مشاهدة : 4537
صفحة 2 من 5 الأولىالأولى 1234 ... الأخيرةالأخيرة
النتائج 4 إلى 6 من 13

تجربتي الأولى : سكنت بقلبي ثمان سنين و بعدها خانتني بغمضة عين

التعريف بالشخصيات شموخ بنت متهورة في كل شي ما تعرف تمسك لسانها الي ينقط عسل ... اجمل الروايات احلا روايات طويلة افضل رواية قصيرة

مقالات مشابهه موضوع على صله

  1. قصة (Dragon Ball Z) بالتفصيل
    بواسطة C.J. في المنتدى افلام انمي كرتون رسوم متحركة Anime Cartoon
  2. هذا ما حدث في جمادى الأولى - 1 -
    بواسطة جزاكم الله خيرا في المنتدى مواضيع دينية اسلامية عن دين الاسلام
  1. #4
    الغموض سلاحي غير متصل جاي معه ملفه
    تاريخ التسجيل
    Feb 2011
    المشاركات
    14



    التعريف بالشخصيات

    شموخ بنت متهورة في كل شي ما تعرف تمسك لسانها الي ينقط عسل طيوبة بس عربجية درجة اولى و مرجوجة درجة ثانية اقرب وحدة لها جود بس دايم يتناقرون مع بعض هي عايشه بين 6 اخوه عشان كذا هي تتصرف زي الاولاد نسبتها كانت عاليه حصلت على منحة دراسيه لبريطانيا طبعا شي معروف ان السعودية ما يصير اتسافر البنت بدون محرم لها عشان كذا راح ابوها معاها للبحرين و رجع للسعودية و من البحرين الى بريطانيا و كذا صار مع البنات الباقين اممم قريب بتخلص 18 سنة و بتدخل 19 سنة تخصصها علمي ملامحها بشرتها بيضا عيونها سوده غامقة كسواد الليل في مضجع النهار خشمها صغير فمها دائري و صغير كحبة الكرز شعرها بني ناعم مره و مقطع يوصل لنصف ظهرها جسمها حلو و ضعيف عند الخصر الكل يحسدها على هذا الخصر المخصر و هذا الي محليها بزيادة تحب تلعب الكورة بكل انوعها ما تحب تلبس تنانير كلا بنطلون جينز يعني لبسها كلا صبياني و يناسب عليها بقوة يعطيها شكل عذاب تخصص علمي

    جود بنت غامضة جدا بس تخفي قناع الغموض و اطلع بدله العربجة عنها سر هو الي خلها تصير كذا بنعرفه بعدين اتعرفت على شموخ و ملاك و رحيل من سادس ابتدائي عندها اختين اصغر منها و اخو واحد اكبر منها توفى بحادث سيارة طبعا هي متفوقة لكن ابوها هدم حياتها كيف بنعرف بعدين و حصلت على نسبه عاليه خلتها تسافر لبريطانيا للدراسة فيها تخصصها علمي زي فرح كانو متفقين على هذا الشي ملامحها جاذبة بشرتها برونزية عيونها عسلية ناعسة عذااب اذا عصبت تتوسع عينها بشكل عجيب رموشها كثيفة وخشمها سلة السيف شعرها اسود وغليظ يوصل لرقبتها قاصته على شكل بوية جسمها مليان شوي و طويلة اطول وحدة من البنات الشي الي مستغربين منه البنات كتوفها العريضة الي يشوفها على طول يفكرها ولد هي طبعا بوية ضحكتها اتسبب جنون بالي يسمعها كانها اوتار موسيقية و خاصة الغمزات الي تحليها على الخدين شي عذااب تكره ابوها عدوها اللدود لانه دخلها المدرسة صف اول ابتدائي و هي عمرها 11 سنة كان قاصد ايسوي كذا بنشوف في احداث الرواية ليش سوى كذا اكبر من البنات لانها تعتبر متاخرة في الدراسة المفروض سنه خامسة جامعة ما تلبس حجاب كانو البنات يحثونها على لبسه لكنها عنيدة دايم تلبس بلوزة سودة و بنطلون جينز لبسها بويه وهي بويه حياتها كلها لغز في لغز حاولت شموخ انها تحل هذا اللغز لكنها تفشل في كل مره تخصص علمي طبعا ابوها من اغنياء السعودية يملك 50 شركة تقريبا

    ملاك بنت نااعمة جدا و رقيقة حساسة مره تحب قراءة الروايات و القصص تدخل في جو الرواية الي تقرها رومنسية لابعد درجة عندها خت اكبر منها و اخت اصغر منها و اخو بثالث ابتدائي تحب تكتب روايات من تاليفها هادئة مره صوتها رقيق و ناعم و فيه بحة حلوة طبعا ابوها هو الي سافر معها للبحرين كان طموحها انها تكون مالفة كتب و رويات و قصص تخصصها غير عن جود و شموخ تخصصها ادب تحب دراستها و دايم تشوفيها و الكتاب بيدها وقت الامتحانات ملامحها ملامح طفله صغيرة جذابة بشرتها بيضاء ابيض من جود عينها رمادي يسرح الواحد لما يطالع بعينها رموشها ناعمه لما تحركهم يطلع شكلها عجيب خشمها سله السيف و فمها صغير كانه حبه توت قصيرة مرة اقصر وحدة في البنات و البنات يعايرونها بالقزمة عمرها 19 سنة تصير لترف بنت عمها عادل و سديم بنت عمها عزام

    رحيل بنت حبوبة و مسالمة لابعد درجة الابتسامة دايم على وجها عكس جود الي نادر ما تضحك تحب الرسم و مشتقاته فنانة بالرسم مبدعة جدا رسماتها شي خيال امم جوها العائلي مفتقد لان امها و ابوها كان بينهم دايم مشاكل و اضطر الاب انه يطلق امهم بس رحيل اتجاوزت هاذي الازمة عندها 3 خوات طبعا اول وحدة تعرفت عليها شموخ يوم كانو صغار تخصصها ادب زي ملاك ملامحها حلوة بيضاء بس فيها مرض الي هو البرص الله يكفينا شره جسمها كان ابيض و برونزي و تاكل لما صار جسمها كله ابيض ناااصع بيضاء مرة بياض مو طبعي ايسمونها البنات ب بياض الثلج لانها ابيض وحدة فيهم عينها عسلية فاتحة مرة بس الي مخربها انها تلبس نظارة طبية دايم البنات دايم يقول لها حطي عدسات بس ما ترضى طبعا قال لها عمها ان اول ما ترجع السعودية بيخطب ولده احمد لها و هي تعلقت باسمه مع انها ما شافته كان دايم يقولون احمد لرحيل و رحيل لاحمد عشان كذا كانت ترسم احلام في مخيلتها و عاشت قصة حب وهمية مع احمد عمرها 19 سنة

    جهان بنت شاعرية بقوة الشعر و الخواطر في قاموسها تحب كتابة كل شي تشوفه ماثر على شكل شعر او خاطرة او قصيدة قراءتها للشعر اتخلي الكل يندمج و يسمع لها لان صوتها روعه متعلقة مرة بعائلتها يتيمة الاب عاشت مع ام و اخو و اخت فقط فقدت حنان الاب و هي بعمر الزهور اكبر وحدة بخوانها دخلت تخصص الادبي لانها تعشق هالتخصص بجنون حساسة تعرفت على شموخ و شلتها بالمتوسط و كانت معاها سديم البنات يسمونها يا الشاعرية تحب تتكلم بالغة العربية الفصحة معظم الوقت ملامحها حلوة بشرتها برونزية عينها بنية فاتحة الي مسبب لها حرج انها متينة شوي يعني مليانة دبدوبة شوي امتن وحدة فيهم عشان كذا ينادونها ساعات يا الدبة و هي صح متعقدة من هاذا الشي بس تحاول تتغلب على هذا الشي بانها مسوية لها رجيم عمرها 19 سنة

    سديم الي يشوفها على طول يفكر انها اجنبية من شكلها الاجنبي امها اجنبية و ابوها سعودي و هي تشبه امها طبق الاصل عيونها خضر جذاابه و فيها لمعه قوية تخلي الي ما يسكر يسكر من نضرتها ملامحها اجنبية حواجبها مقوسة بشكل متقن رموشها ناعمة شعرها اشقر يميل للبني يوصل لكتفها فيها غمزات عجيبه على الخدين حتى لو ما تضحك تبين خشمها سلة السيف و فمها صغير و ذقنها مرسوم بطريقة عجيبه طبعا هي عربجية زي شموخ بس شموخ اكثر عربجة منها عندها وقت الجد جد ووقت الضحك ضحك عندها اخوه وااحد اكبر منها ب 7 سنوات جاسم وهو رفيق عواد اخو ترف بالرضاع و عندها خت عمرها 10 سنوات يعني امها و ابوها عنهم بس بنتين وولد تحب تتكلم باللغه الانجلزية و تتكلم فيها بطلاقة عمرها 19 سنة ماخذة تخصص علمي ملاك تصير بنت عمها عارف و ترف تصير بنت عمها عادل خلاصة الموضوع سديم و ترف و ملاك بنات عم

    مها بنت حيوية مرة طيوبة ما تحب المشاكل مخطوبة لولد عمها عبد العزيز الي اجا معها و مع اخوها عشان يكمل البكلوريس و الدكتوراه البنات داايم يحرجونها و يتكلمون عن عبد العزيز عندها حالة اذا ركبت سيارة او طائر او باص مدرة طويلة لازم بطنها يعورها وتتعب و حتى اذا جتها الدورة الشهرية تتالم بقوة لازم تاخذ حبوب او ابرة عشان يخف الوجع عندها اخوين اكبر منها و اخت اصغر منها يعني ان عندها 2 اخوان و خت وحدة و هي الثانية حصة اتصير بنت خالتها و اختها بالرضاع بشرتها حنطية و عيونها عسلية غامقة و ثاقبة يذووب عبد العزيز و هو يناضر فيها شعرها طويل يوصل لنهاية ظهرها لونه بني فاتح اقرب وحدة لها ترف الي تعرفت عليها بالمتوسط بالبداية اشفقت على حالها لكن بعدين حبتها عمرها 19 تخصص ادب فيها خجل مو طبيعي اذا قابلت عبد العزيز

    ترف بنت عمياء فقدت بصرها في حادث سيارة عندما كانت في ال10 من عمرها تعودت على هذا الحال ملامحها ناعمة و عينها زرق عجيبه يبحر الواحد بعينها خشمها سلة السيف و فمها صغير كانه حبة توت شعرها كستنائي و نااعم مره يوصل لتحت الكتف شوي يعني للذراع ملمس يدها و ووجها نااعم مرة يبين انوثتها شكلها نعومي مرة اجتهدت من صغرها و حصلت على منحة دراسية كانت هي اعلى نسبه حصلتها من بين البنات عندها اخو يمووت فيها اسمه عواد هو لها الام و الاب و الاخو لها رغم انه اخوها بالرضاع يصير ولد عمتها قال لها انه بيجي لها بريطانيا و يقعد معاها و يدرس بزي الوقت مع اخوه سعود كانت رغم فقد بصرها الا انها طموحها اتغلب على كل شي بحياتها عمرها 19 سنة تخصص علمي سديم اتصير لها بنت عمها عزام و ملاك بنت عمها عارف و هاجر بنت خالتها

    هاجر بنت متدينة جدا و تحب قراءة القراءن وقت الفراغ ما تحب تاخر صلاتها لو ايش ما يصير تكره سماع الاغاني حافظة معظم سور القراءن و احاديث الرسول ص لبسها دايم يكون محتشم مرة عائلتها فقيرة مرة بس هي بتفوقها و عزيمتها و ارادتها حصلت على منحة دراسية للندن عندها اخوين اصغر منها ما تعرف للمراكات و الاشياء هاذي ما تحط لها روج و لا بلاشر دايم هاملة نفسها بس جملها جمال طبيعي بدون هالاشياء احلى شي فيها صوتها عجيب مرة نااعم مرة الي يسمعها يدووخ من صوتها و خاصة اذا قرات القراءن بشرتها بيضة و عينها رمادي و بؤبؤ عينها يبين وااضح لا عصبت تكره حركات المغازل الي بالصبيان تحب دايم تكتشف كل شي يجهله عقلها اخذت تخصص ادب عمرها 19 سنة تعرفت على حصة بالابتدائي و علاقتهم ببعض قوية مرة

    حصيص بنت قوية تاخذ حقها بيدها يعني زي شموخ و جود و سديم مرجوجة مرة كانت تكره اسمها بقوة و تقول انه اسم للعجايز ليش اسمونها هالاسم عندها اخو عمره 22 سنة عايش في بيت ام مها الي هي خالتهم لان ام و ابو حصة متوفين و حصة توه عمرها سنة عشان كذا رضعتها ام مها و صارت ختهم بالرضاع دايم تحب تداافع عن هاجر و تعلمها كيف تاخذ حقها تعرفت عليها باول ابتدائي كانت حصة كلا تضرب هاجر لهم الي كانت دايم تبكي موقف عجيب بالابتدائي نشات صداقتهم على الشجار و كانت لها مواقف بالمتوسط مع شموخ و جود و سديم كانو ماسسين عاصبة مسمينها عصابة العربجة ملامح واجها حلوة بس هي تخفيه بعربجيتها و بصوتها الثابت الي تحاول دايم تخشنه عينها لونهم بني غاامق مايل للسود نضراتها ناارية و ثابته تحرق الي يطالعها تخصص علمي عمرها 19 سنة الي يميزها وجود خال على خدها اليمين ضعيفة مرة زي شموخ و ملاك بس طويلة عكسهم لانهم قصار

    ريم بنت متعقدة من الجرح الي فوق حواجبها بشوي مع انه صغير الا انها كرهت وجوده و كرهت اكثر ولد عمها الي سبب لها هذا الجرح اذا شافت نار او حريقة او دم او شي زي كذا ايصير لها خنقة و ساعات يغمى عليها لانها تذكرها بهاذي الحادثة عندها 6 خوات و اخوين و هي ترتيبها الرابع بينهم بنت عمها رشا و رفيقتها الي يما حاولت تقنعها انها تغير لكن ما في فايدة رشا راسها يابس و اي شي اسويه هو الصح و هم الخطا ووجها وجه عذاب عينها رمادي فاتح جذاابه هي و هاجر و رشا عينهم رمادي بس عين هاجر ااغمق منها بشوي و هي فاتحة عشان كذا معطيها احلى و شعرها ناعم لونه بني و دقله كبيرة على يمينها عشان تغطي الجرح الي فوق حاجبها اليمين تخصص علمي عمرها 19 سنة الي يميزها ان ووجها دايم احمر ما يتغير ووجها احمر خدودها حمران عشان كذا يسمونها البنات بالطماطة

    رشا بنت دلوعة درجة اولى و مغرور و شايفة نفسها فيها طيبة بس ما طلعها لو شنو يصير بس في المواقف النادرة تظهر طيبتها الي تخفيها طبعا هي وحيدة الاخوة ما عندها لا خوات و لا اخوان و ابوها و امها مدلعينها عالاخر اي شي تطلبه يلبونه لها تحب داايم تحط لها رووج و مكياج و بلاشر و تكثر منه عشان كذا يسمنها البنات وجه الخريطة و هي تعصب منهم مرة ملامحها حلوة شعرها مقطع و ناعم و صاير عجيب و بشرتها بيضاء متدرجة حواجبها دايم ترسمهم هي لها باتقان لانها تعرف الى هاذي الامور و عينها رمادي فاتح و البنات يلجون لها في المكياج و الموضة و هاذي الشغلات و هي طبعا تفتخر لهذا الشي اتصير بنت عم ريم و رفيقتها من يوم هي صغيرة تخصصها علمي عمرها 19 سنة

    ادري ان الشخصيات كثيرة و بتتلخبطون بالبداية لكن بعدين بتميزون بينهم
    انتهى البارت الاول
    اتمنى ان ينال اعجابكم
    استنى ردودكم و تعطوني رايكم بالرواية
    اكمل و لا لا
    اذا شفت تفاعل انشالله بنزل البارت الثاني باقرب وقت
    تح الغموض سلاحي ياتي

  2. #5
    الغموض سلاحي غير متصل جاي معه ملفه
    تاريخ التسجيل
    Feb 2011
    المشاركات
    14
    بسم الله الرحمن الرحيم
    مع اني ما شفت و لا رد واحد حتى بس بنزل البارت 2 و 3 عشان الي يطالعون بث
    تفضلو ...

    الب [ 2 ] ارت
    بداية مشوار طويل


    بعد مرور ساعة اعلن كابتن الطائرة عن هبوط الطائرة بمطار هيثرو بلندن و المسافرين قاعدين يسكرون الاحزمة استعداد للهبوط
    ضلت كل وحدة تناظر مشهد الهبوط و هي سرحانه و ترسم مخطط في عقلها و تفكر شنو بيحصل اذا وصلو للندن بعد فترة وصلو ارض لندن بسلاام توجه الكل لباب الطائرة نزلت اول وحدة جود و بعدها رحيل وراهم ملاك و شموخ وبعدهم نزلو سديم و جهان وراهم هاجر وهي تمسك حصة الي كانت خايفة و هي تشوف السلم الكبير الي ينزلوون منه و هاجر تحاول معاها عشان تنزل مها الي كانت وراهم يلا حصيص المفروض تروف الي اسوي كذا مو انتي الناس طابور ورانا تنتظر لو قلنا هاجر الي مسوية هالمناحة عذرناها لانها اول مرة تركب مب انتي الي راكبتها كذا مرة
    قالت ترف مستفسرة شنو فيه؟؟
    لفت مها ل ترف وقالت بحنان هاذي حصص خايفة تطيح من درج الطائرة
    كانت تتمنى انها تشوف عشان اشوف هالسلم الي يتكلمون عنه بس بعدت هالافكار من راسها و ضغطت على يد مها و هي تقول بنفسها " الحمدالله على كل حال "
    مها دزت حصة بخفة و حصة صارت تمشي بسرعة تبي توصل للارض و البنات ضحكو عليها من شكلها نزلت بعدها هاجر الي ابتسمت على شكل حصة و نزلت بعدهم مها و ترف و اخيرا رشا و ريم
    نزلو كلهم ووقفوا عند مكان واحد بعد ما خلصوا من الاجراءات الي اخذت منهم وقت طويل و جلسوا جنب شنطهم توجه لهم محمد اخو مها و اخو حصة بالرضاع اولاد خالة و قال لهم انه بيجي لهم باص متوسط الحجم بينقلهم للسكن القريب من الجامعة قالت حصيص حموود لا يكون تبينا انروح مع السواق لحالنا
    ابتسم محمد لها و قال ببتسامة عذبة حصيص بذمتك انا اقدر اسوي كذا
    حصة وهي تجلس على الشنطة ما ادري خفت اسويها من ورنا و تخلينا لحلنا
    محمد ابتسم افا ما هكذا الظن حصوص
    مها و هي تمسك ترف بيدها اقول اخلص انت و الهبلة الي جنبك
    استغرب محمد من مها الي كانت ماسكه يد ترف طول الوقت بس ما عطا الامر اهمية حب يقهر مها توجه لحصة وحوط خصرها على جنب و قال وهو يغمز لها انا و اختي انتي شنو دخلك بالنص
    مها بشبه غيره انا اختك من الام و الاب و هي من الرضاع يعني انا اولى فيها
    همس محمد لحصيص الي فطست من الضحك خلت قرون مها تطلع سوت نفسها مب مهتمة و راحت جنب البنات اتسولف معاهم و هو قعد يسولف مع حصة الى ان وصل الباص الي كان بيوصلهم للسكن دخل محمد الشنط بمساعدة سطام الي كان طول الوقت يختلس النضر للبنت و يتاكد من شكوكه و طلال و راشد و التؤم عبد العزيز و عبد الرحمن دخلو البنات الباص بعدها ركب محمد قدام مع السائق و قال لسطام و الشباب يسبقونه بسيارة مهند رفيقهم الي كان مستقبلهم بالمطار مهند ساكن بلندن لان امه من لندن و ابوه سعودي وصلو الى السكن البنات كانو هلكانين من التعب و كل وحدة تجر روحها جر اخذ لهم جناح كبير مره دخلو الجناح الي كان يتكون من صالة كبيرة مفروشة و مطبخ فيه درج 4 غرف فوق و 4 غرف تحت و الغرفة الوحدة فيها سريرين منفصلين ودولاب و حمام و تسريحة و كمودينة و مكتبة صغيرة و طاولتين كل وحدة سحبت شنطتها
    تكلمت شموخ وهي تتنفس بصعوبة من الشنطة الثقيلة الي بيدها يلا قسمو روحكم كل ثنتين بغرفة
    حصة راحت ل هاجر و مسكت يدها انا بكون مع هجوورة
    ملاك حبت تغير الوضع و اتصلح بيت جود و شموخ و ناضرت رحيل الي فهمت لها وهزت راسها بالموافقة و انا طبعا مع رحوولة تجاهلت نضرات جود الي خوفتها بجد
    مها و يد ترف للحين بيدها و الغرفة الثالثة لنا انا وترووف
    ريم وهي تقعد على الكنبة و تفصح الطرحة و العباية تكلمت رشا بهدوء عنها تنهي الكلام انا مع ريوم
    كل وحدة دخلت مع رفيقتها الغرفة و سكرو الغرف و بدو بترتيب ملابسهم بالدولاب و تجهيز الاغراض في كل مكان
    شموخ رفعت بصرها و هي مترددة نحو جود الي دخلت الغرفة الخالية تبعتها و هي مغمضة و تقول بنفسها " اعتذري مرة ثانية يمكن تقبل انا مب اول مرة اجرحها كذا كلا من لساني الي يرمي كلام اووف " نادتها بصوت متحجر جوود شافتها منسدحة على السرير و متغطية بالحاف و معطيتها ظهرها و هي تقول بنعاس نعم
    شموخ بسرعة نعامة ترفس..... " جد غباء و هذا انا بقول بمسك لساني " الله ينعم عليك
    كتمت جود ضحكتها و قالت بجدية بو طبيع ما يجوز عن طبعه .... شموخ هالمرة سماح المرة الثانية قطعها بوسة شموخ القوية على خدها قامت بسرعة وهي تمسح مكان البوسة بقرف وووع الله يقرفك يبي لي ديتول الحين راحت الحمام الله يعزكم
    شموخ بقهر مالت الشره علي قاعدة الحقك كاني غنمة سمعت جود كلامها و هي في الحمام فطست من الضحك بس سكتت يوم سمعت ارتطام الباب القوي لغرفتها دليل ان شموخ سكرته معصبة اخذت المنشفة و طلعت بر الغرفة شافت شموخ قاعدة على الكنب و معطيتها ظهرها ابتسمت بخبث و قربت بهدوء و صرخت بقوة بوووووووووووو
    صرخت وهي واقفه على الكنب يممممممه
    ضحكت بقوة و يدها على بطنها من الضحك يبي لك صورة
    انقهرت شموخ و قامت تلحق جود الي هربت و قعدو يراكضون بالصالة خرجو ملاك و رحيل من غرفتهم و شافوهم عادو مثل اول و احسن تكلمت جود الي جلست على الكنبة بتعب اووف تعبت شنو هاذي سريعة صاروخ مب بنت
    شموخ اتفل عليها تف تف لا تحسديني
    جود صرخت و هي تمسح وجها بيدها متقرفة وععع يا الحمارة الحين مو ديتول بعد الا يبي لي اخذ شور
    كتمت شموخ ضحكتها شنو.. انا سويت كذا عشان لا تحسديني تدرين اني فتاة انيقة و انتي عمود كهرباء
    جود بسخرية و هي تتوجه للحمام تكفين يا الحصان ما نقدر
    ملاك ورحيل هههههه
    لفت لهم شموخ بعد ما راحت جود يمه انتو من متى هنا
    رحيل بروقان و هي تجلس على الكنبة من يوم الانسات الفاضلات يركضون بالصالة كانهم جرابيع
    شموخ بعصبية مزيفة جرابيع بوجهك رجلك هو الجربوع مب حنا
    احمر وجه رحيل من الخجل قالت بعصبية زين فكينا يا الحصان
    شموخ حبت تحرجها زيادة و قالت بخبث الا اقول رحيل متى الاخ احمد ناوي يخطبك
    انصبغ وجه رحيل من الاحراج و فطست شموخ من الضحك و هي تضرب فيها و ملاك اتحاول اتفكهم و الضحكة كاتمتها
    سمعو الجرس يرن ركضت شموخ للباب و توها بتفتحه بس رحيل مسكتها شنو انتي خبلة
    شموخ لفت لها مستغربة ايش ؟؟؟؟؟
    رحيل بحدة اتذكري اننا بنات لوحدنا و ما في رجال معنا كيف تفتحين الباب
    شموخ و هي تحك شعرها امم طيب بس بنكلمه ما بنفتحه له
    رحيل توجهت لغرفتها و قالت سوي الي تبين مالي خص بس لا تفتحين الباب
    شموخ تقدمت للباب و قالت بصوتها العربجي مين في الباب
    ضحك على طريقة نطقها قال يجاريها انا الدب
    شموخ بستغراب ايش تبي
    كتم ضحكته وقال علبة الوان
    شموخ تفاعلت مع الدور اي لون ؟؟
    ما قدر يمسك ضحكته انفجر من الضحك ملاك سحبت شموخ و قالت لها جنيتي انتي و لا انخبلتي
    شموخ بغباء ايش
    ملاك بخوف كيف اتكلمي الرجال كذا
    شموخ ذلفي زين رجعت لباب و تكلمت ببرود ايش تبغي و ليه جاي هنا
    اتكلم بهدوء ممكن مها و حصيص
    شموخ: ليش ؟ و بعدين انت ما تستحي شنو حصيص بعد
    قال لها و هو متملل من وقفته برى و انتي و بعدين معك قلت لك هنا مها او حصيص
    شموخ ردت باستهتار للاسف ثنتيناتهم نايمين
    طالعتها ملاك بنص عين و هي تقول بنفسها " توها معنا شو هالكذب الي عليك "
    قال و هو يزفر طيب فتحي الباب عشان ادخل الاغراض
    شموخ: اغراض شنو دزتها ملاك و هي تقول بهمس قولي له يخلي الاغراض جنب الباب بعدين ناخذهم
    شموخ قالت له كلاك ملاك و زيدت ابهارات شوي اقول ترى حنا بنات لحالنا فلو سمحت خل الاغراض على الارض و حنا بعدين بناخذهم
    ابتسم محمد و قال بداخله " و الله و عرفتي تختاري اصدقاء تمام يا مها " لا تخافي تراني ما اكل
    شموخ بسخرية ولو ايش اضمني انك ما تكذب
    محمد طيب خلاص يخليهم هنا و انتو خذوهم بس انتبهو لا تفتحون الباب لاي احد
    شموخ بستنكار شايفنا بقر مانفهم
    كتم ابتسامته وقال لا مو كذا سكت شوي بعدها قال استاذن الحين و اذا قعدت مها او حصيص قولي لها تتصل لي
    لوت فمها و قالت بطفش طيب
    راح عنها لجناحهم هو و الشباب الي معه
    ..................
    في غرفة جهان و سديم ,
    كان الغرفة هادئة غير شخير سديم الي طغى على المكان طلعت جهان من الحمام و هي لافه الفوطة على راسها و تجفف فيه و و لابسة روب اصفر ابتسمت و هي تسمع شخير سديم المزعج و الله لو شموخ هنا لجرتك من شعرك لبرى الغرفة ضحكت على روحها لانها تكلم نفسها سمعت صوت برى الغرفة توجهت للباب و طلعت شافت شموخ تحمل اكياس فيها اكل و ملاك اساعدها عقدت حواجها و قالت بستفسار وين رحتو ؟؟
    شموخ لفت لها و قالت شنو وين رحنا الله يهداك يمدينا يعني هذا اخو مها جاب لنا اغراض للمطبخ
    جهان و هي تخفي احرجها لا فكرت انكم رحتو تشترون
    شموخ لوت فمها اقول بلا كثر حكي و تعالي ساعدينا بحمل الاكياس
    جهان توجهت لهم طيب
    .........................
    اخذ له كوفي ساخن و قعد يشرب و هو شبه سرحان قطع سرحانه صوت فتح الباب رفع بصره شاف محمد يدخل و يسكر وراه الباب لف له محمد بعد ما لاحظ وجوده غريبة الكل نام الا انت
    نزل الكاس عن شفايفه و قال بروقان مااحب اطول بالنوم
    رد عليه محمد الي قعد على كنبة ثانية الا قول شبعت من النوم بالطائرة لف له و شاف وجه اتغير فطس من الضحك عليه
    قال له و هو متنرفز ضحكت بلا ضروس
    محمد سكت و لف له لاتخليني اقوم و اكسر هالراس
    رد عليه و هو يطالعه بنص عين انت روس البنات ما قدرت تكسرهم اتجي تكسر راسي روح بالاول كسر روسهم بعدي .
    ما قدر يكمل لان جته مخدة على وجه رفع راسه وجع ايش هذا الاسلوب
    محمد وقف و توجه لغرفته اقول رشوود مب كان عطيتك وجه زيادة عن اللزوم
    راشد رجع انسدح على الكنبة و قال ببرود والله المفروض هالكلام لك
    طنشه محمد و سكر باب غرفته بقوة
    رااشد بصوت عالي مسكين الباب ليش تحط حرتك فيه هو ماله شغل
    محمد و هو داخل الغرفة و قال و هو معصب بصراخ لا تخلني اطلع من الغرفة و اجي اذبحك بيدي الحين
    فطس راشد من الضحك من عصبية محمد
    $$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$$$$$$$$$$

    البارت [ 3 ]
    لقاء حار ...

    انا الي دمعتي ما تنزل ... نزلت اليوم و السبب انت
    انا الي الغرور ماليني ..... انكسر اليوم و السبب انت
    انا الي كل الدلع فيني .... اختفى اليوم و السبب انت
    انا الي الثقة بعيني .... انهزت اليوم و السبب انت
    انت هدمت كل شي فيني
    اليوم الثاني صباح جديد على الصبايا اليوم بيروحون للجامعة كل وحدة منهم متحمسة لهذا الشي و متحفزة له بس يظل التوتر والخوف ياثر عليهم كانو يجهزون روحهم و مرتبشين مرة كل وحدة تصرخ من صوب وين جزمتي وين طرحتي وين اغراضي وين . الخ
    بعد ما خلصوا من تجهيز نفسهم نزلو تحت و لقوا باص متوسط الحجم يشبه لسيارة هو الي بيوصلهم كل يوم للجامعة
    دخلت وحدة وراء الثانية لين ما اكتمل عددهم و انطلق بهم الباص

    ...............
    بالسعودية ,

    .......... يمه خلاص لا تبكي انا يومين بالكثير و راجع لك
    تكلم بشبه غيره و هو مكتف يده ايه هذا انت و يومين قاعدة تبكي و انا ولد البطة السودة يمه اشر على اخوه الكبير هذا بيروح يومين و انا 10 شهور المفروض اي واحد تبكي عليه اكثر انا و لا اهو
    عواد طالعه بنص عين بلا كذب و الي سوته امس امي لك ايش تسميه
    قال يغير الموضوع انا ابي افهم ليش جاي معي تراني رجال مب بنت عشان تجي معي
    عواد بسخرية تراني مو رايح عشان سواد عيونك انا رايح لحبيبتي ترف
    قالت الام ويلي عليها اشتقلت لها موت تكفى وصل سلامي لها
    عواد و هو يسلم على راس امه تامرين امر يا الغالية
    رن جرس البيت و كان ولد خال عواد جاسم الي بيوصله لمطار
    عواد لف لسعود اخوه قوم افتح الباب جاسم وصل
    سعود افا عليك بس الحين صرخ ميري يا مال الوجع فتحي الباب
    عواد ناظره بستخفاف و ليه ما تفتحه انت
    قاطعهم حديثهم دخول جاسم السلام عليكم
    سلم على الكل و سلم على راس عمته اخبارك عمه
    ام عواد بحنية بخير دامك بخير
    جاسم وجه كلامه ل عواد يلا قوم ما باقي الا كم دقيقة و اتطير الطيارة
    قام عواد و سعود و حملوا شنطهم و حطوها بسيارة جاسم وودعو امهم مرة ثانية الي رجعت للصياح
    و انطلقوا الى لندن
    .................................

    في جامعة لندن ..

    كانو واقفين قريب من بوابة الجامعة و كل وحدة تفرك يدها من التوتر شموخ كانت واقفة وماسكة بيد رحيل الي تعدل نظاراتها و اطالع الناس الي رايحة و الي جاية ملاك الي كان بيدها كتاب و ضامته لصدرها و رشا الي مطلعة المراية الصغيرة و تطالع نفسها و البنات الباقين قاعدين على الكراسي و ترف و ريم الي مجودتها و مها الي الكيلنكس بيدها و كل شوي تعطس و هاجر كانت تقراء الايات الي حافظتها بقلبها و سديم الي حاطة رجل على رجل و قاعدة تتثاوب بملل و جهان جالسة جنبها و التوتر باين عليها جود و حصيص كانو مو موجودين لان كانو يطلعون اسماء البنات كل بنت باي صف
    مها و هي تعطس اتشووووو اووف هالجو خر.. اتشووووووو ماني قادر .... اتشوو
    هاجر بهدوء رحمك الله
    شموخ و ربي يبي لك صورة كل عطسة بريال ترى هاههههههههه
    دزتها رحيل و قالت يااهو تراك بجامعة مب ببيتكم عشان تضحكين كذا
    مها و خشمها صار احمر من كثر العطس ابي اروح الحمام مين ايجي معي ... اتشووووو
    رشا وقفت و قالت ببرود انا بعد ابي اروح
    ريم بهدوء و هي تحط رجل على رجل: انتو تدورن وين الحمام بالاول
    فتحت هاجر شنطتها و طلعت ورقة فيها خريطة للجامعة و طالعت و جنبها ريم الي شهقت بخفة يمه ذي جامعة و لا عمارة
    سحبت سديم الورقة من عندهم الجامعة مرة كبيرة تضيع الواحد امم الحمام على جهة اليسار
    مها اخذت الوقة من عندهم طيب انا و رشا بنروح و انتو انطرو لما جوود و حصيص يجون
    هز الكل راسه علامة الموافقة و مها راحت مع رشا وصلو للحمام و دخلو بعد ما تاكدوا انه للنساء
    ..............
    بمكان ثاني كان جالس بالكفتيريا و يشرب القهوة و هو يفكر بالي صار له رفع راسه من على الطاولة شاف البنت الي كانت تزوره في احلامه ضيق عيونه بيتاكد انها هي الي شافها بطائرة بعد ما شاف لون عيونها تاكد انها هي " انا متاكد ان في صله قرابه بينه و بينها بس شنو يا ربي " قطع سرحانه صوت طلال و هو يقول بستهبال سططططوم
    لف له سطام و قال بهدوء سطوم بعينك
    طلال و هو يلف ببصره للبنت الي كان سطام يطالعها قال بخبث اقوول سطوم
    سطام قال ببرود: و بعدين معك قلت لك لا تقول سطوم
    قال طلال و هو يقصد البنت الي كان يطالعها سطام سطوم تعرف هاذي البنت
    قال سطام بغير اهتمام نوو
    طلال تدري انها تقرب لراشد
    لف له وقال بسرعة قل قسم
    طلال و هو يجلس على الكرسي ما ادري هو يوم بالمطار قال لي
    قال في نفسه " يمكن تطلع بنت عمه " امممم
    طلال اصلان انا اول ما شفتها فكرتها ولد مع هالجسم قال بعدها بخبث الا اقول ترى انا ملاحظ نظراتك لها مع انها بويه و ما فيها شي يلفت النظر يعني اعترف شنو في
    حاول انه يضبط اعصابه قال ببرود لا بس مشبه عليها احد
    رد و هو يغمز له بخبث علي انا انت اشوي و تاكلها بعيونك و تقول انك مشبه اقول ما يمشي علي هالكلام يا بابا
    شرق بالقهوة الي يشربها و طلال ميت من الضحك عليه جا لهم راشد الي كان يتثاوب جلس معاهم بالطاولة و قال شفيه الاخ طلال مروق من الصبح و قاعد يضحك مو من عوايدك
    لف لطلال بتوتر خاف يفضحه قال بسرعة اقوول طلول شنو صار على شوق
    طلال وقف ضحك و ارتبك " و الله و عرفت تردها يا سطام مب هين ": و لاشي تركتها من يوم سافرت
    راشد و هو يغمز ل طلال مب ناوي تاخذ لك وحدة من هنا
    طلال افا عليك من الحين ارووح ادور لي وحدة
    سطام ببرود اقوول اركد انت وياه
    رفع راسه بتردد لمكان الي كانت واقفه فيه الي كان مكتوب فيه كل اسماء الطالبات و الطلاب الجدد كان يبي يعرف اسمها بس كيف ما في الا راشد الي بيقدر يسحب من عنده كلام بس طلال نشبه زفر بقهر و قال طلول وين عزوز و حمني
    طلال هز كتوفه و قال و هو يوقف للحين بالجناح هالدجاج انا برووح اشتري لي من الكفتيريا تبون اجيب لكم معي
    سطام " زين وفرت علي هذا الي ابيه ": لا ما نبي شي راح طلال
    تكلم سطام بعد ما رتب الكلام بمخه اقول رشود
    راشد بنعاس هلا
    كتم سطام ابتسامته " هذا بيسهل علي اكثر " ممم ما عندك احد من الاهل هنا
    راشد بملل لا ما عندي
    سطام " اووف شنو هالحظ كنت ابي اربط شي بس الخيط الي وصلت له خطا "
    سطام امم تعرف واحد اسمه ماجد ؟
    راشد لا
    >>>>>>>> يتبع

  3. #6
    الغموض سلاحي غير متصل جاي معه ملفه
    تاريخ التسجيل
    Feb 2011
    المشاركات
    14

    ....................................
    عند البنات ,,
    تقدمو لهم مها و رشا الي كانو راجعين من الحمام قالت مها لحصة هاا بشرو انشالله معي وحدة منكم
    حصة حبت تهبل فيها لا خسارة بتكونين لحالك
    مها شهقت بخفة قولي والله لا ما ابي اكون لحالي انتو جيش ايش كبره و لا وحدة معي
    حصيص دفتها بخفة جيش بوجهك
    تقدمت جهان لها و قالت ببتسامة لا تخافي انا معك
    قالت بفرح حلفي
    ضحكت جهان و الله
    جود قالت بهدوء انا مع خرموش.... و حصة و ريم و سديم مع بعض ...و ترف و رحيل و ملاك و هاجر مع بعض . و انتي و جهان مع بعض ....و رشا لحالها
    حست بخوف كونها لحالها و مافيه بنت معها بس ما بينت لهم شي و قالت بتروح تشتري لها شي من الكفتيريا و هم بيروحون للصف لان محاضراتهم بتبدا بعد فترة حطت لها سماعات لاذونها عشان تخفف التوتر كانت واقفة قدام بنت و تنتظر دورها بالطابور و ماكانت تدري بالعين الي ورها بسبب انشغالها بلايفون
    ..............
    كان ينطر دوره و يناظر البنت الي قدامه و معطته ظهرها و ريحة عطرها العذاب اداعب انفه سمع صوت خفيف شافها ماسكة الايفون بيدها ابتسم بخبث " حلو حلو صيدة جديدة " قرب لها شوي و قال بصوته الجوهري شفيه الحلو سرحان
    ماردت عليه اتكلم مرة ثانية فديت هالعيون انا سمعت كلامه لان الاغنية الي تسمعها خلصت انقهرت من اسلوبه و لفت له و قالت بعصبية خير
    قال و هو يناظر بعينها الرمادية الفاتحة الي جذبته الخير بوجهك
    ارتبكت من نظرته الي حرقتها و قالت بثقة عكس الي دااخلها نعم شنو تبغي
    قال ببتسامة جذابة بينت غمزاته على الخدين الله ينعم عليك
    انقهرت من رده و قالت و على تثبت اعصابها طيب ممكن توخر
    قال لها بخبث و ايدينه في جيبه ليش ؟؟
    من جد كانت تبي تعطيه كف يطيره للسماء من وقاحته و قالت بهدوء ابي امر و انت ساد علي الطريق
    هز راسه بطريقة حلوة و هو يحرك صبعه يمين و يسار اممم طيب بشرط
    طلعت عيونها و قالت بنفسها " وقح شو هالميانة شكله رجال مو هين " قالت بصوت منخفض من متى الميانة انشالله
    قال و هو كاتم ضحكته طيب انا ايش قلت ... قلت لك بشرط ما قلت لك تعالي معي الشقه عشان تقولي كذا
    شهقت من كلمته الثانية حست ان كل الشياطيين الي بالجامعة تجمعو فوق راسها قالت و هي تضرب برجلها على الارض بقوة و تطلع صوت قوي بالكعب انت شنو تبي مني بالضبط
    قال لها و هو يغمز لها و يطلع ورقة من جيبه و يمد يد ليدها و توه بيمسك يدها عشان يحط الورقة بيدها لكنها سبقته بكف قوي خلته واقف بذهوول يطالعها و هي مجودة يدها الثنتين و حاطتهم على صدرها بخوف من عيونه الي خرعتها بجد
    قال لها و الشرر يتطاير من عينه ماكون طلال ان ما ذبحتك بيدي للحين ما جابتها امها الي تمد يدها على طلال قال بصراخ يخوف خلا نص الناس الي بالجامعة يطالعونه فااهمة
    حست بخووف من كلامه و ضلت ترتجف قالت بصوت مهزوز انت اصلا مب رجال الرجال ما يمد يده على بنت
    توه بيهجم عليها و يعطيها كف بس اليد الي انمدت و مسكته بقوة منعته رفع راسها شاف عبد العزيز ماسك يده بقوة قال بصراخ هدني عليها خلا اذبحها بنت الكلب انا ابوي ما تجرا يعطيني كف تجي هاذي بنت الشووارع ترفع يدها علي
    حست بدموعها متطرفة على اهدابها هو جرحها بقوة كيف يقول لها بنت شوارع و بعد يقول لها بنت الكلب قوية عليها قالت بصوت عالي انت انسان جبان متخلف ما عندك الا حركات المغازل انت ولد الشورااع الي يلعب على بنات الناس ما فكرت ان ممكن يصير بخواتك انت مب رجال و انا ابصم بالعشرة ما في رجال يمد يده على بنت
    جن جنوه من كلامها اكره ما على الرجال بنت تقوله انت مب رجال وعبد العزيز يهديه قال له استهدي بالله يا طلال ما يصير كذا
    قال له و عيونه حمر من الغضب انت ما تسمعها شنو تقوول بنت الكلب
    انجرحت هالمرة من الصميم من كلامه و لامرة بحياتها عاملها احد بهاذي الطريقة قالت بقوة غريبة احترم نفسك ابوي يسواك و يسوى عشرة من امثالك انت الكلب النجس الي اول مره بحياتي اشوف مثله
    طلعت عينه من كلامها و حس بدم يجري بجسمه دف عبد العزيز بقوة و راح لها و هي ما هي قادة تتحرك من مكانها تحس ان الارض مب شايلتها و اسنانها البيضة الناصعة تتلاطم من الخوف و الارتجاف تقدم لها و قال بسخرية انت قلتي انا الرجال ما يضرب الحرمة طيب فهمناها تفل عليها بقوة و قال باحتقار انت وحدة **** ما ابي اوسخ نفسي معاك تركها و راح و خلاها روح بلا جسد بقيا انثى مجروحة بقوة دموعها طاحت على خدها مدت يدها لخدها و مسحت الدموع و قالت بهمس ببتسامه الم رشا الي عمرها ما بكت من 5 سنوات ايجي هذا ويخليني ابكي رفعت راسها شافت كل البنات و الرجال الي بالجامعة يطالعونها بشفقة على الي صار ما تحب هالنظرة لها ما تحب احد يناظرها بهاذي النظرة حست روحها منبوذة بينهم حست بحقد كبير لهذا الانسان
    ................................
    بالصف الي فيه حصة سديم ريم ..
    جالسين ينتظرون الدكتور يدخل عليهم حصة و جنبها ريم و اخر شي سديم
    تكلمت ريم بهمس حصيص شوفي البنت الي هناك
    قالت حصة و هي متفاعلة معها ايش فيها
    سديم داخلة عرض قالت بستهبال فيها جرب
    شهقت حصة بقوة اييييش ؟
    دزتها ريم وجع فضيحة انتي و انا اقول افتكيت من المهرج شموخ تطلعو انتو اخس منها
    قالت سديم و هي تحط رجل على رجل اقول حصيص شكل الاخت كرهتنا من القلب
    قالت حصة و هي تمثل الحزن اي و الله ما عندها الا ... و لا اسكت احين
    قالت ريم و هي تتخصر كملي كملي شنو قصدك
    توها بتتكلم سديم بس قطعها دخول الدكتور و هو يسلم طالعوه كل الي بصف باعجاب كان شباب كانو يتوقعونه في مقتبل العمر كان يبين عليه انه توه بالعشرينات و ملامحة كانت خليجة مب اجنبي اتوجه للطاولة و جلس و قال بهدوء و هو يحط الاغراض الي كانت بيده على الطاولة ارجو منكم الجلوس ....... <<<<< كان يتكلم بالنجليزي بس انا بترجمه علشان اسرع
    جلسو الطلبة قالت ريم و هي تنح بنات شفتو الي انا اشوفه
    حصة وهي تحط يدها على خدها قطيعة و انا مفكرته شايب . كنت بطلع له قرون
    ريم قالت و هي تتامله بشغف واااي شكله عذااب حصيص امسكني لا اذووب
    قالت حصة و هي تناظر بوجهه شكله يبين انه خليجي مب اجنبي
    ريم بحماس الا قولي 100 خليجي و سعودي بعد
    عقدت حصيص حواجبها بستغراب و ايش دراك انه سعودي
    ريم احساس الا اقول سدووم ما عطيتنا رايك فيه
    التفتو لسديم شافوها تاكل حب شمسي رقي و تحرك رجايلها الي كانو فوق بعض لفت لهم و قالت اقول عن شنو؟؟؟؟؟؟؟
    ريم بهمس شلي هالحب و كليه بعدين لو شافك الدكتور بيطردك الحين
    كانت بتتكلم بس سبقها الدكتور و هو يقول بستغراب هي انتي ما الذي تفعلينه
    قال سديم و هي تاشر لنفسها من فوق لتحت ببرود تكلمني انا .... يوو سوري نسيت انك ابهم ما تعرف عربي قالت بالنجليزي يوو توك وذ مي هل تتكلم معي
    انقهر من اسلوبها و قال لها باسلوب امر حازم بليز قو اووت لو سمحتي طلعي بره
    قالت و هي تتوجه لباب احسن فكه من ووجهك الي سبب لي لوعة من الصبح
    شهقت ريم وحطت يدها على فمها تمنع الشهقة و حصيص كانت ماسكة ضحكتها اما الدكتور فاتح فمه من جرائتها لحقها بره و سكر الباب وراه بقوه خلا الطلاب ينقزون بخووف اما برى فكان الوضع متازم
    تكلم الدكتور ببرود انتي قد الكلام الي قلتيه انسة سديم
    استغربت سديم كيف يعرف اسمها قالت تغير الموجة يوو انت تتكلم عربي
    ابتسم لها بسخرية و قال يوو تتكلمين عربي متاكدة انك مو اجنبية مع هالوجه هذا
    قالت له ببرود عكس الي داخلها الكلام المفروض لك مب لي
    عد من داخله من 1 الي عشره لا يقوم يكفخها الحين ولما هدئ رفع ايده و قال بتهديد هاذي اخر مرة لك تتكلمي معي بهاذي الطريقة و اذا ما سويتي الي قلت لك عليه بفصلك من هاذي الجامعة
    قالت بسخرية ليش مدير الجامعة و انا مدري
    قال بغرور و هو يكتف ايدينه على صدره لا ولد المدير
    استغربت كيف ولد المدير و يدرس بجامعته قالت بلا مبالاة طيب شسوي لك
    تعدل بوقفته و قال و هو يعدل بدلته الرسمية لا بس حبيت اقول لك هذا اول انذار لك و اذا تعديتين حدودك بشوف شي ما شفتيه بحياتك
    قالت بثقة و شنو بسوي مثلا
    ابتسم على ثقتها الزايدة تقدم لها و قرب فمه من اذونها و قال بخبث اول شي بسويه امك جلنار بدخلها السجن
    سنتين زيادة
    فتحت عينها على قوتها لمع اللون الاخضر الي بعيونها قال لها بسخرية و هو يرفع صبعين سلاام يا بنت عزام
    ..........................
    بالصف الثاني الي فيه جود شموخ
    كان العكس تماما الدكتور الشايب يسمع كل طالب يعرف عن نفسه اجا دور شموخ الي كانت تتثاوب دزتها جود ووقفت و قالت بنعاس اقول يالشايب انت رحت الحلاق و حلقت هالشنبات البيض اصبغهم بعدها بالاسود صدقني بتطلع جنتل مان
    الخليجين الي بصف فطسو من الضحك و جود ماسكة ضحكتها الدكتور عقد حواجبه بستغراب فهم ان قالت له بس جنتل مان حس انها تسخر عليه قال مالذي كنتي تقولينه ؟؟؟؟؟
    قالت شموخ بالنجليزي هالمرة كنت اقول انك رجل رائع بمعنى الكلمة و من المفترض ان تكون جنتل مان
    اتنح الدكتور بفخر و قال بغرور شكرا و الان هل من الممكن ان تعريفنا على نفسك ؟
    شموخ بسخرية ليش قاعدة بالشات و انا مدري
    كتمو الطلاب ضحكتهم و قال لها عفوا !
    قالت شموخ بثقة انا اسمي شموخ محمد جاسم ال...... عمري 18 سنة
    قال الدكتور شكرا تفضلي قعدت شموخ و حطت راسها على الطاولة و كملت نووم
    جا دور وجود وقفت و قالت اسمها البويه انا اسمي جواد فواز ماجد ال.....
    شموخ ما انتبهت لان كانت شبه نايمة و هذا ساعد جود كثير
    انتهى البارت 2 و 3 و انشالله ينال اعجابكم

صفحة 2 من 5 الأولىالأولى 1234 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران