعب وياج..
              شمة: انت بتلعب وياي؟؟
              حمد: هيه
              شمة: وبتلعب ويا سارة؟؟
              حمد: هيه بلعب ويا سارة .
              سعيد: حوووووو ما فينا على الصدعة. قوم بوديهن عند المضيفة وبخليها توديهن عند اهلهن جنة اهلن دوم راغديهن عند الناس شو هالبلشة انا ما ناقصنى مشاكل الى عندي يكفنيني..
              حمد يلس يفكر الحين لو سعيد وداهن عند اهلن ما بشوف الى تمت تتنازع ولا عطتة فرصة عشان يفهمها ولا بعد ما بقدر يكلمها ويقولها الى استوى في العين مول..وبعد يريد يعرف منو هاي عشا جيه بيلس وياهن واكيد هيه بتى..
              حمد: خلهن انا بلعب وياهن..اريد اعرف البنت الى شلتها من عندي يوم كنا في العين مول اكيد هيه وياهن.
              سعيد: اقولك شكل هالبنات من عرب وقبايل مش من نوع البنات الى نعرفهن لا سوي حق عمرك مشاكل نحن غنى عنها؟
              حمد: انزين انا شو قلت عشان تقول هالكلام؟؟
              سعيد: تراك ما تقول تبى تعرف البنت الى كانت وياها ؟
              حمد: هيه.بس مش الى في بالك..
              سعيد: سير انا ما يخصنى فيك.تراك ادور المشاكل..
              شلهن حمد وسار عند الكراسي الى عدال سعيد..
              يلس حمد في الكرسي ويلس شمة في الكرسي الى عدالة وسارة بعد. وسعيد يالس يطالعهم
              سعيد: انا الحين ما برقد عشان اريد اشوف شكلك يوم بهزبونك.....هههههه
              حمد ويصد عنه: شمة اقولج تعرفين اللي يالس هناك ليش ما يريد يلعب وياج..ويطالع سعيد..
              شمة: ليش ؟؟
              حمد:هههههه اخبرها؟؟
              سعيد: شو عندك خبرها يا مسود الويه..
              حمد: انا مسود الويه ما علية ما خليتك تندم على هالكلمة وتثمن الكلام الى تقولة..
              سعيد: يعنى شو بسوي؟؟
              حمد وهو يصاصر شمة: شمة سيري عند المضيفة وقليلها انج تبين جاي وبعدين جبيه على سعيد...انزين..
              شمة وهي تظحك وطالع سعيد: انزين.. وسارت
              سعيد: هاه اشوفك مطرش البنت وين تباها اسير؟؟؟
              حمد: عند امها عشان تهزبك..هههههه
              سعيد: تخسي لهيه .
              حمد: هههههه ما عليه منشوف!!
              وبعد شوية سوت شمة الى طلب منها حمد وعصب سعيد من حمد ويلس يتحرطم عليه وشردت شمة عند حمد وهم ناقعين من الظحك علية..
              سعيد: ما عليه والله بس مش منك ؟والله الا بتندم..الا حشمة الناس الموجودين ولا والله لادوس في بطنك وادبك..
              حمد:هههههههه روح لا .سير الحمام تغسل شو هذا ؟عنبوه ريال ما يعرف كيف يشرب جاي والله فشلة.وبعدين انت ما قلت انك مليت؟؟
              سعيد: ما عليه ما خليتك تتفشل بتشوف. ما علية والله الا بتندم على هالحركة..
              وسار سعيد الحمام .وحمد يلس يظحك علية...والناس الى في الطيارة مستغربين من حركاتهم هذيلة كبار جيه يسون؟ اليهال عيل شو يسون؟ خلى حمد عمرة ولا كانة مسوي شىء ويلس يكلم شمة.
              حمد: شمة ما قلتيلى انتي ويا منو ياية؟؟؟
              شمة انا وسارة بس..
              حمد: والله وامج وابوج ليش مش وياج؟؟
              شمة: ابوة ما حد في الحمام. وامايا اكيه جدام... وتاشر على جدام..
              حمد: هههههه هذا مش ابوج هذا سعيد..
              شمة وهي معصبة: لا هذا ابوي..
              يلس حمد متغرب منها ليش هيه مصرة على ان سعيد هو ابوها .حمد ما يعرف ان شمة هي بنت عمة وان ابوها يشبة سعيد. وشمة بعد ما تعرف هالشي ولا بعد سعيد..بس الاولاد يعرفون عيال عمهم والبنات يعرفن بنات عمهم..بس الاولاد ما يعرفون بنات عمهم لانهم نسوهن من زمان ما شافوهن يعنى يوم كانو صغار..والحين يوم كبرو اكيد تغيرو. وهم ما يلسون في البيت ولا ايلسون ويا اهلهم عشان يعرفون عنهم اللهم سلام..ولا في المناسبات. كله الا برع ولا عند ربعهم ولا في الشغل ومخلين البيت بس مثل الفندق هذا لو كانو في البلاد ما مسافرين كل حياتهم سفر وبرى .اااااااااه يا الدنيا شو هلعيشة الى عايشينها بس هم وااايد عايبنهم هالستايل ومرتاحين فيه..خصيصا حمد
              حمد: خلا ص سعيد ابوج..
              شمة: ليش انت تظارب ويا ابوية؟؟
              حمد: لا انا بس احب اعصبة .نحن ما نظارب نحن عيال عم..
              شمة: انت ويا منو ياي ؟
              حمد: انا ويا على قولتج ابوج وعيال عمى وعموتى .
              شمة: وين ماماتك وباباتك؟؟
              حمد: في دبي
              شمة: ليش ما ايون وياك؟؟
              حمد: ما يريدون ايون وياي..
              شمة: انا باباتي وماماتي كلهم هنه ........وتظحك..
              حمد: شمة بقولج يوم لقيناج في العين مول وبعدين سرتى عند اهلج ومنو البنت الى شلتج من عندي؟؟
              شمة يلست تفكر وتلعب بشعرها: هييييييييييه هاذيج اختي موزوه..
              حمد:امممممم انزين هيه وياج في الطيارة؟؟
              شمة هيه وياي وتاشر على درجة البزنس..
              حمد ويطالع سارة: انزين هاي اختج؟؟
              شمة: لا هذي بنت عمى اسمها سارة..
              حمد ويبوس سارة: هيه فديتها حلوة..
              شمة: وانا ليش ما تبوسنى؟
              حمد: ههههه .وباس شمة على يبهتها..
              حمد: شمة يالله بوديج عند موزه .
              شمة: ما اريد..
              حمد: ليش؟؟
              شمة: هيه الحين يالسة تشوف فلم هندي ويا بنت عمى سلامة ما تيلس تسولف وياي..بس يالسة تصيح هي وسلامي بنت عمى .
              حمد:هههههههههه ليش؟؟؟؟
              شمة:عشان الهندية شلو عنها الهندي..هذا الى قالته لي موزه..
              حمد:ههههه انزين ليش ما تشوفين وياهن؟؟
              شمة: ما احب الهنود ولا احب اشوف التلفزيزن احب العب..
              ونقزت من الكرسي
              حمد: الحين انا بوديج عند اختج يمكن الحين يالسات مندمجات بالفلم ويوم بخلص بلعبن وبسولف وياكن لو ما يلسن وياكن تعالن عندي..خلاص شو قلتن؟؟..عاد الحين يالله قومن.
              وسار حمد صوب موزه يريد يرد شمة وبنت عمها. وهو ما يعرف ليش اصلا ساير عند موزه ما يعرف شو اللي بقولها؟ ما يعرف ليش هالبنت جذبتة ويريد يكلمها يمكن عشان انها ظلمتة في العين مول؟ ولا يمكن .؟ ولا يمكن؟؟؟
              الحين شو رايكم شو بسوي حمد؟؟؟ موزه بتعرفة ولا لا؟؟؟

              الجزء الثامن
              موزه يلست وتصفح المجلة لان فلم الهندي خلص. وبعد شوي شافت ريال يقود شمة لين عندها. بس كان شكلة مواطن. ما التفتت لة ولا عطتة سالفة يلست تكمل قراية المجلة وحطت المجلة على ويها عشان ما فيها تتغشى .
              موزه: خبية هذا شو يايبنة الحين الله ينطبج ياسلامة ما ساحلج سيرت الحمام الا الحين؟؟
              حمد:سلام عليكم..
              موزه عطتة بولباس ولا كانها تسمعة..:........
              حمد: الشيخة هالبنت يت عندنا ويلست ويانا وبطت عندنا وقلت بوصلها عند اهلها لا يحاتونها..
              موزه يالسة تجلب المجلة ولا عاطتنة سالفة ولا كلفتة على عمرها انها ترفع راسها وتكلمة: اوكية مشكور الشيخ ما قصرت..وقالتله بدون نفس .
              حمد استغرب من تصرفها وهالانسانة ليش تكلمة جيه وكانه بشكارها .تمالك اعصابة وسكت عنها ولا تكلم ولا قال شىء وتندم على انة يا عندها وكلمها..عنبوه انا ما سويت شىء اكلمها باحترام ليش ما تكلمني باحترام حتى ما رامت تشل المجلة عن ويها كانها ما تريد تشوفنى جيه شو انا هالكثر ازيغ الناس..الا هالاشكال ما تنعطى وية..انا صدق غلطان ولا شباها وشو الى مسيرنى عندها؟ يعل العين ما تشوفها ولا تنظرها .وسار حمد ويلس سارة وشمة في كراسيهن..وباسهن على روسهن .
              حمد: يالله سمعن كلام ولا سون حشرة..
              شمة: حمد ايلس ويانا..نريد نيلس وياك ونلعب .
              حمد: ما اقدر يمكن اهلكم ما يعيبهم زين ما ظربونا يوم كنا نكلمهم .
              كان يسمع موزه هالكلام بس موزه ما سمعتة وبعدها يالسة مندمجة في المجلة..
              شمة لا انا بقول حق موزه تخلينا نلعب وياك..
              حمد: لا ابوية ما فيني على ويع الراس شكلها ما بتخليكن
              شمة: اريد ايلس ويا باباتي..
              حمد: يا بنت الحلال قلنالج هذا مش ابوج .
              شمة: لالالالالالالالا هذا ابوية..
              حمد: خلاص ابوج .كلة ولا زعل شمة الحلوه..الحين مع السلامة بااااااااي...
              شمة وتحظن حمد بقو: انا واااااايد احبك.
              حمد: حتى انا واااااااااااايد احبج..الحين مع السلامة
              وسار حمد ويلس في كرسه..
              يلست موزه تفكر وين سارت سلامة. اكيد سارت عند امها ولا سارت عند حد ..وشويه ولا انها متبادية صوبها..
              موزه: وينج ؟ حشة مب حمام هذا؟؟
              سلامي وويها احمر: لو تعرفين شو اشتوي؟؟
              موزه شو؟؟؟
              سلامي: سلطان كلمني..
              موزه: والله ؟!
              سلامي: هيه والله .
              موزه:كيف كلمج؟ ووين لقيتية؟؟
              سلامي:كنت سايرة عند امايا وكان عدالها سلطان والكرسي عدالة ما حد فيه فقالتلى امايا يلسى في الكرسي الفاضي..
              موزه:اقول جيه انتو مخلين الطيارة للقائات؟؟عنبوه يلسو؟؟
              سلامي: اووووووه جب سمعي..
              موزه: هههههههههه..اوكية كملى..
              سلامي:انزين فانا مخلية نفسي ولا كان سلطان عدالى وخليت عمري ولا كاني اشوفة ولا مهتمة له .بس شو اقولج؟؟. ويلست امايا تقولى عن يدوه تباني انا وياج انسير وياها في المطار ونيلس وياها لان حمد وسعيد بسيرون يخلصون الاجراءات وتباني انا وياج يوم مننزل انسير عندها ونساعدها على نزلت الطيارة والمطار. وبعدين يوم خلصت امايا .قلت حق امايا اني بسير برد مكاني لان ما حد عندج. وفجاه ولا سلطان ماسك ايدي انا ما قدرت اتحرك قلبي تم يدق بقوة..الحمد لله امايا ما انتبهت. انزين خليت عمري اني ما اريد ايلس وياه واني اريد اسير فمطيت ايدي عنة. ولا اني مهتمه لة ولا شىء..
              سلطان:سلامة وين تبين يلسى وياي .
              يلست اطالعة بنظره..
              سلطان: يعنى لو تسمحين بغيتج بكلمة راس..
              سلامة وهي تعدل شيلتها: خيير شو عندك؟ انا ما عندي وقت
              سلطان: ليش انتي تعامليني جيه؟؟
              سلامة: انا اللي اعاملك ولا انت؟؟
              سلطان: انا اسف كنت معصب ولا اعرف شو ياني ورديت عليج جيه في التيلفون؟؟
              سلامة:..............
              سلطان:ردي سلامة شو فيج لا تعذبيني والله اني اسف والسموووووحة..
              سلامة: لا تتاسف انت ما سويت شىء عشان تتاسف منة انا ااااااااااسفة عشان رشيتك بلماي..
              سلطان هو مبتسم: انزين ليش رشيتيني بالماي انا ومي؟؟
              استحت سلامة منة وشردت منة وردت مكانها..
              موزه: والله جيه قالج؟؟
              سلامة:هيه..
              موزه: شو قتلج؟؟؟؟؟
              سلامة:والله ما توقعت انة بقولى جيه ابدا .
              موزه: احسن اباج تكابرين وبعدين تقولينة ولو ما قالها قبلج..
              سلامة:ااااااااااااااااااا اااااه متى بيي هاليوم وبقولها لى؟؟
              موزه: ان شاء الله قريب..
              سلامة: ان شاء الله .
              ورد حمد مكانة بس ما لقى سعيد وين سار؟ انا بيلس وبعدين اكيد بيي .ويلس حمد في كرسية ومفول من الغيض اول مرة حد يسويلة جيه .والله الا بخليها تندم على هالحركة..بس يمكن بكون هذا اخر كلامي وياها..ليش يمكن بلقاها مثل ما لقيتها الحين في الطيارة..يارب يكون لنا كلام مرة ثانية. وشوية كانت مي ماشية من عدال حمد عشان بسير عند امها وكانت تمشى وهي تقرا المجلة وكان سعيد من الصوب الثاني يمشى فاستوى مطب هوائي فتعثرت..سعيد انتبه لها فمسكها هيه من شافت سعيد ما قدرت تتكلم يلست مبهتة فيه..ما تكلمت سعيد يلس يطالعها وفي ويه ابتسامه .
              مى: اسفة الشيخ.....
              سعيد: لا عادي .وخى وشل المجلة وعطاها اياها..
              مى مشكور .وتمد ايدها عشان تشل المجلة
              مى ما تبى اطول وياه السموحة الشيخ ابا اخطف..
              سعيد رد لورى: تفظلى الشيخة..
              مى مشكور الشيخ..
              وردت مي في كرسيها وهي تفكر في سعيد ..الله محلاتة هالريال..واتيها اختها نورة...
              نورة: مى..مى..
              مى: هاه شو؟؟؟
              نورة: حوووووو وين سرتى؟؟
              مى: لا ماشىء..
              نورة: شو بلاج؟؟
              مى وتمسك ايد نورة: نوروه ما خبرتج ؟
              نورة: هههههه شو بلاج الخبلة؟؟
              مى: اقول تشوفين هذاك الريال الى يالس ورى؟؟
              نورة وصد لورى: اي واحد؟؟
              مى: الابيض ومخفف لحيتة..ولابس بدلة سودة وكرفتة كحلية.تقول عارض ازياء. واللي عدالة واحد لابس سبورت بنطلون اسود .وقميص حليبي ورابط جاكيت اسود عرقبتة ومخلى نظارات شمسية على راسه ويالسين على الابتوب..
              نورة: عاد اي واحد من هالاثنين؟؟
              مى: الى لابس بدلة..
              نورة: هيييييه شو فيه؟؟
              مى: سمعي شو استوالى..وتخبرها السالفة..
              نورة ناقعة من الظحك.......
              مى تعصب عليها: شو بلاج؟؟؟
              نورة: تعرفين منو هذا؟؟؟؟
              مى: وانا شدراني؟؟؟
              نورة: منو تتوقعين هذا؟؟
              مى وهي تتحرقص: جان تعرفينة قوليلى تراج والله حرقتى اعصابي..
              نورة: اوكية .بس لا تنصدمين ما شىء دخاتر هنيه..
              مى: يالله عاد..
              نورة: اوكية هذيلة الله يسلمج..لابس بدلة سعيد ولد عمى خليفة..ولابس سبورت على قولتج حمد ولد عمى على..
              مى وتشهق: جذوووووووووووووووو ووووووووب
              نورة: والله العظيم..
              مى وترفع حياتها: لالالالالالالالالالالالال الالالالالالالالالا ما اصدق..
              نورة: ليش؟ انتي اول مرة تشو فينهم؟؟
              مى: هيه هاي اول مرة اشوفهم من كبرو..
              نورة: الله يغربلج شو هلحركة الى سويتها ؟الحين شو بقول عنج؟؟
              مى: اولا انا مش قاصدة .ثانيا انا ما سويت شىء غلط..
              نورة: انزين شو كان موقفة ؟
              مى: كان على ويهه ابتسامة..
              نورة: يمكن عرفج..
              مى: لا ما اظن..
              وتقطعهن يدهن .
              ام سالم: نورة ..نورة...مى..وينكن؟؟
              مى: هلا امايا شيخة .
              نورة: هلا امايا .
              ام سالم: مي تعالى..
              سارن مي ونورة صوب يدتهن..
              مى: هاه امايا رب ما شر؟؟
              ام سالم: بنيتية سيري وزقري حمد .
              نورة: شو تبينة امايا؟؟
              ام سالم: اباه يعطيني حبوبى..
              نورة: انا بعطيج الدوه..
              ام سالم: حمد تراه شل الدوا ولا ادري وين خلاه؟ .
              نورة:مى سيري زقري حمد وقوليلة امايا شيخة تباه..
              مى ان شاء الله .
              *******************
              ]سار سعيد صوب حمد ولا عاطى ويه حمد على الحركة الى سواها هو وشمة
              حمد:سعيد وينك؟؟؟
              سعيد ما عاطى حمد فيس:...
              حمد: هههههه حش ما يرزى ؟
              سعيد: حمد احسلك لا تكلمني..
              حمد: انزين السمووووووووووووحة
              سعيد: انا ما اييبنى دهان السير؟؟
              حمد: اوكية شو تبى اسويلك عشان ترضى؟
              سعيد: خووووووووووووووز من ويهى احسلك..
              حمد: ههههههه عنبوه كل هذا زعل ؟ما يرزى علينا؟؟ههههه
              سعيد وهو معصب:ليش الى سويته ما يعصب؟؟
              حمد: خلاص السموووووووووووووو وحة..
              ويلسو ساكتين..
              حمد سعيد...........
              سعيد:...................
              حمد: سعيييييييييييييييي ييييييييد..
              سعيد:...................................
              حمد: بو عسكووووووووووووووو ووووووووووووووووو وووور..
              سعيد وهو مبتسم: خيييييييييييييييي ييييييييي..يا بو شهاب؟؟؟
              حمد: هاه شو زعلان ؟؟؟؟؟؟
              سعيد: يعنى...
              حمد: يعنى مش زعلان..
              سعيد وهو مبتسم: يوم تعرف اني مش زعلان ليش محتشر؟؟؟
              حمد: بس .
              سعيد وهو صاد على حمد: اقول؟؟
              حمد: هلا امر....ويرد راسة لورى ويخلى ايدينه ورى راسه .
              سعيد وهو يبتسم: ما حد هزبك؟؟؟
              حمد: ................
              سعد: عيل هزبوك ...؟؟؟؟!!!
              حمد: تعرف سعيد؟؟
              سعيد: شو؟؟؟
              حمد: اول مرة في حياتي اتندم على شىء سويتة..
              سعيد: ليش حمد شو استوى؟؟؟
              حمد: تصدق سعيد يوم سرت ارد البنت ما كلفة عمرها وتشوفنى وكلمتنى من طرف خشمها وكاني بشكارها لو بشكار ما سوتبة جيه..
              سعيد: ليش شو اتسوى بالظبط؟؟؟
              حمد: يوم سرت اودي شمة.....وخبره بالسالفة..
              سعيد: اقول حمد؟؟
              حمد: شو؟؟
              سعيد: انا من 24 سنة ما كد سمعتك تتكلم عن بنت ولا كنت مهتم ببنت .لا يكون؟؟
              حمد صد على سعيد وهو يظحك: لالالالالالالالالالالالال ا لا تقول حشة علية..
              سعيد: هاي الظحكة خلاص بينت كل شىء..
              حمد: لالالالالالالالالا لايسير تفكيرك لبعيد..
              سعيد: تفكيري لاسار بعيد ولا قريب .
              حمد وهو يبتسم: لا بس يعنى اول مرة يستويلى هالموقف بس .
              سعيد ويعتدل في يلستة: اوكي اليوم الخبر بفلوس باجر ببلاش..
              حمد: هههههههه والله ماشىء منة..
              سعيد: اوكية خلاص مصدقنك..
              حمد:سعيد اسمع كتبت تونى قصيدة شو رايك فيها؟؟؟
              حسافةفي محبتكم حسافة**حسافة في محبتكم ضياعي
              انا ضيعت عمري في هواكم**حسافة الظن فيكم واندفاعي

              انا المضنى وانا استاهل عذابي**واترجم لوعتى وفيك انطباعي
              انا ارخصت يا الغالى لاجلكم**مثنى لو مثلث لو رباعي

              جرفني جرف تيار المحبة *وخان الحظ مجدافي وذراعي
              غرقت وغرقتي غرقة غرقتها**خضوعي يا حبيبي وانخشاعي

              انا جيتك مسير باب بيتك**اصب لفواد صوعي وانصياعي
              وبادرتي بغلق الباب عني**حسافة كيف يرضيك التياعي
              حمد: هاي الاولى..اسمع الثانية..
              سعيد: ييييييييييييه بعد فيه ثانية..
              حمد: هيه .
              سعيد: زين..زين..
              حمد:
              يسعيد قلبي تشطر***وجروح روحي خطيره
              والحال مني تغثبر**حيران باقي فحيره

              ابات ليلى افكر**اشكي الليالي العسيره
              والدمع سال وتحدر**سوى مغاني غزيره

              واعطيته الحب لكبر**يسعيد ما احب غيره
              يسعيد قلبي تشطر**وجروح روحي خطيره
              سعيد: صح لسانك.ولا بعد يقول ما شىء .صدق لووووتى.ذكرتنى بقصيدة بسمعك اياها.بس عاد مش غزل .
              كتبت الجيل بحرف اعربيه****انقيها من اعماق الحنايا
              الا يا من شكا ملك شكيه****ترى في الحب ما تفيد الشكايا
              وكم قبلك شكت نفس شقيه****من اللي حدها درب الشقايا
              تصبر في الهواك ولك هديه****على طول الصبر تجنى الهداية
              وقالو في العلوم الاوليه***وانا من ياخذ اخبار الروايا
              وخلك لي عصا خذه برويه****ترى للمورد اتعود المطايا
              وان طال النخل بظلال فيه****على الراس تواقد به لظايا
              وفي نيتك تخفيهاالبغيه****ولا تظهر على الناس البغايا
              تجمل بالعزوم اللي قويه****ولا تدني على درب الوطايا
              ولا تتبع نفوس نرجسيه****ولا تتبع رخيص في الغوايا
              تشبه بالذي نفسه زكيه*** وخذ م الحلم والجود المزايا
              واحجز كل الاقوال البذيه****ومن الطيب المقال اجال عطايا
              تزين وازدهى بزين زيه****وصفه صافي صف الصفايا
              وشوم وشم عن شور الشنيه****وطب اللي تطبع بالطمايا
              وهذا لي تجود ابه السجيه****ختمت الجيل من صافى السجايا
              تقبلها النصيحة يا خويه****وصلى الله على سيد البرايا
              وسلامتكم...
              حمد:صح لسانك..اقول ماء شاء الله ابدعت هالمرة وانت من متى تكتب نصايح احيدك كلة غزل وحب ؟
              سعيد: هههه.لا لازم نغير مش كلة حب
              وسكتو لمدة عشر دقايق..
              حمد: سعيد شو رايك بالحب؟؟
              سعيد:هههههه جنك ما تعرفنى؟؟؟انا الحب ما اعرفة ولا اعرف طاريه...ما تشوفنى كل يوم ويا وحدة؟؟
              حمد: سعيد ما مليت؟؟
              سعيد: هههههه شو امل ؟؟؟
              حمد: سعيد لين متى؟؟
              سعيد: خلنا نعيش حياتنا....
              حمد: سعيد انت الحين مش صغير ما تبى تفكر في مستقبلك ما تبى تتزوج؟؟
              سعيد:...............
              حمد: انا يالس افكر..لين متى بيلس على هالوضع..سعيد صدق والله .نحن من كنا صغار ما نيلس عند اهلنا كلا الا مسافرين ولا شغل حتى لو ما شىء شغل نخترع شغل .حتى اهلنا ما نعرف عنهم .انت شو عايبتنك هالعيشة؟؟
              سعيد: حمد خلاص انا تعودت ما ايلس وايد ويا اهلي وبعدين ما فرق عندي كلة واحد..
              حمد: سعيد شو تعودت.؟؟؟خلاص انت مش ياهل لازم تغير حياتك..
              سعيد: حياتي وانا حر فيها وعايبتنى ليش شو فيها حياتي؟
              حمد: لا ما ادري شو فيها الحين كم وحدة تعرف في حياتك؟؟
              سعيد: ..................
              حمد: شفت عنبوه لا مخلى انجليزية ولا عربية ما تعرفها ؟لين متى سعيد بتيلس على هالحال؟ انا في حياتي ما فكرت اسوي الى اسويه .تعرف ليش؟؟لاني اعرف ان هذا غلط وحرام وبعدين انا الصراحة ما اروم اجذب واخدع البنات بالحب والزواج انا ادري بعمري ما بفكر فيهن حرام عليك سعيد توهمهن بالحب وتجذب عليهن وبعدين تودرهن هن مش لعبة في يدينك .الحين مش يعنى عندك فلوس عندك الدنيا كلها وتلعب على الناس .الفلوس الحمد الله نعمة ويمكن في اي لحظة تروح ونغدي ولا نسوى شىء صح ولا لا؟؟
              سعيد:انت شو ياينك اليوم؟؟
              حمد: ماشىء بس فجيت تلفونك وقريت مسج وحدة وانت تعرف شو اقصد.
              سعيد: .......
              حمد: شو كاظنك على المشاكل؟؟بسك توب .الله يهديك .انا بترخص بروح الحمام انجب عصير على جوتيه..فكر بلى قتلك اياه.اورفوار..
              نزل عيونة في الارض وغمض ويفكر في كلام حمد..صدقه حمد انا لين متى بيلس على هالحال؟ ويوم فتح عيونة شاف حد واقف جدامة يوم رفع راسة..شاف البنت الى كانت بطيح وهو ساعدها ..من شافها وقف .
              سعيد: هلا الشيخة..
              مى: هلا سعيد..شحالك؟
              مى استحت من قالتلة هالكلام والجرا كيف يتها وكلمتة جيه...سعيد منصدم كيف عرفة اسمه؟؟
              سعيد: بخير يعلج الخير..الا كيف عرفتى اسمى؟؟
              مى:ليش ؟؟تراك انت ولد عمى؟؟ولازم اعرف اسمك
              من سمع سعيد كلامها جنة حد صب ماي بارد عليه.وفج عيونة من الصدمة..هاي اكيد خرفة شو ولد عمها ؟
              سعيد:.........
              مى وتشوفة بنظرات تكبر:ليش ما تعرفنى انا بنت عمك منصور مى..
              سعيد يشوفها بنفس النظرات: لا والله ما عرفتج السمووووووووووحة..
              مى ونزلت عيونها يوم شافتة يطالعها: لا عادي حتى انا ما عرفتك الا اختي نورة خبرتنى عنك وعن حمد..السموحة سعيد ما بطول عليك بس امايا شيخة تبى حمد .
              سعيد: ان شاء الله بقولة اسير عندها .الحين بيي
              مى:الحين عيل مع السلامة...
              سعيد: تو الناس يلسى وين تبين؟؟
              مى:لا السموحة ان شاء الله مرة ثانية .
              سعيد: على راحتج..
              سارت مي عند يدتها..يلس سعيد .معقووووولة بنت عمى ولا عرفتها. الله ينطب هالحالة .صدقة والله حمد اهلنا ولا نعرفهم.بس مب جنها متكبرة؟؟بس من حقها كل هلحلاة ولا تتكبر؟؟
              يوم ظهر حمد من الحمام لقى شمة واقفة تترياه .
              حمد و هو يشل شمة هلا و غلا. و يحب شمة .
              لوت شمة على حمد بالقو
              حمد: شموه يالله مبردج .ليش ما تلبسين جاكيت؟؟..
              ويروح ويفج الجاكيت الى على رقبتة ويلبسه شمة..
              شمه:ههههه هذا كبير...
              حمد: شو اسوي ما عندي غيرة .بتموتين يا كتكوتة من البرد..ويمسح على راسها.
              شمة بشلة حقى ولا بعطيك اياه..
              حمد:هههههه برايج شليه حقج .
              شمةو هي تلوي باديها بالقو على حمد انا واااااااااايد احبك..
              حمد: فدييييييييتج وانا احبج وجان يحبها على خدها يالله عاد الحين سيري عند اختج لا يدورون عليج...
              شمة: لا ما ريييييييييييييييي يييد..وتلوى على حمد ويلست تصيح.
              حمد: شمة حبيبي .لا صيحين ويبوسها شمة حبيبي ويلست تشوفه سمعي سيري خبري حد انج بتين عندي عشان ما يدورونج وبيلس وبلعب وياج..انزين. يالله انا بترياج.
              شمة: انزين وسارت تربع عند موزه عشان تخبرها: موزوه..موزوه
              موزه: هلا شموه شو تبين؟؟
              شمة: اريد اسير عند حمد..
              موزه وهي معصبة: شوووووووو؟؟؟لا ما بسيرين...
              سلامي: منو هذا حمد؟؟؟
              موزه: شدراني واحد لقتة شموه ويلست تلعب وياه وبعدين ياه يردها .حتى انا الصراحة ما شفتة..
              سلامي: ليش؟؟
              موزه: بس جيه .
              سلامي: انزين ليش ما تخلين شموه تيلس عنده؟؟
              موزه: ليش منو يكون هو عشان اخليها تليس وياه؟؟
              سلامي: حليلة شكلة وايد طيب .
              موزه:وانتي شدراج؟؟
              سلامي: شوفي كيف شموه تحبة وتريد تيلس وياه وهو بعد كيف يريد شمة تلعب وياه
              موزه: انزين برايها خليها تسير..
              سلامي: شموه..شموه..
              شموه: شو؟؟ اسير؟؟
              موزه: شموه تعالى من ويلج هالجاكيت؟؟
              شمه:حمد عطاني اياه..
              موزه:وهو ليش يعطيج اياه؟؟؟
              شمه:لاني وايد بردانة .
              موزه: مب عيب عليج تاخذين شىء مش مالج..
              شمه: انا ما خذته هو عطاني..
              سلامي: حليلها شو تبينها؟ وبعدين هو شو سوى؟ يعنى شو استوى؟ حليله والله انة طيب..
              موزه: شموه فصخيه .اندوج جاكيتج .
              شمه: لالالالالالالالالالالالا ما اريد..
              موزه: يالله .
              سلامة: حبيبي شموه عيب هذا مش مالج .وبعدين كبير عليج..
              شموه تفصخة وهي اصيح ولبستها موزه جاكيتها: يالله سيري لعبي وياه وردي جاكيتة وقوليلة شكرا.
              ويوم كانت تعطى شمة الجاكيت طاحت ورقة .فنتبهت سلامة لورقتة..
              سلامه: موزه..موزه..صبري ورقة طاحت..
              موزه: وين؟؟
              سلامة: لحقى .لحقى..
              موزه: شوو؟؟
              سلامة:كاتب قصيدة.
              موزه: اقريها ابا اسمع هالخبل شو كاتب؟؟
              سلامة: ياويل حالي سمعي شو كاتب الريال شكلة طايح..ولا بعد ما عطتة ويه..
              موزه: يا الله قوووووووووووولى
              سلامة: سمعي يا طويلة العمر...وقرتلها القصيدة...
              موزه:هههههه..والله دواه..بس سامعة مثل هالقصيدة..وبعدين الحين حد يعرف يكتب كم من بيت يخلى عمرة شاعر والله مشكلة هالناس..
              سلامي: حرام عليج والله قصيدة تينن..وبعدين وايد كلماتها حلوة ومعبرة..
              موزه: اوووووووه..انا هالريال ما داخل مزاجى ما اعرف ليش شكلة لوعة..
              سلامي: والله انة طيب وفنان .وبعدين هو شو سوالج؟؟
              موزه: انا حتى شكلة ما اعرفة بس جيه على قولتج بطرة..
              سلامي: حرام عليج..تراه الى ما يعرفك ما يثمنك..
              موزه: صبري بكتب له قصيدة
              وكتبت موزه قصيدة حق حمد وخلتها في نفس مكان القصيدة الاولية الى طاحت .وعطت الجاكيت شمة عشان تعطيه..
              سارة شمة وسارة عند حمد..بس ما لقوه لقو سعيد لانة حمد سار عند يدتة ويلسن عند سعيد وسولفن وياه لين ما ايي حمد..
              حمد: هلا امايا .شحالج؟؟قالولى طالبتنى..خير
              ام سالم صادة الصوب الثاني ولا عاطتنة ويه.:......
              حمد ويبوسها على راسها:امايا فديتج شو فيج؟؟؟
              ام سالم: لا سلامتك ما فيني شىء..
              حمد: عيل ليش زاقرتنى ولا عاطتنى ويه؟؟
              ام سالم:شعنة ما تعطيني الدوى؟؟
              حمد وهو يظحك:امايا مب الحين بعد 3 ساعات..
              ام سالم: يالله الحين مب بعد3 ساعات..جيه شو تتحسبنى ما اعرف شىء؟؟
              حمد:لا والله بذمتى بعد ثلاث ساعات..
              ام سالم:عيل ما دام جيه روح برايك ابا ارقد..
              حمد: شىء في خاطرج؟؟
              ام سالم: ذكرنى بالدوى هب تنسى..
              حمد: افاااااااااا انا انسى ؟
              ام سالم:برايك عيل سير سو شغلك.
              حمد: عيل مع السلامة.بعد شوي بمر عليج .
              ام سالم:عيل برايك..
              سار حمد عند سعيد..
              حمد:هاه شو فيك ؟
              سعيد: ما شىء..
              حمد: عيل شو فيه ويهك معتفس؟؟
              سعيد: ماشىء..
              حمد تساند على الكرسي ويلس يتصفع الجريدة ولبس سعيد .عشان هاي الطريقة تخلى سعيد يتكلم لانة حمد حس سعيد شىء فيه..ولو يلس يقوله شوفيه ما بقول لين بروحة يتكلم..يلسو ساكتين لمدة 10دقايق..
              سعيد: حمد..
              ابتسم حمد...
              حمد: هلا..
              سعيد: اقولك؟؟
              حمد: هلا..
              سعيد:امممممممم بقولك موقف استولى من شوي
              حمد: خير سعيد شو استوى؟؟
              سعيد:كنت ماشى وستوى مطب هوائي وكانت من الطرف الثاني بنت تمشى فتعثرت فمسكتها عشان ما طيح..
              حمد وبتسامة كبيرة على ويهه:خخخخخ الريال شو حب من اول نظرة؟؟
              سعيد يطالح حمد بنظرات وشوية بجتله: لا ما طحت ولا تخرطفت بس انت اسمع لين ما اخلص..
              حمد: اوكية سوري .
              سعيد: انزين وبعد شوي يت البنت..
              وصد حمد لسعيد وهو مبتسم ومندمج ويا سعيد..
              سعيد:انزين وسلمت عليها وزقرتنى باسمى .
              فج حمد عيونة .
              حمد:والله؟ عنبوه كيف هالبنت ما يغباهن شىء..امرة ما يصدقن..
              سعيد: يا اخي خلني اكمل..
              حمد: انزين وبعدين؟؟
              سعيد: تعرف منو هالبنت؟؟
              حمد: وحدة من معجباتك..
              سعيد وهو معصب:لالالالالالالالالالا الا
              حمد:عيل منو؟؟
              سعيد: بنت عمى منصور واسمها مى..
              حمد لف على سعيد وعدل يلستة بذمتك بنت عمك ولا عرفتها؟؟
              سعيد: احلف انت بس..وانا شدراني انها بنت عمى؟؟
              حمد: صدق والله شدراني حتى انا ما اعرفها ولا اذكر شكلها بس من كنت صغير اذكرهن الحين كبرن شدراني؟؟
              سعيد:بس صدمتنى يوم قالتلى .
              حمد: ليش؟؟
              سعيد:قالتلى بكل كبرياء وكانها تقولى انا بنت عمك ولازم تعرفنى ولو تشوف حركاتها والله لو ما كانت بنت عمى لوقفتها عند حدها .
              حمد:لا تخليها في بالك البنات من بونهن ما حد يعطيهن فيس..
              سعيد: يا ويلى سمعو منو يالس يتكلم؟؟
              حمد: صدق والله عيل حليلى انا متعنى لين عندها وهي يالسة تقرا مجلة ولا بعد محطتنها جدام ويها جنها ما تباني اشوف شكلها ولا كلفة عمرها تشوف ويهى وتكلمني من طرف خشمها..عاد على شو؟ بس مش منها منى انا .كنت اتحسبها انسانة غير بس للاسف .
              سعيد: على طاريها توها اختها يت وردت الجاكيت وتقولك شكرا وبعدين بترد..
              حمد: والله ان اختها فنانة ولا تستاهل اخت مثل هاي المتكبرة .
              وسعيد عطى حمد الجاكيت..وسار يدور القلم في المخبى الجاكيت عشان يبى يكمل شغله ولقى ورقة .سار وفجها..يلس يظحك
              سعيد: بسم الله . شو فيك؟؟
              حمد: يوم اقولك البنات الخبال بعينة..شوف شو كاتبة .
              سعيد: منو؟؟
              حمد: موزه اخت شمة..
              سعيد: شو كاتبة؟؟
              شو تتوقعون موزه كاتبة حق جمد؟؟؟ وشو بسوي حمد من الى كاتبتنة؟؟؟؟[/align
              ]

              من مواضيع ام سلوم :


            • #12
              صورة ام سلوم
              ام سلوم غير متصل صعب اننا نوصفه
              تاريخ التسجيل
              Nov 2004
              الدولة
              احلى مكان في الدنيا (( الرياض ))
              العمر
              24
              المشاركات
              6,010
              Thanks
              0
              شكر 0 مرات في 0 مشاركات
              الجزء التاسع
              حمد:تراني الجاكيت عطيتة اختها ونسيت القصيدة في مخباه وهي قرتها وردة على القصيدة..
              سعيد وهو مبتسم:لا والله .هاه اشوف شو كاتبة؟؟
              حمد: اسمع شو كاتبة ..
              بعض القصايد ارف والبعض تنهيده**والبعض منها بدم القلب مكتوبه
              ما كل شاعر يزين الحرف ويجيده**ولا كل من زان شعره ابدع اسلوبه
              غاية مرام الشعر يظفر بتجدده**يعيد مجده ويلقى فينا مطلوبه
              غاية مرامه صور وافكار جديده**تحسبها معجزه للناس واعجوبه
              وين الشعر علمونا مواديده**ان كان هذا فهذي اكبر اكذوبه
              سخيف جدا نعيد الحرف ونزيده**ونقول خطواتنا بالشعر محسوبه
              محسوبه والشعر يرفض فينا تمجديه**كن المشاعر على الاوزان مغصوبه
              على افتراض الحرف احسنا تجنيده**مس الحقيقه عن الافكار محجوبه
              ما كل شاعر زمام الشعر في ايده *ولا كل خيمة شعر للمجد منصوبه
              سعيد وهو معصب: لا والله منو تتحرى عمرها؟؟
              حمد: شدراني اونة ما نعرف نكتب شعر..
              سعيد:تخسى ولا من حلاة شعرها هيه؟؟
              حمد:انزين اقولك هي شو يخصها .لا يكون تتحسب القصيدة لها؟؟
              سعيد وطر ورقتها: خخخ ليش لا..تتحراك معجب فيها..
              حمد امحق اعجاب..
              سعيد وفى ويهه ابتسامة: تراهن بنات عقلهن صغير..ههههه
              حمد ويالس يدور ورقة وقلم: صبر الحين برد عليها .
              سعيد: لا ما فينا على المشاكل..
              حمد: لا بكتب قصيدة لها وبخلى اختها توديها..وبتشوف شو بكتب ؟ما خليتا تندم على انها كتبت هالقصيدة..
              سعيد:خخخخخ احسن والله دواهن هالبنات..
              ويلس حمد يكتب القصيدة
              ************
              سلامي: موزه تتوقعين الحين قراها القصيدة؟؟
              موزه: اشدراني؟؟
              سلامي:الله ينطبج الحين تراج بسويلنا مشاكل..
              موزه:شو يروم يسوي؟؟
              سلامي: انزين القصيدة الى كتبتيها تراها قوية..
              موزه:عادي شو يعنى؟؟
              سلامي: اخاف ايي ويسويلنا مشاكل وبعدين الاهل يدرون والله تراهم بجتلونا
              موزه: صبري .اليحن مندري شو بيستوى؟؟
              موزه:شمة .شمة.
              شمة:شو؟؟
              موزه: سيري عند الريال .ما تريدين تلعبين وياه؟؟
              شمة: بس بعدة مايه
              موزه: لا اكيد رد سيري.
              شمة: اوكيه.
              سارت سارة شمة عند حمد..
              حمد:هلا والله بشمة وسارة .
              شمة مرحبا..
              حمد: شحالج يالحلوة؟؟
              شمة: بخير..وين سرت؟؟
              حمد:والله سرت عند يدوه.....
              شمة:انا يت ويلست عند باباتي..
              حمد:هههههه قالى..
              شمة وهي تثاوب:حمد انا اليوم وايد تعبانة..حتى سارة..
              حمد:ههه تراكن ما يلستن كلة الا يالسات تلعبن وتحوطن..
              شمة: انا بسير ارقد ويا سارة .
              حمد: برايج حبيبي سيري رقدي..
              شمة: يوم بقوم بيي العب وياك انزين..
              حمد: انزين حبيبي سيري..
              شمة: اوكية يالله بااااااااااي
              حمد: شموه .
              شمة وصدة على حمد:هاه شو؟؟
              حمد: اندوج هاي الورقة .
              شمة: شو فيها؟؟
              حمد: كلام بس .
              شمة شكرا..سارت شمة عند كرسيها ولا تعرف شو معنى هالورقة وشو فايدتها فيوم شافت موزه شمة يت من عند حمد سارت عندها .
              موزه: شموه
              شمة وهي مغمضة عيونها: هاه .
              موزه: سرتى عند حمد؟؟
              شمة وصدة الصوب الثاني: هيه .
              موزه:شموه حبيبي. اممممممم شو قالج؟؟
              شمة: ماشىء..
              موزه ما عطاج شىء؟؟
              شمة: هيه .
              موزه:شو؟؟
              شمة صدة صوب موزه: عطاني ورقة .
              موزه: هاتيها..
              شمة: ليش؟؟
              موزه: بس..
              شمة:بس هو ما قال حقج..
              موزه: اوكية ما مشكلة هاتيها...عطت شمة موزه الورقة..وسارت موزه عند سلامة..
              موزه وهي مستانسة:سلامي .سلامي..
              سلامة:خير...
              موزه: طرش ورقة عند شموه..
              سلامي وفاجه عيونها: والله
              موزه: هيه والله .
              سلامي: يالله سمعيني شو كاتب..
              موزه: اوكية لحظة خلينا اقراها .وقرتها بسرعة موزه .
              سلامي: يالله اقريها بصوت عالي .
              موزه: سباااا اااال .عنلاته .خاااااام يعلني بلاه .وقح اكرهه..اكرهه..والله انة خااااااام .كيف يتجرا ويكتب جيه؟؟؟
              وهي معصبة ومفولة وجرفصت الورقة من الضيجة
              سلامي: شو فيج ؟هاتي اشوف شو كاتب..
              سلامي:
              قبل لا تكتب احساسك على الاوراق متناثر**سطور من حروف وحبر لا تغنى ولا تسمن
              تاكد انة شعورك صادر من قلب شاعر**معاني الصدق في احساسه وبه صدق الوفا يكمن
              ولا تغالط مبادي الحق .لا تختال واتكابر**تحسب ان الحقيقة يوم تولد من شكوك وظن
              معاني الشعر اسمى من خيال يجول في الخاطر**مجرد غيرة ثارت زوابعها ولا تفطن
              تظن الصدق في قولك وفي قولك كذب ظاهر**حرام الظلم له حوبه وتاليها الاسف يزبن
              بيوت الشعر ماتبنى من اظنون وهوى عابر**يا غير الصدق ما يجعل لمعنى الشعر ذوق وفن
              ولولا الصدق في الاحساس ماقيل ان ذا شاعر**ولا تبنى لابياته معاني لوهن اتغنن
              فلا تعى بنميمة لا..تزيف قول واتجاهر**ترى شمس الحقيقة ما تخفيها غيوم ومزن
              مسير الحق يظهر لو يكون له ساتر**ويبقي الصح صح ولو كذب حاقد وراء الظن
              والسموحة من حمد ال........ي
              سلامي:هههههههههه والله انة فنان
              موزه وهي معصبة:شوووووووووووو؟ لا بعد فنان؟؟
              سلامي: دواج انتي البادية..
              موزه تصد عن سلامي:ما عليه ما خليتة يندم؟؟
              سلامي:الله يهديج خلاص .وحدة بوحدة والبادي اظلم..
              موزه:لا والله..
              سلامي: خلاص .انسى.
              يلست تتحرطم عليه وعلى سلامة..
              -------------
              سعيد: الصراحة ما عليها كلام .
              حمد:خخخخخخ خاطري اشوف ردة فعلها يوم تقراها..
              سعيد: خخخخخخ حتى انا..
              حمد:عشان تعرف اني مش كل مرة بسكت عنها .
              سعيد: والله هذا اللي يبنة البنات .ما حد يعطيهن ويه..
              حمد: عاد الحين ما بسكت .وبراويهن منو حمد..
              سعيد:هههههه الحين عايبنى..ويظرب كتف حمد..
              وبعد شوي تكلمت المضيفة على انه بعد شوي بتنزل الطيارة ولازم يربطون حزام الامان. فيوم نزلت الطيارة سار حمد عند يدتة عشان ينزلها يوم ينزلون كل الركاب عشان هي ما تعرف تنزل يوم يكون ناس عدالها وتبالها وقت لين ما تنزل خصيصا عند الدري لانها واايد تخاف منة فيلس حمد وياها لين ما تنزل وقال حق سلامي انة هو اللي بيلس وياها وهن برايهن يسيرن عن امهاتهن. ونزل سعيد قبلهم عشان يخلص بسرعة .اما سلطان وعمهم منصور نزلو ويا اهلهم قبل حمد ويدتة..
              في المطار..
              يوم نزلو الاهل يلسن الحريم في الانتظار عشان يخلصون بسرعة اما عمهم منصور وسلطان لحقو سعيد..وبعد شوي نزلت يدتهم ويا حمد..وحمد سار عند عمة وعيال عمه ويلست ام سالم عند الحريم وتتحرطم على الطيارة ومتى بتوصل لانها وايد تعبة..اما البنات فسارن سوق الحرة عشان يتشرن ويشوفن المطار..
              نورة:يالله بسرعة .
              موزه: يااااااااااااااي محلاة المطار والله كشخة..
              مى: عادي مطار ايطاليا والله احلى..
              سلامي:خخخخ عاد مطار ايطاليا شو فيه من الحلاه؟؟
              مى: مشكلة اللي ما سايرين ولا بعد يتفلسفون..
              سلامي:خخخ منو قالج اني ما سرت ايطاليا؟؟
              مى: ااااااااااااااوووووه .فكيني.تراج حشرة..تعرفين؟؟
              سلامة بصوت واطى: والله لو مش حشمة الناس لدوس في بطنج...مسودة ويه..
              نورة: شو رايكم ندخل هذا المحل؟؟
              موزه:انا بروح عند الكتب اريد اشتري كم من كتاب وبعدين بلحقكن..
              سلامي:لا والله ..ايه نحن ما عندنا بنات يسيرن رواحن..
              موزه: اوكية شو رايج تسيرين وياي؟؟
              سلامة:يالله بسير وياج احسن ما ايلس ويا هاي مسودة الويه؟؟
              نوره:برايكن بس لاتبطن عشان بعد شوي منروح.ولا سيرن مكان بعيد..
              موزه: اوكية ثانكس..
              مى:اقول نوره انتي شقايل متحملة هاي العلة؟؟
              نوره: ههههه عادي هيه تراها وايد طيبة..
              مى:الله يعيني منها
              نورة: تيكت ايزي..يالله شو رايج بهجاكيت..؟؟ولا هذا القميص؟؟
              مى: شوفي هجاكيت محلاتة كلة فرو..
              ويلسن يتشرن ملابس شتوية لانهن ما توقعن يكون الجو بارد .وانهن ما يايبات ملابس ثجيلة وياهن .فماخلن شىء ما شترنة..
              اما بنسبة سلامة وموزه..
              سلامي:الله تعالى موزوه شوفى هكتاب محلاته اينن..
              موزه ويالسة تصفح الكتاب:سلامي تعالى شوفي هذا محلاتة يتكلم عن تاريخ بريطانيا..
              سلامي ويالسه تيمع الكتب الى تباهن: انا بشتري هذا الكتاب وهذا وهذا..وخلتهن على طرف..
              موزه:شلت كتاب تاريخ بريطانيا..وشلت عن طبيعة فرنسا..ورواية شكسبير..لانها وايد تحب تقرا عن البلدان وتحب الروايات وخلتهن على طرف عشان هيه وسلامي بسيرن الطرف الثاني ويشوفن شو مواضيع الكتب هناك..اما شمة ما عايبنها شىء بس تمشى وتخرب ترتيب الكتب وكل شوي تصيح لانها تعبت من المشي ويلست على الارض وضمت ريولها على صدرها وشاله المطار من الصايح لانها تبى ترقد ولا حد عاطنها فيس. وتبا تشتري العاب وتلعب في المطار.
              سلامي: موزوه شوفي اختج اصيح..
              موزه: برايها والله مليتها ومليت صياحها
              سلامة ودور محل العاب عشان تشتريلها: موزوه اكوه محل مال العاب بسير اشتري العاب حقها ويوم بتشوفهن بتسكت..ما بتاخر .
              موزه: اوكية لا تتاخرين..
              سلامي: اوكية..
              في الوقت نفسة كان حمد وسعيد يدورون محل عشان يريدون يشترون ماي حق يدتهم لانها هالوقت موعد دواها..
              حمد: سعيد خلاص انا تعبت ما روم امشى اكثر .
              سعيد: اوكية ايلس انت هنيه وانا بسير اشتري وبرد..تبى شىء ايبلك؟؟
              حمد: مشكور ما ريد شىء..بس لا تتاخر..
              سعيد: اوكية..
              يلس حمد جدام محل الكتب..ورافع شعرة بنظاراته ومحطى ايدة على راسة ومغمض عيونة من التعب..وشوي يسمع صايح ياهل..طنش..بس الصايح ما وقف عورة قلبة على هالياهل كيف يصيح وين اهلة؟ ليش مخلينة جيه يصيح؟ فسار صوب صوت الصايح. فلقى بنت صغيرة ضامه ريولها على صدرها ومنزلة راسها وشعرها مغطىعلى ويها. يلس يشوفها هاي تشبة شموه..صح هاي شموه لبسها هذا..ربع عندها .
              حمد ويلس جدامها بصوت واطى: حبيبي ليش تصيحين؟؟
              رفعت شمة راسها من سمعت صوت حمد وويها احمر من الصايح نقزت بقو وتلوي على حمد حبيبي..
              طاح حمد من نقزت شموه: هههههه شموه شوفيج؟؟
              شمة: انا ما اريد اروح عند موزوه..اريد عندك..
              حمد: هههههه ليش شو سوتلج؟؟
              شمة وماسكتنة بقوه: انا واااااااااااااااا يد احبك.لانك تحب تلعب وياي
              حمد:هه حتى انا احبج..فديتج..بس لو تحبيني لا صيحين .انا ما احب حد يصيح..
              شمة وتمسح دموعها: انزين بس لا تروح عنى..
              حمد: اوكية ما بروح..
              شمة بدت تهدا وتمسك ايد حمد: ابا اروح عندك ويا ماماتك وباباتك..
              حمد: ههههه اوكية .بس وين اهلج ليش انتي هنيه بروحج؟
              شمة وتاشر على موزه: هاي موزوه تشتري كتب ويا بنت عمى سلامي .
              حمد: ليش انزين ما سيرين عندها وبعدين ليش تصيحين؟؟
              شمة: انا تعبانة من المشي وهن ما خلصن ولا يريدن اسير العب بس ايلس وياهن..
              حمد:هههههه شموه مش بسج من اللعب
              شمة وابتسامة على ويها: انا اريد العب في المطار واشوف شكلة واشتري العاب حق ربيعاتي.
              حمد: ههههه انتي الكتكوتة عندج ربيعات بعد؟؟
              شمة: هيه ليش ؟بس انتو عندكم اصدقاء؟؟
              حمد: لا افاااااااا من يقول ؟
              شمة: انزين قول حق موزوه انك بتلعبنى وبتردني..
              حمد ويطالع شموه لا شموه الحين يمكن بتروحون ويمكن اختج ما طيع..
              شمة وشكلها بدت تصيح: لالالالالالالالالالالالال الالالالا ما ريد..
              حمد عورة قلبه عليها: اوكية الحين بسير اقول حق اختج اني بشلج عند الالعاب بسرعة وبردج..
              شمة والابتسامة الكبيرة على ويها:انزين يالله بسرعة سير قولها..
              سار حمد عند موزه هو وشمة بس خايف شو بكون ردة فعلها بعد ما قرت القصيدة اخاف الحين تفرنى بالكتب الى عندها .الله ينطب هالحالة بس يالله بستر .سار حمد صوب موزه ويحس خطواتة ثقيلة ولا يروم يشل ريوله من الدعنة الحين اكيد بتفشلني جدام الخلق ولا بسوي مشاكل
              كانت موزه عاطية مقفاها لحمد لانها بعدها ما منتبة لوجودة عند شمة..تقب حمد اكثر فاكثر .وقلبة يدق بشكل كبير .خلاص الجراه خانتة .
              حمد خلاص مسك عمره: اختي لو سمحتى ممكن دقيقة .وتلف موزه لورى.
              شو تتوقعون تسوي موزه لحمد؟؟ شو بكون ردة فعل حمد؟؟؟

              الجزء العاشر
              سار حمد عند موزه هو وشمة بس خايف شو بكون ردة فعلها بعد ما قرت القصيدة اخاف الحين تفرنى بالكتب الى عندها .الله ينطب هالحالة .بس يالله بستر .سار حمد صوب موزه ويحس خطواتة ثقيلة ولا يروم يشل ريوله من الدعنة. الحين اكيد بتفشلني جدام الخلق ولا بسوي مشاكل..كانت موزه عاطية مقفاها لحمد لانها بعدها ما منتبة لوجودة عند شمة .تقرب حمد اكثر فاكثر .وقلبة يدق بشكل كبير .خلاص الجراه خانتة .يالله بلعون. ويمر هاليوم على خير..حمد خلاص مسك عمره وخذ نفس عميق: الشيخة لو سمحتى ممكن دقيقة .وتلف موزه لورى..
              موزه من شافت حمد قلبها انقبض وطاحن كل الكتب الى عندها ويلست مبهتة فيه. الله محلاتة. وعيونها بدن يلمعن تقول نجوم في ليلة ظلمة..ومبهتة فيه..حمد استغرب من ردة فعلها؟؟!!!..اكيد هاي تخبلة...؟؟
              حمد والابتسامة على ويهه:السموحة الشيخة زيغتج؟؟؟؟!!
              موزه بعدها ما ردت لعالمها:.............
              حمد وخى وشل الكتب وعطاها اياهن:سلمتى..
              موزه بعدها ما منتبة للموضوع ولا شلت الكتب:..............
              شمة شافت موزه وهي مستغربة ليش ما شلت الكتب من عند حمد..فقامت ومطت طرف عباة شمة وفي صوتها صايح مووزوووه...مووووووووز ووووووووه؟؟
              موزه الحمد لله الحين انتبهت وشافت شمة:هاااااااااااا شووو ؟
              شمة: موزه حمد يكلمج ليش ما تتكلمين؟؟؟
              موزه وتلتفت لحمد: اسفة..خير؟؟
              حمد وعلامة تعجب على ويهه: لا حصل خير...
              موزه ردت الذاكرة لها الحين هذا حمد الى يلعب ويا شموه؟؟؟؟الللله محلاتة والله انة يعق الطير من السماااا...الحين هذا من وين ظاوى؟؟ معقول هذا الحين مواطن ؟انا شفت ناس واااااااايدين بس مثل جمالة ما شفت..يااااااااااي..
              حمد ويقطع حبل افكارها:الشيخة شىء فيج؟؟
              موزه:هاه شو؟؟..لا ما فيني شىء..
              حمد الحمد لله والشكر هاي اكيد خبلة مش طبيعية:اقول الشيخة ممكن اشل شمة والاعبها وبردها..ما بتاخر خمس دقايق..
              موزه تذكرت القصيدة وردة لعالمها..ردت موزه الى كانت معصبة منة. ومن حركتة ومن كلامة الى في القصيدة..صدق وقح..كيف يتجرا ويكتب القصيدة؟؟. الحين انا قولى كذب ظاهر؟ على قولتة. وانا الحين ما اعرف اكتب القصيد. والله انة جرح شعوري من كلامة. ليش يسوي فيني جيه؟؟..انا موزه بنت سالم .يقولى جيه .ما علية الحين براويك: لا الشيخ .ما اقدر اخليك تاخذها..
              حمد انصدم من ردة فعلها .توها كانت غير والحين غير شو بلاها: هاه ليش الشيخة؟؟
              موزه وبدت تظهر ملامح الحقد من عيونها والعصبية:بس جيه وترفع صبعها على راسها كيفى.عندك مانع .هيه اختك ولا اختي؟؟؟
              حمد عصب منها ومن حركتها..شو هالحركات؟؟شو هيه ياهل اسوي جيه؟ بس هو كان متوقع انها اسوي جيه..ما فيني على المشاكل. لف عيونة على شمة ويمسح على شعرها: شمة حبيبي ان شاء الله مرة ثانية ......وقطعتة في كلامة..
              موزه: شووو؟ مرة ثانية؟ ههههاااااي اونة مرة ثانية.وبعدين من تكون انت عشان اتي وتكلمني؟ ولا بعد تبى تشل شمة؟ اونة يبى يشلها يلعبها..
              ويلست تظحك عليه ظحكة استهتارية.وهي تكلمة مربعة ايدينها ورافعة واحد من حياتها..
              حمد بدا يعصب منها ومن كلامها عطاها نظرة حارة بس هيه بولباس. سارت عندة ومطت شمة من ايدها..يلست شمة تصيح بصوت عالي لدرجة الموجودين انتبهو لها..حمد عصب منها ليش هيه اسوي جيه؟؟..عنبوه هيه ليش ما ترحم اختها؟؟..انا ما بسوي شىء بس بلاعبها وبردها..الحين هيه حطت حرتها على اختها .كلة مني والله حرام عليها .هاي بنت صغيرة ما تفهم..عنبوه هيه من الصبح يالسة تصيح وهي ما عاطتنها ويه والحين بعد تبى تصيحها..هاي ما فيها رحمة؟؟..انا لازم اوقفها عند حدها. سار حمد وراها .ومسك شمة من ايدها .
              حمد وهو معصب:صبري .صبري شعندج؟؟
              موزه وتطالعة بنظرة تكبر من فوق لتحت:خير شعندك؟؟؟شىء فيك؟
              حمد خلاص فول من رمستها:الشيخة حرام اسوين جيه بالبنت .انا غلطان والسموووحة واسمحيلى على الكلام الى كتبتة في القصيدة و لو كنت اعرف انج بسوين جيه ما كتبتها..ولا تحرجين على البنتية ومحطية حرتج عليها انا الغلطان مش هيه.هاي ياهل ولا تفهم..
              سارت موزه عند اختها ومطتها من عندة مرة ثانية..
              موزه وابتسامة سخرية على ويها: اقول تراك وايد ماخذ من عمرك مقلب..الحين انت تتحسبنى وايد مهتمة بقصيدتك..ههاااي اولا تعلم كيف يكتبون قصايد وبعدين تكلم .اونة انا زعلانة منة..شو تتحسبنى واايد ممتحنة منك؟؟وبعدين كيف تكلمني؟؟ولا بعد لاحقني..صدق ما فيك مذهب..وانت شو يخصك ليش داز بالوية..تراه رزت الفيس من طباع التيس..يا تيس..
              خلاص حمد وصل حدة..صبر عليها واااااااايد بس الحين خلاص ما في فايدة كثر الكلام وياها..هاي المرة الثانية الى تكلمة بهاي اللهجة وهو ما ممسوي شىء وتغلط علية الحين انا مظيع المذهب؟؟الحين انا تيس؟ خلاص حمد من كثر ما هو كان معصب عطاها كف..عشان يصحيها من الكلام الى تقولة وثمنة..موزه كانت منصدمة من حمد وكيف تجرا وسوى جيه..عيونها امتزرن من الدموع..وقفت محلها ولا تحركة ويالسة تطالعة والدموع تنزل من عيونها .خلت ايدينها على ويها وشلت اختها وسارت عنة. حمد..يلس مكانة منصدم بعدة ما مستوعب شو الى سواه..لا انا في حلم..انا كيف وتجرات وصفعتها؟ معقولة؟؟! انا سويت جيه..حس الدم في عروقة حارة حس ايدة خلاص تعورة..الصفعة ما كانت خفيفة الصفعة كانت قوية..لدرجة علمن صبوعة على خدها..ااااااه انا شو سويت ليش سويت جيه؟؟..ليش ما تمالكت اعصابي ؟شكلها ياهل وانا لازم اتغاضا عنها..هيه كان من حقها انها اسوي جيه؟..انا الغلطان. انا الغلطان. يا رب الحين شو اسوي؟؟حتى اختها كانت مندسة وراها كانت خايفة مني..شمة الا كانت تقولى حمد احبك .خلاص العلاقة الى بيني وبينها راحت .هاي البنت الصغيرة كانت تنتفض من الزيغة مني يلست تصيح..اااااااه انا شو سويت ليش سويت جيه؟؟ليش؟؟ليش؟؟..ما قدر حمد يوقف على ريولة يلس حس قلبة يعورة حطة ايدة على قلبة ومسك القميص ورص على صدرة..اااااه قلبي يعورنى الويع رد علية مرة ثانية حس حمد الدنيا تدور به يشوف الدنيا سودة في عيونة..حاول انة يوقف على ريولة عشان ما يطيح على الارض وبعدين اهلة بيدرون بحالتة ما حد من العائلة يدري بويع حمد ما يريد شىء يستويلة فمشى شوي ويلس..حس حمد بشوية راحة بعد الويع ما وقف..اريد اسير عندها..اريد اتاسفلها..اريد اشوفها..حراام ..حراااام .يلس حمد يصرخ في داخله .لالالالالالالالا .دخيلج لالالالالالا انا غلطان .انا غلطان..اريد اتاسف لها .اريد اراضيها .والله بسوي اي شىء المهم اراضيها. السمووووحة. السمووووحة. بس ما يفيد بعد الفوت صوت..
              موزه..بعدها ما سكتت من الصايح...كانت تصيح مثل اليهال..اختها كانت ساكتة وتطالعها. ما تكلمت ولا قالت كلمة..موزه تصيح وتصيح..انا ليش قلتلة هالكلام؟؟انا ليش جيه غبية؟؟الحين شو اسوى؟؟انا ليش غبية لهاي الدرجة؟؟ااااه وترفع عيونها لفوق وتصيح. كانت الصفعة الى عطاها حمد ما عورتها كثر نظراتة وردة فعلة..عيونة تكلمن عن لسانة. محر نظرات..نظراتة تكلمن ووفن عن لسانة..انا ليش نزلت من مستواي جيه. الحين شو بقول عني بنتهم جليلت ادب..وترفع صوتها على الرياييل .اااااااه يابوية .الحين شو بكون رايك في بنتك؟؟؟...الحين خيبت ظن ابوية فيني..كان يقولى بنتي غدي عاقل ورزين..البنت حلاتها في عقلهاو تصرفاتهاوادبها قايسي الكلمة قبل لا تنطقينها هي زينة ولا لا .اااااه الحين لو يدري ابوية عنى شو بقول عنى.؟؟!!يا ظياع التربية ؟؟يا ظياع التربية؟؟!!..انا استاهل كل الى ياني وبعد استاهل كفين مش كف..يالله برحمتك..يالله برحمتك.يا الله بالعون ضاعت منى حواسي.يا حر الجرح لما يكون على ايدك يالغريب..ويلست موزه تلوم نفسها وكلامها لحمد..هو كان ياي بطيب نية .انا ليش عاملتة جيه؟؟ليش ياربي؟؟ليش؟؟هيه الا قصيدة .وانا كنت البادية..بعد شوي اقطعن افكارها .وهدى صايحها شوي..رنة تيلفونها..
              موزه وتغير صوتها على ان كل شىء طبيعي:الو..
              سلامة: موزوه وينج؟؟
              موزه يالسة تتلفت على المكان هيه اصلا ما تعرف وين يالسة .شافت محل عطورة عدال محل الكتب: هااه .سلامي انا عدال محل الكتب بمحلين..
              سلامي: اوكية..يالله تعالى بسرعة..
              موزه:اوكية..
              التفتت موزه لشمة .الى بعدها ما مستوعبة الى استوى .مسحت دموعها وابتسمت لشمة..هي ما كانت تريد اصيح شمة ولا انها تاذيها هي سوت جيه بس عناد بحمد هي اصلا واااايد تحب شمة لانها اختها واختها الوحيدة .فكيف بتكرها؟؟وصيحها؟..
              موزه وابتسامة على ويها:شمة شو فيج؟؟
              شمة: بدت تصيح..
              موزه: حبيبي لا تصيحين...انا بس كنت اصيح لانة حمد كان يغايضنى بس..
              شمة تطالع اختها وعيونها انترسن دموع:.........
              موزه: شمة حبيبي ما ريدج تقولين حق حد اني كلمت حمد .اوكية..
              شمة ونزلن دموعها:اوكية بس انا ما احب حمد..حمد شرير..
              موزه خنقتها العبرة: لا حبيبي حمد مب شرير حمد وايد طيب..لا تقولين انة شرير .حليلة مرة ثانية يوم بيي بييب لج هداية والعاب لج..
              شمة بدت شوي تهدا صدق والله؟؟
              موزه:هيه. اااااااه حليلج يا شموه..
              سارت موزه وشمة عند محل الكتب عشان يلقون موزه هناك..
              سلامي ويدينها متروسة من الالعاب حق شمة: شمووه حبيبي اندوج هاي الالعاب حقج.
              شمة: حقى انا ؟اللللللللللللللل له وااااااايد حلوات.
              موزه كانت تمشى بخطوات ثجيلة ومنزلة راسها تحت كل تفكيرها بحمد..تذكرت الصفعة وتحجبت زين عشان ما حد يلاحظ ..وهي ما تريد تفتح الموضوع حق حد حتى سلامة..
              ويلست سلامة تزقر موزه وقطعت حبل افكارها..
              سلامة: موزوه..موزوه..
              موزه وابتسامة مطفية على ويها: هلا سلامة شو بلاج؟؟
              سلامي: لا والله شو بلاج انتي من متى ازقرج وعاطتنى بو لباس..
              موزه:انا ..لا بس كنت افكر شو من الكتب اشتري؟؟
              سلامة: خلاص انا اشتريتهن كلهن ما عندى وقت .يالله بسرعة...يتريونا...وتمسك موزه من ايدها ويظهرن من المحل عند الباركنات ..كانت سيارتين ليمونيز واقفات في الباركنات يتريونهن .كلهم ركبو السيارتين .بس يدتهم وحمد وسعيد بسيرون بسيارة حمد البورش الى كانت مبركنة في الباركنات..لانهم بسيرون لندن عشان الدكتور قال لازم يسوون فحوصات حق يدتهم قبل العملية..ويوم بخلصون الفحوصات بردون عند عمهم واهلهم في الريف..
              حمد بعدة قلبة يعورة ما رايم يقوم من مكانة..حس ان سعيد يتقرب منة خلا عمرة ولا شىء فيه..عشان سعيد ما ينتبه له..ويسويلة سالفة..
              سعيد: حمد يالله بسرعة نروح امايا شيخة تتريانا .الحين اكيد محتشرة..
              حمد يقوم شوي شوي:يالله سعيد .سعيد حس بحمد .انة مش طبيعي شىء فيه..
              سعيد ماسك كتف حمد:حمد ابوية شىء فيك؟؟
              حمد وابتسامة صفرة على ويه:لا سعيد ما فيني شي..
              سعيد:لا والله عيل شي فيك .
              حمد:يا بوية قلنالك مافيني شىء يالله عن نتاخر على امايا شيخة..
              سعيد يمشى ويحس بحمد خطواتة ثجيلة ولا يروم يمشى .وويه معتفس .الحين انا ما بسالة ولا بقولة شىء لين يهدى شوي..وصلو عند الباركنات..كانت يدتهم من التعب راقدة في السيارة..
              سعيد: الحمد لله العيوز رقدة وفكتنا من الصدعة..هههه
              حمد ولا رد ولا قال شىء:................
              سعيد:حمد خل انا بسوق انت شكلك اليوم وايد تعبان..
              حمد: على راحتك..
              سعيد: اقول حمد وين تبانا انروح بيتك ولا بيتنا؟؟
              حمد بيتنا..لانة بيتكم سمعت عمى منصور يقول فيه صيانة..
              سعيد:اوكية .
              دام الهدوء والسكوت طول الدرب..مش من عادات سعيد انة يسكت طول الدرب يلتفت على حمد الا كان سرحان يطالع الدريشة طول الدرب وساكت ولا يتكلم اللهم كلمات بسيطة(اوكية.....ان شاء الله..على راحتك...ما مشكلة سعيد حاس بحمد مش طبيعي. بس لو الحين تكلم بحرج علية حمد وما يريد يظاربون في الدرب وبعدين بعصب وبروح يسكن في الفندق..لانة حمد يوم يعصب ماحد يكلمة لانة يسوي ويقول كلام ما يثمنة وبعدين يتندم علية..وصلو البيت..والخدامة فتحت الباب لان كل الخدم موجودين لانهم يعرفون ان حمد بيوصل اليوم لندن..بس الخدم اللي في بيت حمد لبنانيات لانة ما يحب الاجانب يخدمونة..البيت طابقين ووايد فخم لونة بني غامج على خمري اول ما دش البيت اتيك صالة دائرية كبيرة كلها زجاج لونها بني فاتح والطابق التحتى كلة صالات مفتوحة على بعضها وفي صالة مطلة على الحديقة فيها بيانو..لان حمد يحب يعزف على البيانو لانة يوم كان يدرس في بريطانيا كانو يعطونة دروس موسيقى طبعا يوم كان صغير. اما الطابق الفوقي فيه خمس غرف مع صالة وحمام خاص بكل وحدة والى فوق يشوف الى تحت لانة البيت كلة مفتوح على بعضة..وشكلة مثل المتاحف من كثر اللوحات والتحف ولون البيت من داخل اسود .وخمري..شكلة فخم .لانة حمد يحب هاي الالوان..
              ام فادي:الحمد لله على السلامة استاز حمد..
              حمد ما عطاها ويه كان تعبان..
              سعيد رد بسرعة:الله يسلمج...ام فادي جهزي غرفتين حقى وحق امايا شيخة..
              ام فادي:لك تابرنى ست ام سالم..الحين دغري بروح اجهز الغرفتين.استاز سعيد بدكن عشى؟؟
              سعيد:لا والله مشكورة..
              حمد سيدة دخل غرفة وخذ شاور ونسدح على الشبرية كان وايد تعبان قلبة يعورة يلس يضغط على صدرة .ويتلوى من الويع يلس يكح ويكح .ويه صار احمر من الكحة .سار الكبت يدور الدوى وين مخلنة .مالقاه يلس يدور في الغرفة لين ما لقاه خذ الدوى ومهدئات..ومن التعب رقد..اما سعيد يلس ويا يدتة ووداها الغرفة عشان تترتاح.. يلس سعيد في كراسي الحديقة ما ياه الرقاد يفكر في حمد وفي الى غيرة بهالسرعة؟؟حمد اكيد شىء فيه .شكلة وايد تعبان لدرجة انة ماكان يمشى زين .كان ميود شىء عنى .بس باجر ان شاء الله بقولى.
              مد ريولة على الطاولة .وشل وردة من المزهرية..ويلس يطالعهاو ينتفها...ويلس سعيد يفكر .في حال هالدنيا .حرام ابى ارد عند قوم عمى والله الرحلة كانت فنانة ووناسة. ما كنت اتوقع اني بتعلق بهم بهاي الدرجة....وخطر في بالة مى...ااه يامي يابنت عمى .لو انها مغرورة بس غرورها حلو..بس ماشاء اللة جمال ما شاء الله عليها..ذكرها يوم كانت ياية عندة عشان تقولة ان يدته كانت تبى حمد..شقايل كانت ..كانت تبى تيلس وياي وتتكلم بس غرورها ما خلاها..بس نظراتها تكلمن عن كل شى..يلس سعيد يعد قصيدة .سعيد وايد يحب القصيد..
              كحسنك طبيعي كله اعجاب * سبحان ربى لي مسويك
              نظرة عيونك طرف جذاب * ماريت لي مثلك يباريك
              بسباب بين ويش لاسباب * يلي من محبك تجافيك
              الروف واجب بين لاحباب * والوقت شاين دون غاليك
              والحب لزم اعهود واطلاب **لا عاش خلي من يخليك
              تعال صوبى زد لا حباب * لبي محبك لي يناديك
              لنه فوادي منك ماطاب **باع الغوالي لاجل يشريك
              ادوس لجلك وسط لصعاب * اطلب حياتي صدق بعطيك
              ما همني من قال كذاب * الرب يشهد واني ابغيك
              يا زين حظ كيف ما جاب * نحس الليال ضد مغليك
              ااااااه يا مي شو الى سويتية فيني؟؟
              سبحان ربي كيف الاوصاف تعجر* عنك يا ذا راعي العيون المناعيس .
              متى برد عند الاهل واشوفها مرة ثانية..اه ياعيونها ذبحتنى. شكلى طحت من اول مرة. هاي اول مرة اشوفها جيه استوالى .الله يعين بلى بيي..وبعد شوي سار سعيد يرقد لانة خلاص كان .تعباان .
              في السيارة الاولى كانت موزه ومي وسلامة ونورة وعمهن منصور..والسيارة الثانية كانت ام موزه وسلطان وحرمت عمه منصور وشمة وسارة..طول الدرب كانت موزه ساكتة وطالع الدريشة السيارة ولا اطالع الكوب الى عندها وسرحانة وعيونها كلهن دموع .اما البنات ما سكتن من كثر السوالف ومي وسلامة كل عادة يظاربن..
              سلامة وتكح من الظحك:موزوه..موزوه ..شو فيج؟؟
              موزه انتبهت انة سلامة تزقرها تمسح دموعها عشان ما حد يلاحظ وظهرت ابتسامة صغيرة: ما فيني شىء انا اسمعكم...
              نورة: عيل نحن من ظهرنا من المطار نسولف وانتي ما تكلمتى ولا بكلمة ..
              مى: والله افتكيتى الا جان سوالف سلامي ما حد يريد يسمعهن...
              سلامي وصد صوب موزه: في ناس بموتون من القهر عشان ان سوالفى احلى من سوالفهم..الله يعينا من الغيرة..
              مى: ااااااااااااااوووف..الله يعيني منج .يا دبة..وتفرها بالمخدة..
              سارت سلامي ومطتها من كشتها: انا دبة..يمسودة ويه..من حلات جسمج..يا درام ديزل.
              سارت نورة تحايز بينهن: الله يهديكن شو فيكن..انا خاطري مرة تيلسن ولا تظاربن .بس خلاص انتن مش يهال..
              مى: ااااااااي شعري .ما بي ايلس وياها اريد امايا .الحين انا درام ديزل .والله كل البنات يقولن جسمي جسم عارضات ازياء..
              نورة:اص تراكن بتوعن ابوية..حرام عليكن ..تعبان..ما بقي شىء الحين منوصل. استحملن..
              مى وطالع سلامة:انا ما كنت اعرف في بنات غجر ما عندهن اسلوب .
              سلامة وهي معصبة:انا غجرية .ماعلية .الحين براويج كيف الغجر..
              مى بصوت عالي:خلاص التوبة .التوبة..انتي شيخة البنات..
              سلامي:هيه جيه اباج..يلست نورة وموزه يظحكن عليهن...وعم الهدوء في المكان. وسلامي ومي رقدن اما نورة يلست تقرى الجريدة .وموزه ردة على ذاكرتها ويا حمد. يلست تلعب بالكوب اللي في ايدها..وابتسمت..يالله يارب تحطيني اشوفة مرة ثانية. وصدت لدريشة تشوف المكان..ما كان حد موجود برى كل الناس في بيوتهم الوقت فير الناس بعدهم في سابع نومهم..رفعت نظرها لسما كان القمر بدر والسحاب مغطنة بس ضوءه باين. نزلت عيونها لارض كانت الارض ياينها مطر والبقعة متبللة..حست ببرودة في جسمها ما عدا المكان كان دافى..لمت جاكيتها بقو على صدرها..وحكت راسها على كتف سلامي واستسلمت لنوم مثل ياهل صغير..وبعد ساعة وصلو البيوتهم..
              عمهن منصور:موزه...سلامة...نورة...مى ..قومن الغاليات وصلنا..
              موزه وتفتح عيونها شوي شوي:هاه .......ان شاء الله عمى. سلامي..سلامي. قومي يالله
              نورة قامت من رقاد:مى...مى...قومي..
              قامن كلهن وسارن كل وحدة بيتها ومن التعب سيدة دخلن ورقدهن..اما موزه سارت عند السيارة الثانية عند امها .
              موزه والابتسامة على ويها:امايا .امايا..الحمد الله على السلامة..
              ام موزه:الله يسلمج..اخيرا وصلنا..اسمنى تعبانة وما شوف من الرقاد..امايا سيري ونزلى اختج من السيارة ووديها غرفتها..

              من مواضيع ام سلوم :


            • #13
              صورة ام سلوم
              ام سلوم غير متصل صعب اننا نوصفه
              تاريخ التسجيل
              Nov 2004
              الدولة
              احلى مكان في الدنيا (( الرياض ))
              العمر
              24
              المشاركات
              6,010
              Thanks
              0
              شكر 0 مرات في 0 مشاركات
              موزه:ان شاء الله .سارت وشلت اختها ووقفت عند مدخل البيت..اااااااه يا البيت ما تغير. اخر مرة يايتنة من 8سنين. بيتهم كان شكلة ريفي وعصري ممزوج. فيه حديقة كبيرة اول ما تدخلين البيت وفيها مسبح وكراسي..وفيه غرفة زجاجية في الحديقة..البيت طابقين اول ما دشين البيت صاله كبيرة وفي النص جرة كبيرة وداخلها ورود من كرستال شكلها وايد حلو .والطابق الاول فيه مجالس ومن الصوب الثاني مطبخ وغرفة طعام. وفيه دري دائري للطابق الثاني وفي الطابق الثاني 4 غرف مع حمام خاص لكل غرفة وفوق الجرة مباشرة نافورة خيول)شكلها وايد حلو..كل شىء مثل ما كان ما تغير شىء .البيت كان دافى لان الخدم كانو مورين المدافىء الى في البيت والغرف..الله البيت محلاتة وسارت وخلت اختها في غرفتها .وسارت المطبخ عشان تسلم على ام وديع وبنتها..عشان هن ايلسن في لندن ونظفن البيت وام موزه ما تعرف انجليزي عشان اتيب خدم انجليزيات وهن كانن من زمان عندهن..كانت ام وديع وبنتها راقدات لان اهل موزه وايد تاخرو ..فهن رقدن ..ما علية باجر بسلم عليهن..
              موزه:ميري .هاتي شنطي وخلين داخل الغرفة .ابا اسبح..
              ميري:اوكية مام..
              سارت موزه داخل غرفتها..ويلست تطالع الغرفة..كل شىء مثل ما كان ماشىء متغير. ووقفت عند البلكونة وطالع برع .الله الصراحة الجو روعه متى بي باجر عشان اسير اسلم على نيكولاس وساندرا..(نيكولاس وساندرا)بيتهم مقابل بيت قوم موزه وهي وايد تحبهم وهم بعد..هم اصلهم لبنانين بس سكنو في لندن .وهم بعد اغنياء بس الله ما عطاهم العيال فكانو وايد يحبون موزه مثل بنتهم..
              فيابت ميري الشنط ورتبتهن في الكبت..
              موزه:ميري وين ماما وسلطان؟؟
              ميري: كلش روح نوم..
              موزه:اوكية قود نايت..
              ميري:قود نايت وشلت موزه بجامتها وخذت شاور بسرعة وسحت شعرها ويلست تنزل المخاد من شبريتها .وندست في فراشها..لازم باجر اقوم من الصبح عشان عندي مشاوير والله اشتقت للندن. ما بقي غير كم من ساعة عن ايي الصبح..وغمضت عيونهاورقدت بسابع نوم..
              شو بستوى لموزه؟؟؟؟وشو بستوى لحمد؟؟ وشو بستوى لسعيد؟؟؟وشو بستوى لمى؟؟ وبعد سلامة وسلطان؟؟؟؟

              من مواضيع ام سلوم :


            • #14
              صورة ام سلوم
              ام سلوم غير متصل صعب اننا نوصفه
              تاريخ التسجيل
              Nov 2004
              الدولة
              احلى مكان في الدنيا (( الرياض ))
              العمر
              24
              المشاركات
              6,010
              Thanks
              0
              شكر 0 مرات في 0 مشاركات
              الجزء ال 11
              فتحت عيونها شوي شوي...التفت يمين ويسار..انتبهت انها مش في غرفتها الى كل يوم تكون فيها هاي الغرفة غيرها..ردت لذاكرتها انها في لندن..حست ببرد تغطت..ولوت على لحافها..وبعد شوي اعتدلت في يلستها .شافت البلكونة. الضوء بعدة توه بادي يظهر .التفتت للساعة الساعة الحين 8صبح..ردت بنظرها للبلكونة شافت مطر برى..نقزت من شبريتها عشان تشوف المطر..تقربت من البلكونة...الله على الجو فتحت الستارة..برى الدنيا متخرسة من المطر بس المطر مش قوي كان رذاذ .بس وايد حلو الجو والدنيا مغيمة والشمس بعدها مش وايد ظاهرة..والمهب شكلها مش قوية بالعكس كانت هادية ..هههه وحليلهن العصافير يالسين على الشير .وشكلهن ينتفظون من البرد..الله ياليت هذا الجو يكون في الامارات..ويلست فرحانة انها من زمان ما شافت مطر .فسارت بسرعة عند كبتها عشان تفكر شو تلبس لانها ما تريد تيلس في البيت والجو يخبل بس لازم البس شى شتوي لانة الجو شكلة وايد بارد..فختارت قميص شتوي بدي عنابي طويل لين طرف اصبوعها وفيه ابه لين رقبتها من فوق وياه تنورة جنز سودة ومرسوم عليها ورود بالعنابي وبوت شامواه عنابي..وسارت وخذت شاور بسرعة وصلت الصبح. ويلست تشوف شكلها في المنظرة كيف اسوي شعرها..ففكرة انها اسويه قرنين وتعقصة شوي وتحطيه مفجوج من تحت..لان شعرها لونه كستنائي وناعم بشكل فضيح..وقصير لين جتوفها من تحت..وجحلت عيونها من داخل وخلت روج وردي شفاف وخدودها اوردي من البرد موردات..وظاهرة تخبل لانها لابسة عنابي وهي وايد بيضة..ظهرت من الغرفة .ولقت البيت هادي بشكل فظيع بعدهم العرب رقود...كيف هذيلة ايهم رقاد ؟..فنزلت من الدري..وشافت ميري وجودي ينظفن البيت .
              موزه والابتسامة رقيقة على ويها: قود مورنق..
              ميري وجودي:قود مورنق...
              موزه ومخلية ايدينها ورى ظهرها:شو اسوووووون؟؟
              ميري: سوي ترتيب..
              جودي ومخلية عمرها معصبة:موزه ليش ما سوي نوم؟؟؟
              موزه وتوها بتقعد على الكرسي ومسكت الجريدة: بس انا ما ياني ارقاد..حد يرقد الجو يخبل؟؟
              جودي: موزوه انتي ما في سوي نوم زيادة..مافي تعبان؟؟
              موزه ومشت لين عندها وتعطيها وردة من المزهرية: لا انا مش تعبانة احس اني رقدت يوم كامل..وتمط ايدها وتوديها المطبخ..
              موزه ويلست على الكراسي المطبخ:هاه جودي شو الريوق اليوم؟؟
              ميري: انتي شو يريد؟؟
              موزه: امممممم اريد فرنش بريكفاست..
              ميري اوكية.
              ودخلت عليهم ام وديع..ويلست تطالع موزه .ما عرفتها...وبعد شوي
              ام وديع: انتي موزه؟مو هيك؟
              موزه وطالعها والابتسامة كبيرة على ويها: شو رايج يا ام وديع؟؟
              ام وديع وعيونها يلمعن من الدموع: لك تابريني..يخزي العين .شو حلوه...وتحظنها...
              موزه والدموع نزلن من عيونها: بس عاد ام وديع تراج صيحتينا...
              ام وديع: هيك ؟..هيك؟ يا موزه لا بتشئى علينا..خلاص انا كتير زعلانة عليكى..
              موزه: افااا يا ام وديع .اهون عليج..ويلسن على الكراسي...
              ام وديع: والله يا موزه ما عرفتك من اول مرة شفتك فيها..لك تابريني والله متل الملكة. يخزي العين...يخزي العين..
              موزه:بس عاد ام وديع .الى يسمع يقول حورية .
              ام وديع: والله العظيم .انك بجننى.ومتل الحورية كمان.
              موزه: انزين يا ام وديع شخبارج؟؟؟وين بنتج؟؟ما شوفها..
              ام وديع والله بنتي عرسة .وجابت بنت وصبي..
              موزه وهي مستغربة:صدق والله؟؟
              ام وديع: ايه .من خمس سنين هيه معرسا .
              موزه: وحليلج يا سامية...والله اني كنت احبها..
              ام وديع: هيه كمان بتحبك..وتبعتلك سلام..وكل مرة بتسال عنك..
              موزه: الله يسلمها من الشر .سلمى عليها وايد وايد وقوليلها موزه زعلانة انها ما حظرت العرس ولا حد قالها...
              ام وديع: يه يه ..لك تابريني .زعلانة..لا والله مين ال .انا لما ازورها رح اؤلها انك هون. وهي اكيد رح بتيجي تسلم عليكى..
              موزه: فديتج يا ام وديع .الله يخليج...لا تعبين عمرج انا بزورها..
              ام وديع:لا ليه.ما بصير
              موزه:والله عيل ما تخلينها اتي. انا اللي لازم ازورها مش هيه...انا اريد اشوفها واشوف عيالها
              ام وديع الله يخليكى...لما بدك تزورينها احكيلى عشان اروح معاكى..
              موزه وابتسامة عريضة: فالج طيب..
              ام وديع: انتي اوليلى انخطبتى شى؟؟
              موزه وحطت ايدها على خدها:الله ينطبة بعدة ما ظوى..
              ام وديع:يه .يه يه..ليه؟؟
              موزه: تبين الصراحة احسن .انا بعدني تونى مخلصة ثانوية.والا كوس واحد مخلصة من الجامعة .وبعد كم من اسبوع بتى الجامعة وبكمل الكورس الثاني.
              ام وديع: والله هل رجال ما عندهن عيون .لك حد ما بيخطب هلؤلؤه؟؟والله ما فيهن عيون.
              موزه: هههههه .وحليلج يا ام وديع .بعدني ما مستعيلة على شىء .لو شىء نصيب ما حد بردة..
              ام وديع: الله يعطيكى الرجال الى بادرك .وبخليكى على راسو..
              موزه:شو رايج يا ام وديع تدوريلى..ههههه
              ام وديع: ليش لا..بدورلك..ويلسن يسولفن لين شوي وبعدين سارت ام وديع السوبر ماركت عشان كم من غرض ناقصنها..وشلت موزه كوب الجاي وظهرت من المطبح.اف لين الحين ما قامو؟؟..ومشت لين الصالة الزجاجية ووقفت وطالع المطر...والحديقة .الله محلاة الجو .خاطري اظهر برى بس الدنيا رطبة من المطر اخاف اتوصخ...وبعد شوي تسمح حد يجلب بالجريدة بس الصوت من بعيد .يعنى الصاله الرئيسية .فرحت .اخيرا سلطان قام من رقادة..مشت بخطوات سريعة..بس ما كان سلطان..تقربت بس ما كان رافع راسة منزل راسة وهو يقرى..وبعد شوي رفع راسة..كان حمدان اخوها..من شافت حمدان اخوها ربعت عندة..وهو من بعيد يالس يطالعها والابتسامة كبيرة على ويهه..وقام يوم شافها تقربة منه...من الفرحة يوم شافت اخوها وقفت جدامة..
              موزه وخلاص دموعها خاننها ويلست تصيح: والله انك بايخ. عنبوه من شهر ما شفتك ولا تسال عنى..
              حمدان وابتسامة صغيرة على ويه:انا بايخ؟؟..السموحة يا اغلى اخت ويا ابزى اخت في الكون...ويحظنها..
              موزه: الحين عرفت ان عندك اخت؟؟
              حمدان ويمسكها من خدها: شو اسوي الشغل..
              موزه ويلست عداله: اف من هذا الشغل..على ما اظن الشغل ما يقولك لا تسال عن اختك ولا دقلها تيلفون..
              حمدان وهو متلوم: خلاص عاد..السمووووحة .
              وسارت موزه وشلت مخدة وخلتها تحت ويلست جدام اخوها..
              حمدان:شو اسوين؟؟
              موزه والابتسامة على ويه: ليش حرام اريد اشوفك..واريد اشوف شكلك تغير ولا لا..اخوي ياااااااي محلاتك والله تخبل معقول انك انت اخوي؟؟؟
              حمدان: هههههه لا ولد اليران..بس عاد .شو تتطنزين؟؟
              موزه: بذمة ما اطنز..ماء شاء الله ..وطالعة بنظرات اعجاب..وتظحك
              حمدان ويفرها بالمخدة: زولى لا..والله انج متفيجة....الا قوليلى شو هالحلاوة كلها..متكشخة وين تبين؟؟
              موزه واونها مستحية: والله ما من بقعة صدق والله ؟الحين انا حلوة؟
              حمدان وهو واثق من نفسة: الا انتي شالة الحلاة كلها..
              موزه: مشكور..اخجلت تواضعى.. الا اقولك من متى انت هنيه؟؟
              حمدان ويشوف ساعتة:من تقريبا 10دقايق..
              موزه: ليش عيل ما دخلت ترتاح؟؟
              حمدان: شفت الجريدة وقلت بصفحها..
              موزه:الله يهديك الحين الجريدة ما بتشرد سير ارقد ابرك لك.
              حمدان:مب جنها طردة ..هههههه..
              موزه:لو الود ودي جان ماخليتك تظهر .ابا اسولف وياك..بس حرام الحين تعبان..بس بعدين بتشوف بلصق فيك لصقة..الا قولى تبى ريوق؟؟
              حمدان: لا والله اريد اسبح واسير ارقد..
              موزه: يالله بوي سير بسرعة..
              حمدان: الا اقولج الله ينطب بليسج نسيتيني .وينها امايا؟؟
              موزه: امايا بعدها بسابع نومها..
              حمدان: ههههه ليش انتو من متى واصلين؟؟
              موزه: من تقريبا خمس ساعات..
              حمدان ويرفع حياته: ول وانتي شو مقومنج من غبشة؟؟
              موزه:والله ما ياني رقاد شفت الجو حلو قلت بسير اشوفة..
              حمدان ويطالع برع: هيه عادي ما دام وصلتى لندن تعودي على هذا الجو لانة الشتى داش ولا بعد بطيح ثلج..
              موزه: الله ثلج بطيح؟؟
              حمدان: هيه..
              موزه: الله ......يا الله متى بينزل الثلج عشان العب فيه؟؟
              حمدان: يمكن كم من اسبوع.جيه شو اول مرة تشوفين ثلج؟؟.
              موزه: والله عاد كنت صغيرة يعنى نسيتة..انزين الحين الجو بتم جيه .
              حمدان: لا بعد شوي بوقف المطر..
              موزه: الله .عيل بقدر اظهر برى؟؟
              حمدان: شو رايج اسيرين ويا البنات الحديقة..في حديقة عدال بيوتنا وايد حلوة..
              موزه: والله فكرة حلوة...اسميني اليوم ما بخلى بقعة..
              حمدان: هههه .عاد لا تحومين وايد..
              موزه: فالك طيب.بس شوي.
              حمدان ويشل جاكيتة ويخليه ورى ظهرة:عاد الحين اوروفوار..
              موزه: اوروفوار..
              ويلست في مكان اخوها يوم سار عنها وخلت ريولها على طرف الطاولة وتصفح الجريدة..لان بعدهم العرب ما قامو من رقادهم...وكل شوي اطالع برى والجو ..متى بوقف المطر عشان اظهر برى واسير عند سلامي؟؟
              في بيت حمد الى في لندن..
              نقز سعيد من شبريتة ومشى شوي .الحمد لله اني مصلى الفير قبل لا ارقد والا اسميني ما بصليها من الرقاد..ااااااااي الجو بااااارد وربع فوق شبرتيه..حشة اثلجن ريولى..شاف الساعة..الحين الساعة 8ونص .معقولة الحين حد قايم؟؟؟.....الا العيوز ما ادري شو اصبحت ؟وحمد..اااه يا حمد لو ادي شو بلاك؟؟. وظهر من الغرفة وهو متلحف بالحاف الشبريه من البرد متعايز يلبس الجاكيت..ومشى بسرعة لغرفة حمد لانة ميت من البرد..دق الباب محد فتح..فدش الغرفة. لقاه بسابع نومة...سار يقرصه على ريولة ولا فاد لوح .بعدة راقد...شل اللحاف عنة وفرة بعيد..
              حمد وما رايم يفج عيونة من الرقاد:هاااااااااا شبلاك؟؟؟
              سعيد: شو بلاني؟؟؟سلامتك..يالله قوم..بسك رقاد.
              سعيد: والله انك متفيج...خوز لا...
              بعدة حمد ما قام من رقادة...سار سعيد الحمام وياب ماي بارد...وفتح الباب وجب علية الماي وشرد..
              حمد وهو يشهق: الله يغربلك..ما علية مسود الوية الا بتى .
              ويروح ويربح وراه...سعيد سيدة نزل تحت...ووراه حمد ..
              ام سالم: لا اله الا الله عنبوه منو يدابج فوق الحين؟ وتشوف سعيد وحمد يتراوغون..
              ام سالم وتزعج عليهم:ياااااااااااا ااااله بستر .شو مستوى؟؟؟ هاه خلة شو تباه..
              وسير عندهم..
              ام سالم: صدق انكم مضيعين بالمذهب..عنبوه رياييل كم كبركم تتضاربون؟؟اصبحنى واصبح الملك لله..وتظربهم بالمسباح..
              سعيد واونة متلوم:فديت امايا .ويحبها على راسها .ويشل برقعها ويحبها على خشمها. كلة عاد الا عيوزى ماروم ازعلها...ويدزة حمد..
              حمد: خوز ...يعلني ما اخلي من نور هالبيت كلة...ويحبها على راسها..
              سعيد واونة مسكين: امايا حليلى راقد بسابع نومي وايي حمد ويرشنى بالماي ويظربنى .مب حرام علية؟؟
              حمد امايا جذاب لا صدقينة..والله انا حليلى كنت راقد وهو الى جب علية الماي..
              ام سالم: يوزو..يوزو ولا حرام اني لاخبر عليكم ابوكم..عنبوه غديتو يهال؟؟يالله بستر..تعالو يالله تريقو..والا اقولكم صليتو ولا لا؟؟
              حمدوسعيد: الصلاه على النبى..
              ام سالم: عيل تعالو .يالله .
              حمد وسعيد: اماااااااااايا شو سويتى بالبيت؟؟
              ام سالم تطالعهم بنص بعين:بعد شو سويت؟؟؟بيتي وكيفى...وما دام اني يالسة في البيت بسوي الى اباه على هواي..
              حمد: بس امايا حرام شو سويتى بالصالات؟؟
              ام سالم: ما دام بتيلس وياي بسير على شوري..البيت جيه عايبنى...عيل شخانتهن هاي الكراسي والعكوس..ليش ما تعرف ان الملائكة ما دش البيت الى فيه عكوس..يسد بلادهم الملائكة ما تهبطها بعد تعلق عكوس؟؟
              حمد: انزين امايا وين خليتيهن؟؟
              ام سالم: ما ادري بالبشاكير وين خلنهن؟؟
              سعيد: امايا سوي الى يريحج ..برايج خذي راحتج...
              ام سالم: وووووه والا انا من متى بشاوركم على الى بسويه؟؟
              حمد: امايا حرام هذيلة مش رخاص عشان جيه تخدميبهن...وتشلينهن وما ادري وين فريتيهن..
              ام سالم ويالسة تتقهوي: حمد تراك صدعت براسي..شعندك .الا جان هاي الكراسي وهالعكوس ما يرزن.. بييبلك عكوس قران ابرك لك..
              سعيد وناقع من الظحك: حمد ؟وانت شو تباهن هاي العكوس؟؟هاه..
              ويسير حمد ويظربة على كتفة: يعلني بلاك...بتشوف..
              ام سالم: وابويا شو تباه ولد عمك تظربة؟؟
              حمد: امايا ما تشوفينة؟؟؟
              ام سالم: يالله تعال تريق...بعدين بخلى البشاكير يردونهن لا تزعل علينا..
              حمد: لا امايا مش قصدي بس عاد ما خليتى شىء ما شليتيه..ولو قلتي جان انا بخلى حد يشلة .اخاف يكسرون شىء..
              ام سالم:يابويا تراك كلت فوادي..حشة ما يرزى علينا..
              سعيد: امايا طبيه...وينة عيل ريوقج؟؟
              ام سالم: هناك ...وسارو صوب الريوق..
              حمد شهق: امايا شو سويتى؟هنيه بعد؟؟؟
              سعيد خلاص ميت من الظحك على حمد ويدتة لانها خلاص بتيب الجلطة لحمد..وباللي سوت في البيت .
              ام سالم: بعد شو سويت ؟ البيت بارد وانا ما اقهر البرد فقلت للبشكارة اسويلى كوار..
              حمد وفاج عيونة: كوار ؟؟من وين يبتيه هالكوار؟؟؟
              ام سالم: بعد من وين يايبتنة من البيت..
              حمد:الله يهديج يا امايا .جان قلتى لام فادي .وبتوري المدفاه..
              ام سالم وشلت الدلة ولفت عنة الصوب الثاني الى عند سعيد: انا عاد ما يعيبنى غير الكوار..سمع بوي انا ما حد يقولى شو اسوي..اسوي الى في راسي..وهاي الى قلتها ما اعرفها ولا اباها..
              حمد: انزين امايا سوي الى براسج بس قوليلى قبل .دخيلج..
              سعيد: حمد شو بلاك؟؟؟خلها حليلها..على كيفها..
              ام سالم: شوف ابوي لو ما عيبنك اكوه الدرب..
              حمد: لا امايا لا راحتج سوي الى تبينة...
              كانت ام سالم فارشة فراش تحت ومخلية فوقة الكوار..ومخلية البشكارة اسوي ريوق ويالسين يتريونها ..فيلسو يسولفون..
              سعيد بصوت واطى:ههههه .حليلك..شو تباها خلها اسوي الى تباه..
              حمد احلف انت بس...عنلاتك تعرف كم مكلفنى هذا؟؟؟وبكم هالعكوس على قولتها؟ وتروح وتفرهن ما ادري وين؟؟؟والله حرام....وعفست بالبيت..
              سعيد: انت تعرفهن العيايز من بونهن ما يعيبهن شى..ويشغلن عمارهن باي شغلة...
              حمد: الله يعين شو بسوي بالبيت؟؟
              سعيد: تحمل بس اليوم والظهر ترانا منرد عند عمى وهناك بتيلس في بيتها ويا عمى منصور..
              حمد: انا مش ما اريدها والله اني احبها واريدها تيلس وياي في البيت .بس انت شوف شو مسوية بالبيت..
              سعيد: عادي .خذها بروح رياضية..
              حمد: يالله شو نروم نسوي .هاي يدتنا على عينا وراسنا..
              ام سالم وطالعهم بعين: شو فيكم؟؟؟تتصاصرون؟؟؟وتشرب القهوة
              حمد وسعيد: سلامتج امايا...ما فينا شىء
              ام سالم: تحسبت بعد شىء فيكم؟؟
              ام سالم: خديجة..خديجة..عنبوه مب ريوق هذا!!!غدى هذا!!!
              خديجة: ماماه دقيقة شوية..
              ام سالم: حشة خلاص ما حد يباه.
              حمد: ليش امايا ما قلتى لام فادي اسويلج ريوق..وسار وخلا راسة على ريول يدتة...ويلست تمسح على راسه..
              ام سالم وتحرك ايدينها لا حشى وهاي شدراها بريوقى؟؟
              سعيد: امايا تراها لبنانية وقوليلها شو تبين وبسويلج...وسار عند الكوار عشان يدفى..
              ام سالم: ما حد يعرف بريوقى غير بشكارتى..وطباخي الا عاد ما يبتى..
              ويابت خديجة الريوق .وحمد وسعيد مستغربين..
              سعيد: يا حافظ عليج يا امايا ..هذا الى في خاطري اكلة من زمان..اصدقين امايا شيخة ان امايا ما اسويلنا مثل هذا الريوق.
              حمد: حتى انا امايا ما حد يسوي مثل هذا الريوق عندنا. فديتج يا امايا. اسمينا منعيش من وراج..
              ام سالم: عيل شو تتحسبون ريوقى شرات ريوق الانقليز..حشة علية..حرام انه ما يهبط في حلجى..كلو الغالين كلو...ادري بامهاتكم ما يسولكم هذا..بس خلونى اشوفهن ما هزبتهن .وعلمتهن...الا قولولى شو عيل يسون لكم ريوق؟؟
              سعيد: الصراحة امايا انا ما ايلس في البيت ولو يلست ما اقوم الا عند الغدى..
              حمد: هيه امايا حتى انا .
              ام سالم:يحافظ عليكم..عيل ليش تقولون ان امهاتكم ما يسون لكم ريوق ؟وتتبلون عليهن؟؟
              حمد وسعيد يغيرون الموضوع عشان يدتهم لا تهزبهم لانهم جذبو عليها يوم قالو ان امهاتم ما يسون هذا الريوق:الله شوف .خبيص...وقروص...محلا..وخبز..... ..و..
              ام سالم وتقطعهم في رمستهم: شو بلاكم؟؟جيه اول مرة تشوفون معيشة؟؟يالله بالستر..
              حمد: لا امايا بس من اليوع .
              سعيد: والله امايا يوعان من امس ما ماكل شىء..
              ام سالم: بالعافية ..ويلسو يتقهويون ويسولفون..
              حمد:الا شخبارج امايا ؟؟و عيبتج البقعة ولا لا؟؟
              ام سالم: والله بخير ولدية .الا عاد انا ما اعرف ايلس ما اسير اشوف ياراتي وعزبتى..
              حمد: ان شاء الله الا كم من اسبوع ورادين البلاد..
              سعيد: ليش امايا؟؟؟والله بلادهم تراها حلوة..شوفي محلات الجو مغيم ومطر من صوب والخضرة من صوب .يا محلى هالشوفة..
              ام سالم: كل الديار ما تسوى دار بوخليفة...يحافظ عليها وعلى اهلها .ومحلات ريحتها....تسدك الا شوفتها .ترد المذبوح روح..
              سعيد: يييييييييهاااااا اشوف من سافرتى امايا غديتى تعدين شعر؟؟
              ام سالم: والله لو اعد دواوين ما وفي..بعدني بكون مقصرة.
              سعيد: صدقج والله...دار بو خليفة غير..
              حمد: صدقج عاد دار بو خليفة ما تتعوظ بدار..
              سعيد: يوم اليمعة بالسلامة بيوصل بو خليفة البلاد..
              ام سالم: والله !..اسمنها البلاد والبقعة كله بتنور يوم بو خليفة بيوصل بالسلامة. الله يعطيه الصحة والعافية وطولة العمر.ويخليه ذخر لنا..(قولو اااااااااااااااااااامين(
              سعيد: سمعو القصيدة الى عادنها لبو خليفة...
              حمد: يا ويلى اشوف بعد قصايد؟؟
              ام سالم: عد ابويا .ما عليك منة..
              سعيد ويعدل يلستة عشان يعد القصيدة:
              يهيض الشعر من لب الخوافي والقصيد ايجود***غزير مغمج لجة تقاوي من غزر الانظام
              قرايح الشعر مفنود نصت شيخ الكرم والجود***نصت رجل على كل البسيطة من مثله اعدام
              وتتفاخر بوصف الشيخ زايد والفخر بالزود***عظيم الشان متعلي ونسله م العرب الاحشام
              وتتزاحم بيوت الشعر في شفه بليا حدود***وتحضا به وتفخر به وتتزايد فخر ووسام
              سلامي له عدد خط جزيل وافي المنشود***وعدد ما تهطل امطار تفيض ابها كنوف اغمام
              وله اعداد ما هبت علينا ريفات النود***وعدد ما رفت ابعالي عليات السما الاعلام
              نبارك له ونتمنى علينا بالسلامة يعود***نبارك له وعسى عمره الهي له يمد اعوام
              نبارك له وكل الشعب في العهده بهنا وسعود***نبارك له وعسى يبقي لنا فخر مدى الايام
              ابونا لي على لعهود دايم بالوفا معهود***ابونا وكلنا فدوى له ان صار الامر باحتام
              نحبه حب في كل القلوب الصادقه موجود***فلا ننلام في حبه ابونا ابد ما ننلام
              يغنى له رهيف الخد لي حاز الحسن على الخود***فريد الحسن رعبوب بحسنه ابد ما ينرام
              وعلى متنه من الشلال مسود اليدل مهدود** ورمش مرهف يرمى بوابل من رهاف اسهام
              اله العرش يا واحد ويا حافظ ويا معبود***عسى تحفظ لنا زايد على كل حال يا علام
              وسلامتكم..
              حمد وام سالم:.. صح لسانك ..
              ام سالم: مشاء الله مغواها .غاويه هالقصيدة..
              حمد: الا تعال انت شدراك ان بوخليفة بيوصل باليمعة؟؟
              سعيد: خليفة ولد حمد امس دق تيلفون وقالى بوصلون يوم اليمعة البلاد..
              حمد: هيه وحليلة والله انة ريال طيب خليفة.يوم كنا صغار كنا انسير عندهم ونلعب وياهم .وتذكر بعد يوم سرنى وياه القنص ويا حمدان ومحمد عيال عمى وعيال عمة؟
              سعيد: هيه .وحليلة ..امايا شيخة مرة سرنا القنص ويا خليفة وعيال عمة وعيال عمومتيه .اسمنها كانت رحلة فنانة ولا عليها كلام.. احلى رحلة كانت..
              حمد: مش الرحلة حلوة الا اهلها ناس طيبين..
              ام سالم: منو هذا خليفة؟؟
              سعيد: امايا ما تعرفين نسايب يدتية سهيلة الى ما خظين خالتية اليازية..
              ام سالم: اووووووه هيه عرفتهم مش هم ال....... هيه هذيلة ناس طيبين و معروفين..
              سعيد: عاد من ردينة من عندهم حمد عد فيهم قصيدة شو محلاتها حمد عدها لامايا..
              ام سالم: عدها علية .تراك تديبي احب الشعر...
              حمد وهو مبتسم فالج طيب
              ريت البدو من ناس طيبين** وقلوبهم للصاحب وساع
              لو زرتهم كل ساعة وحين***تسمع بكلمة مرحبا الساع
              الضيف له معهم قوانين **والجار له عادات واسناع
              في كل واجب مستعدين***يوم الخوي يشرى ولا يباع
              على السرا والدوب ظارين***ما همهم دنيا ولا اطماع
              تفرح بهم ان يوك عانين***يوم الخصيم يبات مرتاع
              اهل الكرم والجود باقين***والمدح في الطيبين ما ضاع
              رابعتهم من ماضي سنين***وعرفت منهم كل الاوضاع
              ووصلت وين اما مشتين***وبيت الشعر في راس مطلاع
              واعرف دروب المورد امنين***ما بين رمل وسيح وقاع
              واحيدهم للضيف راعين **محروز لي ضافي بلجناع
              لو في الدجا والناس هيعين***ظيانهم تسفر في لبقاع
              والبن واصوات الفناجين***تسمع لهام البعد قرقاع
              وصوت الحوار وحنة الهين***والدار خصب وموسم فقاع
              وقت الحيا والموسم الزين***فيه العشب واكاله انواع
              يوم الحبارى والشواهين** ما بين جفير وتباع
              واهدي سلامي للمحبين***لي هب شرتا البر ذعذاع
              لي زرتهم والناس واعين***تسمع بكلمة مرحبا الساع.
              سلامتكم..
              ام سالم وهي تصيح:صح لسانك يا ولدية .والله انك ذكرتنى بلول .يالله يا الدنيا اسمنها ما فيها خير...اذكر ابوية الله يرحمة يوم يقولى بنتي بيي يوم وبسكنون قصور وبتنسون ماضيكم..والله انه صدق بكلامة الحين وين تلقى الولد الى يدري بلول؟ اعيال اليوم متربين الا على تلفزيون والانقليز الله ينفدهم ما قصرو..ااااااه وين زمان لول ؟؟...الا الى راح ما يعود..
              سعيد: يا لله يا امايا .منو قالج ان نسينا الاول؟؟والله ولد العرب ما ينساه..وعلى قولت بو خليفة..الا ما ليه ماضي لاليه حاضر ولا مستقبل...ويلسو يسولفون عن لول وتخبرهم يدتهم عن زمان لول وعن يدودتهم الله يرحمهم...
              حمد ويشوف الساعة: امايا يالله هبابنا متى نوصل المستشفى..سعيد يالله...
              ام سالم:والله ما فيني هبة على سيرت الدخاتر..مليتهن..
              سعيد: امايا ما بسون شىء بس فحوصات ولو شافوج زينة وما فيج شىء بيعطونج بس حبوب ما بسونج عملية..
              ام سالم: يالله يا رب انك تجتلني ولا تخليني على تجلا هالنصارى..
              حمد ويحب راسها: بعد عمر طويل امايا..يالله عاد بسج من هالكلام..
              سعيد: امايا ترا شكلج خايفة من الدختر..
              ام سالم: منو ما يخاف من الدختر؟؟
              حمد: يالله عاد والله ان شاء الله يخلى الفحوصات زينة ولا يكون داعي للعمليات..
              ام سالم: ان شاء الله......
              وسارو يتلبسون ونزلو وركبو السيارة عشان بسيرون الدختر...
              في بيت سالم(بو موزه الى في ريف..
              يالسة موزه تصفح الجريدة وتتريا حد يقوم من رقادة ولا حد قام..سارت برى ولقت الجو حلو المطر خلاص وقف..فظهرت عند باب الرئيسى مال البيت..وطالع الحديقة كانت متخرسة من الماي..يلست مستانسة الجو بارد وحلو..خذت شهيق قوي ورفعت تنورتها ومشت لين ما دخلت الغرفة الزجاجية الى في الحديقة..وخلت الباب مفتوح عشان كان هناك مهب باردة حلوة..ومن فتحت الباب يلست الستاير يرقصن من المهب..يلست في الغرفة وطالع الورود الى في الحديقة والشير والمسبح..ولقت دفتر فوق الطاولة شكلة وايد حلو ملفت للانتباه وشلتة ويلست تقراه..لقتة انة دفتر فاضي ما فيه شىء .مسكت وخذت تنهيدة طويلة..وشلت قلم وكانت بتكتب قصيدة .فتذكرت حمد...اااااااااه يا حمد. وابتسمت .فكتبت..
              تخيل تزرع ورودك على الغيمه وتقطفها.......وتهديني انا ورده واخليها على خدي
              وتالى تمسك الغيمه تقلى ياالله اوصفها.........واشبهها على قلبي ويطلع لونها وردي
              ونسبح في الفضا والارض نبعد عن مشارفها ...ونظحك للنجوم الزاهية ونطير ونعدي
              وكتبت تحت لانسان غالى على قلبي..ليش كتبت جيه ما تعرف..بس جيه كتبت ويلست ترسم في الورقه نفسها الى كتبت فيها الشعر ورود..بس لونتهن بالرصاص..وبتسمت وسكرت الدفتر..ويلست تغنى غنية ميحد حمد..(عرفتك قبل لتعرف عليك..رسمتك في خيالى حلم غالى..قبل عيني تشوفك ولتقيك..احبك يا خيال في خيالى..انا شفتك وشفت الحب فيك..كن الى مضى لي ما مضالى)..وبعد شوي يت اختها شموه..
              موزه: هلا حبيبي ..صباح الخير..
              شمة وتفرك عيونها: صباح النور..
              موزه: هاه حبيبي .ليش ما تسبحتى؟؟
              شمة: الله الجو وايد حلو..
              موزه: هههه حبيبي كان ياي مطر..
              شمة وتفج عيونها: والله .حرام ما شفتة..
              موزه: الى يسمعج جنج اول مرة تشوفين مطر..وشلت اختها داخل .عشان تخلى ميري تسبحا .
              موزه: ميري..ميري..
              ميري:يس مام..
              موزه: شلى شمة وسبحيها..وريقيها..
              ميري: اوكية مام..
              شمة: موزوه تعالى انتي ولبسيني اريد البس مثلج..
              موزه: اوكية .ميري يوم تسبحينها وتخلصين قوليى..
              ميري: اوكية مام..وشلت ميري شمة وودتها فوق عشان تسبحها..وظهرت امها من المطبخ
              سارت موزه صوب امها وتحبها على راسها..
              موزه: صباح الخير لاحلى ام في الدنيا..وتلوي عليها.
              ام موزه: صباح النور..عنبوه انتي من متى ناشه؟؟
              موزه وطالع ساعتها: اممممم من تقريبا 3 ساعات..
              ام موزه: عنبوه شو اسوين من وقت قايمة؟؟
              موزه: امايا والله مليت من الرقاد قلت بظهر شوي برى..
              ام موزه وهي تيلس على الكراسي عنبوه بتمرضين من غبشة قايمة..
              موزه وتنسدح على الكرسي: يا الله يا امايا عاد الى يسمع جنى ظهرت برى طول الوقت الا في البيت..
              ام موزه: تريقتى؟؟
              موزه: هيه امايا تريقت من زمان..
              ام موزه:قامت اختج؟؟
              موزه: هيه قامت وتوها شلتها ميري عشان تسبحها..الا امايا ما قتلج..
              ام موزه: شو ؟
              موزه: امايا حمدان وصل اليوم الصبح..
              ام موزه يعلني ما اخلي منة...عيل ما بطى
              موزه: يوم تريقت وظهرت لقيتة في الصاله..بس ما سالة ليش ما بطى لانة قال بيي باجر مش اليوم..
              ام موزه: يمكن خلص شغلة بسرعة..ورد..عيل وينة الحين؟؟
              موزه:سار يرقد..وتزقر ميري على موزه...
              موزه: امايا بسير البس شموه ..
              ام موزه: برايج عيل سيري لبسيها..انا بسير اشوف ام وديع شو سوت ريوق..
              سارت موزه عند اختها..
              موزه وتوايج على شموه: هاه شموه شو تبين تلبسين؟؟
              شموه وهو متلحفة بالفوطة: اريد البس مثلج..
              موزه: اوكية..يالله تعالى بسرعة عشان نسير عند سلامي..
              شمة: ونسير عند سارة..
              موزه: ههههه اوكية..ولبستها مثلها عنابي بس بنطلون اسود وطاقية شتوي عنابيه وجوتى عنابي..وخلتلها دهن عود..ونزلن تحت...لقت امها في الصالة..
              موزه: امايا انا بسير ويا شموه عند سلامي..
              ام موزه: برايكن سيرن بس لاتبطن...وسلمى عليهم وقوليلهم العشى علينا..
              موزه: ان شاء الله..سارت موزه فوق ولبست عباتها وشيلتها طقم فيهن تطريز عنابي بسيط على طرف ايد العباه وطرف الشيلة..وسارت هيه وموزه عند سلامي .وبيت سلامي ملاصق بيت موزه بينهم يدار بس..وبعد بيت عمهن منصور .بس بيت عمهن على اللي هو بيت حمد ابعد شوي عن بيتهم ويبعد ببيتين عن بيت عمهن منصور...دخلت موزه البيت..ودقت الجرس ماحد فتح الباب معقوله لين الحين راقدين؟ فدقت مرة ثانية .ففتح الباب محمد اخو سلامي العود.كان واصل ويا حمدان لانهم هم ما سارو وياهم تاخرو لان كان عندهم شغل..فيوم فتح الباب هي ما عرفته .استحت منة قالت يمكن هو واحد من اخوان سلامي بس ما تعرف منو..
              هو بعد ما عرفها واستغرب منو هاي بس شكلها من الامارات لابسة عباه وشكلها يخبل وتخبل شويه عليها يلس مبهت فيها..
              موزه: السموحة على المغثة..
              محمد ياويلى على رمستها: لا عادي..الا ما عرفت الشيخة منو؟
              موزه وابتسامة على ويها ومنزلة راسها: انا بنت عمك سالم...موزه..
              محمد الحين عمى سالم عندة بنت بهالحلاه: هلا والله ببنت عمى..قربي..قربي..
              موزه دخلت البيت بس ما حد كان فيه يلست ساكتة..
              محمد: قربي يلسى ليش واقفة؟؟
              موزه: لا عادي..
              محمد شاف شموه: الا منو هاي الحلوة؟
              شموه: انا شمة على محمد ال....ي
              محمد: والنعم بشمة...شحالج شمة؟؟
              شمة: بخير...شحالك انت؟؟
              محمد: بخير يعلج الخير ويبوسها على خدها..
              موزه الله علية شكلة وايد طيب: الا اقولك الشيخ وين عيل سلامة؟؟؟
              محمد: ممكن تزقريني محمد. انا محمد اكبر واحد .يعنى البجر..
              موزه: السموحة بس انا ما عرفتك..
              محمد: مسموحة..حتى انا ما عرفتج..
              موزه يا لله الحين اكيد يبا يسير مكان وانا ماخرتنة: محمد شكلك بتظهر..برايك روح انا بروح عند سلامة..
              محمد: لا انا كنت بسير عند عمى منصور .بس بعد شوي لان العرب من التعب ما حد قام من رقادة..
              موزه وابتسمامة على ويها: شكلهم جيه..حتى عندنا ما حد قام..
              محمد الله على هاي الابتسامة شو هالصبح يا لله محلاتها تراها ذوبتنى بابتساماتها: الا موزه السموحة ما يبتلج شىء..شو تبين ؟؟ولا شو رايج تتريقين وياي؟؟
              موزه: لا مشكور انا ماكلة .
              محمد: على راحتج الحين بروح شىء في خاطرج؟؟
              موزه: سلامة راسك..
              محمد: سيري عند سلامي .وقوميها بسها من الرقاد..
              موزه وهي تبتسم: اوكية..
              سار محمد عند عمة منصور .وسارت موزه عند سلامي..دقت الباب .ما ردت عليها سلامة فدخلت الباب..لقت الغرفة مظلمة مبندة الليتات سارت وشغلت الابجورة .
              موزه: سلامي...سلامي..
              سلامي والرقاد في صوتها: هاااااااااااااااا اااااااااا شعندج؟؟
              موزه: بس عاد سلامي ..والله تراني مليت قومي.
              سلامي: وين تبين اسيرين الحين من غبشة؟؟
              موزه وتمط اللحاف عن ويها: وين غبشة الا قولى الظهر...
              سلامي وتمط اللحاف من موزه: اوكية .شو يعنى ؟والله تعبانة مالى خاطر اقوم اريد ارقد.
              موزه وقامت عنها: برايج بس توه سلطان قالى انة بيوديني الحديقة .وانا قلت اني بشلج وياي..بس مش منج من الى يفكر فيج..واونها بتظهر من الغرفة..
              سلامي وتنقز من الشبرية: هاااااااا سلطان .خمس دقايق والحين بخلص..
              موزه: هههههههه .اي سلطان كنت امزح وياج..
              سلامي وتفرها بالمخدة: والله انج سبالة ..خاااااامة .فارجى من الغرفة..
              موزه واونها زعلانة: اوكية ايي منج اكثر..مع السلامة...
              سلامي وتلحق موزه: دقيقة ويا ويهج وين تبين؟ والله من الظيجة..
              موزه: لا انا ما اييبنى دهان السير.
              سلامي: اوكية .السموووووووووووحة..
              موزه: انزين يالله زولى بسرعة عشان انسير..
              سلامي: خمس دقايق..
              موزه: جو نو مو تارد با
              سلامي: لا تيلسين تهذربين بالفرنسي تعرفين ما اعرف شىء من الى قلتيه....
              موزه: هههههههه يعنى لا تتاخرين..
              سلامي: اونة عاد اعرف فرنسي ويا ويهج..
              موزه: بسيرين ولا اكنسل السيره وياج؟؟
              سلامي: لا خلاص..
              سارت سلامي بسرعة ..ويلس موزه في الصاله الفوقية عشان تتريا سلامي.فدقت على امها وقالتلها انها يمكن تسير ويا سلامي ومي ونورة الحديقة الى عدال بيتهم وبعد ظهرت روح وافقت بس قالتلها ما تتاخر..فدقت حق مي ونورة..وقالتلهن انهن بسيرن الحديقة فوافقن انهن بسيرن وياهن .فقالتلهن لا ينسن اييبن وياهن سارة عشان شمة بسير..وبعد شوي ظهرت سلامي .
              موزه: الله .شو هالحلاوة كلها؟؟
              سلامي واونها مستحية: صدق والله ؟
              موزه: خلاص انا ما بسير .انتي بتلتفتين الانتباه..
              سلامي: يالله اونة وانتي شو .جب جب .ااخر من يتكلم انتي..يوم انا اونى حلوة انتي شو..
              موزه: الحين انا حلوة؟؟
              سلامي:يوم انتي مش حلوة عيل منو الحلو؟؟
              موزه: بس عاد .يالله بسرعة عشان منسير الحديقة .
              سلامي: ليش وين منسير؟؟
              موزه: الحديقة الى عدال بيتنا..
              سلامي: انا ما قلت حق امايا..
              موزه: عادي الحين منقولها وانا تونى قلت حق امايا وظهرت روحي لين ما وافقت.
              سلامي:عاد لو وافقت
              موزه: يا لله بسرعة عشان نورة ومي يترينا..
              سلامي وهي معصبة: شووووووووو؟؟مى تهبى .ما بسير..
              موزه:لا حول الله .شو بلاج على البنية؟؟
              سلامي: انا ويا هاي ما سايرة..
              موزه وتمطها من ايدها: يا لله عاد والله تراج مصختيها..
              سلامي: لا صدق ما اريد اسير وياها..
              موزه: عن خاطري..
              سلامي: بس لو جتلتها لا تلوميني بعدين..اوكية
              موزه وتهز راسها: الله يهديج..
              نزلن للطابق التحتى لقن ام سلامة..فسلمت عليها سلامة وموزه وقالنلها انهن بسيرن الحديقة فما طاعت عشان تخاف انهن ايسيرن بروحن دخل محمد ..فشافهن ميتمعات..
              محمد: صباح الخير ويحب راس امة..وسير سلامي اسلم على اخوها..
              ام سلامة: مرحبا ولدية متى وصلت يعلني ما اخلا منك..؟؟
              محمد: من الصبح..
              ام سلامة: عيل مارتحت؟؟
              محمد: ما ريد احس شبعان رقاد..ويشوف سلامي تمط كندورة امها..
              محمد: شبلاج سلامي؟؟
              ام سلامة: اونة يبن ايسيرن الحديقة رواحن..
              سلامي: محمد بس مش رواحنا كل بنات عمى بروحن..
              محمد: امايا خليهن الى هذيه الحديقة مش من بعدها..
              ام سلامي: لا بوية انا اخاف .ما فيني على صدعة ابوك.
              سلامي: محمد شكلك ما عندك شغلة .شو رايك تروح ويانا؟؟
              محمد وهو مستحى: ههههه انا اروح وياكم؟؟
              سلامي: هيه شو فيها عيب؟؟
              محمد: شو يسيرنى وياكن كلكن بنات..
              موزه: عادي شو رايك اقول حق سلطان ايسير وياك؟؟
              محمد: ههههه لا عادي ما مشكلة بسير وياكن بس بسرعة ما منبطى..
              سلامي وفرحانة: ياااااااااااااااا اي فديتك يا محمد..
              شمة وهي فرحانة: شكرا..سار محمد وشل شمة .
              محمد:يالله بسرعة..
              موزه وردت عند ام سلامي: خالتية امايا تقولكم العشى اليوم عندنا..
              ام سلامي:ان شاء الله سلمى عليها..وحفظو عماركم..

              من مواضيع ام سلوم :


            • #15
              صورة ام سلوم
              ام سلوم غير متصل صعب اننا نوصفه
              تاريخ التسجيل
              Nov 2004
              الدولة
              احلى مكان في الدنيا (( الرياض ))
              العمر
              24
              المشاركات
              6,010
              Thanks
              0
              شكر 0 مرات في 0 مشاركات
              سارو يمشون لان الحديقة مش بعيدة عن بيوتهم..فكان اول شىء محمد وهو شال شمة وبعدين سلامي و موزه وراه يمشن..
              موزه: محمد صبر شوي..
              محمد:ليش موزه؟؟
              موزه: بنات عمى منصور بسيرن ويانا.
              محمد: اوكية انتن دخلن وانا بترياكن عند الباب بس لا تبطن..
              سلامي لا انتي موزوه زقريهن انا بيلس برى ويا محمد..
              موزه وهي تمشى بسرعة: اوكية .ما منتاخر..
              محمد ويطالع اختة:ليش ما تريدين اسيرين وياها..
              سلامي:لانك يا اخوي الغزيز ما تعرف بيت عمى مى؟؟
              محمد: ليش؟؟شو فيها..
              سلامي: خاااااااااااااااا اامة .اكرها..وايد شايفة عمرها..
              محمد: هههههه عيب عليج سلامي هاي بنت عمج .لازم ما تقولين جيه عنها..
              سلامي: اوكية اليوم بتكتشفها..
              محمد: الله يهديج..
              وبعد شوي ين نورة ومي وسارة..ومن شافت شمة سارة ربعت عندها..
              مشى محمد جدام وهن وراه..
              يلست البنات يسولفن ومي وسلامة كلعادة يتظاربن..ومحمد يظحك عليهن بس ما يخلى حد يحس انة يظحك عليهن..
              وصلن الحديقة سارن سارة وشمة صوب الالعاب يلعبن وسارت وياهن مي عشان تشوفهن لا اييهن شىء وتفتك من حشرة سلامي..ونورة وسلامة وموزه يلسن يتمشن في الحديقة .اما محمد اشتري جريدة ويلس على واحد من الكراسي ويقى جريدة..الحديقة ما كانت كبيرة بس كانت وايد حلوة ..فيها بحيرة صغيرة وفيها بط...وفيها العاب بس مش وايد .لان الناس ايون عندها عشان المشي وايد حلوة والشير والورود مرتبيهن بشكل وايد حلو..
              في سيارة حمد....
              حمد: الحمد لله خلصنا بسرعة........
              ام سالم: الله ينطبهم ما خلو شىء ماسو فيه فحوصاتهم..حشة عذبونى...
              سعيد: ههههه لازم....بس الحمد لله ظهرنا بسرعة....
              حمد: شو بسرعى الله يخليك من اصبحنا ونحن وياهم...
              سعيد: بس احسن لا خلوها تبات عندهم..
              حمد: لا ابوية انا قايل للدكتور يخلصنا بسرعة..وبعدين الدكتور قال انة بدق تيلفون يوم بتظهر النتايج..
              ام سالم: يا الله بالستر .يا لله ما يكون شىء عملية...
              سعيد: امايا هي الا فحوصات ولو لقو شى بتكون عملية بسيطة مش خطيرة..
              ام سالم: انا ما اقهر عمليات ولا ادانيهن...
              حمد: ان شاء الله يكون خير...
              سعيد: عاد الحين بترد عليج روحج الحين سايرين عند عمى منصور وحمدان حبيب القلب...
              حمد: هههههه وحليلنا بتودرينا نحن..
              ام سالم: حشة يا ولدي اني ما اروم اودركم...انتو بعد عيالى..حد يودر عيالة؟؟؟
              سعيد: هاه امايا الحين وين تبين تيلسين بيتنا ولا بيت عمى على؟؟
              ام سالم: اريد ايلس في بيت منصور....
              حمد: هاه هناك القلب..
              ام سالم: تعرفونى اني ما احب ايلس في البيت بروحى وعمكم بيلس وياي وبسولف ..ولا انتو تراكم ما تقومون من الرقاد الا نص النهار.. ولا تيلسون في البيت الا تحومون..
              سعيد: انزين امايا .على راحتج ..بس انا زعلان...
              ام سالم: افاااااا عاد انا بييكم .ولى يسمع جنة البيت بعيد .الا فرت حصاه..
              حمد: برايج امايا حتى لو ما بتين انا بييج.....
              ام سالم: يا مرحبا وتعالى في اي وقت ..
              حمد: يا الله وصلنا بيت عمى منصور...
              نزلو من السيارة...ودخلو البيت لقو عمهم منصور يالس في الحديقة ويا حرمتة يتغدون...
              حمد وسعيد: سلام عليكم....ويسيرون وايهون عمهم..
              منصور: وعليكم السلام .ووايهم ووايه امة...
              منصور: يا مرحبا .يا مرحبا...قربو .قربو...
              ام نورة: مرحبا بعمتية...شحالج عمتية؟؟شو صحتج؟؟؟
              ام سالم: بخير يعلج الخير..شحالج انت؟؟وشحال البنات؟؟؟
              ام نورة: بخير وسهالة...والا البنات سارن ويا بنات عمهن صوب الحديقة...
              ام سالم: يالله بستر..حد يرغد بناتة بروحن وما حد ساير وياهن؟؟
              يلس حمد وسعيد يطالعون بعض ويظحكون...الحين العيوز بتهد عليهم ..ههههههه
              منصور: امايا تراه ولد عمهن ساير وياهن ..وبعدين مش من بعد الحديقة الى عدالنا ومش رواحن وبعدين الحين الظهر...
              ام سالم: هيه ظيع البنات انت..
              منصور: امايا عاد نحن ما منحبسهن..عيل هن ليش يايات عشان الحبسة؟؟
              ام سالم: ولى ما يداري واغف العين صابها****غدا بداويها وسعى في طبوبها)(بيت شعر من قصيدة بنت بن ظاهر)....
              منصور: امايا تراج مكبرة الموضوع..وبعدين وياهن ولد عمهن ..
              ام سالم: جيه ولد عمهن ما احيدة محرمهن..
              ام نورة: الحين عمتية بين ما بيتاخرن..الا نص ساعة..
              ام سالم: هالمرة ظهرن .الا من اليوم ريلى على ريلهن .ما عندي بنات يهومن
              منصور: والله كيفج امايا .سوي الى تبينة..
              ام سالم: ومنو قالى اني ما بسوي الى اباه...؟؟؟؟ومنو بيردني؟؟؟....
              ام نورة: على راحتج عمتية...
              منصور: وشحالك حمد ..؟؟؟وشحالك سعيد؟؟؟....
              حمد وسعيد: بخير يعلك الخير....شحالك انت عمى...؟؟
              منصور:بخير..........الا ما خبرتونى شو قال الدكتور من صوب يدتكم؟؟
              حمد: والله الدكتور قال بيشوف الفحوصات وبعدين بشوف يبالها عملية والا بيعطيها حبوب...وما في داعي للعملية...
              منصور: الله كريم...
              ام سالم: والله يا ولدي ما فيني هبة على العمليات ..اسمنه يوم حد ايبلى طاري العملية اتبريد..
              ام نورة: الله تعطيج طولت العمر..ان شاء الله
              منصور: الا ما قلتو شو تبون تتغدون؟؟
              سعيد و حمد: مشكور عمى ويزاك الله خير...شبعانين ولا نبى غدا..
              منصور: افاااااا ما يصير..الا تتغدون..
              حمد: والله عمى ما بردك الا شبعانين تونا ماكلين وان شاء الله مرة ثانية..
              منصور: باجر غداكم عندي..
              سعيد: فالك طيب...
              منصور: فالك ما يخيب..
              حمد: عاد الحين برخصتكم..شىء في خاطركم؟؟
              منصور: سلامت راسكم..
              سعيد: امايا الحين فداعة الرحمن..
              ام سالم:فداعة الرحمن .عاد لا تقطعونى..
              حمد: افاااااااا نحن منقطعج..من يقول..الا كل يوم منيج..
              وسار حمد وسعيد بيت حمد..بس لقوه فيه عمال..استغلاب حمد شو مستوي في البيت؟؟
              سعيد: حمد اشوف عمال عندك شو مستوى؟؟
              حمد: شدراني علمي علمك؟؟
              سعيد: ليش ما حد قالك شىء؟؟
              حمد: لا .انا بسير اشوف و بيي..
              سعيد: انا بترياك في السيارة..وسار سعيد وفج السدة السيارة بيشوف الاشرطة الموجودة...لقى اشرطة ميحد وبروغة...شل شريط ميحد...ويوم شغلة يت غنية...(احبك يا نظر عيني غناتي..واحب الارض الى تمشى عليها..واحبك اكثر من حياتي .واسوم الروح لاجلك واشتريها...معي ذكراك لو .)ياااااااااااالله فديتها...عنبوه ايي ولا القاها؟؟ ..وبعد شوي يه حمد وهو مفول...
              حمد:شو هالمصخرة؟؟؟
              سعيد: خير شعندك؟؟؟
              حمد: والله سخافة اونة انا قلتلهم اني اريد اسوي صيانة للبيت...
              سعيد:والله .انزين يمكن انت قلتلهم بس ناسي..
              حمد: الله يخليك وين قلتلهم .انا ما احيد قايلهم...
              سعيد: اوووووووه صح مرة اذكر عمى يقول انة يريد يسوى صيانة للبيت لانة من سنتين ما مسوي..
              حمد وخلاص فول من الغيض: الله يهديك يا ابوية عنبوه ما يدري اني بيي في البيت..؟؟؟
              سعيد: لانك يا الذكري قلت انك بسير لندن .ما بتى في هذا البيت..
              حمد ويظربة على كتفة: تراني كنت بسير في لندن الا كلة منك يا الذكي...حمد تعال عندنا .بتكون رحلة حلوة..
              سعيد: انزين مش منك منى..وبعدين بذمتك الرحلة مش حلوة؟؟
              حمد: دخيل ربك اي حلوة؟؟؟والله انا اخس رحلة في حياتي واني اعض اصبوع الندم اني سرت وياكم...الله يغربل هالشغلة .الحين وين بروح؟؟
              سعيد:حرام عليك...انزين شو استوى بيتنا وبيتك واحد تعال عندنا...وبعدين كم بيلسون لين ما يخلصون؟؟؟
              حمد: يومين...
              سعيد: عنبوه الا يومين تعال عندنا..
              حمد: لا ما فيني اغثكم .برد لندن..
              سعيد: ورفجت بوخليفة انك ما ترد لندن..واتي بييتنا
              حمد: ليش؟؟؟ انا ما احب ايلس عند حد وبعدين الى يومين وبرد..
              سعيد: عنبوه اقولك رفجت بو خلفة وتقولى ما تحب تيلس؟؟
              حمد: دخيلك الى فيني كافيني...
              سعيد: والله عيل ما بسير لندن وبتى عندنا في بيتنا..والبيت كبير ولا حد فيه..
              حمد:بفكر..
              سعيد: ما شىء بتفكر..الحين يالله منروح..ودق تيلفون عند حمد..
              حمدان: مرحبا ملايين ولا يسدهم..
              حمد: مرحبا الساع...
              حمدان:شحالك؟؟وشخبارك؟
              حمد: بخير يعلك الخي..الا وين دارك؟؟؟
              حمدان:داري في دارك..
              حمد:والله متى يت؟؟
              حمدان:الصبح وصلنا...
              حمد: وليش ما تقول؟؟
              حمدان: يالله تعال مر البيت.بيلس وياك...
              حمد: الحين ياي دقيقتين..
              حمدان: اترياك....
              حمد: اوكية..........وسارو بيت عمهم سالم..عند حمدان..لقو حمدان واقف عند الباب يترياه...نزل حمد وسعيد...
              حمدان: وسعيد وياك؟؟مرحبا الساع..وتوايه وياهم..
              سعيد: شحالك حمدان وشحال محمد..؟؟؟
              حمدان: بخير يسرك الحال..
              سعيد: عيل متى وصلتو..؟؟
              حمدان: الصبح واصلين..قربو قربو ووداهم الغرفة الزجاجية...
              يلس حمد وسعيد وسار حمدان داخل يقول حق البشكارة اتيب قهوة ..
              حمد: حلوة يلستهم..
              سعيد:صدق والله حلوة؟؟؟احلى شىء فيها انها كلها زجاجية والورد دور داير عليها...
              حمد لفت انتباه لدفتر فوق الطاولة كان شكلة وايد حلو....سار وفجة...فما لقى شىء فيه فاضي...فيوم كان بسكرة شاف ورقة شىء مكتوب فيها وفيها بعد رسمة ورد..يلس يقراها. ويلس يفكر منو الى كاتب هالقصيد...فشل القلم وكتب قصيدة وكتب جملة وياه ..وردة مكانة....وبعد شوي يه حمدان ويلسو يسولفون ....
              في الحديقة..
              شاف محمد الساعة...
              محمد: يالله بنات بسكن منروح...
              سلامي: محمد شو بعد..دخيلك..
              محمد: سلامي بسكن...بطينة ..
              نورة: صدقة يالله منروح....
              موزه:بسير ازقر شمه وسارة ومي...
              سلامي:اوكية منترياكن..وبعد شوي يت مي وسارة...
              محمد: مي وين موزه وشمة؟؟
              مى: شمة ما طاعت اتي ويانا يالسة تصيح وموزه ما رايمتلها..
              سلامي:انا بسير اشوفها..
              محمد: لا انتي يلسى هنيه انا بسير ايبها..
              وسار محمد عند موزه ولقاها متلعوزه ويا شمة...
              محمد شو بلاج حبيبي ليش ما تريدين اسيرين؟؟
              موزه: تبا تشل البطة وياها...
              محمد:هههههه .ويلس عدال شمة وشلها وخلاها في ثبانة وموزه واقفة عدالهم...
              محمدويمسح الدموع شمة:.سمعي حبيبي ليش حليلها تبين اتشلينها؟؟؟بعدين يوم بتشلينها بصيح عشان تبى ماماتها وبابانها...الحين تبين انتي تروحين عن ماماتج وباباتج؟؟
              شمة لا ما اريد..
              محمد:شفتى حت هيه حليلها بعدين بصيح يوم بتشلينها عن ماماتها...حرام حليلها..
              شمة بدت تسكت:.............
              محمد:شمة شو رايج كل يوم بشلج الحديقة عشان تشوفين البطة؟؟
              شمة وهي مبتسمة: صدق بتشلني؟؟
              محمد: هيه كل يوم .ومتى ما تبين ايسيرين قوليلى وانا بشلج...
              شمة: خلاص....
              محمد:يالله عيل تاخرنا....وشل شمة ..وسارت وياهم موزه..الله مطيبة هالريال ومحلات اسلوبة...وتذكرت حمد يوم كان يلاعب شمة...يسولف وياها..سبحان الله نفس اسلوب محمد...ووصلو عند سلامة ونورة..
              محمد: يالله منروح البيت...وطول الدرب محمد يالس يلاعب شمة ويسولف وياها .ووصل نورة ومي وسارة بيتهم..وسارو يوصلون موزه واختها بيتهم..بس شافو بورش جدام باب قوم موزه..
              سلامي: موزوه منو ياي عندكم؟؟؟
              موزه: شدراني؟؟؟ما اعرف؟؟
              محمد: هاي سيارة حمد ولد عمى...اكيد يو من لندن ويا بو امايا شيخة...
              من طري محمد حمد حست موزه بشعور غريب.. ما عدا انها ما تعرف حمد.... ولا يوم شافتة ومسكت سلامي ايد موزه..
              سلامي بصوت واطى:الحين براويج حمد ولد عمي.
              موزه:صدق والله..خاطري اشوفة..يالله اريد اشوفة..صح احس قلبي يدق بقو بس اريد اشوفة..
              سلامي: يالله تجهزي...
              محمد: دخل قبلهن البيت..وافهم يالسن في الغرفة زجاجية..فسار عندهم...وكان شال شمة وياه ووراه موزه وسلامة...وموزه موخية راسها تحت وهي تمشى....
              الحين شو رايكم؟؟ شو بكون موقفها؟؟ وشو بكون موقف حمد ؟
              وكيف بتكون الصدمه؟؟ وشو بكون الوضع؟؟؟؟
              وشو كان كاتب في الدفتر؟؟؟؟؟ وشو الجملة الى كتبها في الدفتر؟؟

              من مواضيع ام سلوم :


            صفحة 1 من 6 123 ... الأخيرةالأخيرة
            جميع ماينشر يمثل الكاتب ولايمثل الموقع والادارة والمشرفين
            الدورات التدريبية جامعة نجران
            يشرفنا اعجابك على فيس بوك facebook